ರಾಜ್ಯದ ಸುದ್ದಿ | State News

Actress Samantha fulfills vows at Palani temple 600 ಮುಟ್ಟು ಮಿತರ್ದ್ ಪರಕೆ ಸಂದಾಯಿನ ಚಿತ್ರ ನಟಿ ಸಮಂತಾ

ಹುಷಾರ್‌ದಾಂತೆ ಇಪ್ಪುನ ನಟಿ ಸಮಂತಾ ಆರೋಗ್ಯ ರಕ್ಷಣೆಗ್ ಬೋಡಾದ್ ತಮಿಳುನಾಡ್‌ದ ಪಳನಿ ಮುರುಗನ್ ದೇವಲ್ಯದ 600 ಮುಟ್ಟುನು ಮಿತರ್ದ್ ಪರಕೆ ಸಂದಾದೆರ್.

ಅಯಿರ್ದ್ ಬೊಕ್ಕ ಕರ್ಪೂರ ಪೊತ್ತಾದ್ ಪೂಜೆ ಮಲ್ತೆರ್. ಈ ಪೊರ್ತುಡು ಪಿಚ್ಚರ್‌ದ ನಿರ್ದೇಶಕೆರ್ ಬೊಕ್ಕ ಅರೆನ ದೋಸ್ತಿಲು ಒಟ್ಟುಗು ಇತ್ತೆರ್. ಪೊಲೀಸೆರ್‍ಲಾ ಅರೆಗ್ ಭದ್ರತೆ ಕೊರ್ದಿತ್ತೆರ್.

Actress Samantha fulfills vows at Palani temple

Actress Samantha who has recovered from her recent illness fulfilled her vows at Palani temple in Tamilnadu after climbing 600 steps of the temple.She offered prayers at the temple.

Kodagu: Man eater tiger that killed two people finally caught ಕೊಡಗು: ರಡ್ಡ್ ಜನನ್ ಕೆರ್ದ್ ಪಾಡಿನ ಪಿಲಿನ್ ಪತ್ತಿನ ಅರಣ್ಯ ಇಲಾಖೆ

ಕೊಡಗು ಜಿಲ್ಲೆಡ್ ರಡ್ಡ್ ಜನನ್ ಕೆರ್ದ್ ಪಾಡಿನ ಪಿಲಿನ್ ಅರಣ್ಯ ಇಲಾಖೆದ ಸಿಬ್ಬಂದಿಲು ಅಂಗಾರೆ ಕಾರ್ಯಾಚರಣೆ ಮಲ್ತ್‌ದ್ ಪತ್ ಯೆರ್.

ಪೊನ್ನಂಪೇಟೆ ನಾಣಚ್ಚಿಗೇಟ್ ಕೈತಲ್ ತೋಜಿನ ಪಿಲಿಕ್ಕ್ ಮತಿ ತಪ್ಪುನ ಇಂಜೆಕ್ಷನ್ ಶೂಟ್ ಮಲ್ತ್ ದ್ ಪಿಲಿನ್ ಪತ್ ದೆರ್. ಬೊಲ್ಪುರ್ದು ಕಾರ್ಯಾಚರಣೆ ಮಲ್ತೊಂದಿತ್ತಿನ ಅರಣ್ಯ ಇಲಾಖೆದ ಸಿಬ್ಬಂದಿಲು, ದಸರಾ ಆನೆ ಅಭಿಮನ್ಯು ಮುತಾಲಿಕೆಡ್ ಇನಿ ಅವೆನ್ ಪತೊಂದು ಕಾರ್ಯಾಚರಣೆ ಮಲ್ತ್‌ದೆರ್.

Kodagu: Man eater tiger that killed two people finally caught

The tiger was seen at near Ponnampet and was tranquilised by forest officials and then captured.Effforts were on by a team of the forest department from morning and finally they were able to catch the tiger.

BJP MLA Kumaraswamy given a four year jail term ಬಿಜೆಪಿ ಶಾಸಕೆರ್ ಕುಮಾರಸ್ವಾಮಿಗ್ 4 ವರ್ಷ ಜೈಲ್ ಶಿಕ್ಷೆ

ಬೆಂಗ್ಲೂರ್: ಚೆಕ್ ಬೌನ್ಸ್ ಕೇಸ್‌ ಡ್ ಮೂಡಿಗೆರೆ ಬಿಜೆಪಿ ಶಾಸಕೆರ್ ಎಂ ಪಿ ಕುಮಾರಸ್ವಾಮಿ ಮೆರೆಗ್ 4 ವರ್ಷ ಜೈಲ್ ಶಿಕ್ಷೆ ಆಯರೆ ಉಂಡು.

ಹೂವಪ್ಪ ಗೌಡ ಮೆರೆರ್ದ್ ಕುಮಾರಸ್ವಾಮಿ 1.25 ಕೋಟಿ ರೂ. ಸಾಲ ದೆತೊಂದಿತ್ತೆರ್. ಈ ಕಾಸ್‌ಗಾದ್ ಕುಮಾರಸ್ವಾಮಿ 8 ಚೆಕ್ ಕೊರ್ದಿತ್ತೆರ್. ಆಂಡ ಮಾತ ಚೆಕ್ ಬೌನ್ಸ್ ಆದಿತ್ತ್ಂಡ್. ಈ ವಿಚಾರೊಡು ಹೂವಪ್ಪ ಗೌಡ ಕೋರ್ಟ್‌ಡ್ ಕೇಸ್ ದಾಖಲ್ ಮಲ್ತ್‌ದಿತ್ತೆರ್. ಕೇಸ್‌ದ ಇಚಾರಣೆ ಮಲ್ತಿನ ಬೆಂಗ್ಲೂರ್‌ದ ಜನಪ್ರತಿನಿಧಿಲೆನ ವಿಶೇಷ ನ್ಯಾಯಾಲಯ ನ್ಯಾಯಮೂರ್ತಿಲು ಜೆ.ಪ್ರೀತ್ ಮೇರ್ ಈ ತೀರ್ಪು ಕೊರ್ತೆರ್.

An Ambulance breaks down – A pregnant woman in pain struck for two hours ನಡುಸಾದಿಡೇ ಹಾಳಾಯಿನ ಅಂಬುಲೆನ್ಸ್: 2 ಗಂಟೆ ನರೆಲೊಂದು ಇತ್ತಿನ ಬಂಜಿನಾಲ್

ಚಿಕ್ಕಮಗಳೂರು: ಸರ್ಕಾರಿ ಅಂಬುಲೆನ್ಸ್ ನಡು ಸಾದಿಡೇ ಹಾಳ್ ಆದ್ 2 ಗಂಟೆ ಸಾದಿಡೆ ಬಂಜಿನಾಲ್ ಪೊಂಜೋವು ನರೆಲೊಂದು ಇತ್ತಿನ ಘಟನೆ ಕಳಸ ತಾಲೂಕ್‌ದ ಹಳುವಳ್ಳಿ ಗ್ರಾಮಡ್ ನಡತ್ಂಡ್.

ಅಂಬುಲೆನ್ಸ್ ಹಾಳ್ ಆತಿನ ಮಾತ್ರ ಅತ್ತಂದೆ ಅಯಿತ್ತ ಟಯರ್‌ಲ ಪಂಚರ್ ಆದಿತ್ತ್ಂಡ್. ಪೆದ್ದರೆ ಪಂದ್ ಕೊಪ್ಪ ಆಸ್ಪತ್ರೆಗ್ ಕೊನನಗ ಕಳಸ-ಬಾಳೆಹೊನ್ನೂರು ಮಾರ್ಗದ ಹಳುವಳ್ಳಿ ದಲ್ಪ ಹಾಳಾತ್ಂಡ್. ಅಯಿರ್ದ್ ಬೊಕ್ಕ ಬೇತೆ ಅಂಬುಲೆನ್ಸ್‌ನ್ ಕನಪಾದ್ ಆಸ್ಪತ್ರೆಗ್ ಕೊನತೆರ್. ಇತ್ತೆ ಪೊಂಜೋವು ಆಣ್ ಬಾಲೆನ್ ಪೆದ್ದ್‌ದಿತ್ತ್‌ದ್ ರಡ್ಡ್ ಜನಲ ಹುಷಾರ್ ಉಲ್ಲೆರ್.

An Ambulance breaks down – A pregnant woman in pain struck for two hours

An ambulance breaks down enroute to the hospital and a pregnant woman in the ambulance gets stranded for two hours in Kalasa taluk.

Later she was shifted to another ambulance and taken to hospital where she delivered a baby boy. Both mother and baby are doing fine.

Boy dies after getting struck in a lift ಲಿಫ್ಟ್‌ಡ್ ತಿಕೊಂದು ತೀರ್ ಪೋಯಿನ ಆಣ್

ದಿಲ್ಲಿ: ಕೂಲರ್ ಫ್ಯಾಕ್ಟರಿ ಒಂಜೆತ್ತ ಲಿಫ್ಟ್‌ಡ್ 15 ವರ್ಷದ ಆಣ್ ತಿಕ್ಕೊಂದು ತೀರ್ ಪೋಯಿನ ಘಟನೆ ಉತ್ತರ ದಿಲ್ಲಿ ಜಿಲ್ಲೆದ ಬವಾನಾ ಪೊಲೀಸ್ ಠಾಣೆದ ವ್ಯಾಪ್ತಿಡ್ ನಡತ್ಂಡ್.

ಲೋಕೇಶ್ ತೀರ್ ಪೋಯಿನ ಆಣ್ ಪಂದ್ ಗುರ್ತಿಸಾದೆರ್. ಆಣನ ಅಪ್ಪೆ ಫ್ಯಾಕ್ಟರಿಡ್ ಬೇಲೆ ಮಲ್ತೊಂದಿತ್ತೆರ್. ಆಣ್ ಗೊಬ್ಬೊಂದು ಲಿಫ್ಟ್‌ದ ಉಲಯಿ ಪೋತೆರ್. ಲಿಫ್ಟ್‌ದ ಎಲಿವೇಟರ್ ದ ಅಡಿಕ್ಕ್ ತಿಕೊಂದು ತೀರ್ ಪೋಯೆರ್.

A six year old boy takes his sick father to the hospital in a push cart ಹುಷಾರ್‌ದಾಂತಿನ ಅಮ್ಮೆರೆನ್ ನೂಕೊಂದು ಪೋಪಿನ ಗಾಡಿಡ್ ಆಸ್ಪತ್ರೆಗ್ ಕೊನೊಯಿನ 6 ವರ್ಷದ ಮಗೆ!

ಭೋಪಾಲ್: ಹುಷಾರ್‌ದಾಂತಿನ ತನ್ನ ಅಮ್ಮೆರೆನ್ ಆಜಿ ವರ್ಷದ ಆಣ್ ಮಗೆ ಒರಿ ನೂಕೊಂದು ಪೋಪಿನ ಗಾಡಿಡ್ ಪಾಡ್ದ್ ಆಸ್ಪತ್ರೆಗ್ ಸೇರ್ಸಾಯಿನ ಘಟನೆ ಮಧ್ಯಪ್ರದೇಶದ ಸಿಂಗ್ರೌಲಿಡ್ ನಡತ್ಂಡ್.

ಅಮ್ಮೆರ್ ಜೋರು ಹುಷಾರ್‌ದಾಂತೆ ಬೂರ್ನಗ ಆಸ್ಪತ್ರೆಗ್ ಕೊನೊವರೆ ಅಂಬುಲೆನ್ಸ್ ಬತ್ತಿತ್ತಿಜಿ. ಅಂಚಾದ್ ಮಗೆ ಅಪಗನೇ ಗಾಡಿಡ್ ಪಾಡೊಂದು ಆಸ್ಪತ್ರೆಗ್ ಸೇರ್ಸಾದೆ.

Tandoori roti banned ನನ ತಂದೂರಿ ರೊಟ್ಟಿ ಮಲ್ಪರೆ ಇಜ್ಜಿ!

ಮಧ್ಯಪ್ರದೇಶಡ್ ನನ ತಂದೂರಿ ರೊಟ್ಟಿ ತಯಾರ್ ಮಲ್ಪರೆ ಇಜ್ಜಿ!

ಭೋಪಾಲ್, ಇಂದೋರ್, ಜಬಲ್‌ಪುರ ಬೊಕ್ಕ ಗ್ವಾಲಿಯರ್‌ದ ಮಾತ ಹೋಟೆಲ್ ಡ್ ತಂದೂರಿ ರೊಟ್ಟಿ ತಯಾರ್ ಮಲ್ಪುನೆನ್ ರಾಜ್ಯ ಸರ್ಕಾರ ನಿಷೇಧ ಮಲ್ತ್‌ದ್ಂಡ್.

ತಂದೂರಿ ರೊಟ್ಟಿ ಮಲ್ಪುನೆಡ್ದಾವರ ಪುಗೆ ಎಚ್ಚ ಆದ್ ಪಸಂತ್ರ (ಪರಿಸರ) ಹಾಳಾಪುಂಡು ಪಂದ್ ಸರ್ಕಾರ ನಿಷೇಧ ಮಲ್ದ್ಂಡ್. ಸರ್ಕಾರದ ನಿಯಮನ್ ಮೀರ್ಂಡ 5 ಲಕ್ಷ ರೂ. ದಂಡ ಉಂಡು ಪಂದ್ ಲ ಎಚ್ಚೆರ್ಗೆ ಕೊರ್ತುಂಡು.

Tandoori roti banned

The Madya Pradesh has taken an important decision and have banned tandoori roti in restaurants in Bophal, Indore, Jabalpur and Gwalior. Making of tandoori roti is increasing air pollution,and those who don’t abide by these rules will be fined five lakh rupees. This decision of the government will have strong consequences on the hotel industry.