ಕಾಸ್ರೋಡ್ ಸುದ್ದಿ | Kasargod News

ಮಲ್ಯ ಗೇಟ್ ಕಾಂಪ್ಲೆಕ್ಸ್ ಗ್ ಶಿಲನ್ಯಾಸ ಮಲ್ತಿನ ಮಾನ್ಯ ಕೇಂದ್ರ ಸಚಿವೆರಾಯಿನ ಸರ್ಬಾನಂದ ಸೋನೋವಾಲ್

ಕುಡ್ಲ : ನವಮಂಗಳೂರು ಬಂದರು ಮಂಡಳಿ(ಎನ್ ಎಂಪಿಟಿ)ದ ಪೊಸ ಪ್ರವೇಶ ದ್ವಾರಗ್ ಶುಕ್ರವಾರ ಶಿಲಾನ್ಯಾಸ ಮಲ್ತೆರ್ .

ಕೇಂದ್ರ ಬಂದರು, ಶಿಪ್ಪಿಂಗ್, ಜಲಮಾರ್ಗ ಬೊಕ್ಕ ಆಯುಷ್ ಸಚಿವ ಸರ್ಬಾನಂದ ಸೋನೊವಾಲ್ ಇನಿ ಎನ್‌ಎಂಪಿಟಿ ಆವರಣಡ್ ಪ್ರವೇಶ ದ್ವಾರಗ್ ಶಿಲಾನ್ಯಾಸ ನಡಪಾಯೆರ್ .

ಈ ಪೊರ್ತುಡು ಸಂಸದ ನಳಿನ್ ಕುಮಾರ್ ಕಟೀಲು ಸಹಿತ ಮಸ್ತ್ ಸಚಿವೆರ್ ಪಾಲ್ ಪಡೆದಿತ್ತೆರ್.ಪ್ತವೇಶ ದ್ವಾರ 1,100 ಚದರ ಅಡಿ ವಿಸ್ತೀರ್ಣಡ್ 3.25 ಕೋಟಿ ಪಣವುದ ವೆಚ್ಚಡ್ ನಿರ್ಮಾಣ ಆಯರೇ ಉಂಡು . ಈ ಪ್ರವೇಶ ದ್ವಾರ ರಡ್ಡ್ ಪಥದ ಪ್ರವೇಶ ಬೊಕ್ಕ ರಡ್ಡ್ ಪಥದ ನಿರ್ಗಮನ ದ್ವಾರ ಸೇರಿನಂಚ ನಾಲ್ ಪಥದ ಮಾರ್ಗ ಉಂಡು .

ಮಿರಾರೋಡ್ ಶ್ರೀ ಶನೀಶ್ವರ ಮಂದಿರಡ್ ತಿಂಗೊಲ್ದ ಶ್ರೀ. ಶನೀಶ್ವರ ಗ್ರಂಥ ಪರಾಯಾಣದ ಮಂಗಳಾದ್ಯಯ ಪೂಜೆ

ಬೊಂಬಾಯಿ : ಮಿರಾರೋಡ್ ಶ್ರೀ ಶನೀಶ್ವರ ಮಂದಿರಡ್ ತಿಂಗೊಲ್ದ ಶ್ರೀ. ಶನೀಶ್ವರ ಗ್ರಂಥ ಪರಾಯಾಣದ ಮಂಗಳಾದ್ಯಯ ಪೂಜೆ ತಾರೀಖ್ 25/09/2021 ನೇ ಶನಿವಾರದಾನಿ ನಡಪರೆ ಉಂಡು ಅವ್ವೆ ದಿನ ಕಾಂಡೆ, 7 ಗಂಟೆಗ್ ಕ್ಷೇತ್ರದ ಮಾತಾ ದೇವೆರೆಗ್ ಅಭಿಷೇಕ ಬೊಕ್ಕ ಆರತಿ ನಡಪರೆ ಉಂಡು, ಬೈಯ್ಯಗ್ 4 ಗಂಟೆರ್ದ್ ಶನೀಶ್ವರ ಗ್ರಂಥ ಪಾರಾಯಣ 5 ಗಂಟೆಗ್ ಮಂದಿರದ ಮಿರಾ ರೋಡ್ ಶ್ರೀ ಶನೀಶ್ವರ ಭಜನಾ ಸಮಿತಿದ ಸದಸ್ಯೆರೆರ್ದ್ ಭಜನೆರ್ದ್ ಬೊಕ್ಕ 7:30ಕ್ ಮಹಾ ಮಂಗಾಳರಾತತಿ ತೀರ್ಥ ಪ್ರಸಾದದೊಟ್ಟುಗು ನಡಪರೆ ಉಂಡು.ಈ ವಿಶೇಷ ಪೂಜೆದ ಅನ್ನಸಂತರ್ಪಣೆ ಸೇವಾಕರ್ತೆರಾಯಿನ

ವಿವೇಕಾನಂದ ಛಾ ಬೊಕ್ಕ ಪರಿವಾರ ದಕ್ಲೆನೆರ್ದ್ ನಡಪರೆ ಉಂಡು ಅಂಚನೇ
ಅಲಂಕಾರದ ಸೇವೆ ಬೊಕ್ಕ ಫಲ ವಸ್ತುದ ಸೇವಾಕರ್ತೆರ್. ಸುಜಾತ.ಲೋಕೇಶ್ ಶೆಟ್ಟಿ ಮೆರೆನ ಪುಟ್ಟು ಪರ್ಬದ ಪ್ರಯುಕ್ತ ಅಂಚನೇ ಅರೆನ ಮಗೆ ಶಾಶ್ವತ್ ಲೋಕೇಶ್ ಶೆಟ್ಟಿ ಮೇರ್ 25-09-2021 ಕ್ಕ್ ಪುಟ್ಟು ಪರ್ಬನ್ ಆಚರಣೆ ಮಲ್ಪುನ ಪೊರ್ತುಡು ಈ ಸೇವೆ ನಡಪರೆ ಉಂಡು.

ಕ್ಲಾಕ್ ಟವರ್ ಮಾರ್ಗಡ್ ಏಕಮುಖ ಸಂಚಾರ : ಪೊಲೀಸ್ ಆಯುಕ್ತ ಎನ್.ಶಶಿಕುಮಾರ್

ಕುಡ್ಲ : ಕುಡ್ಲ ಮಹಾನಗರ ಪಾಲಿಕೆ ವ್ಯಾಪ್ತಿದ ಕ್ಲಾಕ್ ಟವರ್ ವೃತ್ತ- ಎ.ಬಿ.ಶೆಟ್ಟಿ ವೃತ್ತ- ಹ್ಯಾಮಿಲ್ಟನ್ ವೃತ್ತ- ರಾವ್ ಆಯಂಡ್ ರಾವ್ ವೃತ್ತ- ಕ್ಲಾಕ್ ಟವರ್ ವೃತ್ತ ಮುಟ ಮಾರ್ಗನ್ ಏಕಮುಖ ಸಂಚಾರದ ಮಾರ್ಗ ಆದ್ ಮಾರ್ಪಡ್ ಮಲ್ತ್ ಕುಡ್ಲ ಪೊಲೀಸ್ ಆಯುಕ್ತ ಎನ್.ಶಶಿಕುಮಾರ್ ಗುರುವಾರ ಆದೇಶ ಕೊರ್ತೆರ್ .

ಕ್ಲಾಕ್ ಟವರ್ ಮಾರ್ಗರ್ದ್ ಎ.ಬಿ.ಶೆಟ್ಟಿ ವೃತ್ತ ಮುಟ ಪೋಪಿನ 550 ಮೀ. ಉದ್ದದ ಮೈದಾನ ಮಾರ್ಗ ಆದ್ ಏಕಮುಖ ಮಾರ್ಗ ಪಂದ್ ಘೋಷಣೆ ಮಲ್ದೆರ್ . ಈ ಮಾರ್ಗಡ್ ವಿರುದ್ಧ ದಿಕ್ಕುಡ್ ಬರ್ಪಿನ ಮಾತಾ ತರತ ಗಾಡಿದ ಸಂಚಾರನ್ ನಿಷೇಧ ಮಲ್ದೆರ್ . ಎ.ಬಿ. ಶೆಟ್ಟಿ ವೃತ್ತರ್ದ್ ಹ್ಯಾಮಿಲ್ಟನ್ ವೃತ್ತ ಮುಟ ಪೋಪಿನ 250 ಮೀಟರ್ ಉದ್ದದ ಮೈದಾನ ಮಾರ್ಗದ ಏಕಮುಖ ಮಾರ್ಗ ಪಂದ್ ಘೋಷಣೆ ಮಲ್ದೆರ್ .
ಈ ಆದೇಶದನ್ವಯ ಕೆಲವು ಮಾರ್ಗಡ್ ಏಕಮುಖ ಸಂಚಾರಗ್ ಅವಶ್ಯ ಉಪ್ಪುನ ಸೂಚನಾ ಫಲಕನ್ ಮಲ್ಪುನ ಕುರಿತು ಬೊಕ್ಕ ಆ ಆದೇಶ ಅನುಷ್ಠಾನ ಮಲ್ಪರೆ ಕುಡ್ಲ ಸಂಚಾರ ಉಪ ವಿಭಾಗದ ಸಹಾಯಕ ಪೊಲೀಸ್ ಆಯುಕ್ತೆರ್ ಕ್ರಮ ದೆತೊನೆರೆ ಪೊಲೀಸ್ ಆಯುಕ್ತ ಎನ್.ಶಶಿಕುಮಾರ್ ಆದೇಶಡ್ ತೆರಿಪಾದೆರ್ .

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಜೈ ತುಳುನಾಡ್ (ರಿ.) ಯುವವಾಹಿನಿ (ರಿ.) ಕೂಳೂರು ಎಗ್ಗೆ ಒಟ್ಟು ಸೇರಿಗೆಡ್ ತುಲು ಲಿಪಿ ಪರೀಕ್ಷೆ

ಕುಡ್ಲ : ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಜೈ ತುಳುನಾಡ್ (ರಿ.) ಯುವವಾಹಿನಿ (ರಿ.) ಕೂಳೂರು ಎಗ್ಗೆ ಒಟ್ಟು ಸೇರಿಗೆಡ್ ತೇದಿ 19.09.2021 ಗ್ ನಡತಿನ ತುಲು ಬರವು ಕಜ್ಯಕೊಟ್ಯದ ಪರೀಕ್ಷೆಡ್ ಸೀನಿಯರ್ ವಿಭಾಗೊಡು ಸುರುತ್ತಾ ಮೂಜಿ ತಾನೊ ಪಡೆಯಿನಕುಲು. ಕಡೀರ ಸ್ತಾನ(100 ಅಂಕೊ)ಪದ್ಮನಾಭ ಬೊಕ್ಕ ಅಕ್ಷಿತ್ ಶೆಟ್ಟಿ ಪಡೆತೆರ್.ರಡ್ಡನೇ ಸ್ತಾನ(99 ಅಂಕೊ)ನವೀನ ಪಡೆತೆರ್.

ಅಂಚನೇ ಮೂಜನೆ ಸ್ತಾನ(98 ಅಂಕೊ) ಕೀರ್ತನಾ ಕುಮಾರಿ ಟಿ,ಎಸ್ ಮಂಜುನಾಥ ತೆಂಕಿಲ್ಲಾಯ ಪಡೆತೆರ್.ಜೂನಿಯರ್ ವಿಭಾಗೊಡು ಸುರುತ್ತಾ ಮೂಜಿ ತಾನೊ ಪಡೆಯಿನಕುಲು ಕಡೀರ ಸ್ತಾನ(99 ಅಂಕೊ) ಉಷಾ ದೇವಿ ಪಿ ಎಲ್ ಪಡೆತೆರ್.ರಡ್ಡನೇ ಸ್ತಾನ(98 ಅಂಕೊ)
ತನ್ವಿ ಅರುಣ್ ಕುಮಾರ್ .ಪರೀಕ್ಷೆಗ್ ವಿಟ್ಲ ಬೊಕ ಉಡುಪಿದ್ಲಾ ಬತ್ತುದ್ ಎಕ್ಸಾಮ್ ಬರೆತರ್..ಒಟ್ಟು 20 ಜನ ಮುಟ ಎಕ್ಸಾಮ್ ಬರೆತೆರ್ ಪಂದ್ ಪ್ರಕಟಣೆಡ್ ತೆರಿಪಾದೆರ್.ಹರಿಶ್ಚಂದ್ರ ಕುಂದರ್, ಗೀತಾ ಲಕ್ಷ್ಮೀಶ್ ಬೊಕ ರೇಷ್ಮಾ ವಸಂತ್ ಕಲ್ಪಾದಿಲು ಈ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಕಾಸ್ರೋಡು ರಿಕ್ಷಾಡ್ ಅಕ್ರಮ ಮಧ್ಯ ಸಾಗಾಟ : 1,050 ಬಾಟಲ್ ಪತ್ತೆ

ಕಾಸ್ರೋಡು : ಪೊಲೀಸ್ ತಪಾಸಣೆ ಪೊರ್ತುಡು ಈ ತಾದಿಯಾದ್ ಬತ್ತಿನ ರಿಕ್ಷಾಡ್ ರಿಕ್ಷಾ ಬುರ್ದು ಚಾಲಕ ಪರಾರಿಯಾಯಿನ ಘಟನೆ ಮಂಜೇಶ್ವರ ಠಾಣಾ ವ್ಯಾಪ್ತಿದ ಮೂಡಂಬೈಲ್ ಪಜಿಂಗಾರ್ಡ್ ನಡತುಂಡು .

ರಿಕ್ಷಾನ್ ತಪಾಸಣೆ ನಡಪಾನಗ 1,050 ಬಾಟಲ್ ಮದ್ಯ ಪತ್ತೆಯಾತುಂಡು . ಕರ್ನಾಟಕರ್ದ್ ಅಕ್ರಮ ಮದ್ಯ ಕೊನೊವೊಂದು ಉಲ್ಲೆರ್ ಪನ್ಪಿನ ಖಚಿತ ಮಾಹಿತಿ ದೊಟ್ಟುಗು ಮಂಜೇಶ್ವರ ಠಾಣಾ ಪೊಲೀಸೇರ್ ಮೂಡಂಬೈಲ್ ಕೈತಲ್ ಆಟೋ ರಿಕ್ಷಾನ್ ಉಂತಾಯೆರ್ ಸೂಚನೆ ಕೊರ್ತೆರ್ , ಉಲಯಿ ಸಾದಿಯಾಡ್ ಪರಾರಿಯಾನಗ ಪೊಲೀಸೇರ್ ಬೆರಿ ಪತ್ತ್ ದೆರ್ , ಪಜಿಂಗಾರ್ ಪನ್ಪಿನ ಜಾಗೆಡ್ ಆಟೋ ರಿಕ್ಷಾನ್ ಬುರ್ದು ಚಾಲಕ ಪರಾರಿಯಾತೆ.