ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

21ನೇ ತಾರೀಖ್ ಗ್ ಕುತ್ತಾರ್ ಕೊರಗಜ್ಜ ಕ್ಷೇತ್ರಗ್ ಪಾದಯಾತ್ರೆ

ಕುಡ್ಲ : ದೇವಸ್ಥಾನ, ದೈವಸ್ಥಾನದ ಪಣವುದ ಡಬ್ಬಿ ಡ್ ಅವಹೇಳನಕಾರಿ ಬರಹ, ಕಾಂಡೋಮ್‌ ಪಾಡುನ ಮುಖೇನ ಕ್ಷೇತ್ರನ್ ಅಪವಿತ್ರ ಮಲ್ದೆರ್ . ಇಂಚಿನ ಕೃತ್ಯಲೆನ್ ಸಂಪೂರ್ಣ ವಾದ್ ಉಂತಾಯರೆ ದೈವ ದೇವೆರ್ನ ಅಭಯ ಕೆಂದೆರ್ , ನೆತ್ತ ಪರವಾದ್ ಮಾರ್ಚ್ 21ನೇ ತಾರೀಖ್ ಗ್ ಪೇಂಟೆದ ಕದ್ರಿ ಮಂಜುನಾಥ ದೇವಸ್ಥಾನರ್ದ್ ಕುತ್ತಾರ್ ದ ಕೊರಗಜ್ಜ ಆದಿ ಕ್ಷೇತ್ರಗ್ ಪಾದಯಾತ್ರೆ ಅಟ್ಟನೆ ಮಲ್ದೆರ್ ಪಂದ್ ವಿಶ್ವ ಹಿಂದೂ ಪರಿಷತ್ ಜಿಲ್ಲಾ ಘಟಕದ ಗುರ್ಕಾರ್ಲಾಯಿನ ಗೋಪಾಲ್‌ ಕುತ್ತಾರ್‌ ಪಂಡೆರ್ .

ಮಹಿಳಾ ಕ್ರೀಡಾಕೂಟ-2021: ತ್ರೋಬಾಲ್ ಪಂದ್ಯಾಟಡ್ ಮಕ್ಕಿಮನೆ ಕುಡ್ಲ ಕೂಟಗ್ ಸುರುತ್ತ ಇನಾಮು

ಕುಡ್ಲ : ದ.ಕ ಜಿಲ್ಲಾಡಳಿತ, ದ.ಕ ಜಿಲ್ಲಾ ಪಂಚಾಯತ್, ಕುಡ್ಲ ಮಹಾನಗರಪಾಲಿಕೆ , ಯುವ ಸಬಲೀಕರಣ ಬೊಕ್ಕ ಕ್ರೀಡಾ ಇಲಾಖೆ ಕುಡ್ಲ ಮೆಕ್ಲೆನ ಒಟ್ಟು ಸೇರಿಗೆಡ್ ಸೋಮವಾರ ಕುಡ್ಲದ ಮಂಗಳಾ ಕ್ರೀಡಾಂಗಣಡ್ ನಡತಿನ ಮಹಿಳಾ ಕ್ರೀಡಾಕೂಟ-2021 ತ್ತ ತ್ರೋಬಾಲ್ ಪಂದ್ಯಾಟಡ್ ಮಕ್ಕಿಮನೆ ಕುಡ್ಲ ಕೂಟ ಸುರುತ್ತ ಇನಾಮು ಪಡೆತ್oಡ್.

ಮೋನಿಷಾ , ಪ್ರಜ್ವಿತ, ಪೂಜಾ ಡಿ, ವಿಜೇತಾ, ಅನನ್ಯ, ಹರ್ಷಿತಾ ಆರ್, ಸಂಜನಾ, ತಪಸ್ವಿ, ರಕ್ಷಿತಾ ಶೆಟ್ಟಿ , ಲೀಶಲ್, ನಿರೀಕ್ಷಾ, ವಿಜಯಲಕ್ಷ್ಮಿ ಪೈ, ಶಿಲ್ಪ ರಾವ್ ಪಾಲ್ ಪಡೆದ್ ಇತ್ತೆರ್ .
ಕೂಟದ ಗುರ್ಕಾರ್ಲಾಯಿನ ಸುದೇಶ್ ಜೈನ್ ಮಕ್ಕಿಮನೆ ಪಾಲ್ ಪಡೆದ್ ಇತ್ತೆರ್ .

ಕಾಂಡೆ ನಡತಿನ ಉದಿಪನದ ಲೇಸ್ ಡ್ ದ. ಕ ಜಿಲ್ಲಾ ಪಂಚಾಯತ್ ಗುರ್ಕಾರ್ದಿ ಶ್ರೀಮತಿ ಮೀನಾಕ್ಷಿ ಶಾಂತಿಗೋಡು, ಉಪಾಧ್ಯಕ್ಷೆ ಶ್ರೀಮತಿ ಕಸ್ತೂರಿ ಪಂಜ, ಬೊಕ್ಕ ಶ್ರೀಮತಿ ಧನಲಕ್ಷಿ ಗಟ್ಟಿ, ಸಂಧ್ಯಾ ಎಂ. ಆಚಾರ್, ಶ್ರೀ ಪ್ರದೀಪ್ ಡಿ’ಸೋಜ, ವಿನೋದ್ ಕುಮಾರ್ ಸಸಿಹಿತ್ಲು ಪಾಲ್ ಪಡೆದಿತ್ತೆರ್.