ತುಳು ಸುದ್ದಿ

ಐಷಾರಾಮಿ ಹೋಟೆಲ್ ಆದ್ ಬದಲ್ ಆಯಿನ ಪರತ್ತ್ ರೈಲ್ ದ ಕೋಚ್

Feb 8, 2022

ನಾಗಪುರ: ಕೇಂದ್ರ ರೈಲ್ವೇ ವಲಯದ ನಾಗ್ಪುರ ವಿಭಾಗ ಪರ ಕೋಚ್ ನ್ ಆಕರ್ಷಕ ರೆಸ್ಟೋರೆಂಟ್ ಆದ್ ಬದಲ್ ಮಲ್ಪುನ ಮುಖೇನ ನಾಗ್ಪುರ ರೈಲು ನಿಲ್ದಾಣ ಈ ರೀತಿದ ಸುರುತ ‘ರೆಸ್ಟೋರೆಂಟ್ ಆನ್ ವೀಲ್ಸ್’ ನ್ ಸುರು ಮಲ್ತೆರ್ .

ಹೊಸ ಪರಿಕಲ್ಪನೆ ಆಯಿನೆರ್ದಾವರ ಸಾಮಾಜಿಕ ಮಾಧ್ಯಮಡ್ ಬಾರಿ ಪಸರೊಂದು ಉಂಡು , ಜನಕುಲು ಬಾರಿ ಇಷ್ಟೊಡು ಅಡೆಗ್ ಪೋವೊಂದು ಉಲ್ಲೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕಲ್ಯಾಣ ಕರ್ನಾಟಕದ ಅಭಿವೃದ್ಧಿಗ್ 5030 ಕೋಟಿ ರೂ ಅನುದಾನಗ್ ಬಿನ್ನಾಪು ಮಲ್ತಿನ ಸಿಎಂ ಬೊಮ್ಮಾಯಿ

Feb 8, 2022

ನವದೆಹಲಿ : ಕಲ್ಯಾಣ ಕರ್ನಾಟಕ ಪ್ರದೇಶದ ಸಮಗ್ರ ಅಭಿವೃದ್ಧದ ನೆಲೆಟ್ಟ್ ಕೇಂದ್ರ ಪುರಸ್ಕೃತ ಯೋಜನೆದ ಅಡಿ ವಿಶೇಷವಾದ್ ಕಲ್ಯಾಣ ಕರ್ನಾಟಕ ಭಾಗಗ್ 5030 ಕೋಟಿ ರೂ. ಅನುದಾನ ಕೊರೊಡು ಪಂದ್ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮೇರ್ ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಮೆರೆಗ್ ಬಿನ್ನಾಪು ಮಲ್ತೆರ್.

ಇಂಚೋಗು ತಿರುಪತಿಡ್ ನಡತಿನ ದಕ್ಷಿಣ ವಲಯ ಮಂಡಳಿ ಸಭೆಟ್ ಚರ್ಚೆ ಮಲ್ತಿನ ಪ್ರಕಾರ , ಆಂಧ್ರ ಪ್ರದೇಶ ರಾಜ್ಯ ತನ್ನ ಹಿಂದುಳಿದ ಜಿಲ್ಲೆದ ಅಭಿವೃದ್ಧಿಗ್ ವಿಶೇಷ ಅನುದಾನ ಕೊರಿಯೆರೆ ಬಿನ್ನಾಪು ಮಲ್ತೆರ್. ನೀತಿ ಆಯೋಗದ ಬಹು ಆಯಾಮದ ಬಡತನ ಸೂಚ್ಯಂಕಡ್ಲಾ ಈ ಜಿಲ್ಲೆ ಪಿರ ಒರಿದಿನೆರ್ದಾವರ ಕಲ್ಯಾಣ ಕರ್ನಾಟಕ ಭಾಗಗ್ ಬೇತೆ ಬೇತೆ ಕೇಂದ್ರ ಪುರಸ್ಕೃತ ಯೋಜನೆದ ಅಡಿಟ್ 5030 ಕೋಟಿ ರೂ. ಅನುದಾನ ಕೊರೊಡು ಪಂದ್ ಮುಖ್ಯಮಂತ್ರಿ ಬಿನ್ನಾಪು ಮಲ್ತೆರ್.

CM Basavaraj Bommai asks for 5030 crore grant for Kalyan Karnataka.

New Delhi: For the development of Kalyana Karnataka region the CM Basavaraj Bommai has requested for a grant of 5030 crore rupees from finance minister Nirmala Seetharaman.

Recently at the South zone mandal sabha held at Tirupati discussion were held and Andhra Pradesh had asked for special grant to develop its backward districts.

ಸಂಗೀತ ನಿರ್ದೇಶಕೆರ್ ವಿ. ಮನೋಹರ್ ಗ್ ಪುಟ್ಟುಪರ್ಬದ ಎಡ್ಡೆಪ್ಪುಲು

Feb 8, 2022

ತುಳು, ಕನ್ನಡ ಸಿನಿಮಾ ಲೋಕದ ಪುಗರ್ತೆದ ಸಂಗೀತ ನಿರ್ದೇಶಕೆರ್, ಪೆರ್ಮೆದ ತುಳುವೆ
ವಿ. ಮನೋಹರ್ ಮೇರೆನ ಪುಟ್ಟು ಪರ್ಬದ ಈ ಪೊರ್ಲ ದಿನೊಟ್ಟು ಮೋಕೆದಿಂಜಿ ಎಡ್ಡೆಪ್ಪುನು ಬಯಕುವ.

– ಟೈಮ್ಸ್ ಆಫ್ ಕುಡ್ಲ ,ತುಳು ಪತ್ರಿಕೆ.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Bombay News ರಪಕ್ಕ ಸುದ್ದಿ Flash News

ತುಳು ಸಾಹಿತಿ, ತುಳು ಅಭಿಮಾನಿ ಜಯಕರ ಪೂಜಾರಿ ತಿಗಲೆ ಬೇನೆಡ್ ದೇವೆರೆ ಪಾದ ಸೇರಿಯೆರ್

Feb 7, 2022

ಕುಡ್ಲ : ಬೊಂಬೈಡ್ ತುಳು ಲಿಪಿತ್ತ ಬುಲೆಚ್ಚಿಲ್ ಗ್ ಬೇಲೆ ಮಲ್ದಿನ ತುಳು ಸಾಹಿತಿ, ಮಾಮಲ್ಲ ತುಳು ಅಭಿಮಾನಿ, ಟೈಮ್ಸ್ ಆಫ್ ಕುಡ್ಲ ತುಳು ಪತ್ರಿಕೆದ ಬೊಂಬೈದ ಒತ್ತು ಸಂಪೊಲಿಗೆದಾರ್ ಜಯಕರ ಪೂಜಾರಿ ಮೇರ್ ಸೋಮಾರ ಬಯ್ಯಡ್ 6 ಗಂಟೆಗ್ ಬೊಡೆದಿನ ಎದುರುಡೇ ತಿಗಲೆ ಬೇನೆ ಆದ್ ತೀರ್ ಪೋಯೆರ್.

ಮೇರ್ ಬೆದ್ರ ಸಂಪೊಲಿಗೆದಾರ್ . ಆಂಡ ಬೊಂಬೈಡ್ ಇತ್ತೆರ್. ಅರೆನ ನಿಧನೊಗು ಟೈಮ್ಸ್ ಆಫ್ ಕುಡ್ಲ ದ ಮಾತ ಸಿಬ್ಬಂದಿಲು ಕಣ್ಣನೀರ್ದ ಪನಿ ಅರ್ಪಣ ಮಲ್ದೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಫೆ. 8 : ಸಂಗೀತ ಗುರು ಶೀಲಾ ದಿವಾಕರ್ ಮೆರೆಗ್ ಗುರುವಂದನೆ, ಶ್ರದ್ಧಾಂಜಲಿ ಸಭೆ

Feb 7, 2022

ಸುರತ್ಕಲ್ : ಸಂಗೀತ ಗುರು ಶೀಲಾ ದಿವಾಕರ್ ಮೇರ್ನ ಶಿಷ್ಯ ವರ್ಗದಕಲೆರ್ದ್ “ಗುರು ವಂದನೆ ಸಂಗೀತೋಪಾಸನೆ” ಅಂಚೆನೇ ಶ್ರದ್ಧಾಂಜಲಿ ಸಭೆ ಫೆ.8 ಅಂಗಾರೆ ಕಾಂಡೆ ನಡಪರೆ ಉಂಡು.
ಸುರತ್ಕಲ್ ಇಡ್ಯಾ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ವಠಾರೊಡು ನಡಪುನ ದಿ.ಶೀಲಾ ದಿವಾಕರ್ ಮೇರ್ನ ವೈಕುಂಠ ಸಮಾರಾಧನೆ ಲೇಸ್ ದ ನಿಲೆಟ್ಟ್ ಕಾಂಡೆ 10-11.30 ಗಂಟೆ ಮುಟ್ಟ ಅರೆನ ಶಿಷ್ಯೆರೆರ್ದ್ ಗುರುವಂದನೆ ಸಂಗೀತೋಪಾಸನೆ ನಡಪರೆ ಉಂಡು.
ಕಾಂಡೆ 11.30-12.30 ಮುಟ್ಟ ಶ್ರದ್ಧಾಂಜಲಿ ಸಭೆ ನಡಪರೆ ಉಂಡು ಪಂದ್ ಶೀಲಾ ದಿವಾಕರ್ ಮೇರ್ನ ಕಂಡನಿ ದಿವಾಕರ್ ಲಕ್ಷ್ಮಣ ರಾವ್, ಜೋಕುಲಾಯಿನ ನವ್ಯಾ ದಿವಾಕರ್, ಧೀರಜ್ ದಿವಾಕರ್ ಬೊಕ್ಕ ಕುಟುಂಬದಕುಲು ಲೆಪ್ಪೋಲೆಡ್ ತೆರಿಪಾದೆರ್.

ಉಡುಪಿದ ಸುದ್ದಿ | Udupi News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಉದ್ಭವ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನ ನಕ್ರೆ : ವರ್ಷದ ಉಚ್ಚಯ

Feb 7, 2022

ಕಾರ್ಲ: ಉದ್ಭವ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನ ನಕ್ರೆಡ್ ತಾರೀಖ್ 7/2/2022 ನೇ ಸೋಮಾರರ್ದ್ ತಾರೀಖ್ 11/2/2022 ನೇ ಶುಕ್ರಾರ ಮುಟ ಪುತ್ತೂರು ಶ್ರೀ ಹಯವದನ ತಂತ್ರಿಲೆನ ಮುತಾಲಿಕೆಡ್ ವರ್ಷದ ಮಲ್ಲ ತೇರ್ ನಡಪೆರೆ ಉಂಡು.

ತಾರೀಖ್ 8/2/2022 ನೇ ಅಂಗಾರೆ
ಕಾಂಡೆ : ನವಕ ಕಲಶ, ರುದ್ರಾಭಿಷೇಕ, ಮಹಾಪೂಜೆ, ಪ್ರಸಾದ ವಿತರಣೆ,
ರಾತ್ರಿ ಗಂಟೆ 7-30ಕ್ : ಉಚ್ಚಯ ಬಲಿ, ರಾತ್ರಿ ಪೂಜೆ. 6.00 ಗಂಟೆರ್ದ್ 7: 00 ಗಂಟೆ ಮುಟ : ಭಜನೆ ಶ್ರೀ ದುರ್ಗಾ ಮಹಿಳಾ ಭಜನಾ ಮಂಡಳಿ, ಕುಕ್ಕುಂದೂರು.

ತಾರೀಖ್ : 09-02-2022ನೇ ಬುಧಾರ
ಕಾಂಡೆ : ನವಕ ಕಲಶ, ರುದ್ರಾಭಿಷೇಕ,
ಮಧ್ಯಾಹ್ನ : ಶ್ರೀ ದೇವೆರ್ನ ರಥಾರೋಹಣ, ಮಹಾಪೂಜೆ, ಪ್ರಸಾದ ವಿತರಣೆ,ಅನ್ನ ಸಂತರ್ಪಣೆ
ರಾತ್ರಿ ಗಂಟೆ 7-30ಕ್ : ಉಚ್ಚಯ ಬಲಿ, ಶ್ರೀ ಮಹಾ ರಥೋತ್ಸವ, ರಾತ್ರಿ ಪೂಜೆ, ಪರಿವಾರ ದೈವದ ತಂಬಿಲ, ಭೂತ ಬಲಿ, ಕವಾಟ ಬಂಧನ
6.00 ಗಂಟೆರ್ದ್ 7 : 00ಗಂಟೆ ಮುಟ : ಭಜನೆ ಶ್ರೀ ಶಾರದಾ ಮಹಿಳಾ ಭಜನಾ ಮಂಡಳಿ ಅನಂತರಯನ.

ತಾರೀಖ್ : 10-02 2022ನೇ ಗುರುವಾರ
ಕಾಂಡೆ : ಕವಾಟೋದ್ಘಾಟನೆ, ತುಲಾಭಾರ ಸೇವೆ, ಮಹಾಪೂಜೆ, ಪ್ರಸಾದ ವಿತರಣೆ, ಮಹಾ ಅನ್ನಸಂತರ್ಪಣೆ
ರಾತ್ರಿ ಗಂಟೆ 7-30ಕ್ : ಉಚ್ಚಯ ಬಲಿ, ದೈವದ ನೇಮ, ಅವಕೃತ ಕಟ್ಟೆಪೂಜೆ,ಧ್ವಜಾವರೋಹಣ, ಮಂತ್ರಾಕ್ಷತೆ
6-00 ಗಂಟೆರ್ದ್ 7-00 ಗಂಟೆ ಮುಟ : “ಭಜನೆ” ನೆರೆಕರೆ ದಕ್ಲೆನೆರ್ದ್
ನಡಪೆರೆ ಉಂಡು.

ಕೋರ್ದಬ್ಬು ದೈವಸ್ಥಾನ, ಮಂಗಾಜೆ : ಶ್ರೀ ಕೋರ್ದಬ್ಬು ತನ್ನಿಮಾನಿಗ ಗುಳಿಗ ಪಂಜುರ್ಲಿ ಬೊಕ್ಕ ರಾಹು ದೈವದ ಪುನರ್ ಪ್ರತಿಷ್ಠೆ ಬೊಕ್ಕ ಕಲಶಾಭಿಷೇಕ ಅಂಚನೆ ವರ್ಷಾವಧಿ ಉಚ್ಚಯ

Feb 7, 2022

ಪುರಲ್ : ತಾರೀಖ್ 17-02-2022ನೇ ಗುರುವಾರ ಕಾಂಡೆ 8.45 ಗಂಟೆರ್ದ್ 9: 00 ಗಂಟೆ ಮುಟ ನಡಪುನ ಮಾನ ಲಗ್ನ ಸುಮೂಹೂರ್ತಡ್, ವೇದಮೂರ್ತಿ ಶ್ರೀ ಸುಬ್ರಹ್ಮಣ್ಯ ತಂತ್ರಿ ಪೊಳಲಿ ಮೆರ್ನ ಮುತಾಲಿಕೆಡ್ ಪುನರ್ ನಿರ್ಮಾಣ ಆಯಿನ ಪೊಸ ದೈವಸ್ಥಾನಡ್ ಶ್ರೀ ಕೋರಬ್ದು ತನ್ನಿಮಾನಿಗ, ಗುಳಿಗ ಪಂಜುರ್ಲಿ ಬೊಕ್ಕ ರಾಹು ದೈವದ ಪುನರ್ ಪ್ರತಿಷ್ಠೆ ಬೊಕ್ಕ ಕಲಶಾಭಿಷೇಕ ಅಂಚನೆ ತಾ.19-02-2022ನೇ ಶನಿಯಾರ ಬೊಕ್ಕ 20-02-2022ನೇ ಐತಾರ ವರ್ಷಾವಧಿ ನೇಮೋಚ್ಚಯ ಬೇತೆ ಬೇತೆ ಧಾರ್ಮಿಕ, ಸಾಂಸ್ಕೃತಿಕ ಲೇಸ್ ದ ಒಟ್ಟುಗು ನಡಪೆರೆ ಉಂಡು.

ಆ ಪ್ರಯುಕ್ತ ತಾ. 15-02-2022ರ್ದ್ 20-02-2022ರ ಮುಟ ನಡಪುನ ಈ ಮಾತಾ ಲೇಸ್ ಗ್ ಮಾತೆರ್ಲ ಬತ್ದ್ , ತನು-ಮನ-ಧನರ್ದ್ ಸಾಕಾರ ಕೊರ್ದು , ಸಿರಿಮುಡಿ ಗಂಧ ಪ್ರಸಾದನ್ ಸ್ವೀಕಾರ ಮಲ್ಪೊಡು ಪಂದ್ ಜೀರ್ಣೋದ್ಧಾರ ಸಮಿತಿದ ಗುರ್ಕಾರ್ಲಾಯಿನ ಶ್ರೀ ಸುಕೇಶ್ ಚೌಟ ಬಡಕಬೈಲು ಪಂತೆರ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಟೀಮ್ ಇಂಡಿಯಾ U19 ಚಾಪಿಯನ್ : ಐನೇ ಸಲ ವಿಶ್ವಕಪ್ ಗೆಂದಿನ ಭಾರತ

Feb 7, 2022

ಅಹಮದಾಬಾದ್: ಮುಲ್ಪದ ನರೇಂದ್ರ ಮೋದಿ ಕ್ರೀಡಾಂಗಣಡ್ ನಡತಿನ ಭಾರತ- ವೆಸ್ಟ್ ಇಂಡೀಸ್ ನಡುಟು ನಡತಿನ ಸುರುತ ಏಕದಿನ ಪಂಥಡ್ ಟೀಂ ಇಂಡಿಯಾ ಭರ್ಜರಿ 6 ವಿಕೆಟ್ ಪಡೆದ್ ವೆಸ್ಟ್ ಇಂಡೀಸ್ ಸೋಲ್ಪಾದುಂಡು ,

ಟಾಸ್ ಸೋತು ಸುರು ಬ್ಯಾಟಿಂಗ್ ಮಲ್ತಿನ ವೆಸ್ಟ್ ಇಂಡೀಸ್ 43. 5 ಓವರ್ಡ್ ತನ್ನ ಮಾತಾ ವಿಕೆಟ್ ಕಳೆಯೊಂದು 176 ರನ್ ದೆತ್ತೆರ್ . ಭಾರತದ ಪರ ಯುಜುವೇಂದ್ರ ಚಾಹೆಲ್ ನಾಲ್ , ವಾಷಿಂಗ್ಟನ್ ಸುಂದರ್ 3, ಪ್ರಸಿದ್ ಕೃಷ್ಣ 2, ಮೊಹಮ್ಮದ್ ಸಿರಾಜ್ 1 ವಿಕೆಟ್ ಪಡೆಯೆರ್ .

ವೆಸ್ಟ್ ಇಂಡೀಸ್ ಕೊರಿನ 176 ರನ್ ದ ಗುರಿತ ಪಿರವು ಪೋಯಿನ ಟೀಂ ಇಂಡಿಯಾ 28 ಓವರ್ ಡ್ 4 ವಿಕೆಟ್ ನಷ್ಟಗ್ 178 ರನ್ ಪಡೆಯುನ ಮುಖೇನ ಆಜಿ ವಿಕೆಟ್ ದ ಅಂತರಡ್ ಗೆಂದಿಯೆರ್.

ಇಲ್ಲಡ್ ಕಂಡ್ ದ್ ಗ್ಯಾಸ್ ರಿಫಿಲ್ಲಿಂಗ್ : 1,92,000 ಮೌಲ್ಯದ ಸೊತ್ತುನು ಪೊಲೀಸ್ ದಕುಲು ಕೊನೊಯೆರ್

Feb 7, 2022

ಕುಡ್ಲ : ಕುಡ್ಲದ ಪೆರ್ಮನ್ನೂರು ಗ್ರಾಮದ ಚೆಂಬುಗುಡ್ಡೆ ಪ್ರದೇಶದ ಇಲ್ಲಡ್ ಕಂಡ್ ದ್ ಗ್ಯಾಸ್ ರೀಫಿಲ್ಲಿಂಗ್ ಮಲ್ತೊಂದು ಇತ್ತಿನ ಜಾಗೆಗ್ ಪೊಲೀಸ್ದಕುಲು ಪೋಯಿನ ಸಂಗತಿ ಇನಿ ನಡತ್oಡ್ .

ಫ್ರಾನ್ಸಿಸ್ ಪನ್ಪಿನಾರ್ ತನ್ನ ಇಲ್ಲಗ್ ತಾಗ್ದ್ ತಗಡ್ ಶೀಟ್ ಡ್ ಕಟ್ಟಿನ ಕೋಣೆಡ್ ಅಟಿಲ್ದ ಗ್ಯಾಸ್ ದ ಅಂಡೆಗ್ ರೆಗ್ಯುಲೇಟರ್ ಮುಖೇನ ಗ್ಯಾಸ್ ಜಿಂಜಾದ್ ಮಾರಾಟ ಮಲ್ಪುನ ತೊಜೀದ್ ಬೈದುಂಡು.
ಈ ಬಗ್ಗೆ ಮಾಹಿತಿ ಪಡೆಯಿನ ಪೊಲೀಸ್ದಕುಲು ಅಡೆಗ್ ದಾಳಿ ಮಲ್ಪುನಗ ಪೊರ್ಬುಲು ಕಂಡ್ ದ್ ಗ್ಯಾಸ್ ರೀಫಿಲ್ಲಿಂಗ್ ಮಲ್ತೊಂದು ಇತ್ತೆರ್ ಪೊಲೀಸ್ದಕ್ಲೆನ್ ತೂದು ಪೊರ್ಬುಲು ಬಲ್ತಿನ ಘಟನೆ ನಡತo ಡ್.

ದಾಳಿ ಮಲ್ತಿನ ಪೊರ್ತುಡು ಜಾಗೆಡ್ ಕೆಲವು ಕಂಪೆನಿಗ್ ಸೇರಿನ ಡೊಮೆಸ್ಮಿಕ್ ಬೊಕ್ಕ ಕಮರ್ಷಿಯಲ್ ಗ್ಯಾಸ್ ಸಿಲಿಂಡರ್ ಸೇರ್ದ್ ಒಟ್ಟು 128 ಸಿಲಿಂಡರ್ ಸೇರ್ದ್ 1,92,000 ರೂ. ಮೌಲ್ಯದ ಸೊತ್ತು ವಶಕ್ ಪಡೆತೆರ್ .

ಈ ಬಗ್ಗೆ ಉಳ್ಳಾಲ ಪೊಲೀಸ್ ಠಾಣೆಡ್ ಕೇಸ್ ದಾಖಲಾತುಂಡು , ಆರೋಪಿನ್ ಪೊಲೀಸ್ದಕುಲು ನಾಡೊಂದು ಉಲ್ಲೆರ್
ಸಹಾಯಕ ಪೊಲೀಸ್ ಆಯುಕ್ತೆರಾಯಿನ , ಕುಡ್ಲ ದಕ್ಷಿಣ ಉಪವಿಭಾಗದ ಮಾರ್ಗದರ್ಶನಡ್ ಕುಡ್ಲ ತಾಲೂಕು ಉಳ್ಳಾಲ ಪೊಲೀಸ್ ಠಾಣೆದ ಪೊಲೀಸ್ ನಿರೀಕ್ಷಕ ಸಂದೀಪ್, ಜಿ.ಎಸ್.ಪೊಲೀಸ್ ಉಪ – ನಿರೀಕ್ಷಕ ಶಿವಕುಮಾರ್. ಕೆ , ಬೊಕ್ಕ ಸಿಬ್ಬಂದಿಲಾಯಿನ ಮಹೇಶ, ರೆಜಿ, ಉದಯ, ಸಾಗರ್ ಬೊಕ್ಕ ಉಳ್ಳಾಲ ವಲಯದ ಆಹಾರ ನಿರೀಕ್ಷಕ ಹಾರಿಸ್, ಪ್ರಭಾರ ಆಹಾರ ನಿರೀಕ್ಷಕ ರೇಖ ಬೊಕ್ಕ ಕೂಟ ಕಾರ್ಯಾಚರಣೆಡ್ ಪಾಲ್ ಪಡೆದ್ ಇತ್ತೆರ್..

ಗಂಧದ ಮರ ಕಂಡಿನ 4 ಜನ ಉಲಯಿ

Feb 7, 2022

ಕುಡ್ಲ, ಫೆ.07: ಕೊಣಾಜೆ ಪೊಲೀಸ್ ಠಾಣೆ ವ್ಯಾಪ್ತಿಡ್ ಶ್ರೀ ಗಂಧದ ಮರನ್ ಕಂಡಿನ ಪ್ರಕರಣಡ್ ಪೊಲೀಸ್ ದಕುಲ್ 4 ಜನನ್ ಪತ್ತ್ ದೆರ್.

ಕುಡ್ಲ ವಿಶ್ವ ವಿದ್ಯಾಲಯದ ಜಾಗೆಡ್ ತಾರೀಕ್ ಫೆ.04 ಕ್ಕ್ ಕತ್ತಲೆದ ಪೊರ್ತುಡ್ ಶ್ರೀ ಗಂಧದ ಮರನ್ ಕಂಡಿನ ಪ್ರಕರಣ ಕೊಣಾಜೆ ಪೊಲೀಸ್ ಠಾಣೆಡ್ ದಾಖಲಾತ್ಂಡ್.

ಮೂಲತಃ ಬೆಳುವಾಯಿ ಅಂಚನೆ ಇತ್ತೆ ಕೆ.ಸಿ ನಗರಡ್ ಇಪ್ಪುನ ಮಜೀದ್ ನವಾಜ್, ಬಂಟ್ವಾಳದ ಶರೀಫ್, ದುನಿಯಾ ಶರೀಫ್, ವರ್ಕಾಡಿದ ಲಕ್ಷ್ಮಣ ಶೆಟ್ಟಿ ಪನ್ಪಿನ ಆರೋಪಿಲೆನ್ ಪೊಲೀಸ್ ದಕುಲ್ ಈ ವಿಚಾರಡ್ ಬಂಧಿಸಾದೆರ್. ಈ ಪ್ರಕರಣಡ್ ರೂ.25,000 ಕಾಸ್ ದ 41.1 ಕೆ.ಜಿ ತೂಕದ 14 ಶ್ರೀ ಗಂಧದ ಮರತ್ತ ತುಂಡ್ ನ್ ಪೊಲೀಸ್ ದಕುಲ್ ಜಪ್ತಿ ಮಲ್ತೊಂದೆರ್. ಈ ಕಾರ್ಯಾಚರಣೆಡ್ ಸಹಾಯಕ ಪೊಲೀಸ್ ಆಯುಕ್ತೆರ್ ದಿನಕರ ಶೆಟ್ಟಿ ಮುತಾಲಿಕೆಡ್ ಕೊಣಾಜೆ ಪೊಲೀಸ್ ಪ್ರಕಾಶ್ ದೇವಾಡಿಗ ಪೊಲೀಸ್ ನಿರೀಕ್ಷೆಕೆರ್, ಉಪ-ನಿರೀಕ್ಷೆಕೆರ್ ಮಲ್ಲಿಕಾರ್ಜುನ ಬಿರಾದಾರ ಬೊಕ್ಕ ಶರಣಪ್ಪ ಭಂಡಾರಿ ಮೆರ್ನ ಸಿಬ್ಬಂದಿ ಎ.ಎಸ್.ಐ ಆಯಿನ ಉಮೇಶ್, ಮೋಹನ್, ಸಂಜೀವ, ಹೆಚ್.ಸಿ ಆಯಿನ ಅಶ್ವಿನ್, ಮಹೇಶ್, ಮಂಜಪ್ಪ, ರೇಷ್ಮಾ ಪಿಸಿ ಆಯಿನ ಅಶೋಕ್, ಶಿವಕುಮಾರ್, ಮಂಜುನಾಥ ಸಿ ದೇವರಾಜ್ ಆರೋಪಿಲೆನ್ ನಾಡ್ ಪತ್ತ್ ನೆಟ್ ಪಾಲ್ ಪಡೆದಿತ್ತೆರ್.

4 persons arrested on charges of stealing sandelwood trees.

Mangalore: Four persons were arrested on charges of stealing sandelwood trees in Konaje police station limits .

The trees were stolen from Mangalore University campus,and a case was filed in this regard in Konaje police station. About 25, 000k worth 14 sandelwood peices were siezed by the police.

ತುಳು ಸುದ್ದಿ

ಐಷಾರಾಮಿ ಹೋಟೆಲ್ ಆದ್ ಬದಲ್ ಆಯಿನ ಪರತ್ತ್ ರೈಲ್ ದ ಕೋಚ್

ಕಲ್ಯಾಣ ಕರ್ನಾಟಕದ ಅಭಿವೃದ್ಧಿಗ್ 5030 ಕೋಟಿ ರೂ ಅನುದಾನಗ್ ಬಿನ್ನಾಪು ಮಲ್ತಿನ ಸಿಎಂ ಬೊಮ್ಮಾಯಿ

ಸಂಗೀತ ನಿರ್ದೇಶಕೆರ್ ವಿ. ಮನೋಹರ್ ಗ್ ಪುಟ್ಟುಪರ್ಬದ ಎಡ್ಡೆಪ್ಪುಲು

ತುಳು ಸಾಹಿತಿ, ತುಳು ಅಭಿಮಾನಿ ಜಯಕರ ಪೂಜಾರಿ ತಿಗಲೆ ಬೇನೆಡ್ ದೇವೆರೆ ಪಾದ ಸೇರಿಯೆರ್

ಫೆ. 8 : ಸಂಗೀತ ಗುರು ಶೀಲಾ ದಿವಾಕರ್ ಮೆರೆಗ್ ಗುರುವಂದನೆ, ಶ್ರದ್ಧಾಂಜಲಿ ಸಭೆ

ಉದ್ಭವ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನ ನಕ್ರೆ : ವರ್ಷದ ಉಚ್ಚಯ

ಟೀಮ್ ಇಂಡಿಯಾ U19 ಚಾಪಿಯನ್ : ಐನೇ ಸಲ ವಿಶ್ವಕಪ್ ಗೆಂದಿನ ಭಾರತ

ಇಲ್ಲಡ್ ಕಂಡ್ ದ್ ಗ್ಯಾಸ್ ರಿಫಿಲ್ಲಿಂಗ್ : 1,92,000 ಮೌಲ್ಯದ ಸೊತ್ತುನು ಪೊಲೀಸ್ ದಕುಲು ಕೊನೊಯೆರ್

ಗಂಧದ ಮರ ಕಂಡಿನ 4 ಜನ ಉಲಯಿ

You Missed

ಎಂಆರ್‌ಪಿಎಲ್ ಗುತ್ತಿಗೆ ಕಾರ್ಮಿಕೆರೆಗ್ 5 ಲಕ್ಷ ರೂ. ದ ಇನ್ಸೂರ್

ಇನಿ ಕುಡ್ಲಗ್ ಸಿಎಂ ಡಿಕೆ ಶಿವಕುಮಾರ್ ಭೇಟಿ

ತುಳುನಾಡ್ ದ ಪಿಲಿ ಕೂಟಗ್ ಅರ್ಥಿಕ ಬಲ ಕೊರೊಡು, ನಮ್ಮ ಸಂಸ್ಕೃತಿ ಪರಂಪರೆನ್ ಒರಿಪಾವೊಡು: ಮಿಥುನ್‌ ಎಂ. ರೈ

ನಂದಿಕೂರು ಶಾಲೆಡ್ “ಸೊರ್ಕುದ ದಾರುಕೆ” ತುಳು ಸಾಹಿತ್ಯೊದ ತಾಳಮದ್ದೊಲಿ