ಪುತ್ತೂರ್ದ ಸುದ್ದಿ | Puttur News

ವಿಟ್ಲ : ಬಿಲ್ಲವ ಸಂಘದ ಗುರ್ಕಾರೆ ಆದ್ ಮಾಧವ ಪೂಜಾರಿ ಪಟ್ಲ, ಕಾರ್ಯದರ್ಶಿಯಾದ್ ಲಕ್ಷ್ಮಣ ಪೂಜಾರಿ ಎಸ್  ವಿಟ್ಲ

ವಿಟ್ಲ : ಬಿಲ್ಲವ ಸಂಘದ ವಾರ್ಷಿಕ ಮಹಾಸಭೆ ವಿಟ್ಲ ಬ್ರಹ್ಮಶ್ರೀ ನಾರಾಯಣ ಗುರು ಸಭಾಭವನಡ್ ಸಂಘದ ಗುರ್ಕಾರ್ಲು ಹರೀಶ್ ಸಿ.ಹೆಚ್ ಅರೆನ ಗುರ್ಕಾರ್ಮೆಡ್‌ ನಡತ್‌ಂಡ್. ಸಭೆಟ್‌ ಪೊಸ ಪದಾಧಿಕಾಲೆನ ನೇಮಕ ಮಲ್ತೆರ್.‌
ಗುರ್ಕಾರ್ಲು ಆದ್ ಮಾಧವ ಪೂಜಾರಿ ಪಟ್ಲ, ಗೌರವಾಧ್ಯಕ್ಷೆರಾದ್ ಬಾಬು ಕೆ.ವಿ., ಕಾರ್ಯದರ್ಶಿಯಾದ್ ಲಕ್ಷ್ಮಣ ಪೂಜಾರಿ ಎಸ್. ವಿಟ್ಲ, ಜೊತೆ ಕಾರ್ಯದರ್ಶಿಯಾದ್ ರಮೇಶ್ ಕುಮಾರ್ ಆರ್.ಎಸ್., ಉಪಾಧ್ಯಕ್ಷೆರಾದ್ ಗಂಗಾಧರ ಪೂಜಾರಿ ನಿಡ್ಯ, ಅಶೋಕ ಪೂಜಾರಿ ಮಚ್ಚ, ಜಯ ಪ್ರಕಾಶ್ ಪಾಣೆಮಜಲು, ಕೋಶಾಧಿಕಾರಿಯಾದ್ ಸುಧಾಕರ ಪೂಜಾರಿ ಕೇಪು, ಸಂಘಟನಾ ಕಾರ್ಯದರ್ಶಿ ಮೋನಾಕ್ಷ ಆಯ್ಕೆಯಾಯೆರ್.‌

ಗೌರವ ಸಲಹೆಗಾರೆರಾದ್ ಹಿರಿಯ ಸದಸ್ಯೆರ್ ಪ್ರಕಾಶ್ ವಿಟ್ಲ, ಸಂಜೀವ ಪೂಜಾರಿ ಗಜಾನನ, ದೇಜಪ್ಪ ಪೂಜಾರಿ ನಿಡ್ಯ, ಸಂಜೀವ ಪೂಜಾರಿ ನಿಡ್ಯ, ಚಂದ್ರಹಾಸ ಸುವರ್ಣ, ಜಗದೀಶ ಪಾಣೆಮಜಲು, ಹರೀಶ್ ಸಿ.ಎಚ್. ಮೊಕ್ಲೆನ್ ಆಯ್ಕೆ ಮಲ್ತೆರ್.‌ ಕಾರ್ಯಕಾರಿ ಸಮಿತಿದ ಸದಸ್ಯೆರಾದ್ ರಮೇಶ್ ಕೊಪ್ಪಳ, ಬಾಲಕೃಷ್ಣ ಪೂಜಾರಿ ಪಟ್ಲ, ನಾರಾಯಣ ಪೂಜಾರಿ ಕುಕ್ಕಾಜೆ, ಪ್ರವೀಣ್ ಸಣ್ಣಗುತ್ತು, ಶ್ರೇಯಸ್ ಮಂಗಳಪದವು, ಸಚಿತ್ ಕುಮಾರ್, ಜಗದೀಶ ಅನ್ನಮೂಲೆ, ಹರಿಪ್ರಸಾದ್, ಪ್ರವೀಣ್ ಸಾಲಿಯಾನ್, ಯಶೋಧರ ಪಟ್ಲ‌ ಮೊಕ್ಲೆನ್ ಆಯ್ಕೆ ಮಲ್ತೆರ್.

ಅ.15-23 : ಪಂಜ ದೇವಸ್ಥಾನಡ್ ನವರಾತ್ರಿ ಉಚ್ಚಯ

 ಪಂಜ ಸೀಮೆದ ಶ್ರೀ ಪರಿವಾರ ಪಂಚಲಿಂಗೇಶ್ವರ ದೇವಸ್ಥಾನದ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನಡ್ ಅ.15 ರ್ದ್ ಅ.23 ಮುಟ್ಟ ನವರಾತ್ರಿ ಉಚ್ಚಯದ ಅಂಗವಾದ್ ಪ್ರತಿ ದಿನ ಬಯ್ಯ 7 ಗಂಟೆರ್ದ್ ವಿಶೇಷ ಪೂಜೆಲು, ವಿಶೇಷ ಕಲಾಪ್ರಕಾರದ ಸೇವೆಲು ನಡಪೆರೆ ಉಂಡು.
ಅ.15 ದಾನಿ ಸುಬ್ರಹ್ಮಣ್ಯ ಭಟ್ ದೇವಸ್ಯ ಮೊಕ್ಲೆರ್ದ್ ಚೆಂಡೆ, ಅ.16 ಎನ್ .ಪಿ ಪವನ್ ಆಚಾರ್ಯ ಕೂಟರ್ದ್ ತಬಲಾ, ಅ.17 ದಾನಿ ವೈದಿಕೆರೆರ್ದ್ ವೇದ ಮಂತ್ರ, ಅ.18 ದಾನಿ ಗೋಪಾಲಕೃಷ್ಣ ದೇವಸ್ಯ, ಸುಭಾಷ್ ಪಂಜ, ರಚನಾ ಚಿದ್ಗಲ್, ಸುಬ್ರಹ್ಮಣ್ಯ ಭಟ್ ದೇವಸ್ಯ , ಲಕ್ಷ್ಮೀಶ ಶಗ್ರಿತ್ತಾಯ , ಗಗನ್ ಪಂಜ ಮೊಕ್ಲೆರ್ದ್ ಯಕ್ಷಗಾನ, ಅ.19 ದಾನಿ ಸರಯು ವಿ ಮುಚ್ಚಿಲ ಕೂಟರ್ದ್ ಶಂಬನಾದ, ಸುಂದರ ದೇವಾಡಿಗ ಕೂಟರ್ದ್ ಭರತನಾಟ್ಯ, ಅ.20.ದಾನಿ ರಾಮಚಂದ್ರ ಕಲ್ಮಡ್ಕ ಬೊಕ್ಕ ತಂಡದಕ್ಲೆರ್ದ್ ವೇಣುವಾದನ, ಅ.21 ದಾನಿ ವಸುಧಾ ಬಿ ಮುಚ್ಚಿಲ ,ಸ್ತುತಿ ರೈ ಅಡ್ಠಬೈಲು ಮೊಕ್ಲೆರ್ದ್‌ ಭರತನಾಟ್ಯ, ಅ.22 ದಾನಿ ಸುಮಾ ಕೋಟೆ ಮೊಕ್ಲೆರ್ದ್ ಭಕ್ತಿ ಸಂಗೀತ, ಅ.23 ದಾನಿ ಕೃಷ್ಣ ಭಟ್ ಸಂಪ ಮೊಕ್ಲೆರ್ದ್ ಪುರಾಣ ವಾಚನ ಕಲಾ ಸೇವೆ ನಡಪೆರೆ ಉಂಡು ಪಂದ್‌ ದೇವಸ್ಥಾನದ ಪ್ರಕಟನೆಡ್‌ ತೆರಿಪಾದೆರ್‌.

ಅ.17–24: ಅಡ್ಕಾರು ಶ್ರೀ ಸುಬ್ರಹ್ಮಣ್ಯ ಸ್ವಾಮಿ ದೇವಸ್ಥಾನಡ್ ನವರಾತ್ರಿ ಉಚ್ಚಯ

ಜಾಲ್ಸೂರು ಗ್ರಾಮದ ಅಡ್ಕಾರು ಶ್ರೀ ಸುಬ್ರಹ್ಮಣ್ಯ ಸ್ವಾಮಿ ದೇವಸ್ಥಾನಡ್ ನವರಾತ್ರಿ ಉಚ್ಚಯ ಅ.17ರ್ದ್ ಅ.24 ಮುಟ್ಟ ನಡಪೆರೆ ಉಂಡು.
ನವರಾತ್ರಿ ಉತ್ಸವದ ಪ್ರಯುಕ್ತ ಅ.17ದಾನಿ ಕಾಂಡೆ ಕದಿಕೆ ವಿನಿಯೋಗ, ಮಧ್ಯಾಹ್ನ ದೇವರೆಗ್ ಮಹಾಪೂಜೆ, ನವಾನ್ನ ಭೋಜನ, ಅ.2೦ ದಾನಿ ದೇವಸ್ಥಾನಡ್ ಶ್ರೀ ದುರ್ಗಾ ತ್ರಿಕಾಲ ಪೂಜೆ ಬೊಕ್ಕ ಶುಕ್ಲಪಕ್ಷದ ಷಷ್ಠಿ ಕಾರ್ಯಕ್ರಮ ನಡಪೆರೆ ಉಂಡು. ಅ.23 ದಾನಿ ಮಹಾನವಮಿ ಪ್ರಯುಕ್ತ ಆಯುಧಪೂಜೆ ಬೊಕ್ಕ ಅ.24 ದಾನಿ ಶ್ರೀ ಕಾರ್ತಿಕೇಯ ಯುವಸೇವಾ ಸಮಿತಿಯ ಮುತಾಲಿಕೆಡ್ ಶಾರದಾಂಬ ಉತ್ಸವ ನಡಪೆರೆ ಉಂಡು.

ಇಮಾನ ಕಂಪೆನಿಡ್ ಬೇಲೆ ಕೊರ್ಪಾವೆ ಪಂದ್‌ ಪೊಣ್ಣಗ್‌ 13 ಲಕ್ಷ ರೂ. ಪತ್ತಾಯಿನ ಕದೀಮೆ!

ಸುಳ್ಯ: ಬೇಲೆ ಕೊರ್ಪೆ ಪಂದ್‌ ಪೊಣ್ಣಗ್‌ ಒರಿ ಲಕ್ಷಾಂತರ ರೂ. ವಂಚನೆ ಮಲ್ತಿನ ಬಗೆಟ್ಟ್ ಬೆಳ್ಳಾರೆ ಪೊಲೀಸ್ ಠಾಣೆಡ್ ದೂರು ದಾಖಲಾತ್‌ಂಡ್.‌ ಸುಳ್ಯ ತಾಲೂಕ್‌ದ ಅಮರಪಡ್ನೂರು ಗ್ರಾಮದ ನಿವಾಸಿ ಒರ್ತಿ ವಂಚನೆ ಆಯಿನ ಬಗ್ಗೆ ದೂರು ಕೊರ್ತೆರ್.‌
ಗುರ್ತನೇ ದಾಂತಿನ ಕದೀಮೆ ಒರಿ ಜುಲೈ 15 ದಾನಿ ಕಾಲ್‌ ಮಲ್ತ್ ದ್ ಯಾನ್ ವಿಸ್ತಾರ ಏರ್ಲೈನ್ಸ್ ಸಿಂಗಾಪುರ ಬ್ರಾಂಚ್, ದೇವನಹಳ್ಳಿ ಬೆಂಗಳೂರು ಸಂಸ್ಥೆರ್ದ್‌ ಪಾತೆರ್ನ ಪಂದ್‌ ಪರಿಚಯ ಮಲ್ತೊಂದು ಎಂಕ್ಲೆನ ಸಂಸ್ಥೆಡ್ ಉದ್ಯೋಗ ಖಾಲಿ ಉಂಡು ಎಚ್ಚ ಸಂಬಳ ಬೊಕ್ಕ ಬೇತೆ ಸೌಲಭ್ಯಲ ಕೊರ್ಪ ಪಂದ್‌ ತೆರಿಪಾದ್‌ ಇತ್ತೆ. ಆಂಡ ಬೇಲೆ ತಿಕ್ಕೊಡಾಂಡ ಕಾಸ್‌ ಕೊರೊಡು ಪಂದ್‌ ಪದೇ ಪದೇ ಕಾಲ್ ಮಲ್ತ್‌ ಕಾಸ್‌ನ್‌ ಪಡೆಯೊಂದೆ. ಒಟ್ಟು ಬೇತೆ ಬೇತೆ ಹಂತಡ್‌ 13,00,997 ರೂ. ಆನ್ಲೈನ್ ಮುಖೆನ ಕೊರ್ದ್ ಬೇಲೆ ಕೊರಂದೆ ಮೋಸ ಮಲ್ತ್‌ದೆ ಪಂದ್ ಪೊಣ್ಣು ಬೆಳ್ಳಾರೆ ಠಾಣೆಡ್ ದೂರು ಕೊರ್ತೆರ್.

ಬೆಂಗಳೂರು ಕಂಬುಲ: ಸಿ.ಎಂ ಸಿದ್ದರಾಮಯ್ಯರೆನ ಭೇಟಿ ಆಯಿನ ಅಶೋಕ್‌ ರೈಕ್ಲೆನ ಕೂಟ

ಪುತ್ತೂರು: ನವೆಂಬರ್ 25 ಬೊಕ್ಕ 26 ಕ್ಕ್ ಬೆಂಗಳೂರುದ ಅರಮನೆ ಮೈದಾನಡ್ ನಡಪುನ ಬೆಂಗಳೂರು ಕಂಬುಲದ ಬಗೆಟ್ಟ್ ಚರ್ಚೆ ಮಲ್ಪೆರೆ ಕಂಬಳ ಸಮಿತಿದ ಗುರ್ಕಾರ್ಲು ಪುತ್ತೂರು ಶಾಸಕೆರ್ ಅಶೋಕ್ ರೈ ನೇತೃತ್ವದ ಕಂಬಳ ಸಮಿತಿದಕುಲು ಅ.12 ದಾನಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೇರೆನ್ ಭೇಟಿಯಾದ್ ಚರ್ಚೆ ಮಲ್ತೆರ್.‌
ಅರಮನೆ ಮೈದಾನಡ್‌ ನಡಪುನ ಕಂಬುಲಗ್ ಮುಖ್ಯಮಂತ್ರಿಗ್‌ ಲೆಪ್ಪೋಲೆ ಕೊರ್ದು ಪಾತೆರಕತೆ ಮಲ್ತ್‌ದ್ ಕಂಬುಲ ಸಮಿತಿದ ಗುರ್ಕಾರ್ಲು, ಶಾಸಕೆರ್ ಅಶೋಕ್ ರೈ ಕಂಬುಲಗ್‌ ಬರಿಯೆರೆ ಸುರುತ ಆಹ್ವಾನನ್‌ ಕೊರಿಯೆರ್. ಬೊಕ್ಕ ಅರೆನೊಟ್ಟಿಗೆ ಚರ್ಚೆ ಮಲ್ತಿನ ಶಾಸಕೆರ್ ಕಂಬುಲಗ್ ಬೇತೆ ಬೇತೆ ಇಲಾಖೆರ್ದ್ ಸಹಕಾರ ಕೊರ್ಪುನಂಚ ಇಲಾಖೆಗ್ ಸೂಚನೆನ್‌ ಕೊರ್ಲೆ ಪಂದ್‌ ಪಂಡೆರ್. ಕಂಬುಲಗ್ ಲಕ್ಷಾಂತರ ಜನ ಪಾಲ್‌ ಪಡೆಯುನ ನಿರೀಕ್ಷೆ ಉಂಡು. ದೇಶ , ವಿದೇಶದ ಸೆಲೆಬ್ರಿಟಿಲು ಪಾಲ್‌ ಪಡೆಯುನ ಕಾರಣ ಬೆಂಗಳೂರು ಟ್ರಾಫಿಕ್ ಸಮಸ್ಯೆದ ಬಗ್ಗೆಲ ಮಾಹಿತಿನ್‌ ಪಂಡೆರ್.‌

2 ಕೋಟಿ ಅನುದಾನಗ್‌ ಬಿನ್ನಾಪು
ಸುರುತ ಸರ್ತಿ ರಾಜ್ಯದ ರಾಜಧಾನಿಡ್‌ ನಡೆಯುವ ಕಂಬುಲಗ್ ಸುಮಾರು 7 ಕೋಟಿರ್ದ್‌ ಜಾಸ್ತಿ ಖರ್ಚ್‌ ಆವೆರೆ ಉಂಡು. ಸರಕಾರ ಕಂಬುಲಗ್ 2 ಕೋಟಿ ಅನುದಾನನ್‌ ಕೊರ್ಪುನಂಚ ಸಿ.ಎಂ ಗ್‌ ಮನವಿ ಸಲ್ಲಿಸಾಯೆರ್. ದ.ಕ ಬೊಕ್ಕ ಒಡಿಪು ಜಿಲ್ಲೆರ್ದ್ ಸುಮಾರ್‌ 125 ರ್ದ್‌ ಜಾಸ್ತಿ ಜತೆ ಎರುಕುಲ್ ಪಾಲ್‌ ಪಡೆಯೆರೆ ಇತ್ತ್‌ದ್‌, ಎರುಕುಲೆಗ್ ನೀರ್‌ರ್ದ್‌ ಬತ್ತಿನ ತಿನಿಯೆರೆ ಮುಟ್ಟ ಮಾತಲ ಕರಾವಳಿ ಜಿಲ್ಲೆರ್ದ್ ಪೂರೈಕೆ ಮಲ್ಪೊಡು.
ಪೊಸ ಕರೆ ನಿರ್ಮಾಣ ಸೇರಿನಂಚ ಮಾತ ಖರ್ಚ್ ದುಬಾರಿ ಆಪುನ ಕಾರಣ ಸರಕಾರರ್ದ್ ಅನುದಾನ ಕೊರ್ಪುನಂಚ ಮನವಿ ಮಾಲ್ತೆರ್. ಶಾಸಕೆರ್ನ ಮನವಿಗ್ ಮುಖ್ಯಮಂತ್ರಿಲು ಪೂರಕವಾದ್ ಸ್ಪಂದನೆ ಕೊರ್ತೆರ್‌ ಪಂದ್ ಶಾಸಕೆರ್‌ ತೆರಿಪಾದೆರ್.‌ ಅಂಚನೆ ಈ ಪೊರ್ತುಡು ಕಂದಾಯ ಸಚಿವೆರಾಯಿನ ಕೃಷ್ಣ ಬೈರೇಗೌಡ ಮೇರೆನ್‌ ಭೇಟಿ  ಮಲ್ತ್‌ ಲೆಪ್ಪೋಲೆನ್‌ ಕೊರಿಯೆರ್.‌ ಬೊಕ್ಕ ಇಲಾಖೆರ್ದ್‌ ಸಹಕಾರನ್‌ ಕೊರ್ಪುನಂಚ ಮನವಿನ್‌ ಮಲ್ತೆರ್. ಕಂಬುಲ ಸಮಿತಿದ ಪ್ರಮುಖೆರ್ ಸಂಗೀತ ನಿರ್ದೇಶಕ ಕಂಬುಲ ಸಮಿತಿದ ಕಾರ್ಯಾಧ್ಯಕ್ಷೆರ್ ಗುರುಕಿರಣ್, ಪ್ರಮುಖೆರಾಯಿನ ಗುರುರಂಜನ್, ಗುಣರಾಜ್ ಶೆಟ್ಟಿ, ಸುಂದರ ರಾಜ್ ರಐ, ಮುರಳೀಧರ್ ರೈ ಮಠಂತಬೆಟ್ಟು, ಈ ಪೊರ್ತುಡು ಇತ್ತೆರ್.

ಸುಬ್ರಹ್ಮಣ್ಯ ಶಾಲೆಗ್ 1 ಲಕ್ಷ ದೇಣಿಗೆ ಕೊರ್ನ‌ ಶಾಲೆದ ಹಿರಿಯ ಕಲ್ಪಾರ್ಥಿ ರಾಕೇಶ್

ಸುಬ್ರಹ್ಮಣ್ಯ: ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದ ಆಡಳಿತದ ಎಸ್.ಎಸ್ ಪಿ ಯು ಕಾಲೇಜ್ ಗ್ ಕಾಲೇಜ್ ದ ಹಿರಿಯ ಕಲ್ಪಾರ್ಥಿ ಉದ್ಯಮಿ ರಾಕೇಶ್ ಬೆಂಗಳೂರು ಮೇರ್ 1ಲಕ್ಷ ರೂ ದೇಣಿಗೆನ್ ಕೊರ್ತೆರ್. ಬುಧವಾರ ಕಾಲೇಜ್ ಗ್ ಬತ್ತ್ ದ್ ಪ್ರಾಂಶುಪಾಲೆರ್ ಸೋಮಶೇಖರ್ ನಾಯಕ್ ಮೇರೆಗ್ ದೇಣಿಗೆದ ಚೆಕ್ ಹಸ್ತಾಂತರ ಮಲ್ತೆರ್.

ಕಾಲೇಜ್ ಡ್ ನಡಪುನ ಸ್ಪಧಾತ್ಮಕ ಪರೀಕ್ಷಾ ತರಬೇತಿ ಕಾರ್ಯಗ್, ಕಾಲೇಜ್ ಡ್ ಗಾರ್ಡನಿಂಗ್ ಗ್, ಈ ದೇಣಿಗೆನ್ ಕೊರ್ತೆರ್. ಈ ಪೊರ್ತುಡು ಉಪನ್ಯಾಸಕೆರ್ ಸವಿತಾ ಕೈಲಾಸ್, ಜ್ಯೋತಿ ಪಿ ರೈ, ಸೌಮ್ಯಾ ದಿನೇಶ್, ಸುಧಾ ಇತ್ತೆರ್.