ನಮ್ಮೂರ ಆಟ ಕೂಟ ಟ್ರಸ್ಟ್ ದ “ನಮ್ಮ ಸಂಭ್ರಮ 2022” ಲೇಸ್ ದ ಲೆಪ್ಪೋಲೆ ಬುಡುಗಡೆ
ನಮ್ಮೂರ ಆಟ ಕೂಟ ಟ್ರಸ್ಟ್ (ರಿ.) ಮೊಕುಲೆನ ನಮ್ಮ ಸಂಭ್ರಮ 2022 ಲೇಸ್ ಕುಡ್ಲದ ಅಂಬೇಡ್ಕರ್ ಭವನ ಡ್ ಡಿ.24 ಸನಿವಾರ ಕಾಂಡೆ 9 ಗಂಟೆರ್ದ್ ರಾತ್ರೆ 10 ಗಂಟೆ ಮುಟ್ಟ ನಡಪರೆ ಉಂಡು. ಈ ಲೇಸ್‌ದ್ ಲೆಪ್ಪೋಲೆ ಬುಡುಗಡೆ ಕಾರ್ಯಕ್ರಮ ಡಿ.16 ತಾರೀಕ್ ಸುಕ್ರಾರದಾನಿ ಹೋಟೆಲ್ ಕುಡ್ಲ ಪೆವಿಲಿಯನ್ ಚಾವಡಿಡ್ ನಡತ್ಂಡ್.
ಇಂಟರ್‌ನ್ಯಾಷನಲ್ ಬಂಟ್ಸ್ ವೆಲ್‌ಫೇರ್ ಟ್ರಸ್ಟ್ (ರಿ.) ಸ್ಥಾಪಕಾಧ್ಯಕ್ಷೆರ್ ಅತ್ತೂರು ಸದಾನಂದ ಶೆಟ್ಟಿ ಲೆಪ್ಪೋಲೆನ್ ಬುಡುಗಡೆ ಮಲ್ತೆರ್.
ಅಯಿರ್ದ್ ಬೊಕ್ಕ ಪಾತೆರಿನ ಆರ್, ನಮ್ಮೂರ ಆಟ ಕೂಟ ಟ್ರಸ್ಟ್ ಸಮಾಜಗಾದ್ ಬೋಡಾದ್ ಎಡ್ಡೆಂತಿನ ಕಾರ್ಯಕ್ರಮನ್ ಮಲ್ತೊಂದು ಬರೊಂದುಲ್ಲೆರ್. ಅಂಚನೆ ಡಿ.16 ತಾರೀಕ್‌ಗ್ ನಮ್ಮ ಸಂಭ್ರಮ 2022 ಲೇಸ್‌ಡ್ ಶ್ರೀ ಸತ್ಯನಾರಾಯಣ ವೃತ ಮಹಾತ್ಮೆ, ಬಾಲ ಯಕ್ಷ ರಂಗಪ್ರವೇಶ ಪಂತೊ, ಸಾಧಕೆರೆಗ್ ಪ್ರಶಸ್ತಿ ಪಟ್ಟುನ ಲೇಸ್ ನಡಪರೆ ಉಂಡು. ಈ ಮಾತ ಕಾರ್ಯಕ್ರಮ ಪೊರ್ಲುಡು ರೀತಿಡ್ ಆವಡ್ ಪಂದ್ ಎಡ್ಡೆಪ್ಪುನು ಬಯಕ್ಯೆರ್.
ನಮ್ಮೂರ ಆಟ ಕೂಟ ಟ್ರಸ್ಟ್‌ದ ಮಹಾ ಪೋಷಕೆರ್ ತಾರಾನಾಥ್ ಶೆಟ್ಟಿ ಪಾತೆರ್ದ್, ಒಂಜಿ ಎಡ್ಡೆ ರೀತಿದ ಸಂಸ್ಥೆ ಕಟ್ಟ್‌ದ್ ಸಮಾಜಗ್ ಬೋಡಾದ್ ದಾದಾಂಡಲ ಮಲ್ಪೊಡು ಪನ್ಪಿನ ಪರಿಕಲ್ಪನೆ ಮುಲ್ಕಿ ಕರುಣಾಕರ ಶೆಟ್ಟೆ ಮೇರೆಗ್ ಬತ್ತಿತ್ತ್ಂಡ್. ಅಂಚನೆ ಯಕ್ಷಗಾನದ ಬಗೆಟ್ ನಡಪುನಂಚಿನ ಈ ಬೇಲೆ ಪೊರ್ಲುಡು ಅವಡ್ ಪಂದ್ ಪಂಡೆರ್. ಅಂಚನೆ ಟ್ರಸ್ಟ್‌ದ ಆಜೀವ ಸದಸ್ಯೆರ್ ಪಿ.ಎ ಪೂಜಾರ್ಲು ಲೇಸ್‌ಗ್ ಎಡ್ಡೆಪ್ಪುದ ಮದಿಪುನ್ ಪಂಡೆರ್.
ನಮ್ಮೂರ ಆಟ ಕೂಟ ಟ್ರಸ್ಟ್‌ದ ಸ್ಥಾಪಕ ಅಧ್ಯಕ್ಷೆರ್ ಮುಲ್ಕಿ ಕರುಣಾಕರ ಶೆಟ್ಟಿ ಪಾತೆರ್ದ್, ಉಂದು ಒಂಜಿ ಇಲ್ಲದ ಕಾರ್ಯಕ್ರಮ ಲೆಕ್ಕ ಆಪುಂಡು ದಾಯೆ ಪಂಡ ಮಾತ ಸದಸ್ಯೆರ್ ಈ ಲೇಸ್‌ಗ್ ಸಾಕಾರ ಮಲ್ಪುವೆರ್. ಯಕ್ಷಗಾನದ ಮಿತ್ತ್ ಮಸ್ತ್ ಮೋಕೆ ಇತ್ತಿನೆಡ್ದಾವರ ಈ ಕೂಟನ್ ಕಟ್ಟರೆ ಸಾಧ್ಯ ಆಂಡ್. ಡಿ. 24 ಕ್ಕ್ ನಡಪುನ ಈ ಲೇಸ್‌ಗ್ ಮಾತೆರ್ಲಾ ಬತ್ತ್‌ದ್ ಲೇಸ್‌ನ್ ಎಡ್ಡೆ ಮಲ್ತ್ ಕೊರ್ಲೆ ಪಂದ್ ಪಂಡೆರ್.
ಈ ಪೊರ್ತುಡು ನಮ್ಮೂರ ಆಟ ಕೂಟ ಟ್ರಸ್ಟ್‌ದ ಆಜೀವ ಸದಸ್ಯೆರ್ ಆಯಿನ ತುಕಾರಾಮ ಶೆಟ್ಟಿ ತೋಡ್ಲ, ಶಿಲ್ಪಾ ಹರೀಶ್ ಶೆಟ್ಟಿ, ಗಣೇಶ್ ಮಲ್ಲಿ, ದೇವಿ ಚರಣ್ ಶೆಟ್ಟಿ, ಪ್ರದೀಪ್ ಆಳ್ವ ಕದ್ರಿ ಲೇಸ್‌ಡ್ ಇತ್ತೆರ್.
ಕುಡ್ಲದ ಮೇಯರ್ ಜಯಾನಂದ ಅಂಚನ್ ನಮ್ಮ ಕ್ಲಿನಿಕ್‌ನ್ ಉದಿಪನ ಮಲ್ತೆರ್. ದಕ್ಷಿಣ ಕನ್ನಡ ಜಿಲ್ಲೆಡ್ 12 ನಮ್ಮ ಕ್ಲಿನಿಕ್‌ಲು ಲೋಕಾರ್ಪಣೆ ಆತ್ಂಡ್. ಮಾತ ರೀತಿದ ಸೇವೆಲು ಈ ಕ್ಲಿನಿಕ್‌ಡ್ ತಿಕ್ಕರೆ ಉಂಡು.
ಬಲ್ಲ್ ಕಿರಿಯ ವಿಭಾಗಡ್ ನಿಟ್ಟೆ ಪರಪ್ಪಾಡಿ ವಿಹಾನ್ ಕೋಟ್ಯಾನ್ ಸುರುತ್ತ ತಾನೊ (ಎರು ಗಿಡತ್ತಿನಾರ್ : ಬೈಂದೂರು ವಿಶ್ವನಾಥ ದೇವಾಡಿಗ), ಮಾರ್ಪಳ್ಳಿ ಕಂಬಳಮನೆ ರಾಜೇಶ್ ಶೆಟ್ಟಿ ಮೇರೆಗ್ ರಡ್ಡನೇ ಇನಾಮು ( ಎರು ಗಿಡತ್ತಿನಾರ್: ಭಟ್ಕಳ ಶಂಕರ್), ಸಬ್ ಜೂನಿಯರ್ ವಿಭಾಗಡ್ ಬೈಂದೂರು ತಗ್ಗರ್ಸೆ ನೀಲಕಂಠ ಹುದಾರ್ ಸುರುತ್ತ ಇನಾಮು (ಎರು ಗಿಡತಿನಾರ್: ಬೈಂದೂರು ವಿಶ್ವನಾಥ ದೇವಾಡಿಗ) ಭಟ್ಕಳ ಎಚ್.ಎನ್.ನಿವಾಸ ಪಿನ್ನು ಪಾಲ್ (ಎರು ಗಿಡತಿನಾರ್: ಭಟ್ಕಳ ಶಂಕರ್) ರಡ್ಡನೇ ಇನಾಮು ಪಡೆದೆರ್.
ಕನ್ನಡ ಸಂಸ್ಕೃತಿ ಇಲಾಖೆದ ರಮೇಶ್ ದೇವಾಡಿಗ, ಮುತ್ತುರಾಜ್, ಶಿರ್ವ ಠಾಣಾಧಿಕಾರಿ ರಾಘವೇಂದ್ರ ಸಿ., ಶಿರ್ವ ಗ್ರಾ.ಪಂ., ಅಧ್ಯಕ್ಷೆರ್ ರತನ್ ಕುಮಾರ್ ಶೆಟ್ಟಿ ಬೊಕ್ಕ ಪೊಲೀಸ್ ಇಲಾಖೆದ ಶಶಿಧರ್ ರಡ್ಡ್ ವಿಭಾಗಡ್ ಗೆಂದಿನ ಎರುತ್ತ ಧನಿಕ್ಲೆಗ್ ಬೊಕ್ಕ ಎರು ಗಿಡತ್ತಿನಕ್ಲೆಗ್ ಶಾಶ್ವತ ಫಲಕದೊಟ್ಟುಗು ಪನವುದ ಇನಾಮು ಕೊರಿಯೆರ್.
ಮೇರ್ ಸಿದ್ಧಕಟ್ಟೆ ಕೊನರೆ ಗುತ್ತು ಜಗನ್ನಾಥ ಸೀತಾರಾಮ ಶೆಟ್ಟಿ ಅಂಚನೆ ಎರ್ಮಾಳ್ ಲೋಕನಾಡು ಮನೆ ಆಶಾ ಜಗನ್ನಾಥ ಶೆಟ್ಟಿ ದಂಪತಿಲೆನ ಮಗೆ ಆದುಲ್ಲೆರ್. ಮೇರ್ ಸ್ವಾತಿ ಜೆ. ಶೆಟ್ಟಿ ಮೆರೆನ ಪಲಯೆ, ಪೆರ್ನ ದೊಡ್ಡ ಮನೆ ಸುಬ್ಬಯ್ಯ ಚೌಟೆರ್‍ನ ಪುಲ್ಲಿ, ಎರ್ಮಾಳ್ ಲೋಕನಾಡು ಮನೆ ಸುರೇಶ ಚೌಟೆರ್‍ನ ಮರ್ಮಯೆ ಆದುಲ್ಲೆರ್. ಮೆರೆನ ಈ ಸಾಧನೆಗ್ ಅಭಿನಂದನೆ ಅತ್ತಾಂದೆ ದುಂಬುದ ಪಜ್ಜೆಗ್ ಟೈಮ್ಸ್ ಆಫ್ ಕುಡ್ಲ ಪತ್ರಿಕೆ ಎಡ್ಡೆಪ್ಪು ಬಯೊಕೊಂದುಂಡು.
ಅಬ್ದುಲ್ ಸಮದ್ ಮೆರೆನ ಮಗೆ ಅಬ್ದುಲ್ ರಹ್ಮಾನ್ ಸಹದಾದ್ (2) ತೀರ್ ಪೋಯಿನ ಬಾಲೆ. ಪಾಯಿಕಾನೆದ ಒಂಜಿ ಭಾಗ ಅದ್ ರ್ ಬುಡ್ದಿತ್ತ್ಂಡ್. ಉಂದೆನ್ ತೂವಂದೆ ಉಂದೆತ್ತ ಮಿತ್ತ್ ನಡತೊಂದು ಪೋನಗ ಈ ಘಟನೆ ನಡತ್ಂಡ್. ಉಪ್ಪಳದ ಅಗ್ನಿಶಾಮಕ ಸಿಬ್ಬಂದಿಲು ಬತ್ತ್‌ದ್ ಆಣನ್ ಪಿದಯಿ ದೆತ್ತ್‌ದ್ ಉಪ್ಪಳದ ಆಸ್ಪತ್ರೆಗ್ ಕೊನಂಡಲ ಜೀವ ಒರಿಪಾಯರೆ ಆಯಿಜಿ. ಮಂಜೇಶ್ವರ ಠಾಣಾ ಪೊಲೀಸೆರ್ ಈ ಬಗೆಟ್ ಕ್ರಮ ದೆತೊಂದೆರ್.
ಕರಿನ ಸುಕ್ರಾರ ಒಂಜೇ ದಿನ 1,10,133 ಭಕ್ತೆರ್ ಬತ್ತಿತ್ತೆರ್. ಮಕರ ಸಂಕ್ರಾಂತಿ ಕೈತಲ್ ಬರ್ಪಿನೆಡ್ದಾವರ ಭಕ್ತೆರ್‍ನ ಸಂಖ್ಯೆ ನನಾತ್ ಎಚ್ಚ ಆಯರೆ ಉಂಡು. ಭಕ್ತೆರೆಗಾದ್ ಅಗತ್ಯ ಕ್ರಮ ದೆತೊನರೆ ಇತ್ತ್‌ದ್, ಜೋಕುಲೆಗ್ ವಿಶೇಷ ರೀತಿಡ್ ದರ್ಶನಗ್ ಅವಕಾಶ ಕೊರ್ಪಿನ ಮುಕೇನ ಚಿಂತನೆ ಮಲ್ತೊಂದುಲ್ಲ ಪಂದ್ ತಿರುವಾಂಕೂರು ದೇವಸ್ವಂ ಮಂಡಳಿದ ಆಧ್ಯಕ್ಷೆರ್ ಕೆ. ಅನಂತಗೋಪನ್ ತೆರಿಪಾದೆರ್.