ಟೈಮ್ಸ್ ಆಫ್ ಕುಡ್ಲ | Times of Kudla | Kudla Tulu Patrike

Thu. Sep 24th, 2026

ರಪಕ್ಕ ಸುದ್ದಿ Flash News

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News

Odisha train crash: Gautam Adani Group to provide free school education to kids who lost parents in accident ಒಡಿಶಾ ರೈಲ್ ದುರಂತರ್ದ್ ಅನಾಥೆರಾಯಿನ ಜೋಕ್ಲೆನ ವಿದ್ಯಾಭ್ಯಾಸದ ಜವಾಬ್ದಾರಿನ್ ದೆತೊನಿನ ಅದಾನಿ

ಒಡಿಶಾದ ಜಲಸೋರ್‌ಡ್ ನಡತಿನ ರೈಲ್ ದುರಂತಡ್ 288 ಜನ ತೀರ್ ಪೋತೆರ್. ಅಂಚನೆ ಸಾರರ್ದ್‌ಲ ಎಚ್ಚದ ಜನಕ್ಲೆಗ್ ಪೆಟ್ಟಾತ್ಂಡ್.

ಈ ನಡುಟ್ಟ್ ಉದ್ಯಮಿ ಗೌತಮ್ ಅದಾನಿ ಮಹತ್ವದ ಘೋಷಣೆ ಮಲ್ತ್‌ದೆರ್. ಒಡಿಶಾ ರೈಲ್ ದುರಂತಡ್ ಅನಾಥೆರ್ ಆಯಿನ ಜೋಕ್ಲೆನ ಸಂಪೂರ್ಣ ಶಿಕ್ಷಣದ ಜವಾಬ್ದಾರಿನ್ ಅದಾನಿ ಗ್ರೂಪ್ ವಹಿಸೊನುವೆ ಪಂದ್ ಟ್ವೀಟ್ ಮಲ್ದೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

Misappropriation of funds case- Kallathoor Vishwanath Shetty granted bail ವಂಚನೆ ಕೇಸ್: ಕಳತ್ತೂರು ವಿಶ್ವನಾಥ್ ಶೆಟ್ರೆಗ್ ಜಾಮೀನ್

ಕುಡ್ಲ: ಕುಡ್ಲದ ರಡ್ಡ್ ಜನ ಉದ್ಯಮಿಲೆಗ್ 1.15 ಕೋಟಿ ರೂ. ವಂಚನೆ ಮಲ್ತಿನ ಕೇಸ್‌ಗ್ ಸಂಬಂಧಿಸಾದ್ ಅರೆಸ್ಟ್ ಆಯಿನ ಬೊಂಬಾಯಿದ ಉದ್ಯಮಿ ಕಳತ್ತೂರು ವಿಶ್ವನಾಥ್ ಶೆಟ್ರೆಗ್ ಶರತ್ತ್ ಬದ್ಧ ಜಾಮೀನ್ ಕೊರ್ತ್ಂಡ್.

ಪುಗರ್ತೆದ ಕಟ್ವಾನ ನಿರ್ಮಾಣ ಸಂಸ್ಥೆ ‘ರೋಹನ್ ಕಾರ್ಪೊರೇಷನ್’ ಮುಖ್ಯಸ್ಥೆರ್ ಆಯಿನ ರೋಹನ್ ಮೊಂತೇರೋ ಬೊಕ್ಕ ತೊಕ್ಕೊಟ್ಟುದ ‘ಹರ್ಷ ಫೈನಾನ್ಸ್’ದ ಮಾಲಕೆರ್ ಹರೀಶ್ ಮೆರೆಗ್ ಕಳತ್ತೂರು ವಿಶ್ವನಾಥ್ ಶೆಟ್ಟಿ ಬೊಕ್ಕ ಬೊಂಬಾಯಿದ ಕದಂ ಪನ್ಪಿನಾರ್ 300 ಕೋಟಿ ರೂ. ಸಾಲ ದೆಪ್ಪಾದ್ ಕೊರ್ಪಿನ ಆಮಿಷ ಪಾಡ್ದ್ 1.15 ಕೋಟಿ ರೂ. ಕಾಸ್‌ನ್ ವಂಚನೆ ಮಲ್ತಿನ ಬಗೆಟ್ ಕುಡ್ಲದ ಸೆನ್ ಪೊಲೀಸ್ ಠಾಣೆಡ್ ದೂರು ದಾಖಲ್ ಆದಿತ್ತ್ಂಡ್.

ಪ್ರಕರಣದ ಆರೋಪಿಲೆಡ್ ವಿಶ್ವನಾಥ್ ಶೆಟ್ಟಿ ಮೆರೆನ್ ಒಂಜಿ ವಾರದ ಪಿರವು ಕುಡ್ಲ ವಿಮಾನ ನಿಲ್ದಾಣದ ಪಿದಯಿಡ್ ಅರೆಸ್ಟ್ ಮಲ್ತ್‌ದಿತ್ತೆರ್. ಪ್ರಕರಣದ ಪ್ರಮುಖ ಆರೋಪಿ ಕದಂನ್ ಬೊಂಬಾಯಿ ಕ್ರೈಂ ಬ್ರಾಂಚ್ ಪೊಲೀಸೆರ್‍ನ ಸಕಾಯ ಪಡೆದ್ ಅರೆಸ್ಟ್ ಮಲ್ತ್‌ದ್ ಕುಡ್ಲಗ್ ಲೆತೊಂದು ಬೈದೆರ್.

ವಿಶ್ವನಾಥ್ ಶೆಟ್ಟಿ ಮೆರೆಗ್ ಕುಡ್ಲದ ಸಿಜೆಎಂ ನ್ಯಾಯಾಲಯ ಜಾಮೀನು ಕೊರ್ತ್ಂಡ್. ಯುವ ನ್ಯಾಯವಾದಿ ಎಲಿಜೆಬೆತ್ ನೀಲಿಯಾರ ಆರೋಪಿ ಪರವಾದ್ ವಕಾಲತ್ತು ಮಲ್ತ್‌ದಿತ್ತೆರ್. ಈ ಪ್ರಕರಣಡ್ ತನ್ನ ಕಕ್ಷಿಗಾರೆರ್ ವಿಶ್ವನಾಥ್ ಶೆಟ್ಟಿ ಅಮಾಯಕರಾದಿತ್ತ್‌ದ್ ಅರೆಗ್ ಜಾಮೀನು ಕೊರ್ಪಿಲೆಕ್ಕ ನ್ಯಾಯಾಲಯಗ್ ಎಲಿಜಬೆತ್ ಮನವಿ ಸಂದಾದಿತ್ತೆರ್. ನನೋರಿ ಆರೋಪಿ ಕದಂ ಪೊಲೀಸೆರ್‍ನ ವಶಟ್ಟ್ ಉಲ್ಲೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

Lokaiah Shetty Munchoor is the new president of Bunts Sangha Surathkal ಸುರತ್ಕಲ್ ಬಂಟರ ಸಂಘಗ್ ಲೋಕಯ್ಯ ಶೆಟ್ಟಿ ಮುಂಚೂರು ಪೊಸ ಗುರ್ಕಾರ್ಲು

ಸುರತ್ಕಲ್ : ಬಂಟರ ಸಂಘ (ರಿ) ಸುರತ್ಕಲ್ ಉಂದೆತ್ತ 2023-25 ನೇ ಸಾಲ್‌ದ ಪೊಸ ಗುರ್ಕಾರೆಯಾದ್ ಮುಂಚೂರು ಲೋಕಯ್ಯ ಶೆಟ್ರ್ ಅವಿರೋಧವಾದ್ ಆಯ್ಕೆ ಆತೆರ್.

 

ಒತ್ತು ಗುರ್ಕಾರೆರಾದ್ ಪುಷ್ಪರಾಜ ಶೆಟ್ಟಿ ಕುಡುಂಬೂರು, ಪ್ರಧಾನ ಕಾರ್ಯದರ್ಶಿಯಾದ್ ಲೀಲಾಧರ ಶೆಟ್ಟಿ ಕಟ್ಲ, ಕೋಶಾಧಿಕಾರಿಯಾದ್ ಅವಿನಾಶ್ ಶೆಟ್ಟಿ, ಜೊತೆ ಕಾರ್ಯದಶಿಯಾದ್ ಸುಧೀರ್ ಶೆಟ್ಟಿ ಸೂರಿಂಜೆ, ಸಂಘಟನಾ ಕಾರ್ಯದರ್ಶಿಯಾದ್ ಪುಷ್ಪರಾಜ ಶೆಟ್ಟಿ ಮದ್ಯ, ಸಾಂಸ್ಕೃತಿಕ ಕಾರ್ಯದರ್ಶಿಯಾದ್ ಜಯರಾಮ ಶೆಟ್ಟಿ ತಡಂಬೈಲ್, ಕ್ರೀಡಾ ಕಾರ್ಯದರ್ಶಿಯಾದ್ ಶಿಶಿರ್ ಶೆಟ್ಟಿ ಪೆರ್ಮುದೆ ಆಯ್ಕೆ ಆತೆರ್.

 

ಕಾರ್ಯಕಾರಿ ಸಮಿತಿ ಸದಸ್ಯೆರಾದ್ ಬಾಳ ಜಗನ್ನಾಥ ಶೆಟ್ಟಿ, ಸುಧಾಕರ ಶೆಟ್ಟಿ ಚೇಳಾರ್, ಶ್ರೀಕಾಂತ್ ಶೆಟ್ಟಿ ಕಾಟಿಪಳ್ಳ, ಮಾಧವ ಶೆಟ್ಟಿ ತಡಂಬೈಲ್, ಶ್ರೀಕೃಷ್ಣ ಶೆಟ್ಟಿ ಕುತ್ತೆತ್ತೂರು, ಯೋಗೀಶ್ ಶೆಟ್ಟಿ ಕುಳಾಯಿ, ಹರೀಶ್ ಶೆಟ್ಟಿ ಇಡ್ಯಾ, ಸುಜಾತ ಶೆಟ್ಟಿ ಹೊಸಬೆಟ್ಟು, ವೇದಾವತಿ ಎನ್ ಶೆಟ್ಟಿ ಇಡ್ಯಾ, ಮೀರಾವಾಣಿ ಎಂ ಶೆಟ್ಟಿ ಕಾಟಿಪಳ್ಳ ಆಯ್ಕೆ ಆತೆರ್.

ಬಂಟರ ಭವನಡ್ ನಡತಿನ ವೋಟುಡು ಚುನಾವಣಾಧಿಕಾರಿಯಾದ್ ಬಂಟರ ಯಾನೆ ನಾಡವರ ಮಾತೃಸಂಘದ ಕಾರ್ಯಕಾರಿ ಸಮಿತಿ ಸದಸ್ಯೆರ್ ಉಲ್ಲಾಸ್ ಆರ್ ಶೆಟ್ಟಿ ಪೆರ್ಮುದೆ ಇತ್ತೆರ್. ಯಶ್ ರಾಜ್ ಶೆಟ್ಟಿ, ಶ್ರೀಜಿತ್ ಶೆಟ್ಟಿ, ಸುಶಾನ್ ಶೆಟ್ಟಿ ಸಕಾಯ ಮಲ್ತೆರ್.

ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜಕೀಯ ಸುದ್ದಿ | Political News ರಾಜ್ಯದ ಸುದ್ದಿ | State News

Women passengers must be issued tickets even if the ride is free!! ಫ್ರೀ ಬಸ್ ಟ್ಟ್ ಪೊಂಜೊವುಲೆಗ್ ಟಿಕೆಟ್ ಉಂಡು, ಕಾಸ್ ಕೊರ್ರೆ ಇಜ್ಜಿ..!

ಬೆಂಗ್ಲೂರ್: ಕಾಂಗ್ರೆಸ್ ಸರ್ಕಾರ ಫೋಷಣೆ ಮಲ್ತಿನ 5 ಗ್ಯಾರಂಟಿಲೆಡ್ ಪೊಂಜೊವುಲೆಗ್ ಸರ್ಕಾರಿ ಬಸ್‌ಟ್ ಧರ್ಮಾರ್ಥ ಪ್ರಯಾಣಲ ಒಂಜಿ. ಶಕ್ತಿ ಪುದರ್‌ದ ಈ ಯೋಜನೆಗ್ ಜೂನ್ 11 ಕ್ಕ್ ಚಾಲನೆ ತಿಕ್ಕರೆ ಉಂಡು.

ಆನಿರ್ದ್ ಪೊಂಜೊವುಲು ಧರ್ಮಾರ್ಥವಾದ್ ಪ್ರಯಾಣ ಮಲ್ತ್ಂಡಲ ಟಿಕೆಟ್ ದೆತೊನೊಡೆ. ಆಂಡ ಕಾಸ್ ಕೊರಿಯರೆ ಇಜ್ಜಿ. ಒಲ್ಪರ್ದ್ ಓಡೆಗ್ ಪನ್ಪಿನ ಮಾಹಿತಿನ್ ಪಾಡ್ದ್ ನಿರ್ವಾಹಕೆರ್ ಟಿಕೆಟ್ ಕೊರಿಯರೆ ಉಲ್ಲೆರ್. ಆಯಿತೊಟ್ಟುಗು ಆಧಾರ್ ಕಾರ್ಡ್, ವೋಟರ್ ಐಡಿ, ರೇಷನ್ ಕಾರ್ಡ್ ಕಡ್ಡಾಯವಾದ್ ಇಪ್ಪೊಡು.

Women passengers must be issued tickets even if the ride is free!!

Bangalore: The Congress govt in Karnataka will start free bus ride facility for women from June 11 th. But women will be issued tickets even if the ride is free .Women must also have handy their Adhar card, voter id card and ration card with them

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

Eshwar M J awarded a Doctorate ಈಶ್ವರ್ ಎಂ.ಜಿ. ಮೆರೆಗ್ ಡಾಕ್ಟರೇಟ್

ಆಳ್ವಾಸ್ ಕಾಲೇಜ್‌ದ ಅರ್ಥಶಾಸ್ತ್ರ ವಿಭಾಗ ಸಹಾಯಕ ಪ್ರಾಧ್ಯಾಪಕೆರ್ ಈಶ್ವರ್ ಎಂ. ಜಿ. ಮೇರ್ ಸಲ್ಲಿಸಾಯಿನ “ಹೆಲ್ತ್ ಕೇರ್ ಸರ್ವಿಸ್ ಇನ್ ಅರ್ಬನ್ – ರೂರಲ್ ಕರ್ನಾಟಕ : ಎ ಸ್ಟಡಿ ಇನ್ ಶಿವಮೊಗ್ಗ ಡಿಸ್ಟ್ರಿಕ್ಟ್ ” ಪನ್ಪಿನ ಸಂಶೋಧನೆದ ಮಹಾ ಪ್ರಬಂಧಗ್ ಕುವೆಂಪು ವಿಶ್ವವಿದ್ಯಾನಿಲಯ ಡಾಕ್ಟರೇಟ್ ಗೌರವ ಕೊರ್ತ್ಂಡ್.

ಮೇರ್ ಕುವೆಂಪು ವಿಶ್ವ ವಿದ್ಯಾನಿಲಯದ ಪ್ರಾಧ್ಯಾಪಕ ಪ್ರೊ. ಬಿ. ಜಯರಾಮ್ ಭಟ್ ಮೆರೆನ ಮಾರ್ಗದರ್ಶನಡ್ ಸಂಶೋಧನೆ ಮಲ್ತ್‌ದಿತ್ತೆರ್. ಈಶ್ವರ್ ಮೇರ್ ಚಿಕ್ಕಮಗಳೂರು ಜಿಲ್ಲೆದ ಬಾಳೆಹೊನ್ನೂರು ಕೈತಲ್‌ದ ಮೆಲ್ಪಾಲ್ ನಿವಾಸಿ ದಿ. ಗೋಪಾಲ ಬೊಕ್ಕ ಕಾಳಿಯಮ್ಮ ಮೆರೆನ ಮಗೆ.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

Suratkal: Woman’s Gold chain stolen while drawing water from the well !! ಸುರತ್ಕಲ್: ನೀರ್ ಒಯ್ತೊಂದಿಪ್ಪುನಗ ಪೊಂಜೊವುನ ಬಂಗಾರ್‌ದ ಸರ ಕಂಡಿನ ಕಲ್ವೆ

ಸುರತ್ಕಲ್: ಗುವೆಲ್‌ರ್ದ್ ನೀರ್ ಒಯ್ತೊಂದಿಪ್ಪುನಗ ಪೊಂಜೊವುನ ಬಂಗಾರ್‌ದ ಸರ ಕಂಡಿನ ಘಟನೆ ಸುರತ್ಕಲ್ ಪೊಲೀಸ್ ಠಾಣಾ ವ್ಯಾಪ್ತಿದ ತಡಂಬೈಲ್ ಡ್ ನಡತ್ಂಡ್.

ಪುಷ್ಪಾ(7೦) ಪನ್ಪಿನಾರ್ ಇನಿ ಕಾಂಡೆ ತಡಂಬೈಲ್‌ದ ತನ್ನ ಇಲ್ಲದ ಕಂಪೌಂಡ್‌ದ ಉಲಯಿ ಇತ್ತಿನ ಗುವೆಲ್‌ಡ್ ನೀರ್ ದೆತೊಂದಿಪ್ಪುನಗ ಬೈಕ್‌ಡ್ ಬತ್ತಿನ ರಡ್ಡ್ ಜನ ಕೆಕ್ಕಿಲ್‌ಡ್ ಇತ್ತಿನ ಅಂದಾಜಿ 1.25 ಲಕ್ಷ ರೂ. ಬಿಲೆತ್ತ ಬಂಗಾರ್‌ದ ಸರನ್ ದೆತೊಂದು ಪದ್ರಡ್ ಆತೆರ್.

ಸುರತ್ಕಲ್ ಪೊಲೀಸೆರ್ ಕೇಸ್ ದಾಖಲ್ ಮಲ್ತ್‌ದ್ ತನಿಖೆ ಸುರು ಮಲ್ತ್‌ದೆರ್ ಪಂದ್ ತೆರಿದ್ ಬೈದ್ಂಡ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

Odisha Train Accident: nearly 233 Dead, over 900 Injured ಒಡಿಶಾಡ್ ರೈಲ್ ದುರಂತ: 233 ಜನ ಪ್ರಯಾಣಿಕೆರ್ ತೀರ್ ಪೋಯೆರ್

ಒಡಿಶಾದ ಬಾಲಸೋರ್ ಜಿಲ್ಲೆದ ಬಹನಾಗಾ ರೈಲ್ ನಿಲ್ದಾಣದ ಕೈತಲ್ ನಡತಿನ ರೈಲ್ ದುರಂತಡ್ ತೀರ್ ಪೋಯಿನಕ್ಲೆನ ಸಂಖ್ಯೆ 233 ದಾಟ್‌ದ್ಂಡ್.

900 ದೆರ್ದ್ ಎಚ್ಚದ ಜನಕ್ಲೆಗ್ ಪೆಟ್ಟಾದಿತ್ತ್‌ದ್, ಕೈತಲ್‌ದ ಆಸ್ಪತ್ರೆಗ್ ದಾಖಲ್ ಮಲ್ತ್‌ದೆರ್. ಈ ನಿಲೆಟ್ ಒಡಿಶಾ ಸರ್ಕಾರ ಒಂಜಿ ದಿನ ಶೋಕಾಚರಣೆ ನ್ ಘೋಷಣೆ ಮಲ್ತ್‌ದೆರ್. ರಾಜ್ಯಡ್ ಇನಿ (ಜೂನ್ 3) ಒವ್ವೇ ಸಂಭ್ರಮಾಚರಣೆ ಮಲ್ಪರೆ ಇಜ್ಜಿ ಪಂದ್ ಸೂಚನೆ ಕೊರ್ತೆರ್. ಘಟನೆ ಆಯಿನ ಜಾಗೆಗ್ ಮುಖ್ಯಮಂತ್ರಿ ನವೀನ್ ಪಟ್ನಾಯಕ್ ಭೇಟಿ ಕೊರಿಯರೆ ಉಲ್ಲೆರ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

B Dayanand has been appointed as the new Bangalore Police Commissioner ಬೆಂಗ್ಲೂರ್‌ದ ಪೊಸ ಪೊಲೀಸ್ ಆಯುಕ್ತೆರಾದ್ ಬಿ. ದಯಾನಂದ ನೇಮಕ

ಬೆಂಗ್ಲೂರ್: ಸರ್ಕಾರ ಬೆಂಗ್ಲೂರ್‌ದ ಪೊಸ ಪೊಲೀಸ್ ಕಮಿಷನರ್ ಆದ್ ಪೆರಿಯ ಪೊಲೀಸ್ ಅಧಿಕಾರಿ ಬಿ ದಯಾನಂದ ಮೆರೆನ್ ನೇಮಕ ಮಲ್ತ್‌ದ್ಂಡ್. ಇನಿ ರಾಜ್ಯ ಸರ್ಕಾರ ಈ ಆದೇಶನ್ ಪಾಡ್ದ್ಂಡ್.

ಬೆಂಗ್ಲೂರ್ ಪೊಲೀಸ್ ಕಮಿಷನರ್ ಸೇರಿನಂಚನೆ ಕೆಲ ಐಪಿಎಸ್ ಅಧಿಕಾರಿಲೆನ ವರ್ಗಾವಣೆ ಮಲ್ತ್‌ದೆರ್. ಈ ಪಿರವು ಬೆಂಗ್ಲೂರ್‌ದ ಪೊಲೀಸ್ ಕಮಿಷನರ್ ಪ್ರತಾಪ ರೆಡ್ಡಿ ಆದಿತ್ತೆರ್. ಇತ್ತೆ ಅರೆನ್ ಡಿಜಿಪಿ ಆಂತರಿಕ ಭದ್ರತಾ ವಿಭಾಗಗ್ ಕಡಪುಡ್ದೆರ್.

B Dayanand has been appointed as the new Bangalore Police Commissioner

Bangalore: Senior police officer B Dayanand has been appointed as the new Commissioner of Police of Bangalore. The state government has passed an order to this effect today.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News

IPL champions the Chennai Super Kings team win rupees twenty crore in prizes ಐಪಿಎಲ್‌ದ ಚಾಂಪಿಯನ್ ಕೂಟ ಚೆನ್ನೈ ಸೂಪರ್ ಕಿಂಗ್ಸ್ ಗ್ 20 ಕೋಟಿ ರೂ. ಇನಾಮು

ಅಹಮದಾಬಾದ್: ಐಪಿಎಲ್ 2023 ತ್ತ ಫೈನಲ್ ಪಂತೊಡು ಗುಜರಾತ್ ಟೈಟನ್ಸ್ ಕೂಟದ ವಿರುದ್ದ ಕುಡ 5ನೇ ಸರ್ತಿ ಐಪಿಎಲ್ ಕಿರೀಟನ್ ಗೆಂದ್‌ದ್ಂಡ್ ಚೆನ್ನೈ ಸೂಪರ್ ಕಿಂಗ್ಸ್.

ಇತ್ತೆ ಚಾಂಪಿಯನ್ ಆಯಿನ ಚೆನ್ನೈ ಕೂಟಗ್ ಬರೋಬ್ಬರಿ 20 ಕೋಟಿ ರೂ. ಇನಾಮುನು ಕೊರ್ತೆರ್. ಅಂಚನೆ ರನ್ನರ್ ಅಪ್ ಆಯಿನ ಗುಜರಾತ್ ಟೈಟಾನ್ಸ್ ತಂಡಗ್ 12.5 ಕೋಟಿ ರೂ. ಇನಾಮು ತಿಕ್ಕ್‌ದ್ಂಡ್.

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ರಪಕ್ಕ ಸುದ್ದಿ Flash News

Puttur: Thieves rob a house in broad daylight and do away with gold !! ಪುತ್ತೂರ್: ಪಗೆಲ್‌ಡೇ ಇಲ್ಲಗ್ ಪೊಗ್ಗ್‌ದು ಬಂಗಾರ್‌ ಕಂಡಿನ ಕಲ್ವೆರ್!

ಪುತ್ತೂರ್ ತಾಲೂಕ್‌ದ ಬನ್ನೂರು ಪನ್ಪಿನಲ್ಪ ಪಗೆಲ್‌ಡೇ ಇಲ್ಲರ್ದ್ ಲಕ್ಷಾಂತರ ರೂಪಾಯಿ ಬಿಲೆತ್ತ ಬಂಗಾರ್‌ನ್ ಕಂಡಿನ ಘಟನೆ ನಡತ್ಂಡ್.

ಬನ್ನೂರು ಕುಂಟ್ಯಾನ ಸದಾಶಿವ ದೇವಲ್ಯದ ವ್ಯವಸ್ಥಾಪನಾ ಸಮಿತಿ ಸದಸ್ಯೆರ್ ಮೌನಿಶ್ ಮೆರೆನ ಇಲ್ಲಡ್ ಏರ್ಲಾ ಇಜ್ಜಂದಿನ ಪೊರ್ತುಡು ಈ ಘಟನೆ ನಡತ್ಂಡ್. ಇಲ್ಲದ ಪಿರವುದ ಬಾಕಿಲ್‌ದ ಬೀಗ ಪುಡತ್ ದ್ ಕಲ್ವೆರ್ ಉಲಯಿ ಬತ್ತ್‌ದೆರ್. ಇಲ್ಲದ ಸೊತ್ತುಲು ಮಾತ ಚೆಲ್ಲಾಪಿಲ್ಲಿ ಆದಿತ್ತ್‌ದ್ ಪೊಲೀಸೆರೆಗ್ ದೂರು ಕೊರ್ತೆರ್.

You Missed

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ತುಳುಕೂಟದ ಕೋಟಾದಡಿ ಮೆಡಿಕಲ್ ಸೀಟ್ ಪಡೆಯಿನ ನಿಕ್ಷೇಪ್ ಸುವರ್ಣ

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಚಾರ್ ಧಾಮ್ ಯಾತ್ರೆಗ್ ಪೋದಿತ್ತಿನ ಕುಂಪಲ ನಿವಾಸಿ ತಿಗಲೆ ಬೇನೆಡ್ ಮರಣ

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಸೆ.25-27: ಸುರತ್ಕಲ್‌ ಬಂಟರ ಭವನಡ್ ಕೃಷಿ ಮೇಳ, ಆಹಾರ ಮೇಳ, ಹೋಳಿಗೆ ಪರ್ಬ ಬೊಕ್ಕ ಸಸ್ಯೋತ್ಸವ

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

“ತುಳು ಲಿಪಿ ಯುನಿಕೋಡ್‌ಗ್ ಸೇರ್ಸಾವರೆ ಬೆರಿಬಲ ಕೊರ್ತಿನಾರ್ ಮಾಜಿ ಸಚಿವೆರ್ ಅರವಿಂದ ಲಿಂಬಾವಳಿ”

Copyright © All rights reserved - The Times of Kudla Mangalore | Paper News by Themeansar.