ಕುಡ್ಲದ ಸುದ್ದಿ | Mangalore News

ಶ್ರೀ ಕ್ಷೇತ್ರ ಕಟೀಲ್ ಡ್ ಬುಡುಗಡೆ ಆಂಡ್ ಮಾತೃ ಸ್ವರೂಪಿಣಿ ತುಳು ಭಕ್ತಿ ಸುಗಿಪು

ತುಳುನಾಡ್‌ದ ಬರವುದ ಬಿರ್ಸೆದಿ, ಅವು ಏತೊ ಬರವುದ ಗೊಂಚಿಲ್‌ಡ್ ಜನ ಮಂದೆನ್ ಗೆಂದ್‌ದ್ ತನ್ನ ಬರವುಗೇ ಬೊಟ್ಟ ದೀದ್ ದೇವೆರೆ ಪಾದ ಸೇರ್ದಿನ ಶ್ವೇತಾ ಕಜೆ ಮೆರೆನ ಕಡೆತ್ತ ಬರವು ದಯಾ ಕ್ರಿಯೇಷನ್‌ದ ಮುಖೇನ ಮಾತೃ ಸ್ವರೂಪಿಣಿ ಪನ್ಪಿನ ದುರ್ಗಾಪರಮೇಶ್ವರೀ ಅಪ್ಪೆನ ತುಳು ಭಕ್ತಿಸುಗಿಪು ಜುಲೈ 7 ಸುಕ್ರಾರ ಬಯ್ಯಗ್ 6 ಗಂಟೆಗ್ ಶ್ರೀ ಕ್ಷೇತ್ರ ಕಟೀಲ್ ಡ್ ಗಣ್ಯೆರೆನ ಉಪಸ್ಥಿತಿಡ್ ಬಿಡುಗಡೆ ಆಂಡ್.

ಈ ಭಕ್ತಿ ಸುಗಿಪುನ್ ಶ್ರೀ ಲಕ್ಷ್ಮೀ ನಾರಾಯಣ ಅಸ್ರಣ್ಣೆರ್ ಬುಡುಗಡೆ ಮಲ್ತ್‌ದ್ ಆಶೀರ್ವಾದ ಮಲ್ತೆರ್. ಮಲ್ಲ ಬಿನ್ನೆರಾದ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ನಿಕಟ ಪೂರ್ವ ಅಧ್ಯಕ್ಷೆರ್ ದಯಾನಂದ ಜಿ ಕತ್ತಲ್‌ಸಾರ್ ಪಾಲ್ ಪಡೆದಿತ್ತೆರ್. ಈ ಪೊರ್ತುಡು ದಯಾನಂದ ಅಮೀನ್ ಬಾಯಾರ್, ಗಾಯಕಿ ಪ್ರಸಿದ್ಧ ರಾವ್ ಧರ್ಮಸ್ಥಳ, ಕಿಶೋರ್ ಬೆಳ್ತಂಗಡಿ, ಗಣೇಶ್ ಬೊಂಡಾಲ, ರಮಾನಂದ ಪೂಜಾರಿ ಕಟೀಲ್, ಗಣೇಶ್ ಪೆರ್ಮುದೆ ಇತ್ತೆರ್.

ಪ್ರಸಿದಾ ರಾವ್ ಧರ್ಮಸ್ಥಳ ಗಾಯನ, ಅಭಿನಯಡ್, ಕಿಶೋರ್ ಬೊಲ್ತೇರ್ ಛಾಯಾಗ್ರಹಣ ಬೊಕ್ಕ ಸಂಕಲನಡ್, ದಯಾನಂದ ಅಮೀನ್ ಬಾಯಾರು ಸಮಗ್ರ ನಿರ್ವಹಣೆಡ್ ಈ ತುಳು ಭಕ್ತಿಸುಗಿಪು ದಯಾ ಕ್ರಿಯೇಷನ್ ಯೂಟ್ಯೂಬ್ ಚಾನೆಲ್ ಡ್ ಬುಡುಗಡೆ ಆತ್ಂಡ್.

ದೇವೆರೆ ಪಾದ ಸೇರಿಯೆರ್ ಲೀಲಾವತಿ ಜಯ ಸುವರ್ಣ

ಮುಲ್ಕಿ : ಭಾರತ್ ಕೋಆಪರೇಟಿವ್ ಬ್ಯಾಂಕ್ ದ ಸ್ಥಾಪಕ ಅಧ್ಯಕ್ಷೆರ್ ದಿ. ಜಯ ಸುವರ್ಣ ಮೆರೆನ ಧರ್ಮಪತ್ನಿ, ಲೀಲಾ ಸಮೂಹ ಹೋಟೆಲ್ಸ್ ದ ಮುಖ್ಯಸ್ಥೆರ್ ಲೀಲಾವತಿ ಜಯ ಸುವರ್ಣ ಇನಿ ದೇವೆರೆ ಪಾದ ಸೇರಿಯೆರ್.

ಸಮಾಜೊಡು ಆದರ್ಶ ಗೃಹಿಣಿಯಾದ್, ಮಾಮಲ್ಲ ಸಮಾಜ ಸೇವಕಿಯಾದ್ ಪರೋಪಕಾರಿಯಾದಿತ್ತಿನ ಅಂಚೆನೆ ಎಡ್ಡೆ ಮನಸ್ ದ ವ್ಯಕ್ತಿತ್ವೊನು ಇಡೀ ಸಮಾಜ ಕಳೆವೊಂದುಂಡು.

ಮೆರೆನ ಅಂತಿಮ ವಿಧಿ ಬೊಂಬೈದ ಗೋರೆಗಾಂವ್ ಈಸ್ಟ್ ದ ರುದ್ರಭೂಮಿಡ್ ಇನಿಯೇ ನಡಪರೆ ಉಂಡು ಪಂದ್ ಅರೆನ ಮಗೆ ಸೂರ್ಯಕಾಂತ್ ಜೆ.ಸುವರ್ಣ ತೆರಿಪಾದೆರ್.

Mangalore: Give books to wish the DC at official meetings and programs- Mangalore DC Mullai Muhilan ಪೂತ್ತ ಮಾಲೆ, ಪುರ್ಪದ ಗೊಂಚಿಲ್ ಕೊರ್ಪಿನ ಬದಲ್ ಪುಸ್ತಕ ಕೊರ್ಲೆ : ಡಿಸಿ ಮುಲ್ಲೈ ಮುಗಿಲನ್

ಕುಡ್ಲ: ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿಲೆನ್ ಅಧಿಕಾರಿಲು ಭೇಟಿ ಮಲ್ಪುನ ಪೊರ್ತುಡು ಅಂಚನೆ ಜಿಲ್ಲಾಧಿಕಾರಿ ಪಾಲ್ ಪಡೆಯುನ ಒವ್ವೇ ಸರಕಾರಿ ಸಭೆ, ಲೇಸ್‌ಡ್ ಪೂ ಮಾಲೆ,ಪುರ್ಪದ ಗೊಂಚಿಲ್ ಕೊರ್ಪಿನೆನ್ ನಿಷೇಧ ಮಲ್ತ್‌ದೆರ್.

ಪೂತ್ತ ಗುಚ್ಛ ಕೊರಿಯರೆ ಆಸಕ್ತಿ ಇತ್ತಿನಕುಲು ಅಯಿತ್ತ ಬದಲ್‌ಗ್ ಪುಸ್ತಕ ಕೊರ್ಲೆ ಪಂದ್ ಜಿಲ್ಲಾಧಿಕಾರಿ ಮುಲ್ಲೈ ಮುಗಿಲನ್ ಆದೇಶ ಕೊರ್ತೆರ್ ಪಂದ್ ಅಪರ ಜಿಲ್ಲಾಧಿಕಾರಿ ಕೃಷ್ಣಮೂರ್ತಿ ತೆರಿಪಾದೆರ್.

Mangalore: The new DC of Dakshina Kannada Muhilan has prohibited people from offering flower bouquet at government meetings, programs when he is in attendance. People can give books instead informed deputy DC Krishnamurti.

Sashihitlu Munda Beach Breakwater structure- minister Mankala Vidya passes order for construction ಸಸಿಹಿತ್ಲು ಮುಂಡ ಬೀಚ್ ರಕ್ಷಣೆಗ್ ತಡೆಗೋಡೆ: ಸಚಿವೆರ್ ಮಾಂಕಾಳ ವೈದ್ಯ

ಮೂಲ್ಕಿ : ಪೆಜಮಾಡಿ ಬಂದರ್ ಅಭಿವೃದ್ಧಿ ಆಪಿನ ಪೊರ್ತುಡು ಸಸಿಹಿತ್ಲು ಬೀಚ್ ಗ್ ಭಾರಿ ಹಾನಿ ಆಪಿನ ಅಪಾಯ ಇತ್ತಿನೆರ್ದ್ ಅವೆನ್ ಒರಿಪುನ ಸಲುವಾದ್ ತುರ್ತಾದ್ 1 ಕಿ.ಮೀ. ಮುಟ್ಟ ತಡೆಗೋಡೆ ಕಟ್ಟರೆ ರಾಜ್ಯ ಬಂದರು ಬೊಕ್ಕ ಮೀನುಗಾರಿಕಾ ಸಚಿವೆರ್ ಮಾಂಕಾಳ ವೈದ್ಯ ಅಧಿಕಾರಿಲೆಗ್ ಆದೇಶ ಕೊರಿಯೆರ್.

ಆರ್ ಸಸಿಹಿತ್ಲು ಮುಂಡ ಬೀಚ್ ಗ್ ಬೇತೆ ಬೇತೆ ಇಲಾಖೆದ ಅಧಿಕಾರಿಲ್ನ ಒಟ್ಟುಗು ಅಂಚೆನೆ ಜನಪ್ರತಿನಿಧಿನಕಲ್ನ ಒಟ್ಟುಗು ಸುಕ್ರಾರ ಭೇಟಿ ಕೊರ್ದು ಮಾಧ್ಯಮದಕಲ್ನೊಟುಗು ಪಾತೆರಿಯೆರ್.

ಸಸಿಹಿತ್ಲು ಸೇರ್ದ್ ಕರಾವಳಿದ ಮಾತ ಬೀಚ್ ಸಂರಕ್ಷಣೆ ಗ್ ಆದ್ಯತೆ ಕೊರ್ದು ಮಲ್ಪುವ. ಮುಲ್ತ ಬೀಚ್ ಪ್ರವಾಸಿಗೆರ್ನ ಅಂಚೆನೆ ಕೈತಲ್ದದಕ್ಲೆನ ಹಿತಾಸಕ್ತಿನ್ ತೂದು ಯೋಜನೆ ಮಲ್ಪುನ ಜಬದಾರಿ ಸರ್ಕಾರದ ಆದುಂಡು. ಉಂದೆಕ್ಕ್ ಇಲಾಖೆದ ಅಧಿಕಾರಿಲು ಬೊಕ್ಕ ಕೈತಲ್ದ ಮೀನುಗಾರೆರೆನ್ ವಿಶ್ವಾಸಗ್ ದೆತೊಂದು ಯೋಜನೆ ಮಲ್ಪರೆ ಸೂಚನೆ ಕೊರ್ತೆ ಪಂದ್ ಪಂಡೆರ್.

ಅವ್ವತ್ತಾಂದೆ ಸಸಿಹಿತ್ಲು ಬೀಚ್ ದ ಜಾಗೆ ಸೇರ್ದ್ ಸುತ್ತಮುತ್ತ ಒವ್ವೇ ರೀತಿಡ್ ಲ ಖಾಸಗಿದಕಲೆಗ್ ಅವಕಾಶ ಇಜ್ಜಿ. ಅರಣ್ಯ, ಮೀನುಗಾರಿಕೆ, ಪ್ರವಾಸೋದ್ಯಮ ಇಲಾಖೆದ ಮುಕೇನ ಕಂದಾಯ ಭೂಮಿಡ್ ಬೀಚ್ ಅಭಿವೃದ್ಧಿ ಮಲ್ಪರೆ ಉಂಡು.ನೆರ್ದ್ ಪಿರವುದ ಯೋಜನೆಲೆನ ಬಗೆಟ್ಟ್ ಸೂಕ್ತ ಪರಿಶೀಲನೆ ಮಲ್ಪುವ. ಒವ್ವೇ ಯೋಜನೆ ಕೈತಲ್ದಕಲೆಗ್ ಪರಿಣಾಮಕಾರಿ ಆಂಡ ಮಾತ್ರ ಅಯಿಕ್ಕ್ ಸಹಕಾರ ಕೊರ್ಪ.ಕೈತಲ್ದಕ್ಲೆನ ವಿರೋಧ ಬತ್ತ್ಂಡ ಅವೆನ್ ಜಾರಿ ಮಲ್ಪುಜ ಪಂಡೆರ್.

ಕೆಪಿಸಿಸಿ ರಾಜ್ಯ ಕಾರ್ಯದರ್ಶಿ ಮಿಥುನ್ ರೈ ಮೇರ್ ಪಾತೆರ್ದ್, ಮರಿಯಲೊಡು ಕೈತಲ್ದ ನಿವಾಸಿಲೆಗ್ ಸೂಕ್ತ ರಕ್ಷಣೆದ ವ್ಯವಸ್ಥೆ ಆವೊಡು. ಅಂಚೆನೆ ಬೀಚ್ ಅಭಿವೃದ್ಧಿದ ಬಗೆಟ್ಟ್ ಯೋಜನೆಲೆನ ಸಾಧಕ ಬಾಧಕ, ಮೀನುಗಾರೆರೆಗ್ ಬೇಲೆ ಅಂಚೆನೆ ಪ್ರವಾಸೋದ್ಯಮದ ಪೂರಕ ಯೋಜನೆಲೆನ ಬಗೆಟ್ಟ್ ಸಚಿವೆರೆಗ್ ಮಾಹಿತಿ ಕೊರಿಯೆರ್.

ಕೆಪಿಸಿಸಿ ಸದಸ್ಯೆರ್ ಎಚ್.ವಸಂತ ಬೆರ್ನಾಡ್ ಮೇರ್ ಪಾತೆರ್ದ್, ನೆರ್ದ್ ದುಂಬು ಬೀಚ್ ಅಭಿವೃದ್ಧಿ ಸಮಿತಿದ ಮುಕೇನ ನಡತಿನ ಸರ್ಫಿಂಗ್ ಬೊಕ್ಕ ಪ್ರದೇಶಾಭಿವೃದ್ಧಿದ ಬಗೆಟ್ಟ್ ಪೊಲಬು ಮಲ್ತೆರ್.

ಹಳೆಯಂಗಡಿ ಪಂಚಾಯಿತಿ ಸದಸ್ಯೆರಾಯಿನ ಚಂದ್ರಕುಮಾರ್,ಅನಿಲ್ ಕುಮಾರ್,ಅಬ್ದುಲ್ ಅಜೀಜ್, ಪದ್ಮಾವತಿ ಶೆಟ್ಟಿ, ಜಲಜಾ, ಪಿಡಿಒ ಮುತ್ತಪ್ಪ, ಕಾರ್ಯದರ್ಶಿ ಕೇಶವ ದೇವಾಡಿಗ, ಮೂಲ್ಕಿ ಪಟ್ಟಣ ಪಂಚಾಯಿತಿ ಸದಸ್ಯೆರ್ ಪುತ್ತುಬಾವ, ಮೋಹನ್ ಕೋಟ್ಯಾನ್, ಸಮೀರ್ , ಧರ್ಮಾನಂದ ಶೆಟ್ಟಿಗಾರ್, ಮಾಜಿ ಸದಸ್ಯೆರ್ ಜಗನ್ನಾಥ ಕೋಟ್ಯಾನ್, ರಿತೇಶ್, ಪ್ರವೀಣ್ ಕರ್ಕೇರ, ಪ್ರವಾಸೋದ್ಯಮ ಇಲಾಖೆದ ಸಹಾಯಕ ನಿರ್ದೇಶಕೆರ್ ಮಾಣಿಕ್ಯ, ಮೂಲ್ಕಿ ತಹಶೀಲ್ದಾರ್ ಪ್ರದೀಪ್, ಉಪತಹಶೀಲ್ದಾರ್ ದಿಲೀಪ್ ರೋಡ್ಕರ್, ಕಂದಾಯ ನಿರೀಕ್ಷಕೆರ್ ದಿನೇಶ್, ಗ್ರಾಮಕರಣಿಕ ಮೋಹನ್, ಸಹಾಯಕೆರ್ ನವೀನ್, ಬೇತೆ ಬೇತೆ ಇಲಾಖೆದ ಅಧಿಕಾರಿಲಾಯಿನ ಕ್ಯಾಪ್ಟನ್ ಸಿ. ಸ್ವಾಮೀ, ಟಿ.ಎಸ್.ರಾಥೋಡ್, ಶ್ರೀನಿವಾಸ ಮೂರ್ತಿ, ಪ್ರವೀಣ್ ಕುಮಾರ್, ಮನೋಹರ ಆಚಾರ್ಯ, ಮಾಧವ ಕಾರಂತ್ ಮೊಕುಲು ಮಾತ ಇತ್ತೆರ್.

Suratkal: A lorry carrying Jowar catches fire ಸುರತ್ಕಲ್: ಜೋಳದ ಲಾರಿಡ್ ಆಕಸ್ಮತ್ ಆದ್ ಪೊತ್ತಿನ ತೂ

ಸುರತ್ಕಲ್: ಜೋಳದ ಕೊನೊವೊಂದಿತ್ತಿನ ಲಾರಿಡ್ ಆಕಸ್ಮತ್ ಆದ್ ತೂ ಪೊತ್ತಿನ ಘಟನೆ ಸುರತ್ಕಲ್ ಕೈತಲ್‌ದ ಗೋವಿಂದಾಸ್ ಕಾಲೇಜ್‌ದ ಎದುರುಡು ಇಪ್ಪುನ ಮಾರ್ಗಡ್ ನಡತ್ಂಡ್.

ಘಟನೆಡ್ ಕೆಲಪೊರ್ತು ಗಾಡಿದ ಸವಾರಿ ಉಂತುದ್ಂಡ್. ಒವ್ವೇ ರೀತಿದ ಅಪಾಯ ಆತಿಜಿ ಪಂದ್ ತೆರಿದ್ ಬೈದ್ಂಡ್.

Mangalore: Mullia Muhilan M P takes charge as the new DC of Dakshina Kannada district ಕುಡ್ಲ: ದ.ಕ. ಜಿಲ್ಲೆದ ಪೊಸ ಜಿಲ್ಲಾಧಿಕಾರಿ ಆದ್ ಮುಲೈ ಮುಹಿಲನ್ ಅಧಿಕಾರ ಸ್ವೀಕಾರ

ಕುಡ್ಲ: ದ.ಕ. ಜಿಲ್ಲೆದ ಪೊಸ ಜಿಲ್ಲಾಧಿಕಾರಿಯಾದ್ ಮುಲೈ ಮುಹಿಲನ್ ಎಂ.ಪಿ. ಜೂನ್ 17 ಕ್ಕ್ ಸನಿವಾರ ಅಧಿಕಾರ ಸ್ವೀಕಾರ ಮಲ್ತ್‌ದೆರ್.

ಈ ಪಿರವು ಜಿಲ್ಲಾಧಿಕಾರಿ ಆದಿತ್ತಿನ ಎಂ.ಆರ್.ರವಿ ಕುಮಾರ್ ಮೇರ್ ಪೊಸ ಜಿಲ್ಲಾಧಿಕಾರಿಲೆಗ್ ಅಧಿಕಾರ ಹಸ್ತಾಂತರ ಮಲ್ತೆರ್. ಮುಲೈ ಮುಹಿಲನ್ ಮೇರ್ ಉಂದೆರ್ದ್ ದುಂಬು ಸೆಂಟರ್ ಫಾರ್ ಸ್ಮಾರ್ಟ್ ಗವರ್ನೆನ್ಸ್ ಬೆಂಗ್ಲೂರ್ ಉಂದೆತ್ತ ಕಾರ್ಯಕಾರಿ ನಿರ್ದೇಶಕೆರಾದಿತ್ತೆರ್.

Mangalore : A person duped of 2.59 lakh rupees after clicking a link on telegram app ಕುಡ್ಲ: ಟೆಲೆಗ್ರಾಂಡ್ ಲಿಂಕ್ ಕಡಪಾದ್ 2.59 ಲಕ್ಷ ರೂ. ವಂಚನೆ

ಕುಡ್ಲ: ಟೆಲಿಗ್ರಾಂ ಮುಕೇನ ಲಿಂಕ್ ಕಡಪಾದ್, ಕಮಿಷನ್ ಕೊರ್ಪೆ ಪಂದ್ ನಂಬಾದ್ ವಂಚನೆ ಮಲ್ತಿನ ಘಟನೆ ನಡತ್ಂಡ್.

ಜೂ.7 ಕ್ಕ್ ಗುರ್ತದಾಂತಿನ ಜನ ವಾಟ್ಸಪ್‌ಡ್ ಮೆಸೇಜ್ ಬೊಕ್ಕ ಟೆಲೆಗ್ರಾಂಡ್ ಲಿಂಕ್ ಕಡಪಾದಿತ್ತ್‌ದ್, ಈ ಮುಕೇನ ಟಾಸ್ಕ್ ಮಲ್ತ್ಂಡ ಕಮಿಷನ್ ಕೊರ್ಪ ಪಂದ್ ಪಂದಿತ್ತೆರ್. ಉಂದೆನ್ ನಂಬಿನ ಜನ ಹಂತಹಂತವಾದ್ ಒಟ್ಟು 2.59 ಲಕ್ಷ ರೂ. ವರ್ಗಾವಣೆ ಮಲ್ತ್‌ದೆರ್. ಆಂಡ ಅರೆಗ್ ಕಾಸ್ ಕೊರಂದೆ ವಂಚನೆ ಮಲ್ತ್‌ದೆರ್. ಪೇಂಟೆದ ಸೆನ್ ಠಾಣೆಡ್ ಈ ಕೇಸ್ ದಾಖಲ್ ಆತ್ಂಡ್.