ನಾಲಾಸೋಪಾರದ ಹೋಟೆಲ್ ಗ್ಯಾಲಕ್ಸಿದ ಸಭಾಂಗಣಡ್ ನೆತ್ತೆರ್ ಉಂಬೊಲಿ
ತುಳುಕೂಟ ಫೌಂಡೇಶನ್ (ರಿ.) ನಾಲಾಸೋಪಾರದ ನಿರೆಲ್ಡ್ ಶಶಿಧರ. ಕೆ ಶೆಟ್ಟಿ ಇನ್ನಂಜೆ ಮೆರೆನ ಗುರ್ಕರ್ಮೆಡ್, ಆರೋಗ್ಯ ಸಮಿತಿದ ಕಾರ್ಯಧ್ಯಕ್ಷೆರ್ ದಯಾನಂದ ಬೊಂಟ್ರ ಮೆರೆನ ಮುತಾಲಿಕೆಡ್ ಧರ್ಮಾರ್ಥ ಆರೋಗ್ಯ ಕಣ್ಣ್ ದ ಪರೀಕ್ಷೆ, ನೆತ್ತೆರ್ ಉಂಬೊಲಿ, ಕ್ಯಾನ್ಸರ್ ಪರೀಕ್ಷೆ, ಬೊಕ್ಕ ಬೇತೆ ಬೇತೆ ರೀತಿದ ವೈದ್ಯಕೀಯ ಪರೀಕ್ಷೆಲು ಸೆ.10 ಕ್ಕ್ ನಾಲಾಸೋಪಾರದ ಹೋಟೆಲ್ ಗ್ಯಾಲಕ್ಸಿದ ಸಭಾಂಗಣಡ್ ನಡತ್ಂಡ್.
ಈ ಲೇಸ್ ದ ಗುರ್ಕರ್ಮೆನ್ ಒಯಿಸೊನ್ನ ತುಳುಕೂಟ ಫೌಂಡೇಶನ್ ನಾಲಾಸೋಪಾರ ಗುರ್ಕಾರೆ ಶಶಿಧರ. ಕೆ ಶೆಟ್ಟಿ ಅಂಚೆನೆ ಮಿತ್ತರ್ಮೆದ ಚಾವಡಿಡ್ ಇತ್ತಿನ ಮಾತಾ ಬಿನ್ನೆರ್ ತುಡರ್ ಅರ್ಲಾದ್ ಉದಿಪನ ಮಲ್ತೆರ್.
ವಸಾಯಿ ವಿರಾರ್ ಮಹಾನಗರ ಪಾಲಿಕೆದ ಉಪ ಆಯುಕ್ತೆರ್ ವಿಜಯ ಕುಮಾರ್ ದ್ವಾಸೆ ಈ ಪೊರ್ತುಡು ಪಾತೆರ್ದ್, ಬೊಂಬೈಗ್ ಕರ್ನಾಟಕದಕ್ಲೆನ ಮಸ್ತ್ ಕೊಡುಗೆ ಉಂಡು. ಎಚ್ಚಿನಕುಲು ಹೋಟೆಲ್ ಕ್ಯಾಂಟಿನ್ ಕೆಲಸಡೇ ಇಪ್ಪುನಕುಲು ಬೊಂಬೈದ ಮಣ್ಣ್ ಡ್ ಜನಸೇವೆ ಮಲ್ತೊಂದು ಉಲ್ಲೆರ್. ಅಂಚೆನೆ ಐಎಎಸ್, ಐಪಿಸ್, ಕಲ್ತ್ ದ್ ಎಡ್ಡೆ ಕೆಲಸಗ್ ಸೇರೊಡು. ವಸಾಯಿ ವಿರಾರ್ ಮಹಾನಗರ ಪಾಲಿಕೆಡ್ 125 ಬೆಡ್ ಇತ್ತಿನ ಸರಕಾರಿ ಆಸ್ಪತ್ತೆ ಉಂಡು. ಮುಲ್ಪ ನಿಕುಲು ಏರ್ಲ ಬಂಗಡ್ ಇತ್ತಿನಕುಲು ನೆತ್ತ ಪ್ರಯೋಜನ ಗೆತೊನೊಲಿ ಪಂದ್ ಪಂಡೆರ್.
ವಸಾಯಿ ತಾಲೂಕ್ ತಾಹಸೀಲ್ದಾರ್ ಪಾತೆರ್ದ್, ನೆತ್ತೆರ್ ಉಂಬೋಲಿ ಸೇವೆ ಬಾರಿ ಮಲ್ಲ ಸೇವೆ, ಜನಕ್ಲೆನ ಜೀವ ಒರಿಪಾವುನ ಮಲ್ಲ ಸೇವೆ ಆತ್ಂಡ್, ನಿಕುಲು ನಗರ ಪಾಲಿಕೆಗ್ ಪೋದು ಜನಪರ ಕಾರ್ಯಲೆಗ್ ತಿಕುನ ಸೌಲಭ್ಯನ್ ಮಾತ ಪಡೆವೊಡು, ಅಂಚೆನೆ ತುಳುಕೂಟ ಫೌಂಡೇಶನ್ ದ ಗುರ್ಕಾರ್ಲು ಶಶಿಧರ ಕೆ ಶೆಟ್ಟಿ ಇನ್ನಂಜೆ ಎನ್ನ ಎಡ್ಡೆ ಫ್ರೆಂಡ್, ಮೆರೆನ ಮುತಾಲಿಕೆಡ್ ಈ ಸಂಸ್ಥೆ, ವಿದ್ಯಾರ್ಥಿ ವೇತನ, ವಿಧವಾ ವೇತನ, ವೈದ್ಯಕೀಯ ಶಿಬಿರ ಇಂಚಿನ ಮಾತಾ ಸೇವೆ ಮಲ್ತೊಂದು ಉಂಡು ಪನೆರೆಗ್ ಎಂಕ್ ಖುಷಿ ಆಪುಂಡು. ಈ ಸಂಸ್ಥೆಡ್ ನನಾಲ ಎಡ್ಡೆ ಎಡ್ಡೆ ಕಾರ್ಯ ನಡಪಡ್, ಅಂಚೆನೆ ಎನನ್ ಲೆತ್ತ್ ದ್ ಎಂಕ್ ಮಾನದಿಗೆ ಮಲ್ತಿನ ನಿಕ್ಲೆಗ್ ಮಾತೆರೆಗ್ಲಾ ಉಡಲ್ ದಿಂಜಿನ ಸೊಲ್ಮೆಲು ಪಂದ್ ಪಂಡೆರ್.
ಡಾ. ಸತ್ಯ ಪ್ರಕಾಶ್ ಶೆಟ್ಟಿ ಪಾತೆರ್ದ್, ತುಳು ಕೂಟ ಫೌಂಡೇಶನ್ ನಾಲಾಸೋಪಾರ 5 ವರ್ಷೊದ ಸಂಸ್ಥೆ. ಇನಿ ತುಳು ಸಾಹಿತ್ಯ ಅಕಾಡೆಮಿ ಹೊರನಾಡ ಸಂಘಟನಾ ಪ್ರಶಸ್ತಿ ಪುರಸ್ಕೃತ ಪಡೆಯಿನಾ ಸಂಸ್ಥೆಯಾದ್ ಪರಿಸರಡ್ ಎಡ್ಡೆ ಎಡ್ಡೆ ಕಜ್ಜೊಲೆನ್ ಮಲ್ತೊಂದು, ಜಾತಿ ಮತಾ ಭೇದ ಭಾವದಾಂತೆ ಮಾತೆರೆನ್ಲಾ ಒಂಜೇ ಮನಸ್ಸ್ ಡ್ ತುವೊಂದು ಜನಕ್ಲೆನ ಕಷ್ಟೋಗು ಸ್ಪಂದಿಸಾವೊಂದು ಉಂಡು ಪನೆರೆಗ್ ಮಸ್ತ್ ಖುಷಿ ಆಪುಂಡು. ನೆತ್ತೆರ್ ಉಂಬೋಲಿ, ಕಣ್ಣ್ ದ ಪರೀಕ್ಷೆ, ಕ್ಯಾನ್ಸರ್ ಬಗೆಟ್ಟ್ ಬೈದಿನ ಮಾತಾ ಜನಕ್ಲೆಗ್ಲಾ ಎಡ್ಡೆ ಪಾತೆರೊಡು ಪೊಲಬು ಕೊರ್ದು, ಪೊಂಜೊವುನಕುಲು ಕ್ಯಾನ್ಸರ್ ಸೀಕ್ ದ ಬಗೆಟ್ಟ್ ಅಪಗಪಗ ಚೆಕ್ಕ್ ಮಲ್ತೊಂದು ಇಪ್ಪೊಡು ಪಂದ್ ಪಂಡೆರ್.
ಸಮಾಜ ಸೇವಾಕೆರ್ ಆನಂದ ಶೆಟ್ಟಿ ಪಾತೆರ್ದ್, ಸರಕಾರೊಡು ತಿಕ್ಕುನ ಆಯುಷ್ಮನ್ ಕಾರ್ಡ್, ಬೊಕ್ಕ ಮಹಾತ್ಮ ಪುಲೆ ಯೋಜನೆದಂಚಿನ ಬೇತೆ ಬೇತೆ ಯೋಜನೆದ ಬಗೆಟ್ಟ್ ವಿವರಣೆವಾದ್ ತೆರಿಪಾಯೆರ್.
ವಸಾಯಿ ವಿರಾರ್ ಮಹಾನಗರ ಪಾಲಿಕೆದ ಉಪ ಮೇಯರ್ ಉಮೇಶ್ ನಾಯ್ಕ್ ಪಾತೆರ್ದ್, ತುಳು ಕೂಟದ ಗುರ್ಕಾರೆ ಶಶಿಧರ ಶೆಟ್ರ್ ಜನಕ್ಲೆನ ಮನಸ್ಸ್ ಮುಟ್ಟುನಂಚಿನ ಎಡ್ಡೆ ಬೆಲೆನ್ ಮಲ್ತೊಂದು ಉಲ್ಲೆರ್. ಅರೆನ ಮಾತಾ ಸಮಿತಿದಾಕ್ಲೆಗಳ ಸೊಲ್ಮೆ ಸಂದವೊಂದುಲ್ಲೆ ನನಾಲ ಎಡ್ಡೆ ಎಡ್ಡೆ ಬೇಲೆ ಈ ಸಂಸ್ಥೆಡ್ ನಡಪಾಡ್ ಪಂಡೆರ್.
ತುಳುಕೂಟ ಫೌಂಡೇಶನ್ ನಾಲಾಸೋಪಾರ ನೆತ್ತ ಗುರ್ಕಾರ್ಲು ಪಾತೆರ್ದ್, ವಸಾಯಿ ನಾಲಾಸೋಪಾರ ವಿರಾರ್ ಪರಿಸರಡ್ ಒಂಜಿ ಸಾಮಾಜಿಕ ಸಂಘಟನೆ ಪಂದ್ ತುಳು ಕೂಟ ನಾಲಾಸೋಪಾರ ಪನೆರೆಗ್ ಅಭಿಮಾನ ಆಪುಂಡು. ಇನಿ ಎನ್ನ ಸಮಾಜ ಸೇವೆಗ್ ಪರಿಸರದ ಪ್ರತಿಯೊಂಜಿ ತುಳು ಕನ್ನಡಿಗೆರ್ ಎನ್ನೊಟ್ಟು ಕೈ ಜೋಡಿಸಾದೆರ್. ಅಂಚಾದ್ ಕೆಲಸ ಮಲ್ಪರೆ ಎಂಕ್ ಧೈರ್ಯ ಬರ್ಪುಂಡು ಪಂದ್ ಪಂಡೆರ್.
ಈ ಲೇಸ್ ದ ಚಾವಡಿಡ್ ಮಲ್ಲ ಬಿನ್ನೆರಾದ್ ನಾಲಾಸೋಪಾರ ತುಳು ಕೂಟ ಫೌಂಡೇಶನ್ ದ ಗುರ್ಕಾರೆ ಶಶಿಧರ. ಕೆ. ಶೆಟ್ಟಿ ಇನ್ನಂಜೆ, ವಸಾಯಿ ವಿರಾರ್ ಮಹಾನಗರ ಪಾಲಿಕೆದ ಮಾಜಿ ಉಪ ಮೇಯರ್ ಉಮೇಶ್ ನಾಯ್ಕ್, ಉಪ ಆಯುಕ್ತೆರ್ ವಿಜಯ್ ಕುಮಾರ್ ದ್ವಾಸೆ, ವಸಾಯಿ ತಾಲೂಕ್ ತಹಸೀಲ್ದಾರ್ ಅವಿನಾಶ್ ಕೋಷ್ಟಿ, ಬೊಂಬೈ ವಸಂತ ಫೌಂಡೇಶನ್ ದ ಡಾ/ಸತ್ಯ ಪ್ರಕಾಶ್ ಶೆಟ್ಟಿ, ಸಮಾಜ ಸೇವಾಕೆರ್ ಆನಂದ ಶೆಟ್ಟಿ, ವೈದ್ಯಕೀಯ ಸಮಿತಿದ ಕಾರ್ಯಾಧ್ಯಕ್ಷೆರ್ ದಯಾನಂದ ಬೊಂಟ್ರ, ನಾಲಾಸೋಪಾರ ತುಳು ಕೂಟ ಫೌಂಡೇಶನ್ ದ ಕಾರ್ಯಾಂತೆರ್ ಜಗನಾಥ್. ಡಿ. ಶೆಟ್ಟಿ ಪಳ್ಳಿ, ಕಾರ್ಯಕ್ರಮ ಸಮಿತಿದ ಕಾರ್ಯಾಧ್ಯಕ್ಷೆರ್ ಗಣೇಶ್ ಸುವರ್ಣ, ನಾಲಾಸೋಪಾರ ತುಳು ಕೂಟ ಫೌಂಡೇಶನ್ ದ ಪಣವುದ ಗುರ್ಕಾರೆ ರಾಜೇಶ್ ಕರ್ಕೇರ, ಪೊಂಜೊವುಲ್ನ ಕೂಟದ ಗುರ್ಕಾದಿ ಉಮಾ ಸತೀಶ್ ಶೆಟ್ಟಿ, ಜವನೆರೆನ ಕೂಟದ ಗುರ್ಕಾರೆ ಹರ್ಷಿತ್ ಕುಂದರ್ ಇತ್ತೆರ್. ಈ ಲೇಸ್ ನ್ ಪ್ರವೀಣ್ ಶೆಟ್ಟಿ ಕಣಂಜಾರ್ ಸುಧಾರಿಕೆ ಮಲ್ತೆರ್.
50 ಮೀ manikin carry – ಸುರುತ್ತ ತಾನೊ, 100 ಮೀ manikin tow – ರಡ್ಡನೇ ತಾನೊ ಬೊಕ್ಕ 100 ಮೀ obstacle swim – ಮೂಜನೇ ತಾನೊ ಪಡೆತೆರ್. ಧನ್ವಿ ಜೆ ರೈ ಮೇರ್ ಲಿಟ್ಲ್ ಫ್ಲವರ್ ಹಿರಿಯ ಪ್ರಾಥಮಿಕ ಶಾಲೆ ದರ್ಬೆ, ಸಂತ ಫಿಲೋಮಿನಾ ಹೈಸ್ಕೂಲ್ ಅಂಚನೆ ಸಂತ ಫಿಲೋಮಿನಾ ಪದವಿ ಪೂರ್ವ ಕಾಲೇಜ್ ದರ್ಬೆ ಹಳೆ ವಿದ್ಯಾರ್ಥಿ ಆತೆರ್. ಇತ್ತೆ ಕೆನರಾ ಇಂಜಿನಿಯರಿಂಗ್ ಕಾಲೇಜಿಡ್ ಇಂಜಿನಿಯರಿಂಗ್ ಕಲ್ತೊಂದು ಉಲ್ಲೆರ್.