ಕಲ್ಲಡ್ಕ,ಎಪ್ರಿಲ್ 03: ಸಂಘ ಸಂಸ್ಥೆಲು ವೈಯಕ್ತಿಕ ನೆಲೆಟ್ ಅಸ್ತಿತ್ವಗ್ ಬತ್ತಿನಾoಡಲ ನೆತ್ತ ಕಾಯ೯ವೈಖರಿ ಇಡೀ ಸಮುದಾಯಗ್ ಸೀಮಿತ ಆದುಂಡು . ಈ ಪ್ರಕಾರವಾದ್ ಚಿಂತಾಮಣಿ ನೃತ್ಯ ತಂಡ ತನ್ನ ಮುಖೇನ ಪಾಪದ ಜೋಕ್ಲೆನ ಪ್ರತಿಭೆನ್ ಗುರ್ತಿಸಾದ್ ಅಕ್ಲೆಗ್ ಸೂಕ್ತ ವೇದಿಕೆನ್ ಓದಗಾಯಿನವು ಬಾರಿ ಪೆರ್ಮೆದ ಇಚಾರ ಪಂದ್ ಕಡೇಶಿವಾಲಯ ಪೆಲಾ೯ಪು ಶಾಲಾ ಮೈದಾನಡ್ ನಡತಿನ ಶ್ರೀ ಚಿಂತಾಮಣಿ ನೃತ್ಯ ತಂಡ ಆನ್ಲೈನ್ ಮುಖೇನ ನಡಪಾಯಿನ ವೈಯಕ್ತಿಕ ಬೊಕ್ಕ ತಂಡವಾರು ನೃತ್ಯ ದ ಬೊಕ್ಕ ಸಂಗೀತ ದ ಸ್ಪರ್ಧೆ ನಡಪಾದ್ ನೆತ್ತ ಫೈನಲ್ ಬೊಕ್ಕ ಅವ್ವೆತೋ ಕ್ಷೇತ್ರಡ್ ಸಾಧನೆ ಮಲ್ತಿನ ಮಹನೀಯೆರೆಗ್ ಮಾನದಿಗೆ ಮಲ್ಪುನ ಲೇಸ್ ಬೊಕ್ಕ ಅಂಬ್ಯುಲೆನ್ಸ್ ಲೋಕಾರ್ಪಣಾ ಲೇಸ್ ನ್ ಉದಿಪನ ಮಲ್ತಿನ ಅಮರನಾಥ ಅಜಿಲ ಅರಿಕಲ್ಲು ಪಾತೆರಿಯೆರ್.
ಮಂತ್ರದೇವತೆ ಸಾನಿಧ್ಯ ಕಟ್ಟೆಮಾರುದ ಧಮ೯ದಶಿ೯ಯಾಯಿನ ಶ್ರೀಯುತ ಮನೋಜ್ ಕಟ್ಟೆಮಾರು ಮೇರ್ ತಂಡದ ವತಿರ್ದ್ ಲೋಕಾಪ೯ಣೆ ಮಲ್ತಿನ ಆಂಬುಲೆನ್ಸ್ ಉದಿಪನ ಮಲ್ತ್ ಕಡೇಶಿವಾಲದ ಪರಿಸರದ ಅಗತ್ಯತೆಲೆನ್ ಗುರ್ತಿಸಾದ್ ತುತು೯ಪರಿಸ್ಥಿತಿಗ್ ಅಗತ್ಯವಾದ್ ಬೋಡಾಯಿನ ಆಂಬುಲೆನ್ಸ್ ಸೇವೆನ್ ಕೊರ್ತಿನವು ಸಂಘಟನೆ ಸಮಾಜ ಸೇವೆಗ್ ಕೊರ್ತಿನ ಕೈಗನ್ನಡಿ ಆತ್oಡ್ , ಅಗತ್ಯ ಸಮಯಡ್ ತಮ್ಮ ಸಾಕಾರ ಗ್ ಸಾನಿಧ್ಯ ರ್ದ್ ಬೋಡಾಯಿನ ಸೇವೆ ಕೊರ್ಪಿನಲ್ಪ ತಾನ್ ಸದಾ ಸಿದ್ದ ಪಂದ್ ಆಶ್ವಾಸನೆ ಕೊರಿಯೆರ್ .
ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆಯಿನ ಬಂಟ್ವಾಳ ತಾಲೂಕು ಸಹಾಯ ಕಾಯ೯ನಿವ೯ಹಣಾ ಇಂಜಿನಿಯರ್ ಶ್ರೀಯುತ ತಾರಾನಾಥ ಸಾಲ್ಯಾನ್ ಪಾತೆರ್ದ್ ಈ ಕೂಟ ನಿರಂತರವಾದ್ 13 ವರ್ಷರ್ದ್ ಜೋಕ್ಲೆಗ್ ಉಪ್ಪುನ ಪ್ರತಿಭೆನ್ ಗುರ್ತಿಸಾದ್ ವೇದಿಕೆ ಕೊರ್ಪಿನ, ಅಂಚನೇ ಬೇತೆ ಬೇತೆ ಕ್ಷೇತ್ರಡ್ ಸಾಧನೆ ಮಲ್ದಿನ ಕಲಾವಿದೆರೆನ್ ಗುರ್ತಿಸಾದ್, ಒಟ್ಟುಗು ಸಮಾಜ ಮಲ್ಪುನವು ಶ್ಲಾಘನೀಯ ಪಂದ್ ಪಂಡೆರ್.
ಈ ಲೇಸ್ ಡ್ ಅಂತರಾಷ್ಟ್ರೀಯ ಚೆಸ್ ವಿಜೇತ ಆಟಗಾತಿ೯ ಕುಮಾರಿ ಯಶಸ್ವಿ ಕುದುಮಾರ್, ಸಂಗೀತ ಕಲಾವಿದ ಶ್ರೀಯುತ ಚಂದ್ರಶೇಖರ್ ಆಚಾಯ೯, ಅಂತರಾಷ್ಟ್ರೀಯ ಬಾಲಪ್ರತಿಭೆ ಶ್ರಾವ್ಯ ಕುಪ್ಪೆಪದವು , 2020-21 ನೇ ಸಾಲ್ ದ ದ.ಕ.ಜಿಲ್ಲಾ ಮಟ್ಟದ ಉತ್ತಮ ಶಿಕ್ಷಕ ಪ್ರಶಸ್ತಿ ವಿಜೇತ ಶಿಕ್ಷಕಿ ಶ್ರೀಮತಿ ಸಂಗೀತ ಶಮ೯ ಪಿ.ಜಿ. ಮೆಕ್ಲೆಗ್ ಮಾನದಿಗೆ ಮಲ್ತೆರ್
ಲೇಸ್ ದ ಗುರ್ಕಾರ್ಮೆನ್ ವಯಿಸೊಂದಿನ ಮಾಣಿ ಕುಲಾಲ ಸಂಘದ ಗುರ್ಕಾರ್ಲಾಯಿನ ಶ್ರೀಯುತ ಭೋಜನಾರಾಯಣ ಕುಲಾಲ್ ಪಾತೆರ್ದ್ ಸಂಘಟನೆ ತಾನ್ ಬುಲೆಯುನ ಒಟ್ಟುಗು ನಿರಂತರವಾದ್ ಪರಿಸರದ ಅಗತ್ಯತೆನ್ ಮಲ್ತೊಂದು, ಸಾಧಕೆರೆನ್ ಗುರ್ತಿಸಾದ್ ಅಕ್ಲೆಗ್ ಬೆರಿ ಬೊಟ್ಟುದು ಪ್ರೋತ್ಸಾಹ ಕೊರ್ಪಿನವು ಬಾರಿ ಖುಷಿತ ಇಚಾರ ಪಂದ್ ಪಂಡೆರ್ .
ಲೇಸ್ ದ ರುವಾರಿಯಾಯಿನ ಶ್ರೀ ಚಿಂತಾಮಣಿ ಡಾನ್ಸ್ ಗ್ರೂಪ್ ನ ಕೊರಿಯೋಗ್ರಾಫರ್ ಆಯಿನ ಶ್ರೀಯುತ ಮಹೇಶ್ ಕುಲಾಲ್ ಮೆರೆಗ್ ಆರ್ನ ಜೋಕುಲು ಬೊಕ್ಕ ಊರುದಕ್ಲೆನ ಪರವಾದ್ ಮಾನದಿಗೆ ಮಲ್ತೆರ್.ಮಾನದಿಗೆ ಸ್ವೀಕಾರ ಮಲ್ತಿನ ಮೇರ್ ಪಾತೆರ್ದ್ ಒಂಜಿ ಆಕಸ್ಮಿಕ ಘಟನೆಡ್ ತನ್ನ ತಂದೆ ಜೀವನ್ಮರಣದ ಹೋರಾಟದ ಪೊರ್ತುಡು ಸೂಕ್ತ ಆಂಬುಲೆನ್ಸ್ ನ ಸಹಾಯ ತಿಕ್ಕoದೆ ತೀರ್ ಪೋಯಿನೆನ್ ನೆಂಪು ಮಲ್ತೆರ್ ಇಂಚಿನ ಕಷ್ಟ ಬೇತಕ್ಲೆಗ್ ಬರ್ರೆ ಬಲ್ಲಿ ಪಂದ್ ತುತು೯ ಸಮಯಡ್ ಮಾತೆರ್ನಲ ಅವಶ್ಯಕತೆಗ್ ಆಂಬುಲೆನ್ಸ್ ಸೇವೆ ಕೊರ್ಪಿನ ಹಿನ್ನೆಲೆ ತೆರಿಪಾಯೆರ್.
ಸಂಸ್ಥೆದ ಗುರ್ಕಾರ್ಲಾಯಿನ ಶ್ರೀಯುತ ಕಿಶೋರ್ ಕುಮಾರ್ ಕಟ್ಟೆಮಾರು ಮೇರ್ ಕೊರೋನಾ ರ್ದಾವರ ಕೊರ್ತಿನ ರಜೆತ ಪೊರ್ತುಡು ಜೋಕ್ಲೆಗ್ ತಮ್ಮ ಪ್ರತಿಭೆ ತೋಜಾಯರೇ ಅವಕಾಶ ತಿಕ್ಕೊಡು ಪನ್ಪಿನ ನೆಲೆಟ್ಟ್ ಆನ್ಲೈಡ್ ಪಂತ ನಡಪಾದ್ ಐತ ಫಲಿತಾಂಶ ಪಾರದಶ೯ಕತೆರ್ದ್ ಉಪ್ಪೊಡು ಪಂದ್ ಫೈನಲ್ ಸ್ಪರ್ಧೆನ್ ಬಯಲು ರಂಗಮಂಟಪಡ್ ಅಟ್ಟನೆ ಮಲ್ತಿನಿ ಪಂದ್ ಪಂಡೆರ್.
ಈ ಲೇಸ್ ಡ್ ಚಿಂತಾಮಣಿ ಹಬ್ ಅಪ೯ಣೆ ಮಲ್ಪುನ ಕಡೇಶಿವಾಲಯದ ಬೊಲ್ಪು ಬೊಕ್ಕ ಮಾಯೊದ ಮಾಣಿಕ್ಯ ಕೊರಗಜ್ಜನ ತುಳು ಭಕ್ತಿ ಗೀತೆ ಅಂಚನೇ ವೈರಿ ಪನ್ಪಿನ ಕಿರುಚಿತ್ರ, ಬೊಕ್ಕ ದಿ ನೆಕ್ಸ್ಟ ಬತ್೯ ಕ್ರಿಯೇಶನ್ಸ ಅರ್ಪಣೆ ಮಲ್ಪುನ ಕುಡ್ಲ ನಮ್ಮ ಊರು ಪನ್ಪಿನ ಕನ್ನಡ ಬೊಕ್ಕ ತುಳು ಚಲನಚಿತ್ರ ದ ಪೋಸ್ಟರ್ ಬುಡುಗಡೆ ಮಲ್ತೆರ್.
ಮತ್ತರ್ಮೆಡ್ ರವಿಪೂಜಾರಿ ಬೆಲಿಂಜ ಉದ್ಯಮಿ ಕುಡ್ಲ , ಸಂಪತ್ ಪೂಜಾರಿ ನೈತ್ತೋಡಿ ಉದ್ಯಮಿ ಮೂಡಬಿದ್ರೆ,ಸುರೇಶ್ ಬನಾರಿ ಗುರ್ಕಾರ್ಲು ಗ್ರಾ.ಪಂ. ಕಡೇಶಿವಾಲ, ಶೈಲೇಶ್ ಪೂಜಾರಿ ಕುಚ್ಚೆಗುಡ್ಡೆ ಶೈಲೇಶ್ ಕಂಪ್ಯೂಟರ್ಸ ಮೆಲ್ಕಾರ್, ಸದಾನಂದ ಬರಿಮಾರು ಮಾತೃಭೂಮಿ ಕಂನ್ಷ್ರಕ್ಷನ್ಸ ಬರಿಮಾರು,ನಾಗೇಶ್ ಕುಲಾಲ್ ಸಿವಿಲ್ ಇಂಜಿನಿಯರ್ ಎನ್ ಕೆ ಕಂನ್ಷ್ರಕ್ಷನ್ಸ ಪಾಣೆಮಂಗಳೂರು, ಹೇಮಂತ್ ಪೂಜಾರಿ ಮುಳಿಂಜ ಗ್ರಾ.ಪಂ.ಸದಸ್ಯೆರ್ ,ನವೀನ್ ಪೂಜಾರಿ ಕಾರಾಜೆ ಪೈಂಟಿಂಗ್ ಕಂಟ್ರಾಕ್ಟರ್ , ಹರೀಶ್ ಪೂಜಾರಿ ಸಿವಿಲ್ ಕಂಟ್ರಾಕ್ಟರ್ ಅನಂತಾಡಿ, ಜಗದೀಶ್ ಬಜ್ಯಾರ್ ಪೈಂಟಿಂಗ್ ಕಂಟ್ರಾಕ್ಟರ್ ಬೊಕ್ಕ ಯುವ ಉದ್ಯಮಿ ರಾಯಪ್ಪಕೋಡಿ,ಶೈನಿ ಆಚಾಯ೯ ಅಧ್ಯಕ್ಷರು ಡಾನ್ಸ್ ಫೆಡರೇಷನ್ ಪುತ್ತೂರು, ಸಂಪತ್ ಕೋಟ್ಯಾನ್ ಕಡೇಶಿವಾಲಯ, ಶ್ರೀಮತಿ ರೇವತಿ ಮಾಲಕರು ಅನುಗ್ರಹ ಕ್ಲೀನಿಕ್ ಪೆನೆ೯, ಶ್ರೀಮತಿ ಯಶವಂತಿ ಉಚ್ಚಿಲ್ ಗ್ರಹಕಕ್ಷಕರು ಪಾಂಡೇಶ್ವರ, ಪಾಲ್ ಪಡೆದಿತ್ತೆರ್ .ಐರ್ದ್ ಬೊಕ್ಕ ತುಳು ಚಿತ್ರರಂಗದ ಪುಗಾರ್ತೆ ಪಡೆಯಿನ ಕಲಾವಿದೆರ್ ಕೊರಿಯೋಗ್ರಾಫಸ್೯ನಕ್ಲೆನ ಒಟ್ಟು ಸೇರಿಗೆಡ್ ವೈಯಕ್ತಿಕ ಗಾಯನ, ನೃತ್ಯ, ಗುಂಪು ನೃತ್ಯ ಪಂತ ನಡಪಾದ್ ಪಾರಿತೋಷಕದೊಟ್ಟುಗು ಇನಾಮು ಪಟ್ಟಿಯೆರ್.
ಕಾಯ೯ದಶಿ೯ ಶ್ರೀಮತಿ ರೂಪ ಎಸ್ ಗೌಡ ಎದುಕೊಂಡೆರ್ , ರಾಜೇಶ್ ಎಸ್ ಬಲ್ಯ ಸೊಲ್ಮೆ ಸಂದೈತ ಮಲ್ತೆರ್. ಶ್ರೀಯುತ ಸುಖೇಶ್ ಬೊಕ್ಕ ಗೌತಮ್ ಲೇಸ್ ದ ನಿರೂಪಣೆ ಮಲ್ತೆರ್.
