ಜೈಪುರ: ರಾಜಸ್ತಾನದ ಧೋಲ್ಪುರ್ ಜಿಲ್ಲೆದ ಮಾಧವನಾದ್ ಕಾಲೋನಿದ ಬಾಡಿಗೆ ಇಲ್ಲಡ್ 10 ನೇ ಕ್ಲಾಸ್ದ ಕಲ್ಪಾರ್ಥಿ ಆತ್ಮಹತ್ಯೆ ಮಲ್ತಿನ ಘಟನೆ ನಡತ್ಂಡ್.
ಕಲ್ಪಾರ್ತಿ ಬಲ್ಲ್ ಪಾಡೊಂದಿನೆನ್ ತೂದು ಇಲ್ಲದ ಮಾಲಿಕೆರ್ ತಿಗಲೆ ಬೇನೆ ಆದ್ ತೀರ್ ಪೋಯೆರ್. ತೀರ್ ಪೋಯಿನಾರೆನ್ ಪುಷ್ಪೇಂದ್ರ ರಜಪೂತ್ (17) ಬೊಕ್ಕ ಬಹದ್ದೂರ್ ಸಿಂಗ್ (70) ಪಂದ್ ಗುರ್ತಿಸಾದೆರ್. ಪರೀಕ್ಷೆದ ಮಂಡೆಬೆಚ್ಚೊಡು ಪುಷ್ಪೇಂದ್ರ ಬಲ್ಲ್ ಪಾಡೊಂದೆರ್ ಪಂದ್ ಪೊಲೀಸೆರ್ ತೆರಿಪಾದೆರ್.
ಲಖನೌ: ಉತ್ತರ ಪ್ರದೇಶದ ಸಂಭಾಲ್ಡ್ ಕೋಲ್ಡ್ ಸ್ಟೋರೇಜ್ ಜರಿದ್ ಬೂರ್ದು ಇಡೆ ಮುಟ್ಟ 11 ಜನ ತೀರ್ ಪೋಯೆರ್. ಅವಶೇಷದ ಅಡಿರ್ದ್ 21 ಜನನ್ ರಕ್ಷಣೆ ಮಲ್ತ್ದೆರ್.
ಸಂಭಾಲ್ ಜಿಲ್ಲೆದ ಚಂದೌಸಿ ಪ್ರದೇಶಡ್ ಗುರುವಾರ ಮಧ್ಯಾಹ್ನ ಕೋಲ್ಡ್ ಸ್ಟೋರೇಜ್ದ ಮಾಡ್ ಒರಾನೆ ಬೂರ್ದುಂಡು. ಎನ್ಡಿಆರ್ಎಫ್ ಬೊಕ್ಕ ಎಸ್ಡಿಆರ್ಎಫ್ ದಕುಲು 21 ಜನನ್ ರಕ್ಷಣೆ ಮಲ್ದೆರ್. ಅಕ್ಲೆಡ್ ಮೂಜಿ ಜನಕ್ಕ್ ಮಸ್ತ್ ಪೆಟ್ಟಾತ್ಂಡ್.
More than 11 dead in a cold storage collapse at UP
Lucknow: At Sambhal in UP a cold storage building collapsed leaving 11 persons dead. 21 persons were rescued from under the debris. NDRF and SDRF team were pressed into action for rescue work.
ಕುಡ್ಲ: ಒವ್ವೇ ರೀತಿದ ಪ್ರಚಾರದಾಂತೆ ಜನ ಮೆಚ್ಚುನ ಬೇಲೆ ಮಲ್ತಿನ ಬೋಳೂರ್ದ ಕಾರ್ಪೊರೇಟರ್ ಜಗದೀಶ್ ಶೆಟ್ಟಿ ಜನಕ್ಲೆನ ಮನಸ್ ಗೆಂದ್ ದೆರ್.
ಮಾರ್ಗದ ಬರಿಟ್ಟ್ ಬೂರ್ದಿನ ಕಜವುದ ರಾಶಿನ್ ಕಾರ್ಪೊರೇಶನ್ ಸಿಬ್ಬಂದಿಲೆನ ಸಕಾಯೊಡು ದೆಪ್ಪಾದ್ ಜಾಗೆನ್ ಸ್ವಚ್ಚ ಮಲ್ಪಾದೆರ್. ಇಂಚಿತ್ತಿನ ಬೇಲೆನ್ ಮೇರ್ ಮಸ್ತ್ ಕಡೆಟ್ಟ್ ಮಲ್ತ್ದಿತ್ತ್ದ್ ಜನಕ್ಲೆನ ಮೆಚ್ಚಿಗೆ ಪಡೆತೆರ್.
Corporator who does his duty even at the time of adversity
Manglore: The whole of the city is stinking with grabage piling up all around due the ongoing strike by a section of civic workers . As the state wide strike entered it’s fourth day , door to door collection of waste in the city has stopped completely.
A sunshine in this hour is Jagdeesh Shetty corporator of Boloor ward who has personally gone around the ward and has personally supervised the waste management in his ward. Hats off to him!!
ಕುಡ್ಲ: ಶ್ರೀನಿವಾಸ ವಿಶ್ವವಿದ್ಯಾಲಯ ಶಿಕ್ಷಣ ಸಂಸ್ಥೆದಕುಲು ಮಾ.16 ಕ್ಕ್ ಅಂತಾರಾಷ್ಟ್ರೀಯ ಪೊಂಜೋವುಲೆನ ದಿನಾಚರಣೆನ್ ಪಾಂಡೇಶ್ವರದ ಕ್ಯಾಂಪಸ್ಡ್ ಗೌಜಿಡ್ ಆಚರಣೆ ಮಲ್ತೆರ್.
ಮಲ್ಲ ಬಿನ್ನೆರ್ ಆದ್ ಕುಡ್ಲದ ಪೊಂಜೋವು ಬೊಕ್ಕ ಜೋಕ್ಲೆನ ಅಭಿವೃದ್ಧಿಡ್ ಸಖಿ ಏಕತಾನತೆ ಕೇಂದ್ರದ ಆಡಳಿತಾಧಿಕಾರಿ ಪ್ರಿಯಾ ರಾಜ್ ಮೋಹನ್ ಪಾಲ್ ಪಡೆದಿತ್ತೆರ್. ಶ್ರೀನಿವಾಸ ವಿಶ್ವವಿದ್ಯಾನಿಲಯದ ಸಮಾಜ ವಿಜ್ಞಾನ ಬೊಕ್ಕ ಮಾನವಿಕ ಸಂಸ್ಥೆದ ಸಹಾಯಕ ಪ್ರಾಧ್ಯಾಪಕೆರ್ ಡಾ. ಪ್ರದೀಪ್ ಎಂ.ಡಿ ಮೇರ್ 21ನೇ ಶತಮಾನದ ಪೊಂಜೋವುಲೆನ ಸಬಲೀಕರಣದ ಬಗೆಟ್ಟ್ ಪಾತೆರಿಯೆರ್. ಶಿಕ್ಷಣ ಸಂಸ್ಥೆದ ಡೀನ್ ಡಾ. ಪದ್ಮನಾಭ ಸಿ.ಎಚ್., ಲೇಸ್ದ ಸಂಯೋಜಕೆರ್ ಡಾ. ವಿಜಯಲಕ್ಷ್ಮೀ ನಾಯ್ಕ್, ಬೋಧಕ ಸಿಬ್ಬಂದಿ ಅಂಚನೆ ಶಿಕ್ಷಣ ಸಂಸ್ಥೆದ ಕಲ್ಪಾರ್ಥಿಲು, ಸಮಾಜ ವಿಜ್ಞಾನ ಬೊಕ್ಕ ಮಾನವಿಕ ಸಂಸ್ಥೆದ ಕಲ್ಪಾರ್ಥಿಲು ಲೇಸ್ಡ್ ಪಾಲ್ ಪಡೆದಿತ್ತೆರ್.
Mangalore: International women’s day celebration at Srinivas University
Mangalore: Srinivas University Institute of Education celebrated International women’s Day on 16th March 2023 at the city campus, Pandeshwar.
Mrs. Priya Rajmohan, Administrator, Sakhi one-stop centre took part in of women and child development, Mangalore was the chief guest of the program. Dr. Pradeep M.D. Associate Professor, Institute of Social Sciences And Humanities, Srinivas University spoke about “Empowering women in 21 century”. Dr. Padmanabha C.H., Dean of Institute of Education, Dr. Vijayalakshmi Naik the programme CoOrdinator, teaching faculties and the students of Institute of Education, along with the students of Institute of Social Sciences and Humanities were present.
Mrs. Deepika CT welcomed the gathering, Vote of thanks was given by Ms. Priya.
ಬೆಂಗ್ಲೂರ್: ವೇತನ ಪರಿಷ್ಕರಣೆ ಸೇರಿನಂಚನೆ ಸಾರಿಗೆ ನೌಕರೆರ್ನ ಮಾತ ಬೇಡಿಕೆನ್ ಈಡೇರಿಸಾಯಿಜಿಂಡ ಮಾ.21 ಕ್ಕ್ ನಡಪುನ ಪೊರ್ಂಬಾಟರ್ದ್ ಪಿರ ಜಾರುನ ಪ್ರಶ್ನೆನೇ ಇಜ್ಜಿ ಪಂದ್ ಸಾರಿಗೆ ನೌಕರೆರ್ನ ಸಂಘದ ಅಧ್ಯಕ್ಷೆರ್ ಎಚ್.ವಿ.ಅನಂತ ಸುಬ್ಬರಾವ್ ಪಂಡೆರ್.
ಮಾ.21 ಕ್ಕ್ 23 ಸಾರ ಬಸ್ಸ್ಲು ಸವಾರಿ ಮಲ್ಪುಜಿ. ಸಿಎಂ ನಮ್ಮೊಟ್ಟುಗು ಚರ್ಚೆಗ್ ಬರೋಡು. ಈ ಪೊರ್ಂಬಾಟಗ್ ನಾಲ್ ನಿಗಮದ ನೌಕರೆರ್ ಬೆಂಬಲ ಕೊರ್ತೆರ್ ಪಂದ್ ಪಂಡೆರ್.
ಬೆಂಗ್ಲೂರು: ಜಗತ್ತ್ಡೇ ಸುದ್ದಿ ಮಲ್ತಿನ ಕಾಂತಾರ ಪಿಚ್ಚರ್ ಇನಿ ಸ್ವಿಡ್ಚರ್ಲೆಂಡ್ದ ಜಿನೇವಾಡ್ ಪ್ರದರ್ಶನ ಆಯರೆ ಉಂಡು.
ಇನಿ ಬಯ್ಯ 6.30 ಗಂಟೆಗ್ ಹಾಲ್ ಸಂಖ್ಯೆ 13 ತ್ತ ಪಾಥೆ ಬಾಲೆಕ್ಸರ್ಟ್ಡ್ ಕಾಂತಾರ ಪಿಚ್ಚರ್ ಪ್ರದರ್ಶನ ಆಯರೆ ಉಂಡು. ಪಿಚ್ಚರ್ ಪ್ರದರ್ಶನ ಆಯಿಬೊಕ್ಕ ರಿಷಬ್ ಶೆಟ್ಟಿ ಈ ಬಗೆಟ್ ಪಾತೆರಿಯರೆ ಉಲ್ಲೆರ್.
ಕಾರ್ಲ ತಾಲೂಕ್ದ ಅತ್ತೂರು ಬೆರಂದೊಟ್ಟು ಶ್ರೀ ಧರ್ಮರಸು ಕೊಡಮಣಿತ್ತಾಯ, ಕುಕ್ಕಿನಂತಾಯ ದೈವಸ್ಥಾನ, ಶ್ರೀ ಬ್ರಹ್ಮ ಬೈದರ್ಕಳ ಗರಡಿಡ್ ಮಾ.20-25 ಮುಟ್ಟ ವಾರ್ಷಿಕ ನೇಮೋಚ್ಚಯ ನಡಪರೆ ಉಂಡು.
ಮಾ.20 ಗ್ ಕೋರಿಗುಂಟ ಆದ್, 21 ಕ್ಕ್ ಚೆಂಡು, 22 ಕ್ಕ್ ಬಯ್ಯ 5.30 ಗಂಟೆಗ್ ಭಂಡಾರ ಪಿದಡ್ದ್ ರಾತ್ರೆ ಕೊಡಿ ಏರ್ದ್ ಧರ್ಮ ಅರಸುರಾಯ ನೇಮ ಸುರು ಆಯರೆ ಉಂಡು. ಮಾ.23 ಕ್ಕ್ ಬಯ್ಯ 6 ಗಂಟೆಗ್ ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ ನಡಪರೆ ಉಂಡು. ಅವ್ವೆ ದಿನ ರಾತ್ರೆ ಕೊಡಮಣಿತ್ತಾಯ, ಕುಕ್ಕಿನಂತ್ತಾಯ, ಕಲ್ಕುಡ, ತುಕತ್ತರಿ, ವರ್ತೆ ದೈವದ ನೇಮ, ಗೋಂದುಲ ನೇಮ ನಡಪರೆ ಉಂಡು. ಮಾ. 24 ಕ್ಕ್ ರಾತ್ರೆ ಬೈರ್ದೆಲ್ನ ನೇಮ ನಡತ್ತ್ದ್ 25 ಕ್ಕ್ ಕಾಂಡೆ 10.30 ಗಂಟೆಗ್ ಮಾಯಿಂದಲೆ ದೈವದ ನೇಮ ನಡಪರೆ ಉಂಡು.
ಬೈಂದೂರ್ ತಾಲೂಕ್ದ ಹೇರೂರು ಗ್ರಾಮದ ಶ್ರೀ ಬ್ರಹ್ಮಬೈದರ್ಕಳ ಕೋಟಿ ಚೆನ್ನಯ್ಯ ಬೊಕ್ಕ ಶ್ರೀ ಪಂಜುರ್ಲಿ ಸಪರಿವಾರ ಗರೋಡಿಡ್ ನವೀಕೃತ ದಾರಯಮಯ ಗರೋಡಿ ಲೋಕಾರ್ಪಣೆ ಬೊಕ್ಕ ಪುನಃ ಪ್ರತಿಷ್ಠಾ ಬ್ರಹ್ಮಕಲಶೋಚ್ಚಯ ಮಾ.22-23 ಮುಟ್ಟ ನಡಪರೆ ಉಂಡು.
ಪುದೆಕಾಣಿಕೆನ್ ಕೊರ್ಪುನಕುಲು ಮಾ.19 ಬೊಕ್ಕ 20 ತಾರೀಕ್ಗ್ ಕೊರೊಲಿ. ಈ ಪುಣ್ಯ ಕಾರ್ಯಗ್ ಮಾತ ಭಕ್ತೆರ್ ಬತ್ತ್ದ್ ದೇವೆರೆನ ಗಂಧ ಪ್ರಸಾದನ್ ಸ್ವೀಕಾರ ಮಲ್ಪೊಡು ಪಂದ್ ಸಮಿತಿದ ಸರ್ವ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಸುಳ್ಯ ತಾಲೂಕ್ದ ಶ್ರೀ ದುಗ್ಗಲಾಯ ದೈವಸ್ಥಾನ (ರಿ.) ದುಗ್ಗಲಡ್ಕಡ್ ಮಾ.19 ಬೊಕ್ಕ 20 ತಾರೀಕ್ಗ್ ಶ್ರೀ ದುಗ್ಗಲಾಯ, ಶ್ರೀ ರುಧಿರ ಚಾಮುಂಡಿ, ಶ್ರೀ ನಾಗದೇವೆರ್ ಅಂಚನೆ ಪರಿವಾರ ದೈವಲೆಗ್ ಪ್ರತಿಷ್ಠಾ ವಾರ್ಷಿಕೋಚ್ಚಯ ಬೊಕ್ಕ ನೇಮೋಚ್ಚಯ ನಡಪರೆ ಉಂಡು.
ಕುಂಟಾರು ವೇದಮೂರ್ತಿ ವಾಸುದೇವ ತಂತ್ರಿವರ್ಯ ಮೆರೆನ ಆಶೀರ್ವಾದಡ್ ಶ್ರೀ ರವೀಶ ತಂತ್ರಿಲೆನ ಮಾರ್ಗದರ್ಶನಡ್ ಬೊಕ್ಕ ಜೋಗಿಯಡ್ಕ ರಾಧಾಕೃಷ್ಣ ಭಟ್ ಮೆರೆನ ಮುತಾಲಿಕೆಡ್ ಬೇತೆ ಬೇತೆ ಧಾರ್ಮಿಕ ಕಾರ್ಯಕ್ರಮದೊಟ್ಟುಗು ಈ ಲೇಸ್ ನಡಪರೆ ಉಂಡು. ಈ ಪುಣ್ಯ ಕಾರ್ಯಗ್ ಮಾತ ಭಕ್ತೆರ್ ಬತ್ತ್ದ್ ಶ್ರೀ ದೈವದ ಅನುಗ್ರಹಗ್ ಪಾತ್ರರಾವೊಡು ಪಂದ್ ದೇವಲ್ಯದ ಅಧ್ಯಕ್ಷೆರ್ ಕೆ. ಸುಂದರ ರಾವ್, ಅನುವಂಶಿಕ ಮೊಕ್ತೇಸರೆರ್ ರಾಘವೇಂದ್ರ ಭಟ್, ಪ್ರಧಾನ ಕಾರ್ಯದರ್ಶಿ ಕಜೆ ಕುಶಾಲಪ್ಪ ಗೌಡ ಅಂಚನೆ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಸುಳ್ಯ: ವಿಷ್ಣುನಗರದ ಶ್ರೀ ವಿಷ್ಣುಮೂರ್ತಿ ಸೇವಾ ಟ್ರಸ್ಟ್ (ರಿ) ಕಳಂಜಡ್ ಶ್ರೀ ವಿಷ್ಣುಮೂರ್ತಿ ದೈವದ ಒತ್ತೆಕೋಲ ನಡಾವಳಿ ಮಾ.19 ಬೊಕ್ಕ 20 ತಾರೀಕ್ಗ್ ನಡಪರೆ ಉಂಡು.
ಈ ಲೇಸ್ಗ್ ಮಾತ ಭಕ್ತೆರ್ ಬತ್ತ್ದ್ ಶ್ರೀ ದೈವದ ಗಂಧಪ್ರಸಾದನ್ ದೆತೊಂದು ದೈವದ ಕೃಪೆಗ್ ಪಾತ್ರರಾವೊಡು ಪಂದ್ ಅಧ್ಯಕ್ಷೆರ್ ಲಕ್ಷೀಶ ರೈ ಕಳಂಜ, ಗೌರವಾಧ್ಯಕ್ಷೆರ್ ರಘುನಾಥ ರೈ ಕಳಂಜ, ಕಾರ್ಯದರ್ಶಿ ಶೇಷಪ್ಪ ಗೌಡ ಕುಕ್ಕುತ್ತಡಿ, ಜೊತೆ ಕಾರ್ಯದರ್ಶಿ ನಾರಾಯಣ ಕಳಂಜ, ಉಪಾಧ್ಯಕ್ಷೆರ್ ದಯಾನಂದ ಕಳಂಜ, ಖಜಾಂಚಿ ರಾಜೇಶ್ ಅಮೀನ್ ಪಟ್ಟೆ ಅಂಚನೆ ಸಮಿತಿದ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
