Tue. Nov 17th, 2026

ಊರ್ದ ಸುದ್ದಿ Regional News

ಕುಡ್ಲಗ್ ಬತ್ತೆರ್ ಮಿಸ್‌ ಇಂಡಿಯಾ ವರ್ಲ್ಡ್-2022 ಸಿನಿ ಶೆಟ್ಟಿ; ಪುಟ್ಟಿನ ಊರುಡು ಮೋಕ್ಯೆಡ್ ಎದ್ಕೊನಿನ ಜನಕುಲು

ಕುಡ್ಲ : ಈ ಸರ್ತಿದ ಫೆಮಿನಾ ಮಿಸ್‌ ಇಂಡಿಯಾ ಪಂತೊಡ್ ಮಿಸ್‌ ಇಂಡಿಯಾ ವರ್ಲ್ಡ್-2022’ ಕಿರೀಟ ಗೆಂದಿನ ತುಳುನಾಡ್ ದ ಪೊಣ್ಣು ಸಿನಿ ಶೆಟ್ಟಿ ಜುಲೈ 18 ಗ್ ಸೋಮಾರ ಕುಡ್ಲಗ್ ಬತ್ತೆರ್. ಒಡಿಪುದಾರ್ ಆಯಿನ ಸಿನಿ ಶೆಟ್ಟಿ ಕೋಡೆ ಮಧ್ಯಾಹ್ನ ಕುಡ್ಲ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಗ್ ಬನ್ನಗ ಅಭಿಮಾನಿಲು ಮೋಕೆಡ್ ಸ್ವಾಗತ ಮಲ್ತೆರ್.

ಸಿನಿ ಶೆಟ್ಟಿ ಮೇರ್ ಒಡಿಪು ಜಿಲ್ಲೆದ ಕಾಪು ಕೈತಲ್ ಇನ್ನಂಜೆದ ಮಡಂಬುದಾರ್. ಸದಾನಂದ ಶೆಟ್ಟಿ ಬೊಕ್ಕ ಹೇಮಾ ದಂಪತಿನ ಮಗಲ್. ದಶಕದ ಪಿರವೇ ಮೇರ್ನ ಪೋಷಕೆರ್ ಬೊಂಬೈಡ್ ಇತ್ತ್ ದ್, ಹೊಟೇಲ್‌ ಉದ್ಯಮ ಮಲ್ತೊಂದುಲ್ಲೆರ್. ಇಂಚಾದ್ ಮೇರ್ನ ಪುಟ್ಟು, ಕಲ್ಪುನವ್ ಪೂರಾ ಬೊಂಬಾಯಿಡೆ ಆದಿತ್ತ್ ದ್, ಊರುದ ಪರಿಚಯ ಕಮ್ಮಿ. ಆಂಡಲ ಭಾರೀ ಪೊರ್ಲುಡೆ ತುಳು ಪಾತೆರುನ ಮೇರ್ ದೈವದ ನೇಮ ಅಂಚನೆ ಬೇತೆ ಧಾರ್ಮಿಕ ಕಾರ್ಯಕ್ರಮದ ಪೊರ್ತುಡ್ ಊರುಗ್ ಬರೊಂದು ಉಪ್ಪುವೆರ್.

ಮೇರ್ ಜುಲೈ 3 ಕ್ಕ್ ಬೊಂಬಾಯಿದ ಜಿಯೋ ಕನ್ವೆನ್ಷನ್ ಸೆಂಟರ್‌ ಡ್ ನಡತಿನ ಕಾರ್ಯಕ್ರಮಡ್ ಮಿಸ್ ಇಂಡಿಯಾ 2022 ಆದ್ ಆಯ್ಕೆಯಾತೆರ್. ಅವ್ ಆಯಿಬೊಕ್ಕ ಉಂದುವೆ ಸುರುತ್ತ ಸರ್ತಿ ಕುಡ್ಲಗ್ ಬೈದೆರ್. ಪುಟ್ಟಿನ ಊರುಗ್ ಬನ್ನಗ ಅಭಿಮಾನಿಲು ಅಂಚನೆ ದೋಸ್ತಿಲು, ಸಂಬಂಧಿಕೆರ್ ಸಿನಿ ಶೆಟ್ಟಿ ಮೇರೆಗ್ ಆರತಿ‌ ಮಲ್ತ್ ದ್, ಪೂತ್ತ ಮಾಲೆ ಪಾಡ್ದ್ ಪೂಗೊಂಚಿಲ್ ಕೊರ್ದ್ ಎದ್ಕೊನಿಯೆರ್. ಝರಿ ಸೀರೆ ತುತೊಂದಿನ ಸಿನಿ ಶೆಟ್ಟಿ ತರೆಟ್ಟ್ ಮಿಸ್‌ ಇಂಡಿಯಾ ವರ್ಲ್ಡ್ ಕಿರೀಟ ಪಾಡ್ದಿತ್ತೆರ್. ಈ ಪೊರ್ತುಡು ಸಿನಿ ಶೆಟ್ಟಿ ಮೇರ್ನೊಟ್ಟುಗ್ ಸೆಲ್ಫಿ ದೆಪ್ಪರೆ ಅಭಿಮಾನಿಲು ಕಾತೊಂದಿತ್ತೆರ್.

ಆಯಿರ್ದ್ ಬೊಕ್ಕ ಮಾಧ್ಯಮದಕ್ಲೆನ ಒಟ್ಟುಗು ಪಾತೆರ್ದಿನ ಆರ್ ತುಳುಟ್ಟೆ ಕುಡ್ಲಗ್ ಸೊಲ್ಮೆ ಸಂದೈತ ಮಲ್ತೆರ್. ಮಿಸ್ ಇಂಡಿಯಾ ಆತಿನ ಸಿನಿ ಶೆಟ್ಟಿ ಮಿಸ್ ವರ್ಲ್ಡ್ ಆಪಿನ ಆಸೆಲ ಉಂಡು ಪಂಡೆರ್. ಎಡ್ಡೆ ಕಥೆ ಇತ್ತಿನ ಪಿಚ್ಚರ್ ತಿಕ್ಕುಂಡ ಸಿನಿಮಾಡ್ ಲ ನಟನೆ ಮಲ್ಪೆ ಪಂಡೆರ್.

ಆಯಿಬೊಕ್ಕ ಆರ್ ಕುಟುಂಬ ಸಮೇತ ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಗ್ ಭೇಟಿ ಕೊರಿಯೆರ್. ದುರ್ಗಾಪರಮೇಶ್ವರಿ ಸನ್ನಿಧಿಡ್ ವಿಶೇಷ ಪೂಜೆ ಮಲ್ತೆರ್. ಮಿಸ್ ಇಂಡಿಯಾ ಸಿನಿ ಶೆಟ್ಟಿ ಮೆರ್ನೊಟ್ಟುಗ್ ಮಸ್ತ್ ಜನ ಫೋಟೋ ದೆತ್ತ್ ದ್ ಅಕ್ಲೆನ ಕುಷಿನ್ ಪಟ್ಟೊoಡೆರ್.

ಮಾಡೆಲ್ ಆದ್ ಗುರ್ತಿಸಾಯಿನ 21 ವರ್ಷದ ಸಿನಿ ಶೆಟ್ಟಿ ಅಕೌಂಟಿಂಗ್ ಬೊಕ್ಕ ಫೈನಾನ್ಸ್ ವಿಭಾಗಡ್ ಸ್ನಾತಕೋತ್ತರ ಪದವಿ ಪಡೆತ್ತೆರ್. ಇತ್ತೆ ಮೇರ್ ವೃತ್ತಿಪರ ಕೋರ್ಸ್ ಮಲ್ತೊಂದುಲ್ಲೆರ್. ಚಾರ್ಟರ್ಡ್ ಫೈನಾನ್ಷಿಯಲ್ ಅನಾಲಿಸ್ಟ್ (CFA)., ಮಾಡೆಲಿಂಗ್ ಒಟ್ಟುಗ್ ಭರತನಾಟ್ಯ ನೃತ್ಯಗಾರ್ತಿಲ ಅಂದ್. ಸಿನಿ ಶೆಟ್ಟಿ ತನ್ನ 4ನೇ ಪ್ರಾಯಡೆ ನೃತ್ಯ ಮಲ್ಪರೆ ಸುರು ಮಲ್ತ್ ದಿತ್ತ್ ದ್, 14 ನೇ ವರ್ಷಡ್ ಇಪ್ಪುನಗ ಭರತನಾಟ್ಯ ಅರಂಗೇಟ್ರಂ ಮಲ್ತ್ ದಿತ್ತೆರ್.

Miss India World-2022 arrives in Mangalore: Sini Shetty

Hometown welcomes the beauty

Miss India World-2022, Sini Shetty from Mumbai who is originally a Tulunadu girl arrived at her hometown on July 18th. She is from Udupi and when she arrived at the Mangalore international airport she was fondly welcomed .

She is from Inaje near Kaup in Udupi district and is the daughter of Sadanand Shetty and Hema.Her parents had relocated to Mumbai and are in hotel business.So she was born and bought up in Mumbai and used to come down to her hometown occassionally for religious ceremonies.She speaks Tulu.

She is in Mangalore for the first time after being crowned Miss India World and fans ,well wishers and relatives welcomed her warmly.She looked an epitome of loveliness in a beautiful zari saree and the miss India crown adoring her head .

Speaking to the media she said she hopes to win the Miss World crown too and is interested in acting in movies.

Later she left for Durga parameshwari temple at Kateel to offer prayers.Fans thronged around her for selfies with her.

21 year old Sini is into modelling and is also a noted Bharatanatyam dancer who had her Arangatram when she was just 14 years. A commerce student she is pursuing CFA.

ಕುಡುಮಡ್ 51ನೇ ವರ್ಸೊದ ಪುರಾಣಕಾವ್ಯ ವಾಚನ – ಪ್ರವಚನ ಸುರು; ಪುರಾಣ ವಾಚನ – ಪ್ರವಚನರ್ದ್ ಸುಖ ಶಾಂತಿ ನೆಮ್ಮದಿ ತಿಕ್ಕುಂಡು

ಉಜಿರೆ: ಪುರಾಣ ವಾಚನ – ಪ್ರವಚನೊರ್ದು ಸುಖ ಶಾಂತಿ ನೆಮ್ಮದಿ ತಿಕ್ಕುಂಡು ಪಂದ್ ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ಅನುವಂಶಿಕ ಅರ್ಚಕೆರ್ ಲಕ್ಷ್ಮಿ ನಾರಾಯಣ ಅಸ್ರಣ್ಣೆರ್ ಪಂಡೆರ್.

ಆರ್ ಐತಾರ ಕುಡುಮ (ಧರ್ಮಸ್ಥಳ)ಡ್ ಐವತ್ತೊಂಜಿನೇ ವರ್ಸೊದ ಪುರಾಣ ಕಾವ್ಯ ವಾಚನ – ಪ್ರವಚನ ಲೇಸ್ ಉದಿಪನ ಮಲ್ತ್ ಉದಿಪನ ಮಲ್ತ್ ಪಾತೆರಿಯೆರ್.

ಶ್ರದ್ಧಾ – ಭಕ್ತಿರ್ದ್ ಧರ್ಮೊದ ಮರ್ಮೊನು ತೆರಿದ್ ಸಾತ್ವಿಕೆರಾದ್, ಸಭ್ಯ ಸುಸಂಸ್ಕೃತ ನಾಗರಿಕೆರಾದ್, ಎಡ್ಡೆ ಉಡಲ್ದಕುಲಾದ್, ಸಾರ್ಥಕ ಜೀವನ ನಡಪಾಯರೆ ಪುರಾಣ ವಾಚನ – ಪ್ರವಚನ ಪ್ರೇರಣೆ, ಮಾರ್ಗದರ್ಶನ ಕೊರ್ಪುಂಡು. ಸಾಮಾನ್ಯವಾದ್ ದೇವಸ್ಥಾನೊಲೆಡ್ ದಿನಲಾ ಅಷ್ಟಾವಧಾನ ನಡಪಾವುನ ಸಂಪ್ರದಾಯ ಉಂಡು. ಅಂಚಾದ್ ಮಾತ ತೀರ್ಥಕ್ಷೇತ್ರೊಲೆಡ್ ಪುರಾಣ ವಾಚನ – ಪ್ರವಚನ ನಡಪೊಡು ಪಂದ್ ಸಲಹೆ ಕೊರಿಯೆರ್.

ಧರ್ಮಾಧಿಕಾರಿ ಡಿ. ವೀರೇಂದ್ರ ಹೆಗ್ಗಡೆರ್ ಪಾತೆರ್ದ್ ಪ್ರತಿಯೊರಿಯಗ್‌ಲಾ ಗೇನದ ಬಾಜೆಲ್ ಉಪ್ಪೊಡು, ಕುಡುಮಡ್ ಭಕ್ತೆರನ ಗೇನದ ಬಾಜೆಲ್ ನಿವಾರಣೆಗಾದ್ ವಸ್ತು ಸಂಗ್ರಹಾಲಯ, ಕಾರ್ ಮ್ಯೂಸಿಯಂ, ಉದ್ಯಾನವನ, ತಾಳೆಗರಿ ಸಂಗ್ರಹ ಇಂಚಿತ್ತಿನ ಸೌಲಭ್ಯೊಲೆನ್ ಕೊರ್ತುಂಡು. ಕೂಡುಕಟ್ಟ್ ಕುಟುಮ ಪದ್ಧತಿಡ್ ದುಂಬು ಪ್ರತಿ ಇಲ್ಲಡ್ ಪುರಾಣ ವಾಚನ ಮಲ್ಪುನ ಸಂಪ್ರದಾಯ ಇತ್ತ್ಂಡ್ ಆಂಡ ಆಧುನಿಕ. ಜೀವನ ಶೈಲಿ ಬೊಕ್ಕ ಬೇಲೆದ ಒತ್ತಡೊರ್ದು ಸಂಪ್ರದಾಯ ಮಾತ ಮದೆಕ್ ಪೋತುಂಡು. ಪುರಾಣೊಲೆಡ್ ನಮ್ಮ ಬದುಕ್‌ದ ಮಾತ ಸಮಸ್ಯೆಲೆಗ್, ಸವಾಲುಲೆಗ್, ಸಾಂಸಾರಿಕ ತಾಪತ್ರೆಯೊಲೆಗ್ ಎಡ್ಡೆರೀತಿದ ಪರಿಹಾರ ತಿಕ್ಕುಂಡು. ಮಸ್ತ್ ಜನ ಭಕ್ತೆರ್ ತನ್ಕುಲೆನ ಶಾಪ-ತಾಪ ಪರಿಹಾರೊಗಾದ್ ಕೌಟುಂಬಿಕ ಸಮಸ್ಯೆಲೆದ ಇತ್ಯರ್ಥೊಗಾದ್ ಕುಡುಮೊಗು ಬರ್ಪೆರ್. ಪೊಂಜೊವ್‌ಲು, ಪೆರಿಯಕುಲು,‌ಸೊಂದಿನಕಲೆನ ಕಣ್ಣೀರೇ ಶಾಪವಾದ್ ತಟ್ಟುಂಡು. ಅಂಚಾದ್ ಪುರಾಣ ವಾಚನ – ಪ್ರವಚನದ ಮುಕೇನ ಗೇನ ಒಟ್ಟು‌ಪಾಡ್ದ್ ಸಾಂಸಾರಿಕ ಸಮಸ್ಯೆಲೆಗ್ ಪರಿಹಾರ ಮಲ್ತ್ ಶಾಂತಿ – ನೆಮ್ಮದಿದ ಜೀವನ ನಡಪಾವೊಲಿ ಪಂದ್ ಹೆಗ್ಗಡೆರ್ ಸಲಹೆ ಕೊರಿಯೆರ್.

ಕುಡುಮ ಆಟೊದ ಮೇಳದ ನಿವೃತ್ತ ಕಲಾವಿದೆ ಕೆ. ಗೋವಿಂದ ಭಟ್ ಪಾತೆರ್ದ್, ಕುಡುಮೊಗು ಬತ್ತಿ ಭಕ್ತೆರ್ ಆರ್ತೆರಾದ್, ಗೇನ ದಿಂಜಿನಕುಲಾದ್,‌ ಜಿಜ್ಞಾಸುಲಾದ್ ಚೋದ್ಯೊಡು ತನ್ಕುಲೆನ ಸಮಸ್ಯೆಲೆಗ್ ಪರಿಹಾರ ನಾಡೊಂದು ಬೊಕ್ಕ ಶಾಂತಿ ಪಡೆಯೊನರೆಗಾದ್ ಬರ್ಪೆರ್. ಅಕಲೆಗ್ ಬೋಡಾಯಿನ ಮಾತ ವ್ಯವಸ್ಥೆ ಬೊಕ್ಕ ಮಾರ್ಗದರ್ಶನ ಅಂಚೆನೆ ಗೇನದ ಬೊಲ್ಪುನು ಕೊರ್ದು, ಗೆಲ್ಮೆದ ಬದ್‌ಕ್‌ಗ್ ಉಮೇದ್ ಕೊರ್ಪುಲಕ ಮಲ್ಪುಂಡು ಪಂದ್ ಪಂಡೆರ್.

ಕಟೀಲ್ ಲಕ್ಷ್ಮೀನಾರಾಯಣ ಅಸ್ರಣ್ಣೆರ್ ಬೊಕ್ಕ ನಿವೃತ್ತ ಕಲಾವಿದೆ ಕೆ. ಗೋವಿಂದ ಭಟ್‌ ಮೊಕ್ಲೆನ್ ಖಾವಂದೆರ್ ಮಾನಾದಿಗೆ ಮಲ್ತೆರ್.

ಹವ್ಯಾಸಿ ಆಟೊದ ಕಲಾವಿದೆ ಉಜಿರೆ ಆಶೋಕ ಭಟ್ ಎದುಕೊಂಡೆರ್. ಲೇಸ್ ಸುದಾರ್ತ್ ಕೊರ್ನ ಶ್ರೀನಿವಾಸ ರಾವ್ ಧರ್ಮಸ್ಥಳ ಅಕೇರಿಗ್ ಸೊಲ್ಮೆ ಸಂದೈತ ಮಲ್ತೆರ್.

ಸೆಪ್ಟೆಂಬರ್ 17 ಮುಟ್ಟ, ಪ್ರತಿದಿನೊ ಬಯ್ಯ ಗಂಟೆ 6.30 ಗಂಟೆರ್ದ್ 7.೦೦ ಗಂಟೆ ಮುಟ್ಟ ಪುರಾಣಕಾವ್ಯ ವಾಚನ – ಪ್ರವಚನ ನಡಪುಂಡು.

51st annual ” Purana Kavya” recitation, religious discourse at Kuduma (Dharmasthala)

Ujjire: ” Let peace and bliss engulf humanity with ‘ Purana Vachana and Pravachana’ “said Sri Lakshmi Narayan Asranna the hereditary head priest of Kateel Sri Durga parameshwari temple.

He was speaking at the inauguration of the 51st annual program of ” Purana Kavya Vachana” at Dharmasthala on Sunday. Religious discourse makes one take the path of righteousness. It paves way for humility and directs the mind towards right faith he added.

Veerendra Heggade spoke and said that thirst for knowledge is universal. The tradition of Kavya Vachana existed at all homes in the by gone days But now with modernization this has been pushed to the background.To revive and recollect this programs like this have been arranged .

Retired artist of Kuduma Yakshagana mandal K Govind Bhat and Lakshmi Narayan Asranna were honoured on the occasion. The program of Kavya Vachana and Pravachana’ will be held every day till September 17th from 6.30 p.m to 7 p.m.

ಕಾಸ್ರೋಡ್‌ಡ್ ಗೇನಸಿರಿ ಲಿಪ್ಯಂತರ ತಂತ್ರಾಂಶ ಬುಡುಗಡೆ

ಕಾಸ್ರೋಡ್: ಜೈ ತುಲುನಾಡ್ (ರಿ) ಕೂಟ ತುಲು ಬಾಸೆ, ಸಂಸ್ಕೃತಿದ ಒಟ್ಟು ತುಲು ಲಿಪಿ ಬುಲೆಚ್ಚಿಲ್‌ಗ್ ಡಿಜಿಟಲ್ ಮಾದ್ಯಮೊಡು ತುಲು ಲಿಪಿತ ಗಲಕೆನ್ ಜಾಸ್ತಿ ಮಲ್ಪುನೆಟ್ ತನ್ನನ್ನೇ ಆಯಿನ ಕೊಡುಗೆನ್ ಕೊರ್ತುಂಡು.

ಈ ಕೂಟ ಉಂದೆರ್ದ್ ದುಂಬು ತುಲು ಬರವು, ತುಲು ಮಂದಾರ, ಕೊಪ್ಪರಿಗೆ ತುಲು ಡಿಕ್ಷನರಿ ಲೋಕರ್ಪಣೆ ಮಲ್ತಿತ್ತ್ಂಡ್. ಇತ್ತೆ ಗೇನಸಿರಿ ಪನ್ಪಿನ ಲಿಪ್ಯಂತರ ತಂತ್ರಾಂಶೊದ ಮಲಯಾಳಂ ಆವೃತ್ತಿನ್ ಜೈ ತುಲುನಾಡ್ (ರಿ.) ಕೂಟದಕುಲು ಕಾಸರಗೋಡು ಜಿಲ್ಲಾಧಿಕಾರಿ ಶ್ರೀಮತಿ ಭಂಡಾರಿ ಸ್ವಾಗತ್ ರಣ್ ವೀರ್ ಚಂದ್ ಮೇರ್ ಬುಡುಗಡೆ ಮಲ್ತೆರ್.ಈ ಪೊರ್ತುಡು ತುಲು ಬಾಸೆನ್ ಕೇರಳ ರಾಜ್ಯದ ಅಧಿಕೃತ ಬಾಸೆಯಾದ್ ಮಲ್ಪೊಡು ಪಂದ್ ಜಿಲ್ಲಾಧಿಕಾರಿಲೆಗ್ ಅರಿಕೆ ಮಲ್ಪುನ ಒಟ್ಟುಗು ಜಿಲ್ಲಾಧಿಕಾರಿಲೆನ ಪುದರ್‌ನ್ ತುಲು ಲಿಪಿಟ್ ಬರೆತಿನ ಪುದರ್‌ ಪಲವೆನ್‌ ಕೊರಿಯೆರ್.

ಈ ತಂತ್ರಾಂಶೊನು ಜೈ ತುಲುನಾಡ್ (ರಿ.) ಕೂಟದ ಪದುಕೆರಾಯಿನ ಸೆಕೆಂಡ್ ಪಿಯುಸಿ ವಿದ್ಯಾರ್ಥಿ ಜ್ಞಾನೇಶ್ ದೇರಳಕಟ್ಟೆ ಮೇರ್ ಅಭಿವೃದ್ಧಿ ಮಲ್ದೆರ್. ಈ ತಂತ್ರಾಂಶೊನು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಅಂಗೀಕಾರ ಮಲ್ದಿನ ಯೂನಿಕೋಡ್‌ಗ್ ಕೊರ್ತಿನ ತುಲು ಲಿಪಿಟ್ ತಯಾರ್ ಮಲ್ದೆರ್. ಉಂದೆಟ್ ತುಲು ಲಿಪಿತ ಇಸೇಸ ಅಚ್ಚರೊಲೆನ್‌ಲಾ ಬರೆಯೊಲಿ.

ಈ ತಂತ್ರಾಂಶದ ಸಾಯೊಡು ಭಾರತದ ಮಸ್ತ್ ಲಿಪಿಲೆನ್ ತುಲು ಲಿಪಿಕ್ ಸುಲಬೊಡು ಪಗಪುಲಕ ಮಲ್ಪೊಲಿ. ಸುರುತ್ತ ಹಂತೊಡು ಈ ತಂತ್ರಾಂಶಡ್ ಮಲಯಾಳಂ ಲಿಪಿ ಬೊಕ್ಕ ಕನ್ನಡ ಲಿಪಿರ್ದ್ ತುಲು ಲಿಪಿಕ್ ಪಗಪುನ ತಂತ್ರಾಂಶೊನು ಅಭಿವೃದ್ಧಿ ಮಲ್ದೆರ್.
ಈ ತಂತ್ರಾಂಶೊದ ಸಾಯೊಡು ತುಲು ಲಿಪಿಟ್ ಪುಸ್ತಕ, ಪತ್ರಿಕೆ, ಲೆಪ್ಪೋಲೆ ಅಚ್ಚಿ ಮಲ್ಪರೆ, ಫ್ಲೆಕ್ಸ್ ಬ್ಯಾನರ್ ಮಲ್ಪರೆ, ಡಿಜಿಟಲ್ ಮಾಧ್ಯಮೊಡು ತುಲು ಲಿಪಿ ಗಲಸರೆ, ಶೈಕ್ಷಣಿಕವಾಗಿ ತುಲು ಲಿಪಿ ಗಲಸರೆ ಈ ತಂತ್ರಾಂಶ ಸಾಯೊ ಮಲ್ಪುಂಡು.

ತಂತ್ರಾಂಶ ಬುಡುಗಡೆದ ಪೊರ್ತುಡು ಜೈ ತುಲುನಾಡ್ (ರಿ.) ಕೂಟದ ಕೇಂದ್ರ ಸಮಿತಿದ ಒತ್ತು ಗುರ್ಕಾರ್ಲು ಹರಿಕಾಂತ್ ಕಾಸ್ರೋಡ್, ಕೇರಳ ತುಳು ಅಕಾಡೆಮಿ ಗುರ್ಕಾರ್ಲು ಉಮೇಶ್ ಸಾಲ್ಯಾನ್, ಗೇನಸಿರಿ ಲಿಪ್ಯಂತರ ತಂತ್ರಾಂಶ ಅಭಿವೃದ್ಧಿ ಮಲ್ದಿನ ಜ್ಞಾನೇಶ್ ದೇರಳಕಟ್ಟೆ, ಜೈ ತುಲುನಾಡ್ (ರಿ.) ಕಾಸ್ರೋಡ್ ಎಗ್ಗೆದ ಕಾರ್ಯಂತೆರ್ ಕಾರ್ತಿಕ್ ಕೆ ಎನ್, ಪಣವುದ ಪಾಲವೆರ್ ಆಯಿನ ಉತ್ತಮ ಯು, ಒತ್ತು ಕಾರ್ಯಂತೆರ್ ಶ್ರೀನಿವಾಸ ಆಳ್ವ, ಜೈ ತುಲುನಾಡ್ (ರಿ.) ಕೂಟದ ಸ್ಥಾಪಕ ಸಮಿತಿದ ಕಿರಣ್ ತುಲುವೆ, ಕೂಟದ ಪದುಕೆರಾಯಿನ ವಿನೋದ ಪ್ರಸಾದ್ ರೈ, ತುಲು ಸಾಹಿತಿ ರಾಜಶ್ರೀ ಟಿ ರೈ ಪೆರ್ಲ, ಪ್ರಶಾಂತ್ ನಾಯ್ಕ್, ತುಲು ಬಾಸೆ ಬೊಕ್ಕ ಸಾಹಿತ್ಯ ಸಮಿತಿದ ನಿದಯೆಂತೆರಾಯಿನ ಕುಶಾಲಾಕ್ಷಿ ವಿ ಕಣ್ವತೀರ್ಥ, ಚಿರಶ್ರೀ ಕುಡ್ಲ, ಪುರುಷೋತ್ತಮ ಎಂ ನಾಯ್ಕ್, ಸನ್ನಿಧಿ ಟಿ ರೈ ಪೆರ್ಲ ಒತ್ತುಪಾಲಿತ್ತೆರ್‌.

“Gena siri” software for Tulu transcripts released at Kasaragod

Kasaragod: Jai Tulunadu ( R) is always in the forefront in the advancement of Tulu language, tradition and culture.To improve its use in the digital world it has come out with a new software ” Gena siri” that was released lately.

The organisation has previously released Tulu writings, Tulu dictionary and the like. Now a new software has been developed by a second pu student Gyanesh who is also a member of Jai Tulunadu association.

The software was released by the DC of Kasaragod Smt Bandari Swagath Ranveer chand at Kasaragod. At present it allows for the translation from Malayalam and Kannada texts to Tulu language.Later it will allow for the translation of Tulu language books, magazine, Tulu invitation printing, to make flex banner and such other applications.

Harikanth Kasaragod from Jai Tulunadu (R), Umesh Salian from Kerala Tulu Academy, Gyanesh Deralakatte who has developed this software and members of Jai Tulunadu were present on the occasion.

ಧರ್ಮಾಧಿಕಾರಿ ಡಾ.ವೀರೇಂದ್ರ ಹೆಗ್ಗಡೆರೆಗ್ ಗೆಜ್ಜೆಗಿರಿ ಕ್ಷೇತ್ರದ ಗೌರವಾರ್ಪಣೆ

ಧರ್ಮಸ್ಥಳ : ರಾಜ್ಯಸಭೆಗ್ ನಾಮ ನಿರ್ದೇಶನ ಆಯಿನ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ವೀರೇಂದ್ರ ಹೆಗ್ಗಡೆರೆಗ್ ದೇಯಿ ಬೈದೆತಿ ಕೋಟಿ ಚೆನ್ನಯ ಮೂಲಸ್ಥಾನ ಶ್ರೀಕ್ಷೇತ್ರ ಗೆಜ್ಜೆಗಿರಿ ಆಡಳಿತ ಸಮಿತಿದಕುಲು ಸೋಮಾರ ಶ್ರೀಕ್ಷೇತ್ರ ಧರ್ಮಸ್ಥಳಡ್ ಗೌರವ ಅಭಿನಂದನೆ ಮಲ್ತೆರ್.

ಗೆಜ್ಜೆಗಿರಿಟ್ಟ್ ಔಷಧೀಯ ವನ, ಗಿಡ ಮೂಲಿಕೆ ಬೊಕ್ಕ ಆಯುರ್ವೇದ ಔಷಧ ಉತ್ಪತ್ತಿ, ಯಕ್ಷಗಾನ ಮೇಳ ಇಂಚಿನ ಮಾತ ಅಭಿವೃದ್ಧಿ ಚಟುವಟಿಕೆದ ಬಗೆಟ್ ಕ್ಷೇತ್ರಾಡಳಿತ ಸಮಿತಿದ ಜತೆಟ್ಟ್ ವಿಚಾರ ವಿನಿಮಯ ಮಲ್ತೆರ್. ಜಿಲ್ಲೆದ ಪುಗರ್ತೆದ ಪುಣ್ಯ ಕ್ಷೇತ್ರ ಆಯಿನ ಶ್ರೀಕ್ಷೇತ್ರ ಗೆಜ್ಜೆಗಿರಿತ್ತ ಕಾರ್ಯ ಚಟುವಟಿಕೆದ ಬಗೆಟ್ ಮೆಚ್ಚಿಗೆ ಹೆಗ್ಗಡೇರ್ ತೋಜಾಯೆರ್ .

ಗೆಜ್ಜೆಗಿರಿ ಕ್ಷೇತ್ರಾಡಳಿತ ಸಮಿತಿದ ಅಧ್ಯಕ್ಷೆರ್ ಪೀತಾಂಬರ ಹೆರಾಜೆ, ಗೌರವಾಧ್ಯಕ್ಷೆರ್ ಜಯಂತ ನಡುಬೈಲ್, ಪ್ರಧಾನ ಕಾರ್ಯದರ್ಶಿ ಉಲ್ಲಾಸ್ ಕೋಟ್ಯಾನ್, ಉಪಾಧ್ಯಕ್ಷೆರ್ ರವಿ ಪೂಜಾರಿ ಚಿಲಿಂಬಿ, ಕಾರ್ಯಕಾರಿ ಸದಸ್ಯರಾಯಿನ ಸೂರ್ಯಕಾಂತ್ ಜಯ ಸುವರ್ಣ, ನವೀನ್ ಸುವರ್ಣ, ವಕ್ತಾರೆರ್ ರಾಜೇಂದ್ರ ಚಿಲಿಂಬಿ, ಪ್ರಮುಖರಾಯಿನ ಶೇಖರ ಬಂಗೇರ, ಜನಾರ್ದನ ಪೂಜಾರಿ ಪಡುಮಲೆ, ನಿತ್ಯಾನಂದ ನಾವರ, ನಾರಾಯಣ ಪೂಜಾರಿ ಮಚ್ಚಿನ, ಯಕ್ಷಗಾನ ಮೇಳದ ನಿತಿನ್ ಕುಮಾರ್ ತೆಂಕ ಕಾರಂದೂರು, ಗಿರೀಶ್ ರೈ ಕಕ್ಕೆಪದವು, ಸುರೇಶ್ ಪೂಜಾರಿ, ಶಶಿಕಿರಣ್ ಕಾವು, ಜಗದೀಶ್ ಕಜೆಕಾರ್, ವಸಂತ್ ಸುವರ್ಣ ಮೊಕುಲು ಮಾತಾ ಇತ್ತೆರ್.

ಆಗೋಸ್ಟ್ 7: ಅರ್ಕುಳ ದೇವಲ್ಯದ ಚೆಂಡ್ ದ ಕಂಡಡ್ ತುಳುವೆರೆ ತುಲಿಪು ಲೇಸ್

ಪರಶುರಾಮ ಸೃಷ್ಟಿದ ಪೆರ್ಮೆದ ನಮ್ಮ ತುಳುನಾಡ್ ಸಂಸ್ಕೃತಿ ಜನಪದ ಕಲೆಕುಲನ ಐಸಿರದ ಬೂಡು. ನಮ್ಮ ಸಂಸ್ಕ್ರತಿ ಆಚರಣೆದ ಬಗ್ಗೆ ಗೇನ ಪುಟ್ಟವರೆ, ಮೋಕೆ ಅಭಿಮಾನ ಒರಿಪಾಯೆರೆ ಕೋಸ್ಟಲ್ ವುಡ್ ಕಲಾವಿದೆರ್ ತಂತ್ರಜ್ಞೆರ್ ನ ಸಹಕಾರಿ ಒಕ್ಕೂಟ ಬೊಕ್ಕ ಶ್ರೀ ವಿಠಲ್ ಶೆಟ್ಟಿ ಫೌಂಡೇಶನ್ ಟ್ರಸ್ಟ್ ಮುತಾಲಿಕೆಡ್ ಆಗೋಸ್ಟ್ 7 ತಾರೀಕ್ ಐತಾರ ತುಳುವೆರೆ ತುಲಿಪು ಗ್ರಾಮೀಣ ಆಟೋಟ ಬೊಕ್ಕ ಕೆಸರ್ ದ ಗೊಬ್ಬುದ ಲೇಸ್ ಅರ್ಕುಳ ದೇವಲ್ಯದ ಚೆಂಡ್ ದ ಕಂಡಡ್ ನಡಪರೆ ಉಂಡು.

ಈ ಪೊರ್ಲುದ ಲೇಸ್ ಡ್ ಮಾತೆರ್ಲ ಪಾಲ್ ಪಡೆದ್ ಲೇಸ್‌ನ್ ಪೊರ್ಲು ಮಲ್ತ್ ದ್ ಕೊರೊಡು ಪಂದ್ ಫರಂಗಿಪೇಟೆದ ಟೀಮ್ ವೀರಾಂಜನೆಯ ಕೂಟದಕುಲು ಎಡ್ಡೆಪ್ಪುನ್ ಬಯಕ್ ದೆರ್.

” Tuluvere Tulipu’ a rural sports program at the premises of Arkula temple.

In a bid to encourage and commorate our Tulu culture and the local activities of Tulunadu; and to bring forth it’s intrest in today’s youth The Coastal wood Artists, technicians cooperative association and Sri Vittal Shetty foundation have together organised an program ” Tuluvere Tulipu’ a rural sports program on Sunday the 7th of August at the premises of Arkula temple.

All Tulu fans are requested to attend and feel the pulse of the program.

ಏಪಲ ಗ್ರಾಮ ಅಭಿವೃದ್ಧಿದ ಚಿಂತೆ ಮಲ್ಪುನಾರ್ ಡಾ. ಹೆಗ್ಗಡೆರ್: ಕೆ. ಪ್ರಕಾಶ್ ಶೆಟ್ಟಿ; ಕಾವಂದೆರೆಗ್ ಎಂಆರ್ ಜಿ ಗ್ರೂಪ್ ಮಾನಾದಿಗೆ

ಕುಡ್ಲ: ಕೇಂದ್ರ ಸರಕಾರರ್ದ್ ರಾಜ್ಯಸಭೆಕ್ಕ್ ನಾಮ ನಿರ್ದೇಶನ ಆಯಿನ ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ ವೀರೇಂದ್ರ ಹೆಗ್ಗಡೆ ಮೇರೆನ್ ಎಂ ಆರ್ ಜಿ ಗ್ರೂಪ್ ದ ಸ್ಥಾಪಕೆರ್ ಅಧ್ಯಕ್ಷೆರ್ ಕೆ. ಪ್ರಕಾಶ್ ಶೆಟ್ಟಿ ಮೇರ್ ಶ್ರೀ ಕ್ಷೇತ್ರಡ್ ಅಭಿನಂದನೆ ಮಲ್ತೆರ್.

ಗ್ರಾಮ ಅಭಿವೃದ್ದಿಡ್ ಪೊಸ ಯೋಚನೆ ಮಲ್ತ್ ದ್ ತನ್ನನೆ ಸಂಸ್ಥೆನ್ ಸ್ಥಾಪನೆ ಮಲ್ತ್ ದ್ ಆ ಮುಖೇನ ಗ್ರಾಮಡ್ ‌ಪೊಸ ಚೈತನ್ಯ ಮೂಡರೆ ಕಾರಣ ಆಯಿನಾರ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ ಡಿ. ವೀರೇಂದ್ರ ಹೆಗ್ಗಡೆರ್. ಜನಕುಲೆ ಸ್ವ ಉದ್ಯೋಗ ಮಲ್ಪೊಡು ಪಂದ್ ಆಯಿತ್ತ ಕ್ಲಾಸ್ ಗಾದ್ ರುಡ್ ಸೆಟ್, ಅರಣ್ಯೀಕರಣ, ಮುಕ್ತಿಧಾಮ, ಕೆರೆ ಸಂವರ್ಧನೆ, ಪ್ರಾಚೀನ ದೇವಲ್ಯದ ಜೀರ್ಣೋದ್ಧಾರ, ಶಿಕ್ಷಣ, ಆರೋಗ್ಯ ಇಂಚ ಬೇತೆ ಬೇತೆ ಕ್ಷೇತ್ರಡ್ ಸಾಧನೆ ಮಲ್ತಿನಾರ್ ಧರ್ಮಾಧಿಕಾರಿ ಡಾ ವೀರೇಂದ್ರ ಹೆಗ್ಗಡೆರ್. ಇತ್ತೆ ಮೋದಿ ಸರಕಾರರ್ದ್ ರಾಜ್ಯ ಸಭೆಕ್ಕ್ ನಾಮ ನಿರ್ದೇಶನ ಆತಿನವು ಸಮಾಜಗ್ ಪರ್ಮೆಯಾತ್oಡ್. ಇಂಚಾದ್ ಮಾತ ವಿಷಯಡ್ಲ ಹೆಗ್ಗಡೆರ್ನ ಕೊಡುಗೆ ಎಡ್ಡೆ ಉಂಡು ಪಂದ್ ಕೆ. ಪ್ರಕಾಶ್ ಶೆಟ್ಟಿ ಪಂಡೆರ್.

ಈ ಪೊರ್ತ್ ಡು ಗುರ್ಮೆ ಸುರೇಶ್ ಶೆಟ್ಟಿ, ಪುಣೆ ಸಂತೋಷ್ ಶೆಟ್ಟಿ, ಸುಧೀರ್ ಜೆ ಹೆಗ್ಡೆ ಬೈಲೂರ್ ಇತ್ತೆರ್.

Rural development always in the forefront for Veerendra Heggade- K Prakash Shetty

MRG group honours Veerendra Heggade

Mangalore: K Prakash Shetty founder president of MRG group honoured Veerendra Heggade on his nomination to the Rajyasabha at Dharmasthala.

Speaking on the occasion Prakash Shetty said that with the introduction of the rural development program Heggade had brought a new hope to the rural community.His service in the field of making the community especially women self dependent and self reliant has gone a long way in building a strong society.Afforestation, revival of lakes and ponds, restoration of ancient temples education and health his contribution to the society is innumerable.His nomination to the Rajyasabha is befitting and a proud moment for all.

Gurmay Suresh Shetty, Pune Santosh Shetty,Sudhir J Hegde, Bailoor were present on the occasion.

ಮಾಲ್‌ಡ್ ಹನುಮಾನ್ ಚಾಲೀಸಾ ಪಂಡಿನೆಕ್ ರಡ್ಡ್ ಜನನ್ ಪೋಲಿಸೆರ್ ಪತ್ತ್‌ದೆರ್

ಉತ್ತರ ಪ್ರದೇಶದ ಲಕ್ನೋಡ್ ಇಪ್ಪುನ ಭಾರತೊದ ಮಲ್ಲ ಮಾಲ್ ಪಂದ್ ಪುಗರ್ತೆ ಪಡೆತಿನ ಲುಲು ಮಾಲ್‌ಡ್ ರಡ್ಡ್ ಜನ ಪೊಗ್ಗುದು ಹನುಮಾನ್ ಚಾಲೀಸಾ ಪಠಣೆ ಮಲ್ತೆರ್. ಮಾಲ್ ದ ಉಲಯಿ ಹನುಮಾನ್ ಚಾಲೀಸಾ ಪಠಣೆಗಾದ್ ಪಂದ್ ಪೊಗ್ಗೆರೆ ಪ್ರಯತ್ನ ಮಲ್ತಿನ 15ರ್ದ್‌ಲಾ ಎಚ್ಚ ಜನಕ್ಲೆನ್ ಪತ್ತ್ ದೆರ್ ಪಂದ್ ದಕ್ಷಿಣ ಲಕ್ನೋ ಪೊಲೀಸ್ ಉಪಾಧೀಕ್ಷಕ ಗೋಪಾಲಕೃಷ್ಣ ತೆರಿಪಾಯೆರ್.

ಇಂಚೊಗು ಲುಲು ಮಾಲ್‌ಡ್ ಕೆಲವೆರ್ ನಮಾಜ್ ಮಲ್ಪುನ ಮೂಲಕ ಸುದ್ದಿ ಮಲ್ದಿತ್ತೆರ್. ಉಂದೆಕ್ಕ್ ಪ್ರತಿಯಾದ್ ಈ ಹನುಮಾನ್ ಚಾಲೀಸಾ ಪಠಣ ಮಲ್ದೆರ್ ಪಂದ್ ಪನ್ಪೆರ್.

Two persons arrested for chanting Hanuman Chalisa in a mall:

Two persons were arrested from the prestigious Lulu mall at Lucknow in Uttar Pradesh for chanting Hanuman Chalisa inside the mall.More than 15 persons in a group tried to enter the mall to read the Hindu prayer said Gopalakrishna ,south Lucknow police commissioner. Some time ago a few persons had created disturbence by doing namaz inside the mall.This incident is said to be a counteract for the same.

ಕನ್ನಡೊಡು ಇಂಜಿನಿಯರಿಂಗ್ ಪಾಠ ಬುಡುಗಡೆ; ಮಾತೆರೆಗ್ಲಾ ಸಮಾನ ಶಿಕ್ಷಣೊದ ಗುರಿ

ಬೆಂಗಳೂರು: ಅಖಿಲ ಭಾರತ ತಾಂತ್ರಿಕ ಶಿಕ್ಷಣ ಮಂಡಳಿ (ಎಐಸಿಟಿಇ) ಕನ್ನಡ ಸೇರ್‌ದ್ ಭಾರತೊದ ಒರ್ಂಬ ಬಾಸೆಲೆಡ್ ತಾಂತ್ರಿಕ ಶಿಕ್ಷಣೊದ ಪಠ್ಯಕ್ರಮೊ ಬುಡುಗಡೆ ಮಲ್ತ್‌ದ್ , ಪ್ರಾದೇಶಿಕ ಭಾಷೆಲೆಡ್ ಪಾತೆರುನಕ್ಲೆಗ್ ಎಂಜಿನಿಯರಿಂಗ್ ಪ್ರವೇಶ ಸುಲಬೊ ಮಲ್ಪುನು ನಮ್ಮ ಗುರಿ ಪಂದ್ ಎಐಸಿಟಿಇ ಗುರ್ಕಾಲು ಪ್ರೊ.ಅನಿಲ್ ಡಿ.ಸಹಸ್ರಬುದ್ಧ ಪಂಡೆರ್.

ರಾಷ್ಟ್ರೀಯ ಶಿಕ್ಷಣ ನೀತಿದ (ಎನ್‌ಇಪಿ) ಅನುಷ್ಠಾನ ಬೊಕ್ಕ ಭಾರತೀಯ ಬಾಸೆಡ್ ತಾಂತ್ರಿಕ ಶಿಕ್ಷಣೊದ ಬಗ್ಗೆ ಗೇನೊ ಪಟ್ಟೊಂಡೆರ್. ದೇಸೊದ ಮಾತ ತಾಂತ್ರಿಕ ವಿಶ್ವವಿದ್ಯಾಲಯೊದ ಕುಲಪತಿಲು , ರಾಷ್ಟ್ರೀಯ ತಾಂತ್ರಿಕ ಶಿಕ್ಷಣ ಸಂಸ್ಥೆಲೆನ (ಎನ್‌ಐಟಿ) ನಿರ್ದೇಶಕೆನಕುಲು ಬೊಕ್ಕ ಇಂಡಿಯನ್ ನ್ಯಾಷನಲ್ ಅಕಾಡೆಮಿ ಆಫ್ ಇಂಜಿನಿಯರಿಂಗ್‌ದ ಶಿಕ್ಷಣ ತಜ್ಞೆರ್ ಒಟ್ಟು ಸೇರಿಗೆಡ್ ಎಐಸಿಟಿಇ ದೆಹಲಿಡ್ ಆಯೋಜನೆ ಮಲ್ತಿನ ಸಮಾವೇಶೊಡು ಒರ್ಂಬ ಬಾಸೆಲೆಡ್ ತಾಂತ್ರಿಕ ಶಿಕ್ಷಣೊದ ಪಠ್ಯೊಲು ಬುಡುಗಡೆ ಆಂಡ್.

ಸಮಾವೇಶ ಉದಿಪನ ಮಲ್ತ್ ಪಾತೆರಿನ ಸಹಸ್ರಬುದ್ಧೆ ಮೇರ್ , ಇಂಗ್ಲೀಷ್ ಮಾಧ್ಯಮೊಡು ಕಲ್ತೊಂದು ಬತ್ತಿನ ಅತ್ತ್ಂಡ ಆಂಗ್ಲ ಬಾಸೆ ಗೊತ್ತಿತಿನಕಲು ಮಾತ್ರ ಎಂಜಿನಿಯರಿಂಗ್‌ನಂಚಿನ ತಾಂತ್ರಿಕ ಶಿಕ್ಷಣ ಪಡೆಯೊಲಿ ಪನ್ಪುನ ಮನೋಭಾವ ಪೋವೊಡು. ದೇಸೊದ ಮಾತ ಪ್ರಾದೇಶಿಕ ಬಾಸೆಲೆಡ್‌ಲ ತಾಂತ್ರಿಕ ಶಿಕ್ಷಣೊದ ಪಠ್ಯ ತಿಕ್ಕುನ ಮೂಲಕೊ ಮಾತೆರೆಗ್‌ಲಾ ಎಂಜಿನಿಯರಿಂಗ್ ಪ್ರವೇಶೊ ತಿಕ್ಕುನಂಚ ಆವೊಡು ಪನ್ಪುನ ನಮ್ಮ ಉದ್ದೇಶ ” ಪಂದ್ ಪಂಡೆರ್.

Engineering lessons in Kannada released

An aim to create an universal lessons for all

Bangalore: The All India council for technical education board has released technical education lessons in nine languages including Kannada.It is aimed at helping students from regional language medium to have an equal chance in technical education said Prof Anil D Sahasrabuddhi president of AICTE.

The NEP ( National education policy) moots for technical education in local language and the chancellors of all technical Universities, SEP directors and experts from the National Academy of engineering education came together and released lessons in technical education in nine regional languages.

Speaking at the meeting prof Sahasrabuddhi said that it is not true that technical education can be had only in English language. Persons with a regional language background can also excel in technical education and these lessons are intended to help students to have equal opportunities in education.

ನರ್ಮದಾ ಸುದೆಕ್ಕ್ ಬೂರಿನ ಬಸ್; 13 ಜನ ತೀರ್ ಪೋಯೆರ್

ಭೋಪಾಲ್: ಮಧ್ಯಪ್ರದೇಶಡ್ ಇಂದೋರ್ ಕೈತಲ್ ಧಾರ್ ಪನ್ಪಿನಲ್ಪ ಬಸ್ ನರ್ಮದಾ ಸುದೆಕ್ಕ್ ಬೂರ್ದಿನ ಘಟನೆ ಇನಿ ನಡತ್ ದ್oಡ್.

ಈ ಘಟನೆಡ್ 13 ಜನ ತೀರ್ ಪೋತೆರ್. ಬಸ್ ಟ್ಟ್ 55 ಜನ ಪ್ರಯಾಣ ಮಲ್ತೊಂದಿತ್ತೆರ್. 15 ಜನನ್ ರಕ್ಷಣೆ ಮಲ್ತ್ ದೆರ್. ಬಸ್ ಇಂದೋರ್ ರ್ದ್ ಮಹಾರಾಷ್ಟ್ರದ ಪುಣೆಗ್ ಪೋವೊಂದಿತ್ತ್oಡ್. ಘಟನೆಗ್ ಸರಿಯಾಯಿನ ಕಾರಣ ತೆರಿದ್ ಬೈದಿಜಿ.

A bus falls into the Narmada river; 13 persons dead.

Bhopal: A bus carrying 55 persons on board falls into the Narmada river at Dhaar near Indore in Madhya Pradesh.

13 persons have lost their lives in the incident.15 persons were rescued.The bus was on its way to Pune from Indore.The reason behind the incident is still not known.

ಡಾ.ಡಿ. ವೀರೇಂದ್ರ ಹೆಗ್ಗಡೆರೆಗ್ ಮಾನಾದಿಗೆ ಮಲ್ತಿನ ಕುದ್ರೋಳಿ ಕೋಶಾಧಿಕಾರಿ ಆರ್.ಪದ್ಮರಾಜ್

ಕುಡ್ಲ: ರಾಜ್ಯಸಭಾ ಸದಸ್ಯೆರಾದ್ ನಾಮ ನಿರ್ದೇಶನ ಆಯಿನ ಡಾ.ಡಿ.ವೀರೇಂದ್ರ ಹೆಗ್ಗಡೆರೆನ್ ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ಕೋಶಾಧಿಕಾರಿ ಪದ್ಮರಾಜ್ ಆರ್ ಅಂಚನೆ ಕುದ್ರೋಳಿ ಕ್ಷೇತ್ರಾಭಿವೃದ್ಧಿ ಸಮಿತಿ ಅಧ್ಯಕ್ಷೆರ್ ದೇವೇಂದ್ರ ಪೂಜಾರಿ ಧರ್ಮಸ್ಥಳ ಕ್ಷೇತ್ರಡ್ ಭೇಟಿ ಮಲ್ತ್ ದ್ ಮಾನಾದಿಗೆ ಮಲ್ತೆರ್.

ಈ ಪೊರ್ತಡು ಪಾತೆರಿನ ಪದ್ಮರಾಜ್ ಮೇರ್, ರಾಜ್ಯ ಸಭೆಕ್ಕ್ ಪೂಜ್ಯ ವೀರೇಂದ್ರ ಹೆಗ್ಗಡೆರ್ ನಾಮ ನಿರ್ದೇಶನ ಆತಿನವು ತುಳುನಾಡ್ ಗ್ ಪೆರ್ಮೆದ ಇಚಾರ. ತುಲು ಬಾಸೆನ್ 8ನೇ ಪರಿಚ್ಛೇದಗ್ ಸೇರ್ಸಾವುನವು ಯಂಕ್ಲೆನ ಮಾತೆರ್ನಲ ಕನ ಆತ್oಡ್. ಏತ್ ಸರ್ತಿ ಪ್ರಯತ್ನ ಮಲ್ತ್oಡಲ ನನಲ ಅವೊಂದಿಜ್ಜಿ. ಇತ್ತೆ ಧರ್ಮಾಧಿಕಾರಿಲು ನಾಮನಿರ್ದೇಶನ ಆತೆರ್. ತುಲು ಬಾಸೆ 8ನೇ ಪರಿಚ್ಛೇದಗ್ ಸೇರುನ ವಿಶ್ವಾಸ ನಮಕ್ಜ್ ಉಂಡು ಪಂದ್ ಆರ್ ಪಂಡೆರ್.

ಈ ಪೊರ್ತುಡು ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ಪಟನ್ ಕೊಡುಗೆಯಾದ್ ಡಾ.ಹೆಗ್ಗಡೆರೆಗ್ ಕೊರಿಯೆರ್.

R Padmaraj the Treasurer of Kudroli temple honours Dr D Veerendra Heggade

Mangalore: Dr D Veerendra Heggade who has recently been nominated to the Rajyasabha was honoured by the office bearers of Kudroli Gokarnatheswara temple R Padmaraj and Devendra Poojary at Dharmasthala.

Speaking on the occasion R Padmaraj said that Veerendra Heggade’s nomination to the Rajyasabha has made every Tuluva proud. The hope of including Tulu language in the 8th schedule of the constitution has been rekindled. A beautiful photo of Sri Narayan Guru was presented to him on the occasion.

You Missed