ಕಾಸ್ರೋಡ್ ಸುದ್ದಿ | Kasargod News

ತೌಖ್ತೇ ಚಂಡಮಾರುತರ್ದ್ ಶಾಂತ ಆಯಿನ ಸಸಿಹಿತ್ಲುದ ಕಡಲ್

May 17, 2021

ಹಳೆಯಂಗಡಿ, ಮೇ 17: ತೌಖ್ತೇ ಚಂಡಮಾರುತದ ಪರಿಣಾಮವಾದ್ ಶನಿವಾರ ಕುಡ್ಲದ ಸಸಿಹಿತ್ಲುದ ಕಡಲ್ ದ ಬರಿ ಐತಾರ ಕಾಂಡೆ ತಕ್ಕಮಟ್ಟ್ ಗ್ ಶಾಂತ ಆತುಂಡು , ಆಂಡಲಾ ಒವ್ವೆ ಪೊರ್ತುಡು ರೌದ್ರಾವತಾರ ದೆಪ್ಪುನ ಪೋಡಿಗೆಡ್ ನೆರೆಕರೆದಕುಲು ಉಲ್ಲೆರ್ .ರಡ್ಡ್ ದಿನಟ್ ಅಪಾರ ನಷ್ಟ ಆತುಂಡು ಪಂದ್ ಕೈತಲ್ ದಕುಲು ಪಂಡೆರ್.

ಮಲ್ಪೆ ಪಡುಕೆರೆ ಪ್ರದೇಶಗ್ ಒಡಿಪು ಜಿಲ್ಲಾಧಿಕಾರಿ ಜಿ.ಜಗದೀಶ್ ಭೇಟಿ

May 17, 2021

ಒಡಿಪು , ಮೇ 17: ಚಂಡಮಾರುತದ ಪ್ರಭಾವ ಜಿಲ್ಲೆಡ್ ಮಸ್ತ್ ಪರಿಣಾಮ ಬೂರ್ದುಂಡು . ನೇರ್ದಾವರ ಸಾರ್ವಜನಿಕ ಬೊಕ್ಕ ಖಾಸಗಿ ಆಸ್ತಿಪಾಸ್ತಿಲೆಗ್ ಬಾರಿ ನಷ್ಟ ಆತುಂಡು . ಜಿಲ್ಲೆಡ್ ಇತ್ತೇ ಮುಟ ಒಟ್ಟು 36 ಇಲ್ಲಗ್ ಹಾನಿಯಾತುಂಡು ಪಂದ್ ಒಡಿಪು ಜಿಲ್ಲಾಧಿಕಾರಿ ಜಿ.ಜಗದೀಶ್ ತೆರಿಪಾದೆರ್ .

ತೌಕ್ತೆ ಚಂಡಮಾರುತರ್ದ್ ಹಾನಿಯಾತಿನ ಮಲ್ಪೆ ಪಡುಕೆರೆ ಪ್ರದೇಶಗ್ ಐತಾರ ಭೇಟಿ ಕೊರ್ದು ಪರಿಶೀಲನೆ ನಡಪಾಯಿನ ಬೊಕ್ಕ ಆರ್ ಮಾಧ್ಯಮದಕ್ಲೇನೊಟ್ಟಿಗೆ ಪಾತೆರಿಯೆರ್ .

ಸುಮಾರ್ 60 ಜನನ್ ಸುರಕ್ಷಿತ ಜಾಗೆಗ್ ಕಡಪಾದೆರ್ ಐತ ಪ್ರಕಾರ, ಮಾತೆರ್ಲ ಅಕ್ಲೆನ ಇಲ್ಲಗ್ ಪೋಯೆರೆ ಸೂಚನೆ ಕೊರ್ತೆರ್ .

ಹೋಮ್‌ ಐಸೊಲೇಶನ್‌ಡ್ ಉಪ್ಪುನಕ್ಲೆನ್ ಸರಕಾರಿ ಐಸೋಲೇಶನ್‌ ಸೆಂಟರ್‌ಡೇ ದಾಖಲ್ ಮಲ್ಪರೆ ರಾಜ್ಯ ಸರಕಾರ ಆದೇಶ

May 17, 2021

ಕುಡ್ಲ, ಮೇ 17: ಕೊರೊನಾ ಪಾಸಿಟಿವ್‌ ಬತ್ದ್ ಇಲ್ಲಡ್ ಮರ್ದ್ (ಹೋಮ್‌ ಐಸೊಲೇಶನ್‌) ದೆತೊನೊಂದು ಉಪ್ಪುನಕ್ಲೆನ್ ನನ ಸರಕಾರಿ ಐಸೋಲೇಶನ್‌ ಸೆಂಟರ್‌ಡೇ ದಾಖಲ್ ಮಲ್ಪರೆ ರಾಜ್ಯ ಸರಕಾರ ತೀರ್ಮಾನ ಮಲ್ದುಂಡು.

ದಕ್ಷಿಣ ಕನ್ನಡ ಜಿಲ್ಲೆಡ್ ಪ್ರಸ್ತುತ ಇಲ್ಲಡ್ ಮರ್ದ್ ದೆತೊನೊಂದು ಉಪ್ಪುನ ಕೋವಿಡ್‌ ಪಾಸಿಟಿವ್‌ ಬತ್ತಿನ ಸೋಂಕುಪೀಡಿತೆರೆನ್ ಕೋವಿಡ್‌ ಕೇರ್‌ ಸೆಂಟರ್‌ಗ್ ಸ್ಥಳಾಂತರ ಮಲ್ಪುನ ಪ್ರಕ್ರಿಯೆ ಸುರು ಆತುಂಡು. ಜಿಲ್ಲೆಡ್ ಪ್ರಸ್ತುತ ಸುಮಾರ್ 12 ಸಾವಿರ ಜನ (ಒಟ್ಟು ಸೋಂಕುಪೀಡಿತೆರೆಡ್ ಶೇ.87) ಜನ ಇಲ್ಲಡ್ ಮರ್ದ್ ದೆತೊನೊಂದು ಉಲ್ಲೆರ್, 1,100 ಜನ ಆಸ್ಪತ್ರೆಡ್ ಚಿಕಿತ್ಸೆ ದೆತೊನೊಂದು ಉಲ್ಲೆರ್ .

ಉಳ್ಳಾಲಗ್ ಭೇಟಿ ಕೊರಿನ ಸಚಿವ ಅಂಗಾರ

May 17, 2021

ಉಳ್ಳಾಲ, ಮೇ 17: ವಾಯುಭಾರ ಕುಸಿತಗ್ ಪೋಡಿನ ಸೋಮೇಶ್ವರದ ಹಿಂದು ರುದ್ರಭೂಮಿ‌, ಸೋಮೇಶ್ವರ ಮೋಹನ್ ಬೊಕ್ಕ ಹೇಮಚಂದ್ರ ಮೆರ್ನ ಇಲ್ಲ್ , ಉಚ್ಚಿಲದ ರೋಹಿತ್ ಮಾಸ್ಟರ್, ನಾಗೇಶ್ ಉಚ್ಚಿಲ್, ರೂಪೇಶ್ ಉಚ್ವಿಲ್ ಬೊಕ್ಕ ಕಡಪ್ಪರ ಫ್ರೆಂಡ್ಸ್ ಕ್ಲಬ್ ಅಂಚನೆ ಬೆಟ್ಟಂಪಾಡಿ ಎಂಡ್ ಪಾಯಿಂಟ್ ದ ಕೈತಲ್ ಶನಿವಾರ ಪೋಯಿನ ಸಚಿವ ಅಂಗರ ಮೇರ್ ಸ್ಥಳೀಯೆರ್ , ಪಕ್ಷದ ಮುಖಂಡೆರ್ ಅಧಿಕಾರಿಲೆನ , ಸಂತ್ರಸ್ತೆರ್ನ ಒಟ್ಟುಗು ಪಾತೆರ್ದ್ ಪರಿಹಾರ ಕೊರ್ಪೆ ಪಂದ್ ಭರವಸೆ ಕೊರಿಯೆರ್.

ಐತ ಪ್ರಕಾರ ತುರ್ತು ಅಗತ್ಯ ಉಪ್ಪುನ ಸೋಮೇಶ್ವರದ ಹೇಮಚಂದ್ರ ಬೊಕ್ಕ ಮೋಹನ್ ಮೆರ್ನ ಇಲ್ಲದ ಕೈತಲ್, ಉಚ್ಚಿಲ ರೋಹಿತ್ ಮಾಸ್ಟರ್ ಬೊಕ್ಕ ರೂಪೇಶ್ ಉಚ್ಚಿಲ್, ನಾಗೇಶ್ ಉಚ್ವಿಲ್ ಮೆರ್ನ ಇಲ್ಲದ ಕೈತಲ್ ಸದ್ಯಗ್ ಇಲ್ಲ್ ರಕ್ಷಿಸಾಯರೇ ಕಾಮಗಾರಿ ನಡಪಾವುಲಕ ಸೂಚನೆ ಕೊರಿಯೆರ್ .

ಕಾಂಗ್ರೆಸ್ ವತಿರ್ದ್ ಜನಾಂದೋಲನ : ಐವನ್ ಡಿಸೋಜ

May 16, 2021

ಕುಡ್ಲ : ದೇಶದ ಜನಕ್ಲೆನ ಬೇನೆನ್ ಕೇಂದ್ರ ಸರ್ಕಾರದ ಗಮನಗ್ ಕನಪಿನ ನೆಲೆಟ್ಟ್ “ನಮಕ್ ಉಚಿತ ಲಸಿಕೆ ಕೊರ್ಲೆ , ‘ಲಸಿಕೆನ್ ನಿಗದಿತ ಪೊರ್ತುದ ಉಲಯಿ ಕೊರ್ಲೆ ಪನ್ಪಿನ ‘ ಜನಾಂದೋಲನನ್ ಐತಾರ (ಮೇ 16) ಕಾಂಗ್ರೆಸ್‌ ಸುರು ಮಲ್ಪರೆ ಉಂಡು ಪಂದ್ ಎಐಸಿಸಿ ಕಾರ್ಯದರ್ಶಿ ಐವನ್ ಡಿಸೋಜ ಪಂಡೆರ್ .

ಕೋವಿಡ್ ವಾರಿಯರ್ಸ್ ಗ್ ಸೊಲ್ಮೆ ಸಂದೈತ

May 16, 2021

ಕುಡ್ಲ ಮೇ 16: ‘ಜೀವದ ಹಂಗ್ ಬುರ್ದು ಮಾನವೀಯ ನೆಲೆಟ್ಟ್ ನಿಸ್ವಾರ್ಥ ಕಾರ್ಯ ಮಲ್ತೊಂದು ಉಪ್ಪುನ ವೈದ್ಯಕೀಯ ಸಿಬ್ಬಂದಿ ನಾಡ್ ದ ಅಮೂಲ್ಯ ಆಸ್ತಿಯಾತೆರ್ , ಸರ್ಕಾರ ನಿಕ್ಲೆನ ಮಾತ ಪರ ಉಲ್ಲೆರ್ ನಿಕ್ಲೆನ ಕುಟುಂಬ ಬೊಕ್ಕ ಅಕ್ಲೆನ ಆರೋಗ್ಯದ ಕಡೆ ಲಾ ಗೇನ ಕೊರ್ಲೆ ಪಂದ್ ಮುಖ್ಯಮಂತ್ರಿ ಬಿ.ಎಸ್‌.ಯಡಿಯೂರಪ್ಪ ಸೊಲ್ಮೆ ಸಂದೈತ ಮಲ್ತೆರ್ .

ಕೋವಿಡ್ ನಿಯಂತ್ರಣ ಪರಿಣಾಮಕಾರಿಯಾದ್ ಬೇಲೆ ಮಲ್ತೊಂದು ಉಪ್ಪುನ ರಾಜ್ಯದ ವೈದ್ಯೆರ್ ನೊಟ್ಟಿಗೆ ಶನಿವಾರ ವಿಡಿಯೊ ಸಂವಾದ ಮಲ್ತಿನ ಮೆರ್ ಸೊಲ್ಮೆ ಸಂದೈತ ಮಲ್ತೆರ್ . ಈ ಸಂವಾದಡ್ ನಗರದ ವೆನ್ಲಾಕ್ ಆಸ್ಪತ್ರೆದ ಡಾ. ಶರತ್‌ಬಾಬು ಪಾಲ್ ಪಡೆದಿತ್ತೆರ್ . ‌

ಬೀಡಿ ಉದ್ಯಮ ಸುರು ಮಲ್ಪರೆ ಸೂಚನೆ : ಜಿಲ್ಲಾ ಉಸ್ತುವಾರಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ

May 15, 2021

ಮೇ 15: ಕೋವಿಡ್‌ ಮಾರ್ಗಸೂಚಿನ್ ಅನುಸರಿಸಾವೊಂದು , ಬೀಡಿ ಉದ್ಯಮ ಸುರು ಮಲ್ಪರೆ ಜಿಲ್ಲಾ ಉಸ್ತುವಾರಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಸೂಚನೆ ಕೊರ್ತೆರ್ . ನೆತ್ತ ಪ್ರಕಾರ ಬೀಡಿ ಉದ್ಯಮದ ಪುನರಾರಂಭಗ್ ಅವಕಾಶ ಕೊರ್ತೆರ್ ಪಂದ್ ಸಹಾಯಕ ಕಾರ್ಮಿಕ ಆಯುಕ್ತೆರ್ ತೆರಿಪಾದೆರ್ .

ಕೋವಿಡ್ 2ನೇ ಅಲೆರ್ದಾವರ ಒಡಿಪು ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲೆಡ್ ಸುಮಾರ್ 4 ಲಕ್ಷರ್ದ್ ಜಾಸ್ತಿ ಜನ ಬೀಡಿ ಕಾರ್ಮಿಕೆರ್ ಬೇಲೆ ಇಜ್ಜಂದೆ ಸಂಕಷ್ಟಗ್ ಬುರ್ನಗ, ಬೀಡಿ ಕಟ್ಟುನ ಕಾರ್ಮಿಕೆರ್ ಗೃಹ ಕಾರ್ಮಿಕೇರಾತೆರ್. ಬೀಡಿ ಕಾರ್ಮಿಕೆರ್ನ ಸಮಸ್ಯೆದ ಬಗ್ಗೆ ಜಿಲ್ಲಾ ಉಸ್ತುವಾರಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಮೇರ್ , ಜಿಲ್ಲಾಧಿಕಾರಿಲು ಬೊಕ್ಕ ಪೊಲೀಸ್ ಕಮಿಷನರ್ ನ ಒಟ್ಟುಗು ಚರ್ಚೆ ಮಲ್ತೆರ್.

ಕುಡ್ಲಡ್ ಕೋವಿಡ್ ಟಾಸ್ಕ್ ಫೊರ್ಸ್ ಸಮಿತಿ ರಚನೆ

May 15, 2021

ಮೂಡುಬಿದಿರೆ, ಮೇ 15 : ತಾಲೂಕು ಕೋವಿಡ್ ಟಾಸ್ಕ್ ಫೊರ್ಸ್ ಸಮಿತಿದ ಸಭೆಯು ಗುರುವಾರ ಶಾಸಕ ಉಮಾನಾಥ ಕೋಟ್ಯಾನ್ ಮೆರ್ನ ಗುರ್ಕಾರ್ಮೆಡ್ ನಡತುಂಡು.

ಲಸಿಕೆ ಉಪ್ಪುನಗ ಜನಕುಲು ಪಿರ ಜಾರ್ದ್ ಇತ್ತೆರ್ ಜನರು ಇತ್ತೆ ಲಸಿಕೆಗಾದ್ ಮೇಲ್ ಗ್ ಬುರೊಂದು ಉಲ್ಲೆರ್ ಅಂಚಾದ್ ಪೂರೈಕೆಗ್ ಬಂಗ ಆವೊಂದು ಉಂಡು ಆಂಡಲಾ ಆಯಿನಾತ್ ಬೇಗ ಲಸಿಕೆ ಪೂರೈಕೆ ಮಲ್ಪರೆ ಸರಕಾರದ ಮಿತ್ತ್ ಒತ್ತಡ ಪಾಡುವ ಪಂದ್ ಶಾಸಕೆರ್ ಭರವಸೆ ಕೊರಿಯೆರ್ . ‌

ಸಂಜೆವಾಣಿ ಕುಡ್ಲ ಆವೃತ್ತಿದ ವ್ಯವಸ್ಥಾಪಕ ವಿಜಯ್ ರಾವ್ ನಿಧನ

May 14, 2021

ಕುಡ್ಲ ,ಮೇ 14 : ಸಂಜೆವಾಣಿ ಪತ್ರಿಕೆದ ಕುಡ್ಲ ಆವೃತ್ತಿದ ವ್ಯವಸ್ಥಾಪಕ ವಿಜಯ್. ಎಸ್. ರಾವ್ (55) ಮೇರ್ ಕೋಡೆ ರಾತ್ರಿ ತೀರ್ ಪೋಯೆರ್.ಕೊರೋನ ಸೋಂಕುರ್ದು ಇತ್ತಿನ ವಿಜಯ್ ಮೇರ್ ಕರಿನ ರಡ್ಡ್ ವಾರರ್ದ್ ಆಸ್ಪತ್ರೆದ ತೀವ್ರ ನಿಗಾ ಘಟಕಡ್ ಚಿಕಿತ್ಸೆ ಪಡೆಯೊಂದು ಇತ್ತೆರ್ . ಆಂಡ ಮರ್ದ್ ಗ್ ಸ್ಪಂದನೆ ಮಲ್ಪಂದೆ ಕೋಡೆ ರಾತ್ರಿ ತೀರ್ ಪೋಯೆರ್.

ಕರಿನ 18 ವರ್ಷರ್ದ್ ಕುಡ್ಲ ಸಂಜೆವಾಣಿ ಆವೃತ್ತಿಡ್ ವ್ಯವಸ್ಥಾಪಕ ಹುದ್ದೆಡಿತ್ತಿನ ವಿಜಯ್ ಮೇರ್ , ಸರಳ, ಸಜ್ಜನಿಕೆ ಬೊಕ್ಕ ತೆಲಿಕೆ ಮೋನೆದ ಮುಖೇನ ಮಾತೆರ್ನ ಮನ ಗೆಂದ್ ದಿತ್ತೆರ್. ಸಂಜೆವಾಣಿ ಪತ್ರಿಕೆದ ವ್ಯವಸ್ಥಾಪಕ ನಿರ್ದೇಶಕ ಬಿ.ಟಿ. ಆಮುದನ್, ಸಂಜೆವಾಣಿ ಪತ್ರಿಕೆದ ಮಾತಾ ಆವೃತ್ತಿದ ಸಂಪಾದಕೀಯ ಬಳಗ ಬೊಕ್ಕ ಮಾತಾ ಸಿಬ್ಬಂದಿ ವರ್ಗ ಕಣ್ಣ ನೀರ ಪನಿತರ್ಪಣ ಮಲ್ದೆರ್.

ಮುಲ್ಕಿ ತಾಲೂಕುಡು 2 ಕೋವಿಡ್ ಕೇರ್ ಕೇಂದ್ರ ಸ್ಥಾಪನೆ: ಶಾಸಕ ಉಮಾನಾಥ ಕೋಟ್ಯಾನ್

May 14, 2021

ಮುಲ್ಕಿ : ತಾಲೂಕುಡು ಕೋವಿಡ್ ಕೇಸ್ ಜಾಸ್ತಿ ಆವೊಂದಿತ್ತಿನೆರ್ದಾವರ ಮುಲ್ಕಿದ ಕಾರ್ನಾಡ್ ಬೊಕ್ಕ ಕಿನ್ನಿಗೋಳಿದ ಮೆನ್ನಬೆಟ್ಟುಡು 2 ಕೋವಿಡ್ ಕೇರ್ ಸೆಂಟರ್ ಸ್ಥಾಪನೆ ಮಲ್ತೊಂದುಲ್ಲ ಪಂಡ್ ದ್ ಮುಲ್ಕಿ – ಬೆದ್ರ ಶಾಸಕೆರ್ ಉಮಾನಾಥ ಕೋಟ್ಯಾನ್ ತೆರಿಪಾಯೆರ್.

ಮುಲ್ಕಿ ಸಮುದಾಯ ಭವನೊಡು ಗುರುವಾರ ನಡತಿನ ತಾಲೂಕು ಕೋವಿಡ್ ಕಾರ್ಯ ಪಡೆತ್ತ ರಡ್ಡನೇ ಪ್ರಗತಿ ಪರಿಶೀಲನೆ ಸಭೆತ್ತ ಗುರ್ಕಾರ್ಮೆ ಒಯಿಸ್ ದ್ ಆರ್ ಪಾತೆರಿಯೆರ್.
ಕಾರ್ನಾಡ್ ದ ಡಿವೈನ್ ಸೆಂಟರ್ ಡ್ 160 ಬೆಡ್ ದ ಕೋವಿಡ್ ಕೇರ್ ಸೆಂಟರ್ ಸುರು ಆಪುಂಡು. ಮೆನ್ನಬೆಟ್ಟುದ ಮೊರಾರ್ಜಿ ದೇಸಾಯಿ ಶಾಲೆಡ್ 160 ಸೇರ್ದ್ ಒಟ್ಟು 320 ಬೆಡ್ ದ ವ್ಯವಸ್ಥೆ ಮಲ್ದ್ಂಡ್ ಪಂಡೆರ್.ಕೋವಿಡ್ ಲಕ್ಷಣ ಇತ್ತಿನಕುಲು ಮಾತೆರ್ಲ ಟೆಸ್ಟ್ ಮಲ್ಪಾಲೆ. ಏರ್ಲಾ ಪೋಡ್ಯುನ ಬೊಡ್ಚಿ. ಒಡಿಪುದ ಯುವ ಉದ್ಯಮಿ ಒರಿ ಟೆಸ್ಟ್ ಮಲ್ಪಾವಂದೆ ಎಂಕ್ಲೆನ ಒತ್ತಾಯೊಡು ಕಡೆ ಕಾಲೊಗು ಚಿಕಿತ್ಸೆಗ್ ಪೋದು ಜೂವ ಕಳೆವೊಂಡೆರ್. ಕೆಮ್ರಾಲ್ ವ್ಯಾಪ್ತಿಡ್ ರಡ್ಡ್ ಜನ ಆರೋಗ್ಯ ಕಾರ್ಯಕೆರ್ತೆರ್ ಎಚ್ಚೆರ್ಗೆ ಕೊರ್ಂಡಲ ನಿರ್ಲಕ್ಷ್ಯ ಮಲ್ತ್ ದ್ 2 ಜನ ತೀರ್ ಪೋತೆರ್. ಉಂದು ನಮಕ್ಕ್ ದೇವೆರ್ ಕೊರಿನ ಶಿಕ್ಷೆ ಅತ್ತ್. ಪರೀಕ್ಷೆ. ಉಂದೆಟ್ಟ್ ಮಾತೆರ್ಲ ಪಾಸ್ ಆವೊಡು. ಕೋವಿಡ್ ಕಾರ್ಯ ಪಡೆತ್ತ ಮಾತೆರ್ಲ ನೆಟ್ಟ್ ಸಕ್ರಿಯವಾದ್ ಪಾಲ್ ಪಡೆವೊಡು. ಜನೊಕ್ಲೆಗ್ ಧೈರ್ಯ ದಿಂಜಾವೊಡು. ಪರೀಕ್ಷೆ ಮಲ್ಪಾವರೆ, ವ್ಯಾಕ್ಸಿನೇಶನ್ ಪಾಡಾವರೆ ಪ್ರೋತ್ಸಾಹ ಕೊರೊಡು ಪಂಡೆರ್.
ಮುಲ್ಕಿ ಸರಕಾರಿ ಆಸ್ಪತ್ರೆದ ವೈದ್ಯಾಧಿಕಾರಿ, ನೋಡಲ್ ಆಫೀಸರ್ ಡಾ.ಕೃಷ್ಣ ಪಾತೆರ್ದ್, ಜ.18 ರ್ದ್ 3750 ಜನೊಕ್ಲೆಗ್ ವ್ಯಾಕ್ಸಿನ್ ಕೊರ್ತುಂಡು. ಸದ್ಯೊಗು 2 ನೇ ಡೋಸ್ ದ ಮಾಹಿತಿ ಬೈದಿಜಿ ಪಂಡೆರ್.

ಕೆಮ್ರಾಲ್ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಡಾ.ಚಿತ್ರಾ ಪಾತೆರ್ದ್, ಮಾರ್ಚ್ 16 ರ್ದ್ 3512 ಜನಕ್ಕ್ ವ್ಯಾಕ್ಸಿನೇಶನ್ ಮಲ್ತ್ ದ ಪಂಡೆರ್.
ತಹಶೀಲ್ದಾರ್ ಕಮಲಮ್ಮ, ಮುಲ್ಕಿ ನಗರ ಪಂಚಾಯ್ತಿ ಸಿಇಒ ಚಂದ್ರ ಪೂಜಾರಿ, ಗ್ರಾಮಾಂತರ ಇಒ ನಾಗರಾಜ್, ಮುಲ್ಕಿ ಸ್ಟೇಶನ್ ದ ಇನ್ಸ್ ಪೆಕ್ಟರ್ ಕುಸುಮೋಧರ್, ಡಾ. ಭಾಸ್ಕರ ಕೋಟ್ಯಾನ್, ನಗರ ಪಂಚಾಯ್ತಿ ಅಧ್ಯಕ್ಷೆರ್ ಸುಭಾಷ್ ಶೆಟ್ಟಿ, ಉಪಾಧ್ಯಕ್ಷೆರ್ ಸತೀಶ್ ಅಂಚನ್ ಮಿತ್ತರ್ಮೆಡ್ ಇತ್ತೆರ್.ಮುಲ್ಕಿ ತಾಲೂಕು ವ್ಯಾಪ್ತಿಡ್ ಬರ್ಪಿನ 7 ಗ್ರಾಮ ಪಂಚಾಯ್ತಿ, 2 ನಗರ ಪಂಚಾಯ್ತಿದ ಪಿಡಿಒನಕುಲು, ಸಿಬ್ಬಂದಿಲು, ಕೋವಿಡ್ ವಾರಿಯರ್ಸ್, ಆಶಾ ಕಾರ್ಯಕರ್ತೆ ರ್ ಸಭೆಟ್ಟ್ ಪಾಲ್ ಪಡೆತೆರ್.ನಗರ ಪಂಚಾಯ್ತಿ ಮಾಜಿ ಅಧ್ಯಕ್ಷೆರ್ ಸುನಿಲ್ ಆಳ್ವ ಸಭೆತ್ತ ಸುಧಾರ್ಮೆ ಮಲ್ತ್ ದ್ ಸೊಲ್ಮೆ ಸಂದಾಯೆರ್.