AIIMS ಡ್ ಸಹಾಯಕ ಆಡಳಿತ ಅಧಿಕಾರಿ, ಆಹಾರ ತಜ್ಞೆರ್ ಬೊಕ್ಕ ಸಹಾಯಕ ಲಾಂಡ್ರಿ ಮೇಲ್ವಿಚಾರಕೆರ್ ಸೇರಿನಂಚೆನೆ ಸುಮಾರ್ ಬೇತೆ ಬೇಲೆಗ್ ನೇಮಕಾತಿ ಅಧಿಸೂಚನೆನ್ ಪ್ರಕಟ ಮಲ್ದ್ಂಡ್.
ಅ.7 ಕ್ಕ್ ಅರ್ಜಿ ಸಂದಾಯೆರೆ ಸುರು ಮಲ್ದೆರ್. ನನ ನ.6 ಮುಟ್ಟ ಅರ್ಜಿ ಸಂದಾಯೆರೆ ಅವಕಾಶ ಉಂಡು. ಅಭ್ಯರ್ಥಿಲು ಅಧಿಕೃತ ವೆಬ್‌ಸೈಟ್‌ ಗ್ ಭೇಟಿ ಕೊರ್ದು ಎಚ್ಚದ ಪೊಲಬು ಪಡೆದ್ ಆನ್ ಲೈನ್ ಡ್ ಅರ್ಜಿ ಸಂದಾವೊಲಿ. GEN/OBC -3000 ಬೊಕ್ಕ SC/ST ಅಭ್ಯರ್ಥಿಲೆಗ್ 1500 ರೂ. ಅರ್ಜಿ ಶುಲ್ಕ ಉಂಡು.
ಪುತ್ತೂರು: ನವೆಂಬರ್ 25 ಬೊಕ್ಕ 26 ಕ್ಕ್ ಬೆಂಗಳೂರುದ ಅರಮನೆ ಮೈದಾನಡ್ ನಡಪುನ ಬೆಂಗಳೂರು ಕಂಬುಲದ ಬಗೆಟ್ಟ್ ಚರ್ಚೆ ಮಲ್ಪೆರೆ ಕಂಬಳ ಸಮಿತಿದ ಗುರ್ಕಾರ್ಲು ಪುತ್ತೂರು ಶಾಸಕೆರ್ ಅಶೋಕ್ ರೈ ನೇತೃತ್ವದ ಕಂಬಳ ಸಮಿತಿದಕುಲು ಅ.12 ದಾನಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೇರೆನ್ ಭೇಟಿಯಾದ್ ಚರ್ಚೆ ಮಲ್ತೆರ್.
ಅರಮನೆ ಮೈದಾನಡ್ ನಡಪುನ ಕಂಬುಲಗ್ ಮುಖ್ಯಮಂತ್ರಿಗ್‌ ಲೆಪ್ಪೋಲೆ ಕೊರ್ದು ಪಾತೆರಕತೆ ಮಲ್ತ್‌ದ್ ಕಂಬುಲ ಸಮಿತಿದ ಗುರ್ಕಾರ್ಲು, ಶಾಸಕೆರ್ ಅಶೋಕ್ ರೈ ಕಂಬುಲಗ್ ಬರಿಯೆರೆ ಸುರುತ ಆಹ್ವಾನನ್‌ ಕೊರಿಯೆರ್. ಬೊಕ್ಕ ಅರೆನೊಟ್ಟಿಗೆ ಚರ್ಚೆ ಮಲ್ತಿನ ಶಾಸಕೆರ್ ಕಂಬುಲಗ್ ಬೇತೆ ಬೇತೆ ಇಲಾಖೆರ್ದ್ ಸಹಕಾರ ಕೊರ್ಪುನಂಚ ಇಲಾಖೆಗ್ ಸೂಚನೆನ್‌ ಕೊರ್ಲೆ ಪಂದ್ ಪಂಡೆರ್. ಕಂಬುಲಗ್ ಲಕ್ಷಾಂತರ ಜನ ಪಾಲ್ ಪಡೆಯುನ ನಿರೀಕ್ಷೆ ಉಂಡು. ದೇಶ , ವಿದೇಶದ ಸೆಲೆಬ್ರಿಟಿಲು ಪಾಲ್ ಪಡೆಯುನ ಕಾರಣ ಬೆಂಗಳೂರು ಟ್ರಾಫಿಕ್ ಸಮಸ್ಯೆದ ಬಗ್ಗೆಲ ಮಾಹಿತಿನ್‌ ಪಂಡೆರ್.
2 ಕೋಟಿ ಅನುದಾನಗ್‌ ಬಿನ್ನಾಪು
ಸುರುತ ಸರ್ತಿ ರಾಜ್ಯದ ರಾಜಧಾನಿಡ್‌ ನಡೆಯುವ ಕಂಬುಲಗ್ ಸುಮಾರು 7 ಕೋಟಿರ್ದ್‌ ಜಾಸ್ತಿ ಖರ್ಚ್ ಆವೆರೆ ಉಂಡು. ಸರಕಾರ ಕಂಬುಲಗ್ 2 ಕೋಟಿ ಅನುದಾನನ್‌ ಕೊರ್ಪುನಂಚ ಸಿ.ಎಂ ಗ್ ಮನವಿ ಸಲ್ಲಿಸಾಯೆರ್. ದ.ಕ ಬೊಕ್ಕ ಒಡಿಪು ಜಿಲ್ಲೆರ್ದ್ ಸುಮಾರ್ 125 ರ್ದ್‌ ಜಾಸ್ತಿ ಜತೆ ಎರುಕುಲ್ ಪಾಲ್ ಪಡೆಯೆರೆ ಇತ್ತ್‌ದ್‌, ಎರುಕುಲೆಗ್ ನೀರ್‌ರ್ದ್‌ ಬತ್ತಿನ ತಿನಿಯೆರೆ ಮುಟ್ಟ ಮಾತಲ ಕರಾವಳಿ ಜಿಲ್ಲೆರ್ದ್ ಪೂರೈಕೆ ಮಲ್ಪೊಡು.
ಪೊಸ ಕರೆ ನಿರ್ಮಾಣ ಸೇರಿನಂಚ ಮಾತ ಖರ್ಚ್ ದುಬಾರಿ ಆಪುನ ಕಾರಣ ಸರಕಾರರ್ದ್ ಅನುದಾನ ಕೊರ್ಪುನಂಚ ಮನವಿ ಮಾಲ್ತೆರ್. ಶಾಸಕೆರ್ನ ಮನವಿಗ್ ಮುಖ್ಯಮಂತ್ರಿಲು ಪೂರಕವಾದ್ ಸ್ಪಂದನೆ ಕೊರ್ತೆರ್‌ ಪಂದ್ ಶಾಸಕೆರ್ ತೆರಿಪಾದೆರ್. ಅಂಚನೆ ಈ ಪೊರ್ತುಡು ಕಂದಾಯ ಸಚಿವೆರಾಯಿನ ಕೃಷ್ಣ ಬೈರೇಗೌಡ ಮೇರೆನ್ ಭೇಟಿ ಮಲ್ತ್‌ ಲೆಪ್ಪೋಲೆನ್‌ ಕೊರಿಯೆರ್. ಬೊಕ್ಕ ಇಲಾಖೆರ್ದ್ ಸಹಕಾರನ್‌ ಕೊರ್ಪುನಂಚ ಮನವಿನ್‌ ಮಲ್ತೆರ್. ಕಂಬುಲ ಸಮಿತಿದ ಪ್ರಮುಖೆರ್ ಸಂಗೀತ ನಿರ್ದೇಶಕ ಕಂಬುಲ ಸಮಿತಿದ ಕಾರ್ಯಾಧ್ಯಕ್ಷೆರ್ ಗುರುಕಿರಣ್, ಪ್ರಮುಖೆರಾಯಿನ ಗುರುರಂಜನ್, ಗುಣರಾಜ್ ಶೆಟ್ಟಿ, ಸುಂದರ ರಾಜ್ ರಐ, ಮುರಳೀಧರ್ ರೈ ಮಠಂತಬೆಟ್ಟು, ಈ ಪೊರ್ತುಡು ಇತ್ತೆರ್.
ಮುಲ್ಕಿ: ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಡ್ ಶರನ್ನವರಾತ್ರಿ ಉಚ್ಚಯ ಅ.15-24 ಮುಟ್ಟ ನಡಪರೆ ಉಂಡು.
ಈ ಉಚ್ಚಯಡ್ ಸಾಂಸ್ಕೃತಿಕ ಲೇಸ್ ದ ಲೆಕ್ಕೊಡು ಅ.15 ಐತಾರ ಭರತನಾಟ್ಯ ಬೊಕ್ಕ ಜಾನಪದ ನೃತ್ಯ ವೈವಿಧ್ಯ, ಅ.16 ಭಕ್ತಿಗೀತೆ, ಭಜನ್ ಸಂಧ್ಯ ಬೊಕ್ಕ ಭರತನಾಟ್ಯ ನೃತ್ಯ, ಅ.17 ಕರ್ನಾಟಕ ಶಾಸ್ತ್ರೀಯ ಸಂಗೀತ, ನೃತ್ಯ ನಿಷ ಲೇಸ್, ಅ.18 ಯಕ್ಷಗಾನ ತಾಳಮದ್ದಳೆ ದಕ್ಷಯಜ್ಞ ಬೊಕ್ಕ ಅಮರನಾಥನ ಅಮರ ಕಥೆ ರೂಪಕ, ಅ.19 ಭರತನಾಟ್ಯ ಲೇಸ್, ಭಕ್ತಿಗೀತೆ, ಅ.20 ಸುಕ್ರಾರ ಪಂಚವೀಣಾವಾದನ ಬೊಕ್ಕ ಭಜನೆ, ಅ.21 ಭರತನಾಟ್ಯ ಬೊಕ್ಕ ಭಕ್ತಿ ಗಾಯನ, ಅ.22 ಐತಾರ ಯಕ್ಷಗಾನ ತಾಳಮದ್ದಳೆ ವಾಮನ ಚರಿತ್ರೆ ಬೊಕ್ಕ ನೃತ್ಯ ಸಿಂಚನ, ಅ.23 ದಾಸ ಸಿಂಚನ ಬೊಕ್ಕ ಭರತನಾಟ್ಯ ಲೇಸ್, ಅ.24 ಭರತನಾಟ್ಯ ಬೊಕ್ಕ ನೃತ್ಯ ಲೇಸ್ ನಡಪರೆ ಉಂಡು ಪಂದ್ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯದ ಆಡಳಿತ ಮೊಕ್ತೇಸರೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಕಟೀಲ್: ಕಟೀಲ್ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಡ್ ಮಾರ್ನೆಮಿ ಉಚ್ಚಯ ಅ.15-24 ಮುಟ್ಟ ನಡಪರೆ ಉಂಡು.
ಸಾಂಸ್ಕೃತಿಕ ಲೇಸ್ ದ ಲೆಕ್ಕೊಡು ಅ.15 ಐತಾರ ತುಳು ತಾಳಮದ್ದಳೆ ಗೇಲ್ದ ಬೀರೆ ವಾಲಿ, ಅ.16 ಸೋಮಾರ ಪೊಂಜೋವ್ ಲೆನ ಬಡಗುತಿಟ್ಟು ಆಟ ವೀರ ಅಭಿಮನ್ಯು, ಅ.17 ಅಂಗಾರೆ ಕರ್ನಾಟಕ ಸಂಗೀತ, ಅ.18 ಬುಧಾರ ದಾಸ ಸಿಂಚನ, ಅ. 19 ಗುರುವಾರ ಕರ್ನಾಟಕ ಶಾಸ್ತ್ರೀಯ ಸಂಗೀತ, ಅ.20 ಸುಕ್ರಾರ ಭಕ್ತಿ ಸಂಗೀತ, ಅ.21 ಸನಿಯಾರ ಭರತನಾಟ್ಯ, ಅ. 22 ಐತಾರ ಶ್ರೀಕೃಷ್ಣ ಪಾರಿಜಾತ ಆಟ, ಅ.23 ಸೋಮಾರ ವೀಣಾವಾದನ, ಅ.24 ಅಂಗಾರೆ ಭರತನಾಟ್ಯ ನಡಪರೆ ಉಂಡು.
ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್ ಶ್ರೀಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ಕಟೀಲ್ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯದ ಅನುವಂಶಿಕ ಮೊಕ್ತೇಸರೆರ್ ಕೆ. ವಾಸುದೇವ ಅಸ್ರಣ್ಣ, ಮೊಕ್ತೇಸರೆರೆನ ಮಂಡಳಿದ ಗುರ್ಕಾರೆ ಸನತ್ ಕುಮಾರ್ ಶೆಟ್ಟಿ ಕೊಡೆತ್ತೂರುಗುತ್ತು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಕೌಕ್ರಾಡಿ: ತ್ರಿಗುಣಾತ್ಮಿಕ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನಡ್ ಅ.15 ರ್ದ್‌ 24 ಮುಟ್ಟ ನವರಾತ್ರಿ ಉಚ್ಚಯ ನಡಪೆರೆ ಉಂಡು. ಈ ಪೊರ್ತುಡು ಪ್ರತಿದಿನ ಬಯ್ಯ 6.30 ರ್ದ್‌ ರಂಗಪೂಜೆ ಬೊಕ್ಕ ಪ್ರತಿ ಅಂಗಾರೆ ಬೊಕ್ಕ ಶುಕ್ರವಾರ ದುರ್ಗಾಪೂಜೆ ಬೊಕ್ಕ ಮಹಾಪೂಜೆ, ಅ.16 ದಾನಿ ರಜತ ಕವಚ ಸಮರ್ಪಣೆ ಬೊಕ್ಕ ಚಂಡಿಕಾಯಾಗ ನಡಪೆರೆ ಉಂಡು.
ಅಂಚಾದ್‌ ಭಕ್ತೆರ್ ತನು-ಮನ-ಧನದೊಟ್ಟಿಗೆ ಸಹಕರಿಸಾದ್‌ ದೇವಿನ ಅನುಗ್ರಹಗ್‌ ಪಾತ್ರರಾವೊಡು ಪಂದ್ ಆಡಳಿತ ಮಂಡಳಿದಕುಲ್‌ ತೆರಿಪಾದೆರ್. ಅಂಚನೆ ಪ್ರತಿದಿನ ಮಧ್ಯಾಹ್ನ ಬೊಕ್ಕ ರಾತ್ರೆ ಅನ್ನಸಂತರ್ಪಣೆಲ ನಡಪುಂಡು.
ನಿಟ್ಟೆ : ದಿವಂಗತ ಸಿಂಧೂ ಅಮ್ಮ ಸ್ಥಾಪನೆ ಮಲ್ದಿನ ಕಡಂಬೂರಿ ಸಿಂಧು ನಿವಾಸ ಶ್ರೀ ದುರ್ಗಾಂಬಿಕಾ ದೇವಸ್ಥಾನಡ್ 51 ನೇ ವರ್ಷದ ಮಾರ್ನೆಮಿದ ಉಚ್ಚಯ ಅ.15 ನೇ ಐತಾರ ಸುರು ಆದ್ ಅ.24 ಅಂಗಾರೆ ಮುಟ್ಟ ನಡಪರೆ ಉಂಡು.
ಈ ಪೊರ್ತುಡು ಪ್ರತಿದಿನ ಭಜನೆ, ಮಹಾ ಆರತಿ ಅನ್ನಸಂತರ್ಪಣೆ.ನಡಪರೆ ಉಂಡು.
ಈ ಪುಣ್ಯ ಕಾರ್ಯೊಡು ಊರುದ ಬೊಕ್ಕ ಪರವೂರ್ದ ಮಾತಾ ಭಕ್ತೆರ್ ಕುಟುಂಬ ಪರಿವಾರದ ಒಟ್ಟುಗು ಬತ್ತ್ ದ್ ಶ್ರೀ ದೇವಿನ ಗಂಧ ಪುರ್ಸೊದ ದೆತೊಂದು ದೇವಿನ ಅನುಗ್ರಹೊಗು ಪಾತ್ರ ಆವೊಡು ಪಂದ್ ದೇವಸ್ಥಾನ ದ ಆಡಳಿತ ಸಮಿತಿ ದ ಪರವಾದ್ ಮೊಕ್ತೇಸರೆರ್ ಕಡಂಬೋಡಿ ಮಹಾಬಲ ಪೂಜಾರಿ, ಸಂಜೀವ ಬಂಗೇರ ಬೊಕ್ಕ ಸಮಿತಿದ ಸರ್ವ ಸದಸ್ಯೆರ್, ಮಹಿಳಾ ವಿಭಾಗ, ಮೊಕುಲು ಲೆಪ್ಪೋಲೆಡ್ ಬಿನ್ನಯ ಮಲ್ದೆರ್.
ಉಬಾರ್ ಶ್ರೀ ಸಹಸ್ರಲಿಂಗೇಶ್ವರ- ಮಹಾಕಾಳಿ ದೇವಲ್ಯಡ್ ಅ.15-25 ಮುಟ್ಟ ಮಾರ್ನೆಮಿ ಉಚ್ಚಯ ನಡಪರೆ ಉಂಡು.
ಅ.15 ಕ್ಕ್ ಕಲ್ಪೋಕ್ತವಿಧಿ ಪೂಜೆ ಆಯಿನ ದುರ್ಗಾಪೂಜೆ, ಅ.16 ಕ್ಕ್ ಅರ್ಯಾಪೂಜೆ, ಅ.17 ಕ್ಕ್ ಭಗವತೀ ಪೂಜೆ, ಅ.18 ಕ್ಕ್ ಕುಮಾರೀ ಪೂಜೆ, ಅ.19 ಕ್ಕ್ ಅಂಬಿಕಾ ಪೂಜೆ, ಅ.20 ಕ್ಕ್ ಮಹಿಷಮರ್ದಿನೀ ಪೂಜೆ, ಅ.21 ಕ್ಕ್ ಚಂಡಿಕಾ ಪೂಜೆ, ಅ.22 ಕ್ಕ್ ಸರಸ್ವತೀ ಪೂಜೆ, ಅ.23 ಕ್ಕ್ ವಾಗೀಶ್ವರೀ ಪೂಜೆ ನಡಪರೆ ಉಂಡು ಪಂದ್ ದೇವಲ್ಯದ ಪ್ರಕಟಣೆ ತೆರಿಪಾದ್ಂಡ್.
ಪುತ್ತೂರು: ಆರ್ಯಾಪು ಗ್ರಾಮದ ಕುಂಜೂರು ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಡ್ ಮಾರ್ನೆಮಿ ಉಚ್ಚಯ ಅ.15-23 ಮುಟ್ಟ ನಡಪರೆ ಉಂಡು.
ಅಂಚೆನೆ ಪ್ರತಿದಿನೊಲ ಬೊಲ್ಪುಗು ನಿತ್ಯಪೂಜೆ, ಗಣಪತಿ ಹೋಮ, ಬೇತೆ ಬೇತೆ ಭಜನಾ ಮಂಡಳಿದಕ್ಲೆರ್ದ್ ಭಜನೆ, ಸಪ್ತಶತಿ ಪಾರಾಯಣ, ಮಧ್ಯಾಹ್ನ ಕುಂಕುಮಾರ್ಚನೆ, ನವರಾತ್ರಿ ಪೂಜೆ, ಮಹಾಪೂಜೆ, ಪ್ರಸಾದ ಪಟ್ಟಿ ಬೊಕ್ಕ ನುಪ್ಪು ಪ್ರಸಾದ ಸೇವೆ, ಬಯ್ಯಗ್ ನಿತ್ಯಪೂಜೆ, ದುರ್ಗಾಪೂಜೆ, ಸಾಮೂಹಿಕ ರಂಗಪೂಜೆ, ಮಹಾಮಂಗಳಾರತಿ, ದೈವೊಲೆಗ್ ತಂಬಿಲ, ಪ್ರಸಾದ ಪಟ್ಟಿ ಬೊಕ್ಕ ನುಪ್ಪು ಪ್ರಸಾದ ಸೇವೆ ನಡಪರೆ ಉಂಡು. ಅತ್ತಂದೆ ಪ್ರತಿದಿನ ನಡಪುನ ಇಸೇಸ ರಂಗಪೂಜೆಡ್ ಭಕ್ತಾದಿಲು ಸೇವೆ ಸಂದಾವೊಲಿ ಪಂದ್ ದೇವಲ್ಯದ ವ್ಯವಸ್ಥಾಪನಾ ಸಮಿತಿ ತೆರಿಪಾದ್ಂಡ್.
ಪುತ್ತೂರ್: ಲಕ್ಷ್ಮೀದೇವಿ ಬೆಟ್ಟದ ಶ್ರೀ ಮಹಾಲಕ್ಷ್ಮೀ ದೇವಲ್ಯಡ್ ಮಾರ್ನೆಮಿ ಉಚ್ಚಯ ಅ.15-24 ಮುಟ್ಟ ನಡಪರೆ ಉಂಡು.
ಅ.15 ಕ್ಕ್ ಬೊಲ್ಪುಗು ಗಣ ಹೋಮ, ನಾಗತಂಬಿಲ, ಗುಳಿಗ ದೈವೊದ ತಂಬಿಲ, ತುಲಾಭಾರ ಸೇವೆ, ಭಜನೆ, ಮಧ್ಯಾಹ್ನ ಮಹಾಪೂಜೆ, ನುಪ್ಪು ಪ್ರಸಾದ ಸೇವೆ, ಬಯ್ಯಗ್ ಭಜನೆ, ಮಹಾಪೂಜೆ ಬೊಕ್ಕ ಪ್ರಸಾದ ಪಟ್ಟಿಯೆರೆ ಉಂಡು.
ಅ.16ಕ್ಕ್ ಬೊಲ್ಪುಗು ಯಕ್ಷಾಂತರಂಗ ಪೆರ್ಲ ಮೊಕ್ಲೆರ್ದ್ ಕದಂಬ ಕೌಶಿಕ ಯಕ್ಷಗಾನ ತಾಳಮದ್ದಲೆ, ಮಧ್ಯಾಹ್ನ ಮಹಾಪೂಜೆ, ಬಯ್ಯಗ್ ಭಜನೆ, ಅ.17 ಕ್ಕ್ ಬೊಲ್ಪುಗು ಚಂದ್ರಶೇಖರ್ ಮೂಡಾಯೂರು ಕೂಟದಕ್ಲೆರ್ದ್ ಸ್ಯಾಕ್ಸೋಫೋನ್ ವಾದನ, ಮಧ್ಯಾಹ್ನ ಮಹಾಪೂಜೆ, ದೇವಿ ದರ್ಶನ, ನುಪ್ಪು ಪ್ರಸಾದ ಸೇವೆ, ರಾತ್ರೆ ಭಜನೆ, ಅ.18 ಕ್ಕ್ ಬೊಲ್ಪುಗು ನಲಿಕೆ ಭಜನೆ, ಜೋಕುಲೆಗ್ ಅಕ್ಷರಾಭ್ಯಾಸ, ಮಧ್ಯಾಹ್ನ ಮಹಾಪೂಜೆ, ಬಯ್ಯಗ್ ಭಜನೆ, ಅ.19 ಕ್ಕ್ ಮಧ್ಯಾಹ್ನ ಮಹಾಪೂಜೆ, ಬಯ್ಯಗ್ ಶ್ರೀದೇವಿ ಪಾರಾಯಣ, ಭಜನೆ, ಮಹಾಪೂಜೆ, ಅ.20 ಕ್ಕ್ ಬೊಲ್ಪುಗು ಭಜನೆ, ಮಹಾಪೂಜೆ, ದೇವಿದರ್ಶನ ಬಯ್ಯಗ್ ಮಹಾಪೂಜೆ ನಡಪರೆ ಉಂಡು.
ಅ.21 ಕ್ಕ್ ಬೊಲ್ಪುಗು ನಲಿಕೆ ಭಜನೆ, ಮಧ್ಯಾಹ್ನ ಮಹಾಪೂಜೆ, ದೇವಿದರ್ಶನ, ದೇವೆರೆಗ್ ಪೊಸ ಅರಿತ್ತ ನೈವೇದ್ಯ ಸಮರ್ಪಣೆ, ಪ್ರಸಾದ ಪಟ್ಟಿಯೆರೆ ಉಂಡು, ರಾತ್ರೆ ಭಜನೆ, ಮಹಾಪೂಜೆ ನಡಪರೆ ಉಂಡು. ಅ.22 ಕ್ಕ್ ಬೊಲ್ಪುಗು ಗಣಪತಿ ಹೋಮ, ಚಂಡಿಕಾ ಯಾಗ, ಸ್ಯಾಕ್ಸೋಫೋನ್ ವಾದನ, ಮಧ್ಯಾಹ್ನ ಮಹಾಪೂಜೆ, ದೇವಿ ದರ್ಶನ, ಬಯ್ಯಗ್ ಭಜನೆ, ಮಹಾಪೂಜೆ, ಅ.23 ಕ್ಕ್ ಬೊಲ್ಪುಗು ಭಜನೆ, ಮಹಾಪೂಜೆ, ಬಯ್ಯಗ್ ಆಯುಧ ಪೂಜೆ, ಮಹಾಪೂಜೆ, ಅ.24 ಕ್ಕ್ ಬೊಲ್ಪುಗು ಭಜನೆ, ಮಧ್ಯಾಹ್ನ ಮಹಾಪೂಜೆ, ದೇವಿದರ್ಶನ, ನುಪ್ಪು ಪ್ರಸಾದ ಸೇವೆ, ಬಯ್ಯಗ್ ಭಜನೆ, ಮಹಾಪೂಜೆದೊಟ್ಟಿಗೆ ಮಾರ್ನೆಮಿ ಉಚ್ಚಯ ಮುಗಿತಲ ಆಪುಂಡು ಪಂದ್ ಕ್ಷೇತ್ರದ ಧರ್ಮದರ್ಶಿಲು ಐತ್ತಪ್ಪ ಸಪಲ್ಯ ತೆರಿಪಾದೆರ್.
3 ತಿಂಗೊಲ್ದ (72 ದಿನ) ಬಾಲೆಯೊಂಜಿ 31 ಸರ್ಟಿಫಿಕೇಟ್ ನ್ ಪಡೆಪುನ ಮುಖೇನ ವರ್ಲ್ಡ್ ಬುಕ್ ಆಫ್ ರೆಕಾರ್ಡ್ಸ್ ಡ್ ತಾನ ಪಡೆತ್ಂಡ್.
ಮಧ್ಯಪ್ರದೇಶದ ನಂದನ್ ಬೊಕ್ಕ ಪ್ರಿಯಾಂಕಾ ದಂಪತಿಲು ತನ್ನ ಬಾಲೆದ ಪುದರ್ ನ್ ಶಾಶ್ವತವಾದ್ ನೆಂಪುಡ್ ದೀಯೆರೆ ಶರಣ್ಯ ಪನ್ಪುನ ಬಾಲೆದ ಪುದರ್ ಡ್ ಆಧಾರ ಕಾರ್ಡ್, ಪಾನ್ ಕಾರ್ಡ್, ಪಾಸ್ ಪೋರ್ಟ್‌ ಇಂಚ ಸೇರಿನಂಚೆನೆ 31 ಸರ್ಟಿಫಿಕೇಟ್ ಪಡೆದ್ ದಾಖಲೆ ನಿರ್ಮಾಣ ಮಲ್ದೆರ್.
