ರಪಕ್ಕ ಸುದ್ದಿ Flash News

ಆಸ್ಕರ್ ಅರೋಗ್ಯ ವಿಚಾರಣೆ ಮಲ್ತಿನ ವೀರೇಂದ್ರ ಹೆಗಡೆ ಬೊಕ ಅದಮಾರು ಶ್ರೀ

ಕುಡ್ಲ : ಪೇಂಟೆದ ಯೇನೆಪೋಯ ಆಸ್ಪತ್ರೆಡ್ ಚಿಕಿತ್ಸೆ ಪಡೆಯೊಂದು ಉಪ್ಪುನ ಹಿರಿಯ ರಾಜಕಾರಣಿ, ರಾಜ್ಯಸಭಾ ಸದಸ್ಯ ಆಸ್ಕರ್ ಫರ್ನಾಂಡಿಸ್‌ ಮೆರೆನ್ ಶನಿವಾರ ಭೇಟಿ ಮಲ್ತಿನ ಧರ್ಮಸ್ಥಳದ ಧರ್ಮಾಧಿಕಾರಿ ಡಿ. ವೀರೇಂದ್ರ ಹೆಗ್ಗಡೆ ಮೇರ್ ಆಸ್ಕರ್ ಫರ್ನಾಂಡಿಸ್‌ ಮೆರ್ನ ಯೋಗಕ್ಷೇಮ ವಿಚಾರಣೆ ಮಲ್ತೆರ್.

ಈ ಪೊರ್ತುಡು ಮಾಜಿ ಸಚಿವ ಬಿ.ರಮಾನಾಥ ರೈ, ವಿನಯ ಕುಮಾರ್ ಸೊರಕೆ, ಪಕ್ಷದ ಮುಖಂಡೆರಾಯಿನ ಎಂ.ಎ.ಗಫೂರ್, ಶಶಿಧರ ಹೆಗ್ಡೆ ಇತ್ತೆರ್ .

ಅದಮಾರು ಶ್ರೀ ಭೇಟಿ: ಪರ್ಯಾಯ ಅದಮಾರು ಮಠದ ಪೆರಿಯ ಯತಿಲಾಯಿನ ವಿಶ್ವಪ್ರಿಯ ತೀರ್ಥರು ಶನಿವಾರ ಆಸ್ಪತ್ರೆಗ್ ಭೇಟಿ ಕೊರಿಯೆರ್ .

ಬಲ್ಮಠ ನಜರೆತ್ ಶಾಲೆ : ಶಾಲಾ ಮಂತ್ರಿ ಮಂಡಲದ ಪ್ರಮಾಣ ವಚನ ಸ್ವೀಕಾರ

ಕುಡ್ಲ, ಜುಲೈ 25: ಜೋಕುಲು ಭರವಸೆನ್ ಕಲೆಯoದೆ , ಸಕರಾತ್ಮಕ ಮನಸ್ಥಿತಿಟ್ ಉಪ್ಪೊಡು ಪಂದ್ ಒಡಿಪುದ ಫಾ. ರಿಚರ್ಡ್ ಕ್ವಾಡ್ರಸ್ ಪಂಡೆರ್ .

ಬಲ್ಮಠದ ನಜರೆತ್ ಶಾಲೆಡ್ ಬುಧವಾರ ನಡತಿನ ಪ್ರಸಕ್ತ ಸಾಲ್ದ ಶಾಲಾ ಮಂತ್ರಿ ಮಂಡಲದ ಪ್ರಮಾಣ ವಚನ ಸ್ವೀಕಾರ ಲೇಸ್ ದ ಮಲ್ಲ ಬಿನ್ನೆರ್ ಆದ್ ಪಾತೆರಿಯೆರ್.

ಫಾ. ರಿಚರ್ಡ್ ಕ್ವಾಡ್ರಸ್, ಶಾಲಾ ಸಂಚಾಲಕ ಸಿ. ಮಾರ್ಸೆಲಿನ್ ಡಿಸೋಜ, ಮುಖ್ಯ ಶಿಕ್ಷಕಿ ಸಿ. ಮಾರಿಯೆಟ್ ಡಿಕುನ್ಹಾ, ಶಾಲಾ ವಿದ್ಯಾರ್ಥಿ ನಾಯಕ ಫರ್ಹಾನ್, ನಾಯಕಿ ಪ್ರೇಕ್ಷಾ ತುಡರ್ ಅರ್ಲಾಯೆರ್. ಮುಖ್ಯ ಶಿಕ್ಷಕಿ ಸಿ. ಮಾರಿಯೆಟ್ ಡಿಕುನ್ಹಾ ಪ್ರಮಾಣ ವಚನ ಬೋಧನೆ ಮಲ್ತೆರ್ ..

ಎಲ್ಲೆರ್ದ್ ಪದವಿ ಕಾಲೇಜು ಸುರು : ಸುರುತ ಡೋಸ್ ವ್ಯಾಕ್ಸಿನ್ ಕಡ್ಡಾಯ

ಬೆಂಗ್ಳೂರು, ಜುಲೈ 25: ರಾಜ್ಯೊಡು ಎಲ್ಲೆರ್ದ್ ಪದವಿ ಕಾಲೇಜುಡು ಭೌತಿಕ ತರಗತಿಲು ಸುರು ಆಯರೇ ಉಂಡು , ಕಾಲೇಜ್ ಗ್ ಬರ್ಪಿನ ಜೋಕುಲು ಕನಿಷ್ಠ 1 ಡೋಸ್ ಲಸಿಕೆ ಪಡೆದಿಪ್ಪೊಡು.

ಉನ್ನತ ಶಿಕ್ಷಣ ಕೋರ್ಸ್‌ ಕಲ್ತೊಂದು ವ್ಯಾಸಂಗ ಮಲ್ತೊಂದು ಉಪ್ಪುನ ಶೇಕಡ.75 ದಾತ್ ಜೋಕ್ಲೆಗ್ ಲಸಿಕೆ ಪಾರ್ದಿನೆರ್ದಾವರ 26 ರ್ದೇ ಭೌತಿಕ ತರಗತಿಲೆನ್ ಸುರು ಮಲ್ಪುವ ಪಂದ್ ರಾಜ್ಯ ಸರ್ಕಾರ ತೆರಿಪಾದುಂಡು .

ಕಲ್ಲಾಪು “ಗ್ಲೋಬಲ್ ಕಮರ್ಶಿಯಲ್ ಸೆಂಟರ್” ಮಾರುಕಟ್ಟೆ ಉದಿಪನ

ಕುಡ್ಲ, ಜುಲೈ 25: ರೈತೆರೆಗ್ , ಜನಸಾಮಾನ್ಯೆರೆಗ್ ಅನುಕೂಲವಾಯಿನ ವಿಶ್ವಗ್ ಮಾದರಿಯಾಯಿನ್ ವಿಶೇಷ ಮಾರುಕಟ್ಟೆಯಾದ್ ಗ್ಲೋಬಲ್ ಕಮರ್ಷಿಯಲ್ ಸೆಂಟರ್ ಅಭಿವೃದ್ಧಿ ಆವಡ್ ಪಂದ್ ಶಾಸಕ ಬೊಕ್ಕ ಮಾಜಿ ಸಚಿವ ಯು.ಟಿ.ಖಾದರ್ ಪಂಡೆರ್ .

ಕಲ್ಲಾಪು ರಾಷ್ಟ್ರೀಯ ಹೆದ್ದಾರಿ 66 ದ ಕೈತಳ್ ಕಟ್ಟಿನ ಗೋಬಲ್ ಕಮರ್ಷಿಯಲ್ ಸೆಂಟರ್ ಸಗಟು ಮಳಿಗೆದ ವಿಭಾಗನ್ ಉದಿಪನ ಮಲ್ತ್ ಸಮಾರಂಭದ ಗುರ್ಕಾರ್ಮೆ ವಹಿಸ್ ದ್ ಪಾತೆರಿಯೆರ್.

ಜುಲೈ 26ರ್ದ್ ಕಾಲೇಜ್ ಸುರು ಮಲ್ಪರೆ ಬೆಂಗ್ಳೂರು ವಿವಿ ನಿರ್ಣಯ

ಬೆಂಗ್ಳೂರು, ಜುಲೈ 24: ಜುಲೈ 26ರ್ದ್ ತರಗತಿಲೆನ್ ಸುರು ಮಲ್ಪರೆ ಬೆಂಗ್ಳೂರು ಸೆಂಟ್ರಲ್ ವಿವಿ ಆದೇಶ ಕೊರ್ತುಂಡು.

ಜುಲೈ 26 ರ್ದ್ ಪದವಿ, ಸ್ನಾತಕೋತ್ತರ ಪದವಿ ಆಫ್ ಲೈನ್ ತರಗತಿಲೆನ್ ಸುರು ಮಲ್ಪರೆ ವಿಶ್ವವಿದ್ಯಾಲಯ ತೆರಿಪಾದುಂಡು , ಪ್ರಥಮ ಡೋಸ್ ಕೋವಿಡ್ ಲಸಿಕೆ ಪಡೆಯಿನ ಜೋಕುಲು ತರಗತಿಗ್ ಹಾಜರಾಯರೆ ವಿವಿ ಸೂಚನೆ ಕೊರ್ತೆರ್ .

ಈ ಬಗ್ಗೆ ಸುತ್ತೋಲೆ ಕೊರಿನ ಕುಲಸಚಿವೆರ್ , ವಿಶ್ವವಿದ್ಯಾಲಯ ಧನಸಹಾಯ ಆಯೋಗ ಬೊಕ್ಕ ಕರ್ನಾಟಕ ಸರ್ಕಾರದ ನಿರ್ದೇಶನದ ಮಿತ್ತ್ ಜುಲೈ 26ಕ್ಕ್ ಸೋಮವಾರರ್ದ್ ಬೆಂಗ್ಳೂರು ಸೆಂಟ್ರಲ್ ವಿಶ್ವವಿದ್ಯಾಲಯದ ವ್ಯಾಪ್ತಿಡ್ ಭೌತಿಕ ತರಗತಿ ಸುರು ಆಯರೇ ಉಂಡು .

ಆಸ್ಕರ್ ಫೆರ್ನಾಂಡಿಸ್ ಬೇಗ ಹುಷಾರ್ ಆಯೆರೆ ಕಾಪುಡು ಪ್ರಾರ್ಥನೆ

ಕಾಪು : ಕಾಂಗ್ರೆಸ್ ಪಕ್ಷದ ಪೆರಿಯ ಮುಖಂಡ, ಮಾಜಿ ಕೇಂದ್ರ ಸಚಿವ ಬೊಕ್ಕ ರಾಜ್ಯಸಭಾ ಸದಸ್ಯ ಆಸ್ಕರ್ ಫೆರ್ನಾಂಡಿಸ್ ಮೆರ್ನ ಆರೋಗ್ಯ ಚೇತರಿಕೆಗಾದ್ ಹಾರೈಕೆ ಮಲ್ತ್ ಮಾಜಿ ಸಚಿವ ವಿನಯ ಕುಮಾರ್ ಸೊರಕೆ ಮೆರ್ನ ಮುತಾಲಿಕೆಡ್ ಜು. 23ಕ್ಕ್ ಕಾಪು ತಾಲೂಕುದ ಬೇತೆ ಬೇತೆ ಧಾರ್ಮಿಕ ಕೇಂದ್ರಡ್ ಪ್ರಾರ್ಥನೆ ಮಲ್ತೆರ್ .

ಕಾಪು ಶ್ರೀ ಲಕ್ಷ್ಮೀ ಜನಾರ್ದನ ದೇವಸ್ಥಾನ, ಪೊಲಿಪು ಜಾಮಿಯಾ ಮಸೀದಿ, ಉದ್ಯಾವರ ಚರ್ಚ್, ಕಟಪಾಡಿ ಶ್ರೀ ವಿಶ್ವನಾಥ ಕ್ಷೇತ್ರ, ಉದ್ಯಾವರ ಮಹಾಗಣಪತಿ ದೇವಸ್ಥಾನ ಸಹಿತವಾದ್ ಬೇತೆ ಬೇತೆ ದೇವಸ್ಥಾನ, ಮಸೀದಿ ಬೊಕ್ಕ ಚರ್ಚ್ಡ್ ಪ್ರಾರ್ಥನೆ, ಪರಕೆ ಕೊರಿಯೆರ್ .