ಕಾಸ್ರೋಡ್ ಸುದ್ದಿ | Kasargod News

ಜೈ ಹಿಂದ್ ಫ್ರೆಂಡ್ಸ್, ಮಂಕಿ ಸ್ಟಾಂಡ್ ಬೊಕ್ಕ ಭೀಮ್ ಆರ್ಮಿ ವತಿರ್ದ್ ಕೋವಿಡ್ ಲಸಿಕಾ ಲೇಸ್

ಕುಡ್ಲ : ಜೈ ಹಿಂದ್ ಫ್ರೆಂಡ್ಸ್, ಮಂಕಿ ಸ್ಟಾಂಡ್ ಬೊಕ್ಕ ಭೀಮ್ ಆರ್ಮಿ ವತಿರ್ದ್ ಪೇಂಟೆದ ಮಂಗಳಾದೇವಿ ದೇವಸ್ಥಾನದ ಕೈತಲ್ ಉಪ್ಪುನ ಶಾಂತಾ ಆಳ್ವ ಕಾಂಪೌಂಡ್ ಮೈದಾನಡ್ ಉಚಿತ ಕೋವಿಡ್ ಲಸಿಕಾ ಲೇಸ್ ನಡತುಂಡು .

ಪೇಂಟೆದ ಎಸ್. ಡಿ. ಎಂ. ಕಾಲೇಜು ನಿವೃತ್ತ ಪ್ರಾದ್ಯಾಪಕೆರಾಯಿನ ಉದಯ ಕುಮಾರ್ ಮೇರ್ ಲೇಸ್ ಉದಿಪನ ಮಲ್ತ್ ಪಾತೆರಿಯೆರ್.

ಈ ಲೇಸ್ ಡ್ ಭ್ರಮರಾಂಬಿಕಾ ದೇವಸ್ಥಾನದ ಗುರ್ಕಾರ್ಲಾಯಿನ ಪ್ರಾಣೇಶ್, ಜಿಲ್ಲಾ ಯುವ ಕಾಂಗ್ರೆಸ್ ನಾಯಕ ರಮಾನಂದ ಪೂಜಾರಿ, ಜೈ ಹಿಂದ್ ಫ್ರೆಂಡ್ಸ್ ಗುರ್ಕಾರ್ಲಾಯಿನ ವಿಜಯ್ ಮಂಕಿ ಸ್ಟಾಂಡ್, ಸುಶೀಲ್, ಸುನೀಲ್, ರಾಕೇಶ್ ಪಾಲ್ ಪಡೆದಿತ್ತೆರ್.

ಅಮ್ಚೆ ಸಂಸಾರ್ ಕೊಂಕಣಿ ಭಾಷಾ ಚಲನಚಿತ್ರದ ಪೊಸ್ಟರ್, ಟ್ರೇಲರ್, ಧ್ವನಿ ಸುರುಳಿ ಬುಡುಗಡೆ

: ಬಹುಭಾಷಾ ಯುವಕಲಾದ ಸಂದೀಪ್ ಕಾಮತ್ ಅಜೆಕಾರು ಮೆರ್ನ ನಿರ್ದೇಶನಡ್ ಬತ್ತಿನ ಅಮ್ಚೆ ಸಂಸಾರ್ ಕೊಂಕಣಿ ಭಾಷಾ ಚಲನಚಿತ್ರದ ಪೊಸ್ಟರ್, ಟ್ರೇಲರ್, ಧ್ವನಿ ಸುರುಳಿ ಬುಡುಗಡೆ ಲೇಸ್ ಶುಕ್ರವಾರ ಮಣಿಪಾಲ ಆರ್‌ಎಸ್‌ಬಿ ಸಭಾ ಭವವನಡ್ ನಡತುಂಡು .

ನಿವೃತ್ತ ಕಾರ್ಯಪಾಲ ಅಭಿಯಂತ ಜಯಾನಂದ ನಾಯಕ್ ಎಡ್ಡೆಪ್ಪುನು ಬಯಕಿಯೆರ್ . ಮಲ್ಲ ಬಿನ್ನೆರ್ ಆದ್ ಉದ್ಯಮಿ ಶ್ರೀಶ ನಾಯಕ್ ಪೆರ್ನಂಕಿಲ, ಜಿಪಂ ಮಾಜಿ ಗುರ್ಕಾರ್ಲಾಯಿನ ಉಪೇಂದ್ರ ನಾಯಕ್, ಬಂಟಕಲ್ಲು ದೇವಳದ ಅಡಳಿತ ಮೊಕ್ತೇಸರ ಶಶಿಧರ್ ವಾಗ್ಲೆ, ನರಸಿಂಗೆ ದೇವಳದ ಆಡಳಿತ ಮೊಕ್ತೇಸರ ರಮೇಶ್ ಸಾಲ್ವಣ್‌ಕಾರ್, ಆರ್‌ಎಸ್‌ಬಿ ಯುವವೃಂದ ಗೌರವ ಗುರ್ಕಾರ್ಲಾಯಿನ ಕೆ.ಆರ್.ಪಾಟ್ಕರ್, ಕಾರ್ಕಳ ಮಹಿಳಾ ಮಂಡಳಿ ಗುರ್ಕಾರ್ಲಾಯಿನ ಉಷಾ ನಾಯಕ್ ಪಾಲ್ ಪಡೆದಿತ್ತೆರ್.