ಉಡುಪಿ ಜಿಲ್ಲಾ ಮುಸ್ಲಿಮ್ ಒಕ್ಕೂಟದ ಪೊಸ ಗುರ್ಕಾರ್ಲಾದ್ ಇಬ್ರಾಹಿಮ್ ಸಾಹೆಬ್ ಕೋಟ ಆಯ್ಕೆ
ಉಡುಪಿ ಜಿಲ್ಲಾ ಮುಸ್ಲಿಮ್ ಒಕ್ಕೂಟದ ಪೊಸ ಗುರ್ಕಾರ್ಲಾದ್ ಇಬ್ರಾಹಿಮ್ ಸಾಹೆಬ್ ಕೋಟ ಆಯ್ಕೆಯಾತೆರ್. ಜ.28 ತಾರೀಖ್ ಗ್ ನಡತಿನ ಒಕ್ಕೂಟದ ಮಹಾ ಸಭೆಟ್ ಮೆರೆನ್ ನನ ದುಂಬುದ ರಡ್ಡ್ ವರ್ಷದ ಅವಧಿಗ್ ಒಕ್ಕೂಟದ ಗುರ್ಕಾರ್ಲಾದ್ ಬಹುಮತರ್ದ್ ಆಯ್ಕೆ ಮಲ್ತೆರ್ . ಮೇರ್ ಕರಿನ ರಡ್ಡ್ ವರ್ಷದ ಪೊರ್ತುಡು ಒಕ್ಕೂಟದ ಬ್ರಹ್ಮಾವರ ತಾಲೂಕು ಅಧ್ಯಕ್ಷರಾದ್ ಸೇವೆ ಮಲ್ದೆರ್. ದುಂಬು ಜಮಿಯ್ಯತುಲ್ ಫಲಾಹ್ ಸಂಘಟನೆದ ಕುಡ್ಲ ಬೊಕ್ಕ ಉಡುಪಿ ದ್ವಿಜಿಲ್ಲಾ ಅಧ್ಯಕ್ಷರಾದ್ ಕಾರ್ಯ ಮಲ್ದಿನ ಮೇರ್ ಬೇತೆ ಬೇತೆ ಸಾಮಾಜಿಕ ಸಂಘಟನೆಡ್ ಅಕ್ಲೆನ್ ತೊಡಗಿಸಾವೊಂದೆರ್ .
ಇಂದುವೆ ಪೊರ್ತುಡು ದುಂಬುದ ರಡ್ಡ್ ವರ್ಷ ಅವಧಿಗ್ ಜಿಲ್ಲಾ ಸಮಿತಿದ ಸದಸ್ಯೆರೆನ್ಲಾ ಆಯ್ಕೆ ಮಲ್ತೆರ್ . ಜಿಲ್ಲಾ ಸಮಿತಿದ ಸದಸ್ಯರಾದ್ ಮುಹಮ್ಮದ್ ಯಾಸೀನ್ ಮಲ್ಪೆ, ಇದ್ರೀಸ್ ಹೂಡೆ, ಹುಸೈನ್ ಬೆಂಗ್ರೆ, ಇಕ್ಬಾಲ್ ಎಸ್ ಕಟಪಾಡಿ, ಮುಹಮ್ಮದ್ ಮೌಲಾ ಉಡುಪಿ, ಶಾಭಾನ್ ಹಂಗ್ಳೂರು ಬೊಕ್ಕ ಹಸನ್ ಮಾವಾಡ್ ಬೈಂದೂರು ಕೇಂದ್ರೀಯ ಮಟ್ಟಡ್ ಆಯ್ಕೆಯಾಯೆರ್ . ಬೇತೆ ಬೇತೆ ಸಂಘಟನೆದ ಪ್ರತಿನಿಧಿಲು ನೆಲೆಟ್ಟ್ ಎಂ. ಪಿ. ಮೊಯ್ದಿನಬ್ಬ ಪಡುಬಿದ್ರೆ, ಅಬೂಬಕರ್ ನೇಜಾರ್, ಶೇಖ್ ಅಬ್ದುಲ್ಲತೀಫ್ ಮದನಿ, ಎಂ. ಶಬ್ಬೀರ್ ಮಲ್ಪೆ, ಖಾಲಿದ್ ಮಣಿಪುರ ಬೊಕ್ಕ ಖಮ್ರುದ್ದೀನ್ ಎಂ ಪಾಲ್ ಪಡೆದಿತ್ತೆರ್ .ತಾಲೂಕುವಾರು ಮಟ್ಟಡ್ ಉಡುಪಿ ತಾಲೂಕುರ್ದು ಶೇಖ್ ಸಲಾಹುದ್ದೀನ್ ಅಬ್ದುಲ್ಲಾ , ಅಬ್ದುಲ್ ಅಝೀಝ್ ಉದ್ಯಾವರ, ಖತೀಬ್ ರಶೀದ್ ಮಲ್ಪೆ, ಟಿ. ಎಂ. ಝಫ್ರುಲ್ಲಾ ನೇಜಾರು, ವಿ. ಎಸ್. ಉಮರ್ ಉಡುಪಿ, ಕಾಸಿಮ್ ಬಾರ್ಕೂರು, ರಿಯಾಝ್ ಅಹ್ಮದ್ ಕುಕ್ಕಿಕಟ್ಟೆ ಬೊಕ್ಕ ಇಕ್ಬಾಲ್ ಮನ್ನಾ ನಾಯರ್ ಕೆರೆ, ಕುಂದಾಪುರ ತಾಲೂಕುರ್ದು ಬಿಎಸೆಫ್ ರಫೀಕ್ ಗಂಗೊಳ್ಳಿ, ರಿಯಾಝ್ ಕೋಡಿ, ಮೌಲಾನ ಝಮೀರ್ ಅಹ್ಮದ್ ರಶಾದಿ, ಎಸ್. ಎಸ್. ಹನೀಫ್ ಗುಲ್ವಾಡಿ ಬೊಕ್ಕ ಅಬೂ ಮುಹಮ್ಮದ್ ಮುಜಾವರ್, ಬೈಂದೂರು ತಾಲೂಕುರ್ದು ಶಮ್ಸ್ ತಬ್ರೇಝ್ ನಾಗೂರು, ಮಣೆಗಾರ್ ಜಿಫ್ರಿ ಶೀರೂರು, ಫಯಾಝ್ ಅಲಿ ಬೈಂದೂರು, ಮುಹಮ್ಮದ್ ಸಿದ್ದೀಕ್ ಎಚ್ಚೆಸ್ ಬೊಕ್ಕ ಮನ್ಸೂರ್ ಇಬ್ರಾಹಿಮ್ ನಾವುಂದ ಆಯ್ಕೆಯಾಯೆರ್.
ಕಾರ್ಕಳ ತಾಲೂಕುರ್ದು ಅಶ್ಫಾಕ್ ಅಹ್ಮದ್ ಕಾರ್ಕಳ, ಮುಹಮ್ಮದ್ ಗೌಸ್ ಮಿಯಾರ್, ಮುಹಮ್ಮದ್ ಶರೀಫ್ ಬಂಗ್ಲೆಗುಡ್ಡೆ, ನಾಸಿರ್ ಶೈಖ್ ಬೈಲೂರು ಬೊಕ್ಕ ಅಬ್ದುಲ್ ಸಮದ್ ಖಾನ್, ಕಾಪು ತಾಲೂಕುರ್ದು ಇಸ್ಮಾಯಿಲ್ ಹುಸೈನ್ ಕಟಪಾಡಿ, ಅನ್ವರ್ ಅಲಿ ಕಾಪು, ಎಸ್. ಪಿ. ಉಮರ್ ಫಾರೂಕ್, ಶಭಿ ಅಹ್ಮದ್ ಖಾಝಿ ಬೊಕ್ಕ ಮುಹಮ್ಮದ್ ಇಕ್ಬಾಲ್, ಬ್ರಹ್ಮಾವರ ತಾಲೂಕುರ್ದು ತಾಜುದ್ದೀನ್ ಇಬ್ರಾಹಿಮ್ ಉಪ್ಪಿನಕೋಟೆ, ಮುಹಮ್ಮದ್ ಆಸಿಫ್, ಇಕ್ಬಾಲ್ ಕುಂಜಾಲು, ಎಚ್. ಎ. ರಹ್ಮಾನ್ ಹಂಗಾರಕಟ್ಟೆ ಬೊಕ್ಕ ಹಾರೂನ್ ರಶೀದ್ ಸಾಸ್ತಾನ ಆಯ್ಕೆಯಾಯೆರ್ .ಬ್ರಹ್ಮಾವರ ಸಿಟಿ ಸೆಂಟರ್ ದ ಚಂದನ್ ಸಭಾಂಗಣಡ್ ಸಭೆ ನಡತುಂಡು . ಒಕ್ಕೂಟದ ಗುರ್ಕಾರ್ಲಾಯಿನ ಯಾಸೀನ್ ಮಲ್ಪೆ ಅಧ್ಯಕ್ಷೀಯ ಭಾಷಣ ಮಲ್ತದ್ , ಚುನಾವಣಾ ಪ್ರಕ್ರಿಯೆ ಕುರಿತು ಮಾರ್ಗದರ್ಶನ ಕೊರಿಯೆರ್ . ಪ್ರಧಾನ ಕಾರ್ಯದರ್ಶಿ ಮುಹಮ್ಮದ್ ಮೌಲಾ ದ್ವೈವಾರ್ಷಿಕ ವರದಿ ಮಂಡಿಸಾಯೆರ್ . ಕೋಶಾಧಿಕಾರಿ ಇಕ್ಬಾಲ್ ಎಸ್. ಕಟಪಾಡಿ ದ್ವೈವಾರ್ಷಿಕ ಲೆಕ್ಕ ಪತ್ರ ಮಂಡಿಸಾಯೆರ್. ಸಂಘಟನಾ ಕಾರ್ಯದರ್ಶಿ ಇಸ್ಮಾಯಿಲ್ ಹುಸೈನ್ ಎದುಕೊಂಡೆರ್ , ಜೊತೆ ಕಾರ್ಯದರ್ಶಿ ಅಝೀಝ್ ಉದ್ಯಾವರ ಕಾರ್ಯಕ್ರಮ ನಿರೂಪಣೆ ಮಲ್ತೆರ್ .ಚುನಾವಣಾ ಮೇಲ್ವಿಚಾರಕರಾದ್ ಜನಸೇವಾ ಸೌಹಾರ್ದ ಸಹಕಾರಿ ಸೋಸೈಟಿದ ಉಪನಿರ್ದೇಶಕರಾಯಿನ ಅತೀಕುರ್ರಹ್ಮಾನ್ ವಾನಂಬಾಡಿ, ಚುನಾವಣಾ ವೀಕ್ಷಕರಾದ್ ವಾರ್ತಾ ಭಾರತಿದ ವ್ಯವಸ್ಥಾಪಕರಾಯಿನ ಮುಹಮ್ಮದ್ ಮುಸ್ಲಿಮ್ ಕೊಪ್ಪ ಅಂಚನೇ ಮಲ್ಲ ಬಿನ್ನೆರಾದ್ ಮಜ್ಲಿಸ್ ಎ ಇಸ್ಲಾಹ್ ವ ತಂಝೀಮ್ ಭಟ್ಕಳದ ಉಪಾಧ್ಯಕ್ಷರಾಯಿನ ಇನಾಯತುಲ್ಲಾ ಶಾಬಂದ್ರಿ ಪಾಲ್ ಪಡೆದಿತ್ತೆರ್ .
