ಕುಡ್ಲ: “ಬ್ರಹ್ಮಶ್ರೀ ನಾರಾಯಣಗುರುಕ್ಲೆನ “ವಿದ್ಯೆರ್ದ್ ಸ್ವತಂತ್ರರಾದ್ ಇಪ್ಪುಲೆ ಸಂಘಟನೆರ್ದ್ ಬಲವಾದ್ ಇಪ್ಪುಲೆ” ಪನ್ಪಿನ ಧೈಯೋದ್ದೇಶದೊಟ್ಟುಗು ಶಿಕ್ಷಣಗ್ ಪ್ರೋತ್ಸಾಹ ಕೊರ್ಪಿನ ನಿಲೆಟ್ಟ್ ಅಖಿಲ ಭಾರತ ಬಿಲ್ಲವರ ಯೂನಿಯನ್ರ್ದ್ ಕುಂಜತ್ತಬೈಲ್ಡ್ ದಿ.ದಾಮೋದರ ಆರ್. ಸುವರ್ಣ ಸ್ಮಾರಕ ‘ಬಿಲ್ಲವ ಹಾಸ್ಟೆಲ್” ನಿರ್ಮಾಣ ಮಲ್ತ್ದಿತ್ತ್ದ್ ಸೆ.24 ಕ್ಕ್ ಲೋಕಾರ್ಪಣೆ ಆಯರೆ ಉಂಡು ಪಂದ್ ಅಖಿಲ ಭಾರತ ಬಿಲ್ಲವರ ಯುನಿಯನ್ ಅಧ್ಯಕ್ಷೆರ್ ನವೀನ್ ಚಂದ್ರ ಡಿ. ಸುವರ್ಣ ಪತ್ರಿಕಾಗೋಷ್ಠಿಡ್ ಮಾಹಿತಿ ಕೊರಿಯೆರ್.
ಕುಡ್ಲದ ಪುರಭವನಡ್ ಲೋಕಾರ್ಪಣಾ ಸಮಾರಂಭ ಲೇಸ್ ನಡಪರೆ ಇತ್ತ್ದ್ ಈ ಲೇಸ್ನ್ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೇರ್ ಉದಿಪನ ಮಲ್ಪರೆ ಉಲ್ಲೆರ್. ಅಂಚನೆ ಮಾಜಿ ಕೇಂದ್ರ ವಿತ್ತ ಸಚಿವೆರ್ ಬಿ. ಜನಾರ್ದನ ಪೂಜಾರಿ ಮೇರ್ ತುಡರ್ ಅರ್ಲಾಯರೆ ಉಲ್ಲೆರ್. ಸಭಾಧ್ಯಕ್ಷತೆನ್ ಅಖಿಲ ಭಾರತ ಬಿಲ್ಲವರ ಯೂನಿಯನ್ ಅಧ್ಯಕ್ಷೆರ್ ನವೀನ್ಚಂದ್ರ ಡಿ. ಸುವರ್ಣ ವಹಿಸೊನರೆ ಉಲ್ಲೆರ್. ಸ್ಮರಣ ಸಂಚಿಕೆನ್ ವಿಧಾನಸಭಾ ಸ್ಪೀಕರ್ ಯು.ಟಿ. ಖಾದರ್ ಬುಡುಗಡೆ ಮಲ್ಪರೆ ಉಲ್ಲೆರ್.
ಮಲ್ಲ ಬಿನ್ನೆರಾದ್ ಮಾಜಿ ಸಂಸದೆರ್ ಡಿ.ವಿ. ಸದಾನಂದ ಗೌಡ, ವಿಧಾನ ಪರಿಷತ್ ಸದಸ್ಯೆರ್ ಬಿ.ಕೆ. ಹರಿಪ್ರಸಾದ್, ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಸಚಿವೆರ್ ದಿನೇಶ್ ಗುಂಡೂರಾವ್, ಪ್ರಾಥಮಿಕ ಬೊಕ್ಕ ಪ್ರೌಢ ಶಿಕ್ಷಣ ಸಚಿವೆರ್ ಮಧು ಬಂಗಾರಪ್ಪ, ಸಂಸದೆರ್ ನಳಿನ್ ಕುಮಾರ್ ಕಟೀಲ್, ವಿಧಾನ ಪರಿಷತ್ ಸದಸ್ಯೆರ್ ಕೋಟ ಶ್ರೀನಿವಾಸ ಪೂಜಾರಿ, ಶಾಸಕೆರ್ ವಿ. ಸುನೀಲ್ ಕುಮಾರ್, ಉಮಾನಾಥ್ ಕೋಟ್ಯಾನ್, ವೇದವ್ಯಾಸ್ ಕಾಮತ್, ಡಾ.ವೈ. ಭರತ್ ಶೆಟ್ಟಿ, ವಿಧಾನ ಪರಿಷತ್ ಸದಸ್ಯೆರ್ ಹರೀಶ್ ಕುಮಾರ್, ಮಾಜಿ ಮೇಯರ್ ಜಯಾನಂದ ಅಂಚನ್, ಮಾಜಿ ಸಚಿವೆರ್ ವಿನಯ ಕುಮಾರ್ ಸೊರಕೆ, ಮಾಜಿ ಮುಖ್ಯ ಸಚೇತಕ ಕೆ. ವಸಂತ ಬಂಗೇರ, ಮಾಜಿ ಶಾಸಕ ಗೋಪಾಲ ಪೂಜಾರಿ ಲೇಸ್ಡ್ ಪಾಲ್ ಪಡೆಯರೆ ಉಲ್ಲೆರ್.
ಉದ್ಯಮಿ ಜಯರಾಮ ಬನಾನ್, ಸಣ್ಣ ಕೈಗಾರಿಕಾ ರಾಷ್ಟ್ರೀಯ ಸಮಿತಿ ಅಧ್ಯಕ್ಷೆರ್ ಉದಯಚಂದ್ರ ಡಿ. ಸುವರ್ಣ, ಆರ್ಯ ಈಡಿಗ ಸಂಘದ ಅಧ್ಯಕ್ಷೆರ್ ತಿಮ್ಮೇಗೌಡ ,ಉದ್ಯಮಿ ಜೆ.ಪಿ. ಸುಧಾಕರ್, ಬಿಲ್ಲವ ಚೇಂಬರ್ ಆಫ್ ಕಾಮರ್ಸ್ ಅಧ್ಯಕ್ಷೆರ್ ಎನ್.ಟಿ. ಪೂಜಾರಿ, ಮುಂಬಯಿ ಬಿಲ್ಲವ ಅಸೋಸಿಯೇಶನ್ ಅಧ್ಯಕ್ಷೆರ್ ಹರೀಶ್ ಜೆ. ಅಮೀನ್, ಬೆಂಗಳೂರು ಬಿಲ್ಲವ ಅಸೋಸಿಯೇಶನ್ ಅಧ್ಯಕ್ಷೆರ್ ವೇದಕುಮಾರ್, ಅಖಿಲ ಭಾರತ ಬಿಲ್ಲವರ ಮಹಿಳಾ ಸಂಘದ ಅಧ್ಯಕ್ಷೆ ಸುಮಲತಾ ಎನ್. ಸುವರ್ಣ, ದುಬಾಯಿ ಬಿಲ್ಲವ ಬಳಗ-ಮಹಿಳಾ ವಿಭಾಗದ ಅಧ್ಯಕ್ಷೆ ಗೀತಾ ಸುವರ್ಣ, ಕಾರ್ಪೊರೇಟರ್ ಶರತ್ ಕುಮಾರ್ ಗೌರವ ಉಪಸ್ಥಿತಿಡ್ ಲೇಸ್ಡ್ ಪಾಲ್ ಪಡೆಯರೆ ಉಲ್ಲೆರ್. ಉಂದುವೇ ಪೊರ್ತುಡು ಉದ್ಯಮಿ ಸುಶೀರ್ ಕುಮಾರ್, ಇಂಜಿನಿಯರ್ ಬಾಬ ಅಲಂಕಾರ್ ಮೆರೆನ್ ಮಾನಾದಿಗೆ ಮಲ್ಪುನ ಲೇಸ್ಲ ನಡಪರೆ ಉಂಡು ಪಂದ್ ನವೀನ್ ಚಂದ್ರ ಡಿ. ಸುವರ್ಣ ಮೇರ್ ಪಂಡೆರ್.
ಪತ್ರಿಕಾಗೋಷ್ಠಿಡ್ ಅಖಿಲ ಭಾರತ ಬಿಲ್ಲವರ ಯುನಿಯನ್ ಅಧ್ಯಕ್ಷೆರ್ ನವೀನ್ ಚಂದ್ರ ಡಿ. ಸುವರ್ಣ, ಅಖಿಲ ಭಾರತ ಬಿಲ್ಲವರ ಮಹಿಳಾ ಸಂಘದ ಅಧ್ಯಕ್ಷೆ ಸುಮಲತಾ ಎನ್. ಸುವರ್ಣ, ಸುಖಲಾಕ್ಷಿ ಸುವರ್ಣ, ಕೋಶಾಧಿಕಾರಿ ಕಾಶೀನಾಥ್, ಜೊತೆ ಕಾರ್ಯದರ್ಶಿ ಯೋಗೀಶ್ ಕುಮಾರ್, ಪ್ರಧಾನ ಕಾರ್ಯದರ್ಶಿ ಜೀವನ್ ಕುಮಾರ್ ಇತ್ತೆರ್.
(ಬಾಕ್ಸ್)
5.25 ಕೋಟಿ ರೂ. ಕರ್ಚಿಡ್ ಕಟ್ಟಡ!
ಕುಡ್ಲ ಪೇಂಟೆದ ಕುಂಜತ್ತಬೈಲ್ಡ್ ಸುಮಾರ್ 1 ಎಕ್ರೆ ವ್ಯಾಪ್ತಿಡ್ 5.25 ಕೋಟಿ ರೂ. ಕರ್ಚಿಡ್ ಈ ಹಾಸ್ಟೆಲ್ ನಿರ್ಮಾಣ ಆದಿತ್ತ್ದ್ ಬಿಲ್ಲವ ಅಂಚನೆ ಹಿಂದುಳಿದ ಸಮುದಾಯಡ್ ಮಿತ್ತ್ದ್ ವೃತ್ತಿ ಶಿಕ್ಷಣನ್ ಬಯಕುನ ಕಲ್ಪಾರ್ಥಿಲೆನ ಅನುಕೂಲತೆಗಾದ್ ಈ ಹಾಸ್ಟೆಲ್ನ್ ನಿರ್ಮಾಣ ಮಲ್ತ್ದೆರ್. ಸುಮಾರ್ 5 ಮಾಳಿಗೆದ ಕಟ್ವಾನೊ ಉಂದಾದಿತ್ತ್ದ್ ಒಟ್ಟು 19,500 ಚದರ ಅಡಿ ವಿಸ್ತೀರ್ಣ ಉಂಡು. ನೆಲ ಅಂತಸ್ತ್ಡ್ ಆಡಳಿತ ಕಚೇರಿ, ಗ್ರಂಥಾಲಯ ಅಂಚನೆ ವಸತಿ ಕೊಠಡಿಲು, 1ನೇ ಬೊಕ್ಕ 2ನೇ ಮಾಳಿಗೆಡ್ ವಸತಿ ಕೊಠಡಿ ಬೊಕ್ಕ 3ನೇ ಮಾಳಿಗೆಡ್ ಸಭಾಂಗಣ ಉಂಡು. ತಿರ್ತ್ದ ಮಾಳಿಗೆಡ್ ಅಟಿಲ್ದ ಕೋಣೆ, ಉಗ್ರಾಣ ಕೋಣೆಲು ಉಂಡು.
