ಬೆಂಗಳೂರು: ತುಳುವೆರೆ ಚಾವಡಿ (ರಿ.) ಬೆಂಗಳೂರುದ ೨೫ನೇ ವರ್ಷದ ಬೊಳ್ಳಿ ಪರ್ಬ ಸಂಬುರ್ಮೊದ ಪೊರ್ತುಡು ತುಳುನಾಡ್ದ ಸಿರಿ, ಜೋಕ್ಲೆ ಪದ ಸಾಹಿತ್ಯದ ಜೋಕುಲೆ ಉಜ್ಜಾಲ್ ಬೂಕು ಬುಡುಗಡೆ, ಸತ್ಯಪ್ಪೆ ಬಾಲೆಲೆ ಸುರುತ ಆಡಿಯೊ ಬೂಕು ಬಿಡುಗಡೆ ತೇದಿ 12-02-2023 ಐತಾರ ರವೀಂದ್ರ ಕಲಾಕ್ಷೇತ್ರೊಡ್ ಕಾಂಡೆ 10 ಗಂಟೆಡ್ದ್ ಶುರು ಆವರೆಂಡು.
ಲೇಸ್ದ ಉದಿಪನ ಮಲ್ಪರೆ ಪರಮ ಪೂಜ್ಯ ಶ್ರೀ ಶ್ರೀ ಗುರುದೇವಾನಂದ ಸ್ವಾಮೀಜಿ, ಒಡಿಯೂರು,ಮಲ್ಲ ಬಿನ್ನೆರಾದ್ ಮಾಜಿ ಮುಖ್ಯಮಂತ್ರಿಲಲಾಯಿನ ವೀರಪ್ಪ ಮೊಯ್ಲಿ, ಸದಾನಂದ ಗೌಡ, ಸಚಿವೆರಾಯಿನ ವಿ.ಸುನೀಲ್ ಕುಮಾರ್, ಕೆ ಗೋಪಾಲಯ್ಯ, ವಿರೋಧ ಪಕ್ಷದ ಉಪನಾಯಕೆರ್ ಯು.ಟಿ.ಖಾದರ್, ಶಿಕ್ಷಣ ತಜ್ಞೆರ್ ಕೆ.ಇ.ರಾಧಾಕೃಷ್ಣ, ಮೂಡಂಬೈಲು ರವಿ ಶೆಟ್ಟಿ,ಕತಾರ್, ವಸಂತ ಶೆಟ್ಟಿ ಬೆಳ್ಳಾರೆ, ಬಿ.ಗುಣರಂಜನ್ ಶೆಟ್ಟಿ, ಉಮೇಶ್ ಶೆಟ್ಟಿ, ಕೆ.ವಿ.ರಾಜೇಂದ್ರ ಕುಮಾರ್, ಪ್ರಭಾಕರ ಎಸ್ ಪೂಜಾರಿ, ಉಪೇಂದ್ರ ಶೆಟ್ಟಿ, ಸೌಂದರ್ಯ ಪಿ.ಮಂಜಪ್ಪ, ವಿನೋದ್ ಕುಮಾರ್, ಮೊಕುಲು ಪುರ ಪಾಲ್ ಪಡೆಯೆರೆ ಉಲ್ಲೆರ್.
ಯಕ್ಷಗಾನ ಹಾಸ್ಯ ಕಲಾವಿದೆರ್ ಸೀತಾರಾಮ ಕುಮಾರ್ ಕಟೀಲ್, ಹಿರಿಯ ತುಳು ಸಾಹಿತಿ ಕುಶಲಾಕ್ಷಿ. ವಿ. ಕುಲಾಲ್ ಕಣ್ವತೀರ್ಥ, ಸಮಾಜ ಸೇವಕೆರ್ ರವಿ ಕಟಪಾಡಿ, ಪ್ರಕಾಶ್ ಜೆ ಶೆಟ್ಟಿಗಾರ್, ಮೂಡಬಿದ್ರೆ, ಮೊಕುಲು ಪುರ ಸಮಾಜಗೊ ಮಲ್ತಿನ ಸಾಧನೆನ್ ಗುರುತಿಸಾದ್ ತುಳುವೆರೆ ಚಾವಡಿದ ತುಳುನಾಡ್ದ ಸಿರಿ ಪ್ರಶಸ್ತಿ ಮಾನಾದಿಗೆನ್ ಕೊರುಂದುಂಡು.
ಅಂಚೆನೇ ಚಾವಡಿದ ಬೊಳ್ಳಿ ಪರ್ಬ ಸಂಬುರ್ಮೊದ ವಿಶೇಷ ಮಾನಾದಿಗೆನ್ ಹಿರಿಯ ಕನ್ನಡ ಸಾಹಿತಿ ಡಿ.ಕೆ.ಚೌಟ ಮೆರೆನ ನೆಂಪುಗಾದ್ ಪ್ರಶಸ್ತಿ ಉಗ್ಗಪ್ಪ ಪೂಜಾರಿ, ಹಿರಿಯ ತುಳು ಸಾಹಿತಿ ಬೊಕ ಸಾಮಾಜಿಕ ಚಿಂತಕೆ, ತುಳು ಪೊರ್ಂ ಬಾಟಗಾರೆ ಡಾ.ಉದಯ ಧರ್ಮಸ್ಥಳ ಮೆರೆನ ನೆಂಪುಗಾದ್ ಸತೀಶ್ ಅಗ್ಪಲ, ತುಳು ಸೇವೆಗ್ ಪ್ರಶಸ್ತಿ ಮಾನಾದಿಗೆ ಮೊಕಲೆಗ್ ಕೊರುದುಂಡು. ಉಲ್ಲಾಸ್ ನಾಯ್ಕ್, ಕುಮಾರಿ ಲಿಖಿತ, ಕುಮಾರಿ ಶ್ರಾವ್ಯ, ವಿಶೇಷ ಚೇತನ ಮೂಜಿ ಪ್ರತಿಭೆಲೆಗ್ ಚಾವಡಿದ ಪ್ರತಿಭಾ ಪುರಸ್ಕಾರ ಕೊರೊದುಂಡು,
ತುಳು ಭಾಷೆ ಒರಿಪುಗೋಸ್ಕರ ತುಳು ಸಾಹಿತ್ಯ ಬುಳೆವೊಡ್ ಪನ್ಪಿನ ಉದ್ದೇಶೊಡ್ ತುಳುನಾಡ್ದ ಹಿರಿಯ ಸಾಹಿತಿಲೆನ, ವಿದ್ವಾಂಸೆರೆನ ಅಭಿಪ್ರಾಯ ದೆತೊನ್ದ್ ಜೋಕುಲೆ ಪದ ಸಾಹಿತ್ಯದ ಕೂಟ ಮಲ್ತ್ದ್ ಕರಿನ ರಡ್ಡ್ ವರ್ಷರ್ದಿಂಚಿ ತುಳುನಾಡ್ದ ಸಾಹಿತಿಲೆನ ಸೇರಿಗೆಡ್ ಚಾವಡಿ ಬೇಲೆ ಮಲ್ತೊಂದು ಇತ್ತೆ ಬೊಳ್ಳಿ ಪರ್ಬ ಸಂಬುರ್ಮೊಡ್ ಜೋಕುಲೆ ಸಾಹಿತ್ಯ ಗೋಷ್ಠಿಡ್ ಡಾ.ಕನರಾಡಿ ವಾದಿರಾಜ ಭಟ್, ಡಾ.ಗಣನಾಥ ಎಕ್ಕಾರ್, ರಘು ಇಡ್ಕಿದು, ಗುರುಪ್ರಸಾದ್ ಮೊಕುಲು ಪಾಲ್ ಪಡೆವೆರ್. ಅಂಚೆನೆ ತುಳುನಾಡ್ದ ೩೦ ಸಾಹಿತಿಲು ಪಾಲ್ ಪಡೆಯೆರೆ ಉಲ್ಲೆರ್. ಶ್ರೀನಿವಾಸ ಎಲ್ಲೂರು ಮೆರೆನ ಸಾರಥ್ಯೊಡ್ ಥಂಡರ್ ಕಿಡ್ಸ್ ಕುಡ್ಲ ಮೊಕೆಲೆಡ್ದ್ ತುಳು ಸಾಹಿತ್ಯ ಜೋಕುಲೆ ಪದರಂಗಿತ, ವಂದನ ರೈ ಕಾರ್ಕಳ ಮೆರೆನ ಮುತಾಲಿಕೆಡ್ ಜೋಕ್ಲೆ ಸಾಹಿತ್ಯ ಪದ ನೃತ್ಯ ರೂಪಕ ನಡಪರೆಂಡು. ಅಂಚೆನೇ ಬೇತೆ ಬೇತೆ ರೀತಿದ ಸಾಂಸ್ಕೃತಿಕ ಲೇಸ್ ಬೊಕ್ಕ ಬಯ್ಯ ೬ ಗಂಟೆಡ್ದ್ ಶಾರದ ಆರ್ಟ್ಸ್ ತಂಡದ ಐಸಿರಿ ಕಲಾವಿದೆರ್, ಮಂಜೇಶ್ವರ, ಪ್ರಬುದ್ದ ಕಲಾವಿದೆರ್ ನಟನೆದ ಮಲ್ಲ ಸಂಗತಿಯೇ ಅತ್ತ್ ಪನ್ಪಿನ ತುಳು ನಾಟಕ ನಡಪರೆಂಡು ಚಾವಡಿದ ಗುರ್ಕಾಲು ಡಿ.ಉಮೇಶ್ ಪೂಂಜ, ಮಾನಾದಿಗೆದ ಗುರ್ಕಾಲು ಪುರುಷೋತ್ತಮ ಚೇಂಡ್ಲಾ ಲೇಸ್ದ ಗುರ್ಕಾಮೆ ವಹಿಸೊಂದು ಬೊಕ ಚಾವಡಿದ ಮಾತಾ ಪದಾದಿಕಾರಿಲು, ಸದಸ್ಯೆರ್ ಪಾಲ್ ಪಡೆಯೆರೆ ಉಲ್ಲೆರ್.
ಚಾವಡಿದ ಬೊಳ್ಳಿ ಪರ್ಬ ಸಂಬುರ್ಮೊ ಲೇಸ್ಡ್ ರಾಜಬೂಡುದ ಬೇತೆ ಬೇತೆ ಸಂಘಟನೆದ ಮುಖ್ಯಸ್ಥೆರ್ ಅಂಚೆನೇ ಸರ್ವ ಧರ್ಮದ ಮಾತಾ ತುಳುವ ಬಂದುಲು ತುಳುವೆರೆ ಚಾವಡಿದ ಲೇಸ್ಗ್ ಬತ್ತ್ದ್ ಪೊರ್ಲು ಮಲ್ತ್ ಕೊರೊಡುಂದು ತುಳುವೆರೆ ಚಾವಡಿ (ರಿ.) ಬೆಂಗಳೂರುದ ಪ್ರದಾನ ಕಾರ್ಯೆಂತೆರಾಯಿನ ರಘುವೀರ್ ನಾಯ್ಕ್ ಮೇರ್ ಟೈಮ್ಸ್ ಆಫ್ ಕುಡ್ಲ ತುಳು ಪತ್ರಿಕೆದ ಬೆಂಗಳೂರುದ ಪ್ರಕಟಣೆಡ್ ತೆರಿಪಾದೆರ್.
ವರದಿ: ಯಾದವ ಎಸ್ ಕಲ್ಲಾಪು
