ತುಳು ಸುದ್ದಿ

ಮೀನ್ ಮೇಳದ ಪೋಸ್ಟರ್‌ ಬುಡುಗಡೆ

ಒಡಿಪು: ದ.ಕ ಬೊಕ್ಕ ಒಡಿಪು ಜಿಲ್ಲಾ ಸಹಕಾರಿ ಮೀನ್ ಮಾರಾಟ ಫೆಡರೇಶನ್ ನಿ. ಕುಡ್ಲದ ಮುತಾಲಿಕೆಡ್, ಜಲಾನಯನ ಅಭಿವೃದ್ಧಿ ಇಲಾಖೆ, ಮೀನುಗಾರಿಕೆ ಇಲಾಖೆ ಬೊಕ್ಕ ಸ್ಕೋಡೈಸ್ ಸಂಸ್ಥೆ ಶಿರಸಿ ಮೊಕ್ಲೆನ ಒಟ್ಟುಸೇರಿಗೆಡ್ ರಚನೆ ಆಯಿನ ಮಲ್ಪೆ ಮೀನುಗಾರೆರೆನ ಉತ್ಪಾದಕೆರೆನ ಕಂಪನಿ ಡಿ.2 ಬೊಕ್ಕ 3 ಕ್ಕ್ ಅಟ್ಟಣೆ ಮಲ್ದಿನ ಮೀನ್ ಮೇಳ-2023 ತ್ತ ಪೋಸ್ಟರ್ ನ್ ಒಡಿಪು ಶಾಸಕೆರ್ ಯಶ್ ಪಾಲ್ ಸುವರ್ಣ ಬೊಕ್ಕ ಬೈಂದೂರು ಶಾಸಕೆರ್ ಗುರುರಾಜ್ ಗಂಟಿಹೊಳೆ ಮೇರ್ ಬುಡುಗಡೆ ಮಲ್ತೆರ್.

ಬೊಕ್ಕ ಪಾತೆರ್ನ ಮೇರ್, ಮತ್ರ್ಯಮೇಳ-2023 ಭಾರೀ ಯಶಸ್ವಿಯಾದ್ ನಡಪಡ್, ಒಡಿಪುದ ಬೊಕ್ಕ ಸುತ್ತಮುತ್ತದ ಊರುದ ಜನಕ್ಲೆಗ್ ಸಾಗರೋತ್ಪನ್ನಲೆನ ಕುಷಿ ಪಡೆಯೆರೆ ಮಲ್ಪೆ ಮೀನುಗಾರೆರೆನ ಉತ್ಪಾದಕೆರೆನ ಕಂಪನಿ ಆಯೋಜನೆ ಮಲ್ತಿನ ಲೇಸ್ ಯಶಸ್ವಿ ಆವಡ್ ಪಂದ್ ಎಡ್ಡೆಪ್ಪು ಬಾಮಿಯೆರ್‌.

ಈ ಪೊರ್ತುಡು ಮಲ್ಪೆ ಮೀನುಗಾರೆರೆನ ಉತ್ಪಾದಕೆರೆನ ಕಂಪನಿದ ಗುರ್ಕಾರ್ದಿ ವನಜ ಪುತ್ರನ್, ನಿರ್ದೇಶಕೆರ್ ಜಯಂತಿ ಸಾಲಿಯಾನ್, ನಿರ್ಮಲ ಸಾಲಿಯಾನ್, ವೇದಾವತಿ ಪುತ್ರನ್ ಬೊಕ್ಕ ರೇಣುಕಾ, ಮುಖ್ಯ ಕಾರ್ಯನಿರ್ವಾಹಕೆರ್ ವಿಷ್ಣುಪ್ರಸಾದ್ ಕಾಮತ್ ಇತ್ತೆರ್.

ನನ 3 ದಿನ ಭಾರೀ ಬರ್ಸ

ರಾಜ್ಯದ ಸುಮಾರ್ ಜಿಲ್ಲೆಡ್ ಇನಿರ್ದ್ 3 ದಿನ ಭಾರೀ ಬರ್ಸ ಬರ್ಪಿನ ಅಂದಾಜಿ ಉಂಡು ಪಂದ್ ಹವಾಮಾನ ಇಲಾಖೆ ಸೂಚನೆ ಕೊರ್ತುಂಡು.

ಇನಿ ಕೊಡಗು, ಮೈಸೂರ್ ಜಿಲ್ಲೆಗ್, ಎಲ್ಲೆ ತುಳುನಾಡ್ ದ ಉತ್ತರ ಕನ್ನಡ, ಒಡಿಪು ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲೆಗ್, ಬೊಕ್ಕ ಎಲ್ಲಂಜಿ ಚಾಮರಾಜನಗರ, ಚಿಕ್ಕಮಗಳೂರು, ಕೊಡಗು, ಶಿವಮೊಗ್ಗ ಬೊಕ್ಕ ಹಾಸನ ಜಿಲ್ಲೆಡ್ ಯೆಲ್ಲೋ ಅಲರ್ಟ್ ಘೋಷಣೆ ಆತ್ಂಡ್. ಉತ್ತರ ಕರ್ನಾಟಕದ ಕೆಲವು ಭಾಗಲೆಡ್ ಎಡ್ಡೆ ಬರ್ಸ ಬರ್ಪುಂಡು. ಬೆಂಗ್ಲೂರ್ ಡ್ ಇನಿಲ ಬರ್ಸ ಬರ್ಪುಂಡು ಪಂದ್ IMD ಪಂತ್ಂಡ್.

ಎಲ್ಲೆರ್ದ್ 3 ದಿನ ಆನ್ ಲೈನ್ ಸೇವೆ ಬಂದ್

ಬೆಸ್ಕಾಂ ಸೇರ್ದ್ ರಾಜ್ಯ ಇಡೀ ಮತ 5 ಕರೆಂಟ್ ಸರಬರಾಜು ಕಂಪನಿದ ವ್ಯಾಪ್ತಿಡ್ 3 ದಿನ ಆನ್ ಲೈನ್ ಸೇವೆ ಬಂದ್ ಆಪುಂಡು.

ನ.24-26 ಮುಟ್ಟ ಪೊಸ ಕರೆಂಟ್ ಸಂಪರ್ಕ, ಪುದರ್/ ಲೋಡ್ ಬದಲಾವಣೆ, ನಗದು ಪಾವತಿ, ಆನ್ ಲೈನ್ ಮುಖೇನ ಬಿಲ್ ಪಾವತಿ ಸೇರಿನಂಚೆನೆ ಬೇತೆ ಸೇವೆಗ್ ಇಪ್ಪುಜಿ ಪಂದ್ ಮೆಸ್ಕಾಂ ತೆರಿಪಾದ್ಂಡ್. IT ಸೇವೆಗ್ ಸಂಬಂಧಪಟ್ಟಿನಂಚೆನೆ ತಂತ್ರಾಂಶ ಬೊಕ್ಕ ಹಾರ್ಡ್ ವೇರ್ ಅಪ್ ಗ್ರೇಡ್ ಮಲ್ಪುನ ಬಗೆಟ್ಟ್ 3 ದಿನ ಆನ್ ಲೈನ್ ಸೇವೆ ಇಪ್ಪುಜಿ ಪಂದ್ ಪಂತ್ಂಡ್.