ತುಳು ಸುದ್ದಿ

ಹರಿಪಾದೆ ಯುವಕ ಮಂಡಲ ಅಧ್ಯಕ್ಷೆರಾದ್ ಸುಬ್ರಹ್ಮಣ್ಯ ಭಟ್ ಆಯ್ಕೆ

ಪಕ್ಷಿಕೆರೆ : ಹರಿಪಾದೆ ಶ್ರೀ ಜಾರಂದಾಯ ಯುವಕ ಮಂಡಲ ಪಂಜ ಕೊಯಿಕುಡೆ ನೆತ್ತ ಪೊಸ ಅಧ್ಯಕ್ಷೆರಾದ್ ಸುಬ್ರಹ್ಮಣ್ಯ ಭಟ್ ಆಯ್ಕೆ ಆತೆರ್.

ಗೌರವಾಧ್ಯಕ್ಷೆರಾದ್ ವಾಸುದೇವ್ ಭಟ್ ಪಂಜ, ಉಪಾಧ್ಯಕ್ಷೆರಾದ್ -ಯಾದವ ಸಾಲಿಯಾನ್ , ಪ್ರಧಾನ ಕಾರ್ಯದರ್ಶಿಯಾದ್ ನವೀನ್ ಕುಮಾರ್ ಹರಿಪಾದೆ, ಜೊತೆ ಕಾರ್ಯದರ್ಶಿಯಾದ್ ಗೋಕುಲ್, ಸಂದೀಪ್, ರಮೇಶ್ ಕಾಪಿ ಕಾಡು, ಸಾಂಸ್ಕೃತಿಕ ಕಾರ್ಯದರ್ಶಿಲಾದ್ ಸುಶಾಂತ್, ಶಿವರಾಜ್, ಜಗದೀಶ್, ಕೋಶಾಧಿಕಾರಿಯಾದ್ ಯಾದವ ಎನ್ ಅಮೀನ್. ಭಜನಾ ಸಂಚಾಲಕೆರಾದ್ ಹರೀಶ್ ಹರಿಪಾದೆ, ಪ್ರಭಾಕರ ಆಚಾರ್, ಕ್ರೀಡಾ ಕಾರ್ಯದರ್ಶಿ ನಾಗೇಶ್ ಪುರುಷ ಬೆಟ್ಟು, ಅಂಕಿತ್, ಗೌರವ ಸಲಹೆಗಾರರಾದ್ ರಾಜೇಶ್ ಶೆಟ್ಟಿ, ಅನಿಲ್ ಅಮೀನ್, ಕೃಷ್ಣಪ್ಪ ಬೆಲ್ಚಡ, ಶೇಖರ್ ಪುರುಷ ಬೆಟ್ಟು, ಮಾಧವ್ ಕುಕ್ಯಾನ್, ದಯಾನಂದ ಅಮೀನ್, ಯುವರಾಜ, ರತ್ನಾಕರ್ ಕುಲಾಲ್, ಶ್ರೀನಿವಾಸ್ ಗುಜರನ್, ಪದಾಧಿಕಾರಿಲಾದ್ ರವಿ ಮೇಸ್ತ್ರಿ, ಧರ್ಮರಾಜ್, ಮುಕುಲ್ ಪೂಜಾರಿ, ಲೇಖನ, ಮನು, ಕಿಶನ್, ರಕ್ಷಿತ್, ಸಂಚಿತ್ ಭಜನಾ ಅರ್ಚಕೆರಾದ್ ಕಿರಣ್ ಹರಿಪಾದೆ, ಸುಶಾಂತ್ ಆಯ್ಕೆ ಆತೆರ್.

ಗ್ರಾಮೀಣ ಪ್ರದೇಶದ ಪ್ರತಿಭೆಲೆಗ್ ಅವಕಾಶ ಕೊರ್ಪುನ ಬೇಲೆ ಮೆಚ್ಚುಡಾಯಿನವು: ಸಂಸದೆರ್ ನಳಿನ್ ಕುಮಾರ್ ಕಟೀಲ್

ಗ್ರಾಮೀಣ ಪ್ರದೇಶದ ಪ್ರತಿಭೆಲೆಗ್ ಅವಕಾಶ ಕೊರ್ಪುನ ಬೇಲೆ ಮೆಚ್ಚುಡಾಯಿನವು. ಇಂಚಿನ ಬೇಲೆಲು ಸಂಘ ಸಂಸ್ಥೆರ್ದ್ ಏಪಲ ನಡಪಡ್ ಪಂದ್ ಸಂಸದೆರ್ ನಳಿನ್ ಕುಮಾರ್ ಕಟೀಲ್ ಪಂಡೆರ್.

ಮೇರ್ ನಂದಿನಿ ಯುವಕ ಮಂಡಲ (ರಿ.) ಕೊಡೆತ್ತೂರು ಮಲ್ಲಿಗೆಯಂಗಡಿ ಕಟೀಲ್, ಭಾರತೀಯ ಜನತಾ ಪಾರ್ಟಿ ಬೊಕ್ಕ ದ.ಕ. ಜಿಲ್ಲಾ ಕಬಡ್ಡಿ ಅಸೋಶಿಯೇಶನ್ ದ ಒಟ್ಟುಸೇರಿಗೆಡ್ ಮಲ್ಲಿಗೆಯಂಗಡಿ ನಂದಿನಿ ಯುವಕ ಮಂಡಲದ ಚಾವಡಿಡ್ ನಡತಿನ ನಮೋ ಟ್ರೋಪಿ ಕಬಡ್ಡಿ ಮ್ಯಾಚ್ ಬೊಕ್ಕ ಬಲ್ಲ್ ಒಯಿಪುನ ಪಂತೊನ್ ಉದಿಪನ ಮಲ್ತ್ ದ್ ಪಾತೆರಿಯೆರ್.

ಮುಲ್ಕಿ ಬೆದ್ರ ಶಾಸಕೆರ್ ಉಮಾನಾಥ ಕೋಟ್ಯಾನ್ ಲೇಸ್ ದ ಗುರ್ಕಾರ್ಮೆನ್ ಒಯಿಸ್ ದಿತ್ತೆರ್. ಕಟೀಲ್ ದೇವಲ್ಯದ ಪ್ರಧಾನ ಅರ್ಚಕೆರ್ ಲಕ್ಷೀನಾರಾಯಣ ಆಸ್ರಣ್ಣ ಆಶೀರ್ವಚನ ಕೊರಿಯೆರ್.

ಈ ಪೊರ್ತುಡು ಕುಡ್ಲ ನಗರ ಪಾಲಿಕೆದ ಮೇಯರ್‌ ಸುಧೀರ್ ಶೆಟ್ಟಿ ಕಣ್ಣೂರು, ಬಿಜೆಪಿ ಮಂಡಲಾಧ್ಯಕ್ಷೆರ್ ಸುನೀಲ್ ಅಳ್ವ, ಜಯರಾಮ ಮುಕಾಲ್ದಿ ಕೊಡೆತ್ತೂರು, ಭುವನಾಭಿರಾಮ ಉಡುಪ ಕಿನ್ನಿಗೋಳಿ, ಜಿಲ್ಲಾ ಪಂಚಾಯತ್ ಮಾಜಿ ಒತ್ತು ಗುರ್ಕಾರ್ದಿ ಕಸ್ತೂರಿ ಪಂಜ, ತಾಲೂಕ್ ಪಂಚಾಯತ್ ಮಾಜಿ ಸದಸ್ಯೆರ್ ದಿವಾಕರ ಕರ್ಕೇರ, ನಿತಿನ್ ಶೆಟ್ಟಿ ಕೊಡೆತ್ತೂರುಗುತ್ತು, ಗಿರೀಶ್ ಕಟೀಲ್, ರಣದೀಪ್ ಕಾಂಚನ್, ಪ್ರದೀಪ್ ಶೆಟ್ಟಿ ಎಕ್ಕಾರು, ದೊಡ್ಡಯ್ಯ‌ ಮೂಲ್ಯ ಕಟೀಲ್, ನಿವೃತ್ತ ದೈಹಿಕ ಶಿಕ್ಷಣ ಶಿಕ್ಷಕೆರ್ ಸುಂದರ ಪೂಜಾರಿ, ಲೋಕಯ್ಯ ಸಾಲಿಯಾನ್ ಕೊಂಡೇಲ, ಅಶ್ವಥ್ ಪಣಪಿಲ, ವಿಜಯ ರೈತ ಸೇವಾ ಸಹಕಾರಿ ಸಂಘದ ಗುರ್ಕಾರೆ ರಂಗನಾಥ ಶೆಟ್ಟಿ, ದೇವಿಪ್ರಸಾದ್ ಶೆಟ್ಟಿ ಕೊಡೆತ್ತೂರು, ಅಭಿಲಾಷ್ ಶೆಟ್ಟಿ ಕಟೀಲ್, ಪುಂಡಲೀಕ ಕೊಠಾರಿ, ರಾಜೇಶ್ ಅಮೀನ್ ಪೊರ್ಕೋಡಿ, ವಿಜಯ್ ಕೆಂಜಾರ್, ಉದ್ಯಮಿ ವಿಜಯ್, ಚಂದ್ರಹಾಸ್ ಅಂಚನ್, ಕೇಶವ ಕರ್ಕೇರ, ಹರೀಶ್ ಕುಕ್ಯಾನ್, ಮಾಧವ ಮಾಹೆ, ದಯಾನಂದ ಮಾಡ, ಸೋಂದ ಭಾಸ್ಕರ ಭಟ್, ಮೋರ್ಗನ್ ವಿಲಿಯಂ, ನಾಗರಾಜ್ ಪಾಲ್ ಪಡೆದಿತ್ತೆರ್.

ಬೇತೆ ಬೇತೆ ಕ್ಷೇತ್ರಡ್ ಸಾಧನೆ ಮಲ್ತಿನ ಕಲ್ಪಾರ್ಥಿಲೆಗ್ ಸನ್ಮಾನ ಮಲ್ತೆರ್. ಗುರುರಾಜ್ ಮಲ್ಲಿಗೆಯಂಗಡಿ ಎದ್ಕೊನಿಯೆರ್. ನಿತೇಶ್ ಎಕ್ಕಾರು, ದುರ್ಗಾಪ್ರಸಾದ್ ಕೊಂಡೇಲ ಲೇಸ್ ನ್ ಸುಧಾರಿಕೆ ಮಲ್ತೆರ್.

ಬಾರಾಡಿಬೂಡು “ಸೂರ್ಯ – ಚಂದ್ರ” ಜೋಡುಕರೆ ಕಂಬುಲದ ರಿಸಲ್ಟ್

ಬಾರಾಡಿ ಬೂಡುದ 37ನೇ ವರ್ಷದ “ಸೂರ್ಯ – ಚಂದ್ರ” ಜೋಡುಕರೆ ಕಂಬುಲದ ಕೂಟ ಡಿ‌.9 ಕ್ಕ್ ನಡತ್ಂಡ್.

ಈ ಕಂಬುಲ ಕೂಟದ ರಿಸಲ್ಟ್ ಇಂಚ ಉಂಡು.

ಕನೆ ಪಲಯಿ: 4 ಜತೆ
ಅಡ್ಡಪಲಯಿ: 3 ಜತೆ
ಬಲ್ಲ್ ದ ಮಲ್ಲ: 20 ಜತೆ
ನಾಯೆರ್ ಮಲ್ಲ: 35 ಜತೆ
ಬಲ್ಲ್ ದ ಎಲ್ಯ: 36 ಜತೆ
ನಾಯೆರ್ ಎಲ್ಯ: 110 ಜತೆ
ಒಟ್ಟು ಎರ್ಲು ಸಂಖ್ಯೆ: 208 ಜತೆ ಇತ್ತ್ಂಡ್.

ಕನೆಪಲಯಿ: (ಸಮಾನ ಇನಾಮು)
ನೇರಳೆಕಟ್ಟೆ ಕೊಡ್ಲಾಡಿ ಬೊಕ್ಕ ಅದ್ವಿನ್ ರವಿರಾಜ್ ಶೆಟ್ಟಿ,
ಪಲಯಿ ಮುಟ್ಟಿನಾರ್: ಬೈಂದೂರು ಭಾಸ್ಕರ ದೇವಾಡಿಗ,
ಬೇಲಾಡಿ ಬಾವ ಅಶೋಕ್ ಶೆಟ್ಟಿ
ಪಲಯಿ ಮುಟ್ಟಿನಾರ್: ತೆಕ್ಕಟ್ಟೆ ಸುಧೀರ್ ದೇವಾಡಿಗ,
ಬೋಳಾರ ತ್ರಿಶಾಲ್ ಕೆ ಪೂಜಾರಿ
ಪಲಯಿ ಮುಟ್ಟಿನಾರ್: ಬೈಂದೂರು ಮಹೇಶ್ ಪೂಜಾರಿ,
ನಿಡ್ಡೋಡಿ ಕಾನ ರಾಮ ಸುವರ್ಣ
ಪಲಯಿ ಮುಟ್ಟಿನಾರ್: ತೆಕ್ಕಟ್ಟೆ ಸುಧೀರ್ ದೇವಾಡಿಗ.

ಅಡ್ಡ ಪಲಯಿ:
ಸುರುತ್ತ ಇನಾಮು: ಬೋಳಾರ ತ್ರಿಶಾಲ್ ಕೆ ಪೂಜಾರಿ
ಪಲಯಿ ಮುಟ್ಟಿನಾರ್: ಸಾವ್ಯ ಗಂಗಯ್ಯ ಪೂಜಾರಿ
ರಡ್ಡನೇ ಇನಾಮು: ಪೆರಿಯಾವು ಗುತ್ತು ಪ್ರಜ್ವಲ್ ಗಟ್ಟಿಯಾಳ್
ಪಲಯಿ ಮುಟ್ಟಿನಾರ್: ತೆಕ್ಕಟ್ಟೆ ಸುಧೀರ್ ದೇವಾಡಿಗ

ಬಲ್ಲ್ ದ ಮಲ್ಲ:
ಸುರುತ್ತ ಇನಾಮು: ಕೊಳಕೆ ಇರ್ವತ್ತೂರು ಭಾಸ್ಕರ ಎಸ್ ಕೋಟ್ಯಾನ್ “ಎ”
ಗಿಡತಿನಾರ್: ಕೊಳಕೆ ಇರ್ವತ್ತೂರು ಆನಂದ್
ರಡ್ಡನೇ ಇನಾಮು: ಪದವು ಕಾನಡ್ಕ ಫ್ಲೇವಿ ಡಿಸೋಜ
ಗಿಡತಿನಾರ್: ನತೀಶ್ ಬಾರಾಡಿ

ಬಲ್ಲ್ ದ ಎಲ್ಯ:
ಸುರುತ್ತ ಇನಾಮು: ಅಲ್ಲಿಪಾದೆ ದೇವಸ್ಯ ಪಡೂರು ವಿಜಯ ವಿ ಕೋಟ್ಯಾನ್
ಗಿಡತಿನಾರ್: ಬೈಂದೂರು ವಿಶ್ವನಾಥ ದೇವಾಡಿಗ
ರಡ್ಡನೇ ಇನಾಮು: ಕುದ್ರಿಪದವು ಭಂಡಾರಮನೆ ಪ್ರೇಮ ಶೀನ ಗುರಿಕಾರ “ಎ”
ಗಿಡತಿನಾರ್: ಪೆಂರ್ಗಾಲು ಕೃತಿಕ್ ಗೌಡ

ನಾಯೆರ್ ಮಲ್ಲ:
ಸುರುತ್ತ ಇನಾಮು: ಶ್ರೀ ವಿಷ್ಣುಮೂರ್ತಿ ದೇವತಾ ಬಿಳಿಯೂರು ಮೇಗಿನಮನೆ ಪ್ರಭಾಕರ ಗಣಪ ಭಂಡಾರಿ
ಗಿಡತಿನಾರ್: ಪೆಂರ್ಗಾಲು ಕೃತಿಕ್ ಗೌಡ
ರಡ್ಡನೇ ಇನಾಮು: ಹೊಸ್ಮಾರ್ ಸೂರ್ಯಶ್ರೀ ರತ್ನ ಸದಾಶಿವ ಶೆಟ್ಟಿ
ಗಿಡತಿನಾರ್: ಬೈಂದೂರು ವಿವೇಕ್ ಪೂಜಾರಿ

ನಾಯೆರ್ ಎಲ್ಯ:
ಸುರುತ್ತ ಇನಾಮು: ಜೈ ತುಳುನಾಡ್ ಕಕ್ಕೆಪದವು ಪುನ್ಕೆದಡಿ ರಾಮಯ್ಯ ಭಂಡಾರಿ
ಗಿಡತಿನಾರ್: ಪೆಂರ್ಗಾಲು ಕೃತಿಕ್ ಗೌಡ
ರಡ್ಡನೇ ಇನಾಮು: ಮಿಯಾರ್ ಬೋರ್ಕಟ್ಟೆ ಅನುಗ್ರಹ ಪ್ರತಮ್ ಪ್ರಭಾಕರ ಶೆಟ್ಟಿ
ಗಿಡತಿನಾರ್: ಬೈಂದೂರು ವಿವೇಕ್ ಪೂಜಾರಿ.

ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ಪೂಕರೆ ಉಚ್ಚಯ

ಪುತ್ತೂರು: ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ವರ್ಷದ ಸುರುತ್ತ ದೇವೆರೆನ ಸವಾರಿದ ಪೂಕರೆ ಉಚ್ಚಯ ಗುರುವಾರ ರಾತ್ರೆ ನಡತ್ಂಡ್.

ಪೂಕರೆ ಕಂಡಗ್ ಪ್ರಾರ್ತನೆ ಮಲ್ತ್ ದ್ ದೇವೆರೆನ ಬಲಿ ಪಿದಾಡ್ ದ್ ದೇವಲ್ಯದ ಪಡ್ಡಾಯಿ ಬಾಕಿಲ್ ರ್ದ್ ರಾಜಮಾರ್ಗಡ್ ಭಂಡಾರದೊಟ್ಟಿಗೆ ವಾದ್ಯ ಮೇಳ, ಬಸವೆ ಬೊಕ್ಕ ದೈವದೊಟ್ಟಿಗೆ ಸೀದಾ ಪೂಕರೆ ಕಟ್ಟೆಗ್ ಬತ್ತ್ ದ್ ದೇವೆರೆನ್ ಕಟ್ಟೆಡ್ ದೀಯೆರ್. ಬೊಕ್ಕ ಕುಂಟಾರು ರವೀಶ ತಂತ್ರಿಲೆನ ಮುತಾಲಿಕೆಡ್ ವಿಷ್ಣುಪ್ರಸಾದ್ ತಂತ್ರಿ ಬೊಕ್ಕ ಪ್ರಧಾನ ಅರ್ಚಕೆರ್ ವಸಂತ ಕೆದಿಲಾಯ ಮೇರ್ ಮೂಲ ನಾಗ ಸನ್ನಿಧಿಡ್ ಪೂಕರೆ ಕಂಡಗ್ ಪ್ರಾರ್ತನೆ ಮಲ್ತ್ ದ್ ಪೂಜೆದ ವಿಧಿ ವಿಧಾನನ್ ಮಲ್ತೆರ್.

ಪೂಕರೆ ತಯಾರ್ ಮಲ್ತಿನ ಜಾಗೆಡ್ ಹಿರಿಯೆರಾಯಿನ ಕಿಟ್ಟಣ್ಣ ಗೌಡ ಮೆರೆನ ಮುತಾಲಿಕೆಡ್ ಮಧ್ಯಸ್ತೆರ್ ಶಶಾಂಕ್ ನೆಲ್ಲಿತ್ತಾಯ ಮೇರ್ ಪ್ರಾರ್ತನೆ ಮಲ್ತೆರ್. ಜೋಡು ಪೂಕರೆನ್ ದೇವರಮಾರು ಕಂಡಡ್ ಬೊಕ್ಕ ಬಾಕಿಮಾರು ಕಂಡಡ್ ದೀದ್ ಪ್ರಾರ್ತನೆ ಮಲ್ತೆರ್. ಬೊಕ್ಕ ಪೂಕರೆ ಕಟ್ಟೆಡ್ ಶ್ರೀ ದೇವೆರೆಗ್ ಜೀಟಿಗೆ ಪ್ರಣಾಮ್, ಕಟ್ಟೆಪೂಜೆ ಆಂಡ್. ಅವೆರ್ದ್ ಬೊಕ್ಕ ಬುಲೆಕಾಣಿಕೆ ಸಂಪ್ರದಾಯದಂಚೆನೆ ಬತ್ತಿನ ಭಕ್ತೆರೆಗ್ ಬೊಂಡ ಪಟ್ಟಿಯೆರ್.

ಈ ಪೊರ್ತುಡು ದೇವಲ್ಯದ ವ್ಯವಸ್ಥಾಪನಾ ಸಮಿತಿದ ಗುರ್ಕಾರೆ ಕೇಶವ ಪ್ರಸಾದ್‌ ಮುಳಿಯ, ಶೇಖರ್ ನಾರಾವಿ, ಡಾ. ಸುಧಾ ಎಸ್. ರಾವ್, ರಾಮದಾಸ್ ಗೌಡ, ರವೀಂದ್ರನಾಥ ರೈ ಬಳ್ಳಮಜಲು, ಬಿ.ಐತ್ತಪ್ಪ ನಾಯ್ಕ, ರಾಮಚಂದ್ರ ಕಾಮತ್, ವೀಣಾ ಬಿ.ಕೆ., ಕಾರ್ಯ ನಿರ್ವಹಣಾಧಿಕಾರಿ ಕೆ.ವಿ. ಶ್ರೀನಿವಾಸ್, ಕಚೇರಿ ವ್ಯವಸ್ಥಾಪಕೆರ್ ಹರೀಶ್ ಶೆಟ್ಟಿ, ಸಿಬ್ಬಂದಿ ರವೀಂದ್ರ, ಪೂಕರೆ ಕಟ್ಟೆಡ್ ಸೇವೆ ಮಲ್ತೊಂದು ಇಪ್ಪುನ ಕೆ.ವಿ. ಪೈ, ಬಾಲಕೃಷ್ಣ ಪೈ, ಮಾಜಿ ಆಡಳಿತ ಮೊಕ್ತೇಸರೆರ್ ಎನ್.ಕೆ. ಜಗನ್ನಿವಾಸ ರಾವ್, ಮಾಜಿ ಮೊಕ್ತೇಸರೆರ್ ಚಿದಾನಂದ ಬೈಲಾಡಿ, ವ್ಯವಸ್ಥಾಪನಾ ಸಮಿತಿದ ಮಾಜಿ ಗುರ್ಕಾರೆ ಸುಧಾಕರ್ ಶೆಟ್ರೆನ ಬೊಡೆದಿ ಗೀತಾ, ಮಗೆ ಅಭಿಜಿತ್, ನಗರಸಭೆ ಸದಸ್ಯೆರ್ ಪಿ.ಜಿ. ಜಗನ್ನಿವಾಸ ರಾವ್, ಪಿ.ಜಿ. ಚಂದ್ರಶೇಖರ್ ರಾವ್, ಮಾಜಿ ಪುರಸಭೆ ಗುರ್ಕಾರೆ ರಾಜೇಶ್ ಬನ್ನೂರು, ನಗರಸಭೆ ಮಾಜಿ ಗುರ್ಕಾರೆ ನೆಲ್ಲಿಕಟ್ಟೆ ಜಗದೀಶ್ ಶೆಟ್ಟಿ, ಉದ್ಯಮಿ ಸೀತಾರಾಮ ರೈ ಕೆದಂಬಾಡಿಗುತ್ತು, ಗಣೇಶ್ ಶೆಟ್ಟಿ ನೆಲ್ಲಿಕಟ್ಟೆ ರತ್ನಾಕರ ನಾಯ್ಕ್‌, ಶ್ರೀಧರ್ ಪಟ್ಟ ಪಾಲ್ ಪಡೆದಿತ್ತೆರ್.

ಪಡ್ಡೆದ್ರ ಶ್ರೀ ಬಾಲಗಣಪತಿ ಪ್ರಸನ್ನ ಪಾರ್ವತಿ ದೇವಲ್ಯಡ್ ಕೃಷಿ ಮೇಳ ಉದಿಪನ

ಪಡ್ಡೆದ್ರ ಶ್ರೀ ಬಾಲಗಣಪತಿ ಪ್ರಸನ್ನ ಪಾರ್ವತಿ ದೇವಲ್ಯ ಬೊಕ್ಕ ಕೃಷಿ, ತೋಟಗಾರಿಕಾ ಇಲಾಖೆದ ಒಟ್ಟುಸೇರಿಗೆಡ್ ಇನಿ (ಡಿ.9) ಪಡ್ಡೆದ್ರ ಶ್ರೀ ಬಾಲಗಣಪತಿ ಪ್ರಸನ್ನ ಪಾರ್ವತಿ ದೇವಲ್ಯದಲ್ಪ ಆಯೋಜನೆ ಮಲ್ತಿನ ಕೃಷಿ ಮೇಳ 2023 ನ್ ಶಾಸಕೆರ್ ಗುರ್ಮೆ ಸುರೇಶ್ ಶೆಟ್ಟಿ ಮೇರ್ ತುಡರ್ ಅರ್ಲಾದ್ ಉದಿಪನ ಮಲ್ತ್ ದ್ ಎಡ್ಡೆಪ್ಪು ಬಯಕಿಯೆರ್.

ಬೆದ್ರ ಜೈನ ಮಠತ್ತ ಭಾರತಭೂಷಣ ಡಾ. ಸ್ವಸ್ತಿಶ್ರೀ ಚಾರುಕೀರ್ತಿ ಭಟ್ಟಾರಕ ಪಟ್ಟಾಚಾರ್ಯವರ್ಯ ಸ್ವಾಮೀಜಿ ಆಶೀರ್ವಚನ ಕೊರಿಯೆರ್. ಜಿಲ್ಲಾ ಪಂಚಾಯತ್ ಮಾಜಿ ಸದಸ್ಯೆರ್ ಶಶಿಕಾಂತ್ ಪಡ್ಡೆದ್ರ ಲೇಸ್ ದ ಗುರ್ಕಾರ್ಮೆನ್ ಒಯಿಸ್ ದಿತ್ತೆರ್.

ಈ ಪೊರ್ತುಡು ನಿಕಟಪೂರ್ವ ಶಾಸಕೆರ್ ಲಾಲಾಜಿ ಆರ್ ಮೆಂಡನ್, ಯು.ಪಿ.ಸಿ.ಎಲ್ ಗುರ್ಕಾರೆ, ನಿರ್ದೇಶಕೆರ್ ಕಿಶೋರ್ ಆಳ್ವ, ಪಡ್ಡೆದ್ರ ವ್ಯವಸಾಯ ಸೇವಾ ಸಹಕಾರ ಸಂಘದ ಗುರ್ಕಾರೆ ವೈ. ಸುಧೀರ್ ಕುಮಾರ್, ಜಿಲ್ಲಾ ಬಿಜೆಪಿ ಒತ್ತು ಗುರ್ಕಾರೆ ಪ್ರಕಾಶ್ ಶೆಟ್ಟಿ ಪಾದೆಬೆಟ್ಟು, ಪಡ್ಡೆದ್ರ ಗ್ರಾಮ ಪಂಚಾಯತ್ ಗುರ್ಕಾರೆ ಶಶಿಕಲಾ, ಪಲಿಮಾರು ಗ್ರಾಮ ಪಂಚಾಯತ್ ಒತ್ತು ಗುರ್ಕಾರೆ ರಾಯೇಶ್ ಪೈ, ಪೆಜಮಾಡಿ ಗ್ರಾಮ ಪಂಚಾಯತ್ ಒತ್ತು ಗುರ್ಕಾರೆ ಮೋಹನ್ ಸುವರ್ಣ, ಕೃಷಿ ಇಲಾಖೆದ ಸಹಾಯಕ ನಿರ್ದೇಶಕೆರ್ ಮೋಹನ್ ರಾಜ್, ತೋಟಗಾರಿಕೆ ಇಲಾಖೆದ ಎಲ್. ಹೇಮಂತ್ ಕುಮಾರ್ ಪಾಲ್ ಪಡೆದಿತ್ತೆರ್.

ಧರ್ಮಸ್ಥಳ ಕ್ಷೇತ್ರಡ್ ಪುತ್ತಿಗೆ ಪರ್ಯಾಯ ಸ್ವಾಗತ ಸಮಿತಿ

ಧರ್ಮಸ್ಥಳ: ಪುತ್ತಿಗೆ ಮಠತ್ತ ಶ್ರೀ ಸುಗುಣೇಂದ್ರ ಸ್ವಾಮೀಜಿನ ಚತುರ್ಥ ಪರ್ಯಾಯೋತ್ಸವ ಜ.18 ಕ್ಕ್ ನಡಪರೆ ಉಂಡು. ನೆತ್ತ ಲೆಕ್ಕೊಡು ಸ್ವಾಗತ ಸಮಿತಿದ ಸದಸ್ಯೆರ್ ಮಾತ ಶ್ರೀ ಕ್ಷೇತ್ರ ಧರ್ಮಸ್ಥಳಗ್ ಬತ್ತ್ ದ್ ಶ್ರೀ ಮಂಜುನಾಥನ ದರ್ಶನ ಪಡೆದ್ ಪ್ರಾರ್ಥನೆ ಸಂದಾಯೆರ್.

ಕ್ಷೇತ್ರದ ಧರ್ಮಾಧಿಕಾರಿ, ಸ್ವಾಗತ ಸಮಿತಿದ ಮಾನಾದಿಗೆದ ಗುರ್ಕಾರೆ ಡಾ| ಡಿ. ವೀರೇಂದ್ರ ಹೆಗ್ಗಡೆ ಮೆರೆನ್ ಭೇಟಿ ಆದ್ ಪರ್ಯಾಯಗ್ ಸಂಪೂರ್ಣ ಸಹಕಾರ ಕೊರೊಡು ಬಿನ್ನಾಪು ಮಲ್ತೆರ್.

ಕ್ಷೇತ್ರದ ಶ್ರೀ ಮಂಜುನಾಥ ಸ್ವಾಮಿ ಪುತ್ತಿಗೆ ಸ್ವಾಮೀಜಿನ ಪರ್ಯಾಯನ್ ಭಾರೀ ಗೌಜಿಡ್ ನಡಪಾದ್ ಕೊರ್ಪ ಪಂದ್ ಆಶೀರ್ವಚನ ಕೊರ್ದು, ಕ್ಷೇತ್ರದ ಸಂಪೂರ್ಣ ಸಹಕಾರ ಕೊರ್ಪ ಪಂದ್ ಹೆಗ್ಗಡೆರ್ ಪಂಡೆರ್.

ಈ ಪೊರ್ತುಡು ಸ್ವಾಗತ ಸಮಿತಿ ಲೆಕ್ಕೊಡು ಶ್ರೀ ಮಠತ್ತ ದಿವಾನೆರ್ ನಾಗರಾಜ ಆಚಾರ್ಯ, ಗುರ್ಕಾರೆ ಎಚ್. ಎಸ್. ಬಲ್ಲಾಳ್, ಕಾರ್ಯಾಧ್ಯಕ್ಷೆರ್ ರಘುಪತಿ ಭಟ್, ಪ್ರಧಾನ ಕಾರ್ಯದರ್ಶಿ ಬೆಳಪು ದೇವಿಪ್ರಸಾದ್ ಶೆಟ್ಟಿ, ಕೋಶಾಧಿಕಾರಿ ರಂಜನ್ ಕಲ್ಕೂರ, ಸಂಚಾಲಕೆರ್ ಸಂತೋಷ್ ಶೆಟ್ಟಿ ತೆಂಕರಗುತ್ತು, ರಮೇಶ್ ಭಟ್ ಕೆ, ಪ್ರವೀಣ್ ಶೆಟ್ಟಿ ಕಪ್ಪೆಟ್ಟು ಬೊಕ್ಕ ರಾಜೇಶ್ ಉಪ್ಪೂರು ಪಾಲ್ ಪಡೆದಿತ್ತೆರ್.

ದೇವೆರೆ ಪಾದೊ ಸೇರಿಯೆರ್ ಮಂತ್ರಾಲಯದ ಅರ್ಚಕೆರ್

ಮಂತ್ರಾಲಯದ ರಾಘವೇಂದ್ರ ಸ್ವಾಮಿ ಮಠತ್ತ ಅರ್ಚಕೆರ್ ಪವಮಾನಚಾರ್ ಪೂಜಾರ್ ಗುರುರಾಜ ಆಚಾರ್ (67) ಇನಿ ಬೊಲ್ಪುಗು ದೇವೆರೆ ಪಾದೊ ಸೇರಿಯೆರ್.

ಮೇರ್ ಮಠತ್ತ ರಾಯರ ವೃಂದಾವನದ ಮೂಲ ಅರ್ಚಕೆರಾದಿತ್ತೆರ್. ತಿಗಲೆ ಬೇನೆಡ್ ಬೆಂಗ್ಲೂರ್ ದ ಖಾಸಗಿ ಆಸ್ಪತ್ರೆಡ್ ಮೇರ್ ತೀರ್ ಪೋತೆರ್ ಪಂದ್ ತೆರಿದ್ ಬೈದ್ಂಡ್.

ಬಿಎಎಲ್ಎಲ್ ಬಿ ಓದೊಂದುಲ ಮೇರ್ ರಾಘವೇಂದ್ರ ಮಠತ್ತ ಅರ್ಚಕೆರಾದ್ ಸುಮಾರ್ 20 ವರ್ಷ ಸೇವೆ ಸಂದಾದೆರ್. ಮೆರೆಗ್ ಬೊಡೆದಿ ಬೊಕ್ಕ ಮೂಜಿ ಜನ ಆಣ್ ಜೋಕುಲು ಉಲ್ಲೆರ್.

ಲೀಲಾವತಿ ಮೆರೆನ ಅಕೇರಿದ ದರ್ಶನ ಪಡೆಯಿನ ಗಣ್ಯೆರ್

ಕನ್ನಡ ಚಿತ್ರರಂಗದ ಸುಮಾರ್ ಜನ ಗಣ್ಯೆರ್ ದಿ. ಲೀಲಾವತಿ ಮೆರೆನ ಪಾರ್ಥಿವ ಶರೀರದ ಅಕೇರಿದ ದರ್ಶನ ಪಡೆಯೆರ್.

ಕಲಾವಿದೆರಾಯಿನ ಉಪೇಂದ್ರ, ಶಿವರಾಜ್ ಕುಮಾರ್, ಜಗ್ಗೇಶ್, ಉಮಾಶ್ರೀ, ಶ್ರುತಿ, ಅಭಿನಯ, ಪೂಜಾ ಗಾಂಧಿ, ರೂಪಿಕಾ, ಶ್ರೀನಾಥ್, ದ್ವಾರಕೀಶ್ ಅಂಚೆನೆ ಮುಖ್ಯಮಂತ್ರಿ ಸಿದ್ದರಾಮಯ್ಯ, ಡಿಸಿಎಂ ಡಿಕೆ ಶಿವಕುಮಾರ್, ಮಾಜಿ ಸಿಎಂ ಬಿ.ಎಸ್ ಯಡಿಯೂರಪ್ಪ, ಸಚಿವೆರ್ ಶಿವರಾಜ್ ತಂಗಡಗಿ ಸೇರಿನಂಚೆನೆ ಸುಮಾರ್ ಜನ ರಾಜಕೀಯದಕುಲು ಅಕೇರಿದ ದರ್ಶನ ಪಡೆಯೆರ್.