ರಪಕ್ಕ ಸುದ್ದಿ Flash News

Flyer of the play “Shivadootha Guliga” released at Muscat on March 12 th ಮಸ್ಕತ್ ಡ್ ಮೇ 12 ಕ್ಕ್ “ಶಿವದೂತ ಗುಳಿಗೆ” ನಾಟಕ

ಮಸ್ಕತ್ : ಕರಾವಳಿ ಫ್ರೆಂಡ್ಸ್ ಮಸ್ಕತ್ ಬೊಕ್ಕ ಮಜಾನ್ ಈವೆಂಟ್ಸ್ ಒಟ್ಟುಗು ಸೇರೊಂದು ನ್ಯಾಷನಲ್ ಬ್ಯಾಂಕ್ ಒಫ್ ಒಮಾನ್ ಅರ್ಪಣೆ ಮಲ್ತ್ ಅಲ್ ಮಹಾ ಪೆಟ್ರೋಲಿಯಂ ಬೊಕ್ಕ ಮಲ್ಟಿಟೆಕ್ ಕಾಂಟ್ರಾಕ್ಟಿಂಗ್ ಸಹಕಾರೊದೊಟ್ಟುಗು ವಿಜಯ ಕುಮಾರ್ ಕೊಡಿಯಾಲ್ ಬೈಲ್ ನಿರ್ದೇಶನದ ವಿಭಿನ್ನ ಶೈಲಿದ ನಾಟಕ ಶಿವದೂತ ಗುಳಿಗೆ ನೆತ್ತ ಫ್ಲೈಯರ್ ಬುಡುಗಡೆ ಲೇಸ್ ದಾರ್ಸೈಟ್ ಮುಲ್ಪ ಉಪ್ಪುನ ಶ್ರೀ ಕೃಷ್ಣ ದೇವಸ್ಥಾನದ ಚಾವಡಿಡ್ ಪುತ್ತಿಗೆ ಮಠದ ಶ್ರೀ ಶ್ರೀ ಸುಗುಣೆoದ್ರ ತೀರ್ಥ ಸ್ವಾಮೀಜಿಲೆನ ಅಮೃತ ಹಸ್ತೋಡು ಬುಡುಗಡೆ ಮಲ್ತೆರ್.

ಈ ನಾಟಕ ತುಳು ಬೊಕ್ಕ ಕನ್ನಡ ಭಾಷೆಡ್ ಪ್ರದರ್ಶನ ಆವರೆ ಉಂಡು. ತುಳು ಬೊಕ್ಕ ಕನ್ನಡ ಜನೊಕುಲು ತೂದು ನಮ್ಮ ತುಳುನಾಡ್ದ ದೈವ ದೇವೆರೆನ ಮಹಿಮೆನ್ ನಮ್ಮ ದುಂಬುದ ಪೀಳಿಗೆಗ್ ತೆರಿಪಾವುನ ಬೇಲೆ ನಮ ಮಲ್ಪೊಡು ಪನ್ಪಿನ ಪಾತೆರದ ಒಟ್ಟುಗು ಆಶೀರ್ವಾದ ಮಲ್ತೆರ್. ಈ ನಾಟಕ ಒಮಾನ್ಡ್ ಮೇ 12 ತಾರೀಕ್ 2023 ಕ್ಕ್ ಅಲ್ ಫಲಾಜ್ ಹಾಲ್ಡ್ ತುಳು ಬೊಕ್ಕ ಕನ್ನಡ ಭಾಷೆಡ್ ರಡ್ಡ್ ಪ್ರದರ್ಶನ ನಡಪರೆ ಉಂಡು.

ಈ ಫ್ಲೈಯರ್ ಬುಡುಗಡೆ ಲೇಸ್ ಡ್ ಜಿ.ವಿ.ರಾಮಕೃಷ್ಣ, ಲಕ್ಷ್ಮಿ ನಾರಾಯಣ ಆಚಾರ್ಯ, ಹಿರಿಯಣ್ಣ ನಾರಾಯಣ ಸ್ವಾಮಿ, ಶಶಿಧರ್ ಶೆಟ್ಟಿ ಮಲ್ಲಾರ್, ದಿವಾಕರ್ ಶೆಟ್ಟಿ ಮಲ್ಲಾರ್, ಗಣೇಶ್ ಶೆಟ್ಟಿ ಕುತ್ತಾರ್ ಪದವು, ಎಂ. ಜೆ. ಚಂಗಪ್ಪ, ಮಂಜುನಾಥ್ ನಾಯಕ್, ನರೇಶ್ ಪೈ, ನಾಗೇಶ್ ಶೆಟ್ಟಿ ಕಿನ್ನಿಗೋಳಿ, ಡಾ. ಅಂಚನ್ ಸಿ. ಕೆ, ಯುವರಾಜ್ ಸಾಲಿಯಾನ್ ಪಾಲ್ ಪಡೆತೆರ್.

ಅಂಚೆನೇ ಈ ನಾಟಕೊನು ಒಮಾನ್ದ ಊರುಡು ಪ್ರದರ್ಶನ ಮಲ್ಪುನ ಕರಾವಳಿ ಫ್ರೆಂಡ್ಸ್ ದ ರಾಜೇಂದ್ರ ಶೆಟ್ಟಿ, ಹಿತೇಶ್ ಮಂಗಳೂರು, ಪದ್ಮಾಕರ್ ಮೆಂಡನ್, ರಮಾನಂದ ಶೆಟ್ಟಿ, ಮಂಜುನಾಥ್ ರಾವ್, ರವೀಂದ್ರ ಆಚಾರ್ಯ, ಶಿವಾನಂದ ಕೋಟ್ಯಾನ್, ರಾಮಕೃಷ್ಣ ಪ್ರಭು, ಸುಕುಮಾರ್ ಅಂಚನ್ ಬೈದಿನ ಬಿನ್ನೆರೆನ್ ಎದ್ಕೊಂಡೆರ್.

ನಾಟಕೊಡು ಕಲಾ ಸಂಗಮದ 28 ಕಲಾವಿದೆರ್ ಪಾಲ್ ಪಡೆವೊಂದುಲ್ಲೆರ್. ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್ ನಿರ್ದೇಶನೊಡು ಬರ್ಪಿನ ಈ ನಾಟಕೊಡು ಕಾಂತಾರ ಫಿಲ್ಮ್ ದ ಗುರುವ ಪಾತ್ರೊಡು ಮಿಂಚಿದಿನ ಸ್ವರಾಜ್ ಶೆಟ್ರ್ ಗುಳಿಗನ ಪಾತ್ರ ಮಲ್ಪುವೆರ್.

Flyer of the play “Shivadootha Guliga” released at Muscat on March 12 th

Muscat: Karavali friends, Muscat and Majaan events will come together with National Bank of Oman with support from Al Maha Petroleum and Multi Tech Contracting to present the innovative Play “Shivadootha Guliga” directed by Vijay Kumar Kodialbail at Oman on the 12 th of May 2023.

The flyer of the play was released on March 12 th at Darsait by his holiness Sri Sri Sugunendra Thirtha Swamiji of Putige Mutt at the Sri Krishna temple here .

The play will be enacted in Kannada and Tulu at Al Falaz hall on May 12 th, and 28 artists from Kalasngama are to participate, including Swaraj Shetty of Kantara movie fame as Guliga.

ಗಾಡಿಗ್ ತೂ ಕೊರ್ದು ಬಾಂಬ್‌ ಟೆಸ್ಟ್ ಮಲ್ತೊಂದಿತ್ತೆ ಶಾರೀಕ್!

ಶಿವಮೊಗ್ಗ: ತೀರ್ಥಹಳ್ಳಿಡ್ 15 ನೆರ್ದ್ ಎಚ್ಚದ ಗಾಡಿಲೆಗ್ ತೂ ಪೊತ್ತಾದಿನ ಕೇಸ್‌ಡ್ ಕುಡ್ಲ ಕುಕ್ಕರ್ ಬಾಂಬ್ ಬ್ಲಾಸ್ಟ್ ಕೇಸ್‌ದ ಆರೋಪಿ ಶಾರೀಕ್‌ನ ಕೈವಾಡ ಉಂಡು ಪಂದ್ ತನಿಖೆದ ಪೊರ್ತುಡು ತೆರಿದ್ ಬೈದ್ಂಡ್.

ಶಾರೀಕ್ ಬೊಕ್ಕ ಆಯನ ಕೂಟ ಸಾದಿದ ಬರಿಟ್ಟ್ ದೀತಿನ ಗಾಡಿಲೆಗ್ ತೂ ಪೊತ್ತಾದ್ ತಾನ್ ತಯಾರ್ ಮಲ್ತೊಂದಿತ್ತಿನ ಬಾಂಬ್‌ಲೆನ ಟೆಸ್ಟ್ ಮಲ್ತೊಂದಿತ್ತ್ಂಡ್ ಪಂದ್ ತೆರಿದ್ ಬೈದ್ಂಡ್.

ಕಟೀಲ್ ದ ರಾಮ್ ಫ್ರೆಂಡ್ಸ್ ಕೂಟದಕ್ಲೆರ್ದ್ ಹುಷಾರ್‌ದಾಂತಿನ 2 ಜೋಕುಲೆಗಾದ್ ಆರೋಗ್ಯ ಸೇವಾ ನಿಧಿ ಅಭಿಯಾನ

ಕುಡ್ಲ: ಹುಷಾರ್‌ದಾಂತಿನ 2 ಎಲ್ಯ ಜೋಕುಲೆಗ್ ಶ್ರೀ ಕ್ಷೇತ್ರ ಪೆರ್ರದ ಜಾತ್ರಾ ಉಚ್ಚಯದ ದಿನತ್ತಾನಿ “ರಾಮ್ ಫ್ರೆಂಡ್ಸ್ (ರಿ.) ಕಟೀಲ್ ಜವನೆರ್‌ನ ಕೂಟ “ಆರೋಗ್ಯ ಸೇವಾ ನಿಧಿ ಅಭಿಯಾನ”ನ್ ಮಲ್ತೆರ್.

ಕುಡ್ಲ ತಾಲೂಕ್‌ದ ಕುಪ್ಪೆಪದವು ಕೈತಲ್‌ದ ಕೊಳಲೂರು ಗ್ರಾಮದ ಜಯಶೀಲ ಸದಾಶಿವ ಆಚಾರ್ಯ ಮೊಕ್ಲೆನ ರಡ್ಡ್ ವರ್ಷದ ಬಾಲೆ ಶಮಿತ್ ಮೂತ್ರಕೋಶದ ಸಮಸ್ಯೆರ್ದ್ ಚಿಕಿತ್ಸೆ ಪಡೆಯೊಂದು ಉಲ್ಲೆರ್. ಅಂಚನೆ ನೀರ್ ಮಾರ್ಗದ ಕೆಂಪುಗುಡ್ಡೆದ ವಿಶ್ವನಾಥ ಸುವರ್ಣ ಬೊಕ್ಕ ಗೀತಾ ಮೊಕ್ಲೆನ ಪತ್ತ್ ವರ್ಷದ ಮಗಲ್ ಚಿಂತನಾ ಮೇರ್ ತಿಗಲೆ ಬೇನೆದ ಸೀಕ್‌ರ್ದ್ ಚಿಕಿತ್ಸೆ ಪಡೆಯೊಂದು ಉಲ್ಲೆರ್. ಮೊಕ್ಲೆನ ಚಿಕಿತ್ಸೆಗಾದ್ ರಾಮ್ ಫ್ರೆಂಡ್ಸ್ (ರಿ.) ಕಟೀಲ್ ಕೂಟದ ಮುತಾಲಿಕೆಡ್ ಪೆರ್ರ ಜಾತ್ರೆಡ್ ಆರೋಗ್ಯ ಸೇವಾ ನಿಧಿ ಒಟ್ಟು ಮಲ್ಪುನ ಅಭಿಯಾನ ನಡತ್ಂಡ್.

ತೊಕ್ಕೊಟ್ಟು ಶ್ರೀ ವಿಠೋಭ ರುಕ್ಮಾಯಿ ಮಂದಿರಡ್ ಮಾ.26-28 ಮುಟ್ಟ ಅಮೃತ ಮಹೋಚ್ಚಯದ ಗೌಜಿ

ಉಳ್ಳಾಲ ತಾಲೂಕ್ ತೊಕ್ಕೊಟ್ಟು ಶ್ರೀ ವಿಠೋಭ ರುಕ್ಮಾಯಿ ಮಂದಿರದ ಅಮೃತ ಮಹೋಚ್ಚಯದ ಲೆಕ್ಕೊಡು ಮಾ.26-28 ಮುಟ್ಟ ಪುನರ್ ಪ್ರತಿಷ್ಠಾ ಕಲಶಾಭಿಷೇಕ-ಏಕಾಹ ಭಜನಾ ಮಂಗಲೋಚ್ಚಯ ನಡಪರೆ ಉಂಡು.

ಮೂಜಿ ದಿನಲ ವೈದಿಕ ವಿಧಿವಿಧಾನಲು, ಸಂಕೀರ್ತನಾ ಯಾತ್ರೆ, ಸುಧರ್ಮ ಸಭೆ, ಸಾಂಸ್ಕೃತಿಕ ರಂಜನೆ, ನುಪ್ಪು ಸೇವೆ, ಸಂಧ್ಯಾ ಸಂಕೀರ್ತನೆ ನಡಪರೆ ಉಂಡು. ಈ ಲೇಸ್‌ಗ್ ಮಾತ್ರ ಭಕ್ತೆರ್ ಬತ್ತ್‌ದ್ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ದೇವಲ್ಯದ ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಚಂದ್ರಹಾಸ್ ಉಳ್ಳಾಲ್, ಆಡಳಿತ ಸಮಿತಿದ ಅಧ್ಯಕ್ಷೆರ್ ಟಿ.ಎನ್.ಗಟ್ಟಿ ಅಂಚನೆ ಪದಾಧಿಕಾರಿಲು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.