ಕಾಸ್ರೋಡ್ ಸುದ್ದಿ | Kasargod News

ಕೋವಿಡ್ ನಿರ್ವಹಣೆ ಗ್ ನಳಿನ್ ಕುಮಾರ್ ಎಂಪಿ ನಿಧಿರ್ದ್ 2.5 ಕೋಟಿ ರೂ.

ಕುಡ್ಲ ಮೇ 12: ಬಿಜೆಪಿ ರಾಜ್ಯಾಧ್ಯಕ್ಶೆರ್ ಬೊಕ್ಕ ದಕ್ಷಿಣ ಕನ್ನಡ ಸಂಸದೆರಾಯಿನ ಶ್ರೀ ನಳಿನ್ ಕುಮಾರ್ ಕಟೀಲ್ ಮೆರ್ ಈ ಸಾಲ್ಡ್ ಬತ್ತಿನoಚಿನ ಸಂಸದೆರ್ನ ಪ್ರದೇಶಾಭಿವೃದ್ಧಿ ಸಂಪೂರ್ಣ ಅನುದಾನ ರೂಪಾಯಿ ರಡ್ಡರೆ ಕೋಟಿನ್ ಕೋವಿಡ್ 19 ನಿರ್ವಹಣೆಗ್ ದಕ್ಷಿಣ ಕನ್ನಡ ಜಿಲ್ಲಾಡಳಿತಗ್ ಕೊರ್ತೆರ್ .

ಜಿಲ್ಲೆಡ್ ಕೋವಿಡ್ 19 ಸಾಂಕ್ರಮಿಕ ರೋಗನ್ ಎದುರಿಸಾಯರೇ ಬೋಡಾಯಿನ ವೈದ್ಯಕೀಯ ಪರಿಕರಲೆನ್ ಪಾಡ್ಯರೆ ಈ ಅನುದಾನ ಉಪಯೋಗ ಮಲ್ಪರೆ ಸೂಚನೆ ಕೊರ್ತೆರ್.

ನಾಲ್ ರಾಜ್ಯದ ಮುಖ್ಯಮಂತ್ರಿನೊಟ್ಟಿಗೆ ಪ್ರಧಾನಿ ಮೋದಿ ಪಾತೆರ

ನವದೆಹಲಿ ಮೇ 10: ಕರ್ನಾಟಕ, ಪಂಜಾಬ್, ಬಿಹಾರ್ ಬೊಕ್ಕ ಉತ್ತರಾಖಂಡ ರಾಜ್ಯದ ಪರಿಸ್ಥಿತಿ ದ ಬಗ್ಗೆ ಆ ರಾಜ್ಯದ ಮುಖ್ಯಮಂತ್ರಿನಕ್ಲೆನೊಟ್ಟಿಗೆ ಪ್ರಧಾನಿ ನರೇಂದ್ರ ಮೋದಿ ಕೋಡೆ ಪಾತೆರ ಕತೆ ನಡಪಾದೆರ್.

ಕರಿನ ಕೆಲವು ದಿನರ್ದ್ ರಾಜ್ಯದ ಮುಖ್ಯಮಂತ್ರಿಲು ಬೊಕ್ಕ ಕೇಂದ್ರಾಡಳಿತ ಪ್ರದೇಶದ ಗವರ್ನರ್ ನಕ್ಲೆನೊಟ್ಟಿಗೆ ಪ್ರಧಾನಿ ಮೋದಿ ಕೋವಿಡ್ ಪರಿಸ್ಥಿತಿ ಬಗ್ಗೆ ಪಾತೆರೊಂದು ಸಲಹೆ ಕೊರೊಂದು ಉಲ್ಲೆರ್.ಕೋವಿಡ್-19 ರಡ್ಡನೆ ಅಲೆ ತಡೆಯುನ ನೆಲೆಟ್ಟ್ ದೆತೊoದಿನ ಕ್ರಮದ ಬಗ್ಗೆ ಮುಖ್ಯಮಂತ್ರಿಲು ಪ್ರಧಾನಿಗ್ ಮಾಹಿತಿ ಕೊರಿಯೆರ್ .

ಕರೊನಾಗ್ ಬಲಿಯಾಯಿನ ಮಾಜಿ ಸಂಸದ, ಮಾಜಿ ಸಚಿವ ಕೆ.ಬಿ. ಶಾಣಪ್ಪ

ಬೆಂಗ್ಳೂರು, ಮೇ 10: ರಾಜ್ಯಡ್ ಕರೊನಾ ಹಾವಳಿ ಕೈ ಮೀರ್ದುಂಡು , ಸೋಂಕುದ ಪ್ರಕರಣದ ಒಟ್ಟುಗು ಸೋಂಕುರ್ದು ಸೈಪಿನಕ್ಲೆನ ಸಂಖ್ಯೆಲಾ ಜಾಸ್ತಿ ಆವೊಂದು ಉಂಡು . ಅಂಚಿನ ಕರೊನಾಗ್ ಇತ್ತೆ ನನೊರಿ ರಾಜಕಾರಣಿ ಬಲಿಯಾತೆರ್ . ಕೋವಿಡ್-19 ಸೋಂಕು ಇತ್ತಿನ ಮಾಜಿ ಸಂಸದ, ಮಾಜಿ ಸಚಿವ ಕೆ.ಬಿ. ಶಾಣಪ್ಪ ಮೇರ್ ಕೋಡೆ ತೀರ್ ಪೋಯೆರ್. ಕರಿನ ಕೆಲವು ದಿನರ್ದ್ ಕರೊನಾ ಸೋಂಕು ಬತ್ದ್ ತೀವ್ರ ಆರೋಗ್ಯ ಸಮಸ್ಯೆ ಇತ್ತಿನ ಮೇರ್ , ಮರ್ದ್ ಫಲಕಾರಿಯಾವಂದೇ ಕೋಡೆ ತೀರ್ ಪೋಯೆರ್.