ಕಾಸ್ರೋಡ್ ಸುದ್ದಿ | Kasargod News

ಲಯನ್ಸ್ ಕ್ಲಬ್ 317ಸಿಗ್ ರಾಷ್ಟ್ರ ಮಟ್ಟಡ್ ಸುರುತ್ತ ಸ್ಥಾನ : ನೀಲಕಂಠ ಹೆಗಡೆ

ಹೆಬ್ರಿ, ಮೇ 28: ಲಯನ್ಸ್ ಜಿಲ್ಲೆ 317ಸಿ ಜಿಲ್ಲಾ ಗವರ್ನರ್ ನೀಲಕಂಠ ಎಂ. ಹೆಗಡೆ ಸಾರಥ್ಯಡ್ ಅಭೂತಪೂರ್ವ ಸಾಧನೆದೊಟ್ಟುಗು ಜಾಗತಿಕ ಮಟ್ಟದ ಮನ್ನಣೆ ದೆತೊನ್ದುಂಡು . ನಾಲ್ ಕಂದಾಯ ಜಿಲ್ಲೆ ಆಯಿನ ಒಡಿಪು , ಶಿವಮೊಗ್ಗ, ದಾವಣಗೆರೆ ಬೊಕ್ಕ ಚಿತ್ರದುರ್ಗನ್ ಉಪ್ಪುನ ಲಯನ್ಸ್ ಜಿಲ್ಲೆ ಲಿಯೋ ಕ್ಲಬ್‌ಲೆನ್ ವಿಸ್ತರಣೆ ಮಲ್ಪುನಲ್ಪ ರಾಷ್ಟ್ರಮಟ್ಟಡ್ ಸುರುತ್ತ ಸ್ಥಾನ ಪಡೆದುಂಡು .

ಜಗತ್ತ್ ದ 210 ರಾಷ್ಟ್ರಡ್ 765 ಜಿಲ್ಲೆಡ್ ಪ್ರಸ್ತುತ ವರ್ಷ ಲಯನ್ಸ್ ಜಿಲ್ಲೆ 317ಸಿ ಸುರುತ್ತ ಸ್ಥಾನ ಪಡೆತಿನವು ನಂಕ್ ಪೆರ್ಮೆದ ಇಚಾರ ಪಂದ್ ಗವರ್ನರ್ ನೀಲಕಂಠ ಎಂ.ಹೆಗೆ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.

ವೆನ್ಲಾಕ್ ಆಸ್ಪತ್ರೆಗ್ ಜಿಲ್ಲಾಧಿಕಾರಿ ಭೇಟಿ

ಕುಡ್ಲ ,ಮೇ 28 : ಪೇಂಟೆದ ವೆನ್ಲಾಕ್ ಆಸ್ಪತ್ರೆಡ್ ಕೋವಿಡ್ ಸೋಂಕಿತೆರ್ನ ಚಿಕಿತ್ಸೆಗಾದ್ ದೆತೊದಿoನ ಮೂಲ ಸೌಕರ್ಯದ ಅಭಿವೃದ್ಧಿ ಕಾಮಗಾರಿನ್ ದ.ಕ. ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ.ವಿ. ಗುರುವಾರ ವೀಕ್ಷಣೆ ಮಲ್ತೆರ್ .

ಐರ್ದ್ ಬೊಕ್ಕ ಪಾತೆರಿನ ಆರ್ ಇತ್ತೆ ಪೇಂಟೆಡ್ ಕೊರೋನ ಸೋಂಕು ತಡೆಗ್ ಮಾತಾ ರೀತಿದ ಕ್ರಮ ದೆತೊoದೆರ್. ಮೂಜನೆ ಅಲೆ ಬತ್ತುಂಡಲ ಸಮಸ್ಯೆಯಾಲವಂದಿಲಕ ಮಾತಾ ಕೋವಿಡ್ ಸೋಂಕಿತೆರ್ನ ಆರೈಕೆಗಾದ್ ಪೇಂಟೆದ ಆರೋಗ್ಯ ಮೂಲ ಸೌಕರ್ಯನ್ ಜಾಸ್ತಿ ಮಲ್ತ್ ದ್ ಉತ್ತಮ ಗುಣ ಮಟ್ಟದ ಚಿಕಿತ್ಸೆನ್ ಒದಗಿಸಾಯೆರೆ ಜಿಲ್ಲಾಡಳಿತ ಮಾತಾ ಅಗತ್ಯ ಕ್ರಮಕ್ಲೆನ್ ದೆತೊoದೆರ್ ಪಂದ್ ಪಂಡೆರ್.

ಕೋವಿಡ್ ಲಾಕ್ ಡೌನ್ ನೆಲೆಟ್ಟ್ : ಸಾಲ ಪಿರ ಕೊರಿಯೆರೆ ಒತ್ತಾಯ ಮಲ್ತುಂಡ ದೂರು ಕೊರ್ಲೆ : ದ.ಕ ಜಿಲ್ಲಾಧಿಕಾರಿ

ಕುಡ್ಲ , ಮೇ 28: ಕೊರೋನ ಸೋಂಕು ತಡೆಗಟ್ಟರೆ ಅಧಿಕ ಸಂಖ್ಯೆಡ್ ಜನಕುಲು ಸೇರ್ಪಡೆಯಾಪಿನೆನ್ ಉಂತಾಯೆರೆ ದ.ಕ.ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ. ಪೊಸ ಆದೇಶ ಒಂಜಿ ಕೊರ್ತೆರ್. ಮೈಕ್ರೋ ಫೈನಾನ್ಸ್‌ಲು , ಸಹಕಾರಿ ಸಂಘಲು , ಬೇತೆ ಹಣಕಾಸು ಸಂಸ್ಥೆಲು ಸಾಲ ಮರುಪಾವತಿಗಾದ್ ಸಾಲಗಾರೆರೆನ್ ಒತ್ತಾಯ ಮಲ್ಪರೆ ಬಲ್ಲಿ ಪಂದ್. ಐತ ಮೇಲ್ವಿಚಾರಣೆಗಾದ್ ರಡ್ಡ್ ಜನ ನೋಡಲ್ ಅಧಿಕಾರಿಲೆನ್ ಲಾ ಜಿಲ್ಲಾಧಿಕಾರಿ ನೇಮಕ ಮಲ್ದೆರ್ .

ಒವ್ವೆ ರೀತಿದ ಒತ್ತಡ ಪಾಡುಂಡ ಲೀಡ್ ಬ್ಯಾಂಕ್ ಮ್ಯಾನೇಜರ್ ಪ್ರವೀಣ್ (9449860916), ಸಹಕಾರಿ ಸಂಘದ ಉಪನಿಬಂಧಕ ಪ್ರವೀಣ್ ಬಿ.ನಾಯಕ್ (9448633338)ಮೆರೆನ್ ಗ್ ಲೆಪ್ಪು ಕೊರೋಲಿ ಪಂದ್ ಪಂಡೆರ್ .

ಲಸಿಕೆ ಕೊರಿಬೊಕ್ಕ ಪರೀಕ್ಷೆ ಮಲ್ಪಾಲೆ : ಎನ್ಎಸ್ ಯುಐ ಆಗ್ರಹ

ಕುಡ್ಲ , ಮೇ 28: ಲಸಿಕೆಇಲ್ಲದೆ ಇಜ್ಜಂದೆ ಪರೀಕ್ಷೆ ಬೊರ್ಚಿ , ಜೋಕ್ಲೆನ ಶುಲ್ಕಡ್ ಶೇ.50 ದಾತ್ ರಿಯಾಯಿತಿ ಕೊರೊಡು . ಕೊರೋನ ಸೋಂಕುರ್ದು ಪೋಷಕೆರೆನ್ ಕಳೆಯೊಂದಿನ ಜೋಕ್ಲೆಗ್ ಉಚಿತ ಶಿಕ್ಷಣ ಕೊರೊಡು ಪಂದ್ ಬೇಡಿಕೆನ್ ಈಡೇರಿಸಾವೊಡು ಎನ್‌ಎಸ್‌ಯುಐ ದ.ಕ. ಜಿಲ್ಲಾಧ್ಯಕ್ಷ ಸವಾದ್ ಸುಳ್ಯ ಪಂಡೆರ್ .

ಪೇಂಟೆದ ಮಲ್ಲಿಕಟ್ಟೆದ ಕಾಂಗ್ರೆಸ್ ಭವನಡ್ ಗುರುವಾರ ಸುದ್ದಿಗೋಷ್ಠಿಡ್ ಪಾತೆರಿನ ಮೆರ್ ಕೊರೋನ ಮೂಜನೆ ಅಲೆತ ಮುನ್ಸೂಚನೆ ಉಂಡು , ಜೋಕುಲು ಬೊಕ್ಕ ಪೋಷಕೆರ್ಡ ಪೋಡಿಗೆ ಪುಟ್ಟಾದುಂಡು.

ಸುದ್ದಿಗೋಷ್ಠಿಡ್ ಎನ್‌ಎಸ್‌ಯುಐ ಜಿಲ್ಲಾ ಉಪಾಧ್ಯಕ್ಷೆರಾಯಿನ ಆಸ್ಟನ್ ಸ್ವಿಕ್ವೇರಾ, ಅಂಕುಶ್ ಶೆಟ್ಟಿ, ನಿಕಿಲ್ ಪೂಜಾರಿ, ಮುಖಂಡೆರಾಯಿನ ಪವನ್ ಸಾಲ್ಯಾನ್, ಶಫೀಕ್, ರಿಲ್ವಾನ್ ಪಾಲ್ ಪಡೆದಿತ್ತೆರ್.

ಅಗತ್ಯ ಸಾಮಗ್ರಿ ಖರೀದಿ ಮಲ್ಪರೆ ಜಾಸ್ತಿ ಪೊರ್ತು ಅವಕಾಶ ಕೊರ್ರೆ ಮನವಿ

ಕುಡ್ಲ , ಮೇ 28: ಕೊರೋನ ನಿಗ್ರಹದ ನೆಲೆಟ್ಟ್ ಲಾಕ್‌ಡೌನ್ ನಡುಟುಲಾ ಅಗತ್ಯ ಸಾಮಗ್ರಿಲೆದ ಖರೀದಿದ ಪೋರ್ತೆ ಕೊರೋನ ಸೋಂಕು ಜಾಸ್ತಿ ಆಯೆರೆ ಕಾರಣ ಆಪಿನ ಸಾಧ್ಯತೆ ಉಂಡು. ಅಂಚಾದ್ ಅಗತ್ಯ ಸಾಮಗ್ರಿ ಖರೀದಿ ಅವಧಿ ಜಾಸ್ತಿ ಮಲ್ಪೋಡು ಪಂದ್ ಕಂಕನಾಡಿ ಮಾರುಕಟ್ಟೆ ವ್ಯಾಪಾರಸ್ಥರ ಸಂಘದ ಗುರ್ಕಾರ್ಲಾಯಿನ ಅಲಿ ಹಸನ್ ಮನವಿ ಮಲ್ದೆರ್ .

ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ವತಿರ್ದ್ ಜವಹರಲಾಲ್ ನೆಹರು ಪುಣ್ಯತಿಥಿ

ಕುಡ್ಲ , ಮೇ 28: ದ.ಕ.ಜಿಲ್ಲಾ ಕಾಂಗ್ರೆಸ್ ಸಮಿತಿದ ವತಿರ್ದ್ ದೇಶದ ಪ್ರಥಮ ಪ್ರಧಾನಿ ಪಂಡಿತ್ ಜವಾಹರ್ ಲಾಲ್ ನೆಹರೂ ಪುಣ್ಯತಿಥಿ ಗುರುವಾರ ಪೇಂಟೆದ ಮಲ್ಲಿಕಟ್ಟೆದ ಕಾಂಗ್ರೆಸ್ ಕಚೇರಿಡ್ ನಡತುಂಡು.

ಈ ಪೊರ್ತುಡು ಪೆರಿಯ ಸ್ವಾತಂತ್ರ್ಯ ಹೋರಾಟಗಾರ, ಶತಾಯುಷಿ ಎಚ್.ಎಸ್. ದೊರೆಸ್ವಾಮಿ, ವಿಧಾನಸಭೆ ಮಾಜಿ ಸ್ಪೀಕರ್ ಕೆ.ಆರ್.ಪೇಟೆ ಕೃಷ್ಣ ಸೇರಿನಂಚ ತೀರ್ ಪೋಯಿನ ಗಣ್ಯೆರೆಗ್ ಶ್ರದ್ಧಾಂಜಲಿ ಮಲ್ತೆರ್ .

ಲೇಸ್ ಡ್ ಜಿಲ್ಲಾ ಮಹಿಳಾ ಕಾಂಗ್ರೆಸ್ ಗುರ್ಕಾರ್ಲಾಯಿನ ಶಾಲೆಟ್ ಪಿಂಟೊ, ಜಿಲ್ಲಾ ಕಾಂಗ್ರೆಸ್ ಒಬಿಸಿ ಗುರ್ಕಾರ್ಲಾಯಿನ ವಿಶ್ವಾಸ್ ಕುಮಾರ್ ದಾಸ್, ಜಿಲ್ಲಾ ಕಾಂಗ್ರೆಸ್ ಕಾರ್ಮಿಕ ಘಟಕಾಧ್ಯಕ್ಷ ಲಾರೆನ್ಸ್ ಡಿಸೋಜ, ರಾಜೀವ್ ಗಾಂಧಿ ಪಂಚಾಯತ್‌ರಾಜ್ ಸಂಘಟನೆದ ಗುರ್ಕಾರ್ಲಾಯಿನ ಶುಭೋದಯ ಆಳ್ವ, ಎನ್‌ಎಸ್‌ಯುಐ ಜಿಲ್ಲಾಧ್ಯಕ್ಷ ಸವಾದ್ ಸುಳ್ಯ, ಕಾರ್ಪೊರೇಟರ್‌ ಆಯಿನ ಜೆಸಿಂತಾ ವಿಜಯ್ ಆಲ್ಫ್ರೆಡ್, ಕೇಶವ ಮರೋಳಿ, ಮುಖಂಡೆರಾಯಿನ ಪದ್ಮನಾಭ ಅಮೀನ್, ಮುಹಮ್ಮದ್ ಕುಂಜತ್ತಬೈಲ್, ಶಬ್ಬೀರ್ ಎಸ್, ಅಬ್ದುಲ್ ಖಾದರ್ ಏರ್‌ಪೋರ್ಟ್, ನಝೀರ್ ಬಜಾಲ್, ಸಿ.ಎಂ.ಮುಸ್ತಫಾ, ನವಾಝ್ ಜೆಪ್ಪು, ಎ.ಆರ್.ಇಮ್ರಾನ್, ಫಯಾಝ್, ಯೂಸುಫ್ ಉಚ್ಚಿಲ್ ಪಾಲ್ ಪಡೆದ್ ಇತ್ತೆರ್.

ಪೌರ ಕಾರ್ಮಿಕೆ ಅರುಣ್ ಕುಮಾರ್ ಗ್ ಹೊಸ ಅಂಗಣದ ಮಾನಾದಿಗೆ

ಮುಲ್ಕಿ : ಕೋವಿಡ್ ದಂಚಿನ ಸೀಕ್ ದ ಪೊರ್ತುಡು ತನ್ನ ಜೀವದ ಮಿತ್ತ್ ದ ಆಸೆ ದೀವಂದೆ ಪ್ರಾಮಾಣಿಕವಾದ್ ಸ್ವಚ್ಛತೆದ ಕೆಲಸ ಮಲ್ಪುನ ಪೌರ ಕಾರ್ಮಿಕೆರೆನ್ ನಮ ನಿಜವಾದ್ ಲ ಗುರ್ತಿಸಾದ್ ಗೌರವ ಮಲ್ಪೊಡು ಪಂಡ್ ದ್ ಧರ್ಮದರ್ಶಿ ಹರಿಕೃಷ್ಣ ಪುನರೂರು ಪಂಡೆರ್.
ಮುಲ್ಕಿಡ್ ಗುರುವಾರ ಕಾಂಡೆ ನಡತಿನ ಹೊಸ ಅಂಗಣ ಪತ್ರಿಕೆದ ಸಂಚಿ ಬುಡುಗಡೆ ಬೊಕ್ಕ “ತಿಂಗೊಲ್ದ ಬೊಲ್ಪು” ಸರಣಿ ಮಾನಾದಿಗೆದ ಲೇಸ್ ದ ಗುರ್ಕಾರ್ಮೆ ಒಯಿಸ್ ದ್ ಆರ್ ಪಾತೆರಿಯೆರ್.
ಮುಲ್ಕಿ ರೋಟರಿ ಕ್ಲಬ್ ದ ಗುರ್ಕಾರ್ಲು ಅಶೋಕ್ ಕುಮಾರ್ ಶೆಟ್ರ್ ಪಾತೆರ್ದ್, ಕೊರೊನಾ ವಾರಿಯರ್ಸ್ ನ್ ಮಾನಾದಿಗೆ ಮಲ್ದಿನ ಹೊಸ ಅಂಗಣ ಪತ್ರಿಕೆದ ಕೆಲಸ ಮೆಚ್ಚೊಡಾಯಿನವು ಪಂಡೆರ್.

ಉಂದುವೇ ಪೊರ್ತುಡು ಮುಲ್ಕಿ ನಗರ ಪಂಚಾಯ್ತಿದ ಪೌರ ಕಾರ್ಮಿಕೆ ಅರುಣ್ ಕುಮಾರ್ ಮೆರೆನ ಮಾನಾದಿಗೆ ನಡತ್ಂಡ್.
ಮುಲ್ಕಿ ಬಿಲ್ಲವ ಸಂಘದ ಗುರ್ಕಾರ್ಲು ರಮೇಶ್ ಅಮೀನ್ ಕೊಕ್ಕರಕಲ್, ನಿವೃತ್ತ ಪ್ರಾಚಾರ್ಯೆರ್ ವೈ.ಎನ್.ಸಾಲ್ಯಾನ್, ಪುರಂದರ ಸಾಲ್ಯಾನ್, ಅಬ್ದುಲ್ ರಜಾಕ್ ಮೊಕುಲು ಮಾತ ಬಿನ್ನೆರಾದ್ ಬತ್ತಿತ್ತೆರ್.ಹೊಸ ಅಂಗಣ ಪತ್ರಿಕೆದ ಸಂಪೊಲಿಗೆದಾರ್ ಡಾ.ಹರಿಶ್ಚಂದ್ರ ಪಿ.ಸಾಲ್ಯಾನ್ ಬಿನ್ನೆರೆನ್ ಎದ್ಕೊಂಡೆರ್.ವಿಜಯ ಕುಮಾರ್ ಕುಬೆವೂರು ಲೇಸ್ ನಡಪಾದ್ ಕೊರಿಯೆರ್.

ಯೋಗಪಟು ಕೊರೊನಗ್ ಬಲಿ

ಸುಳ್ಯ ಮೇ 27: ಬೆಳ್ಳಾರೆ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂಘದ ಸಿಬ್ಬಂದಿ, ಯೋಗಪಟು ಆದಿತ್ಯ ಬೆಳ್ಳಾರೆ(52) ಕೋಡೆ ಕಾಂಡೆ ಕುಡ್ಲದ ಆಸ್ಪತ್ರೆಡ್ ತೀರ್ ಪೋಯೆರ್.

ಮೃತೆರ್ ಪತ್ನಿ, ಒರಿ ಮಗೆ ಮಗಲ್ ಅಂಚನೆ ಇಷ್ಟ ಮಿತ್ರೆರೆರ್ದ್ ದೂರ ಆತೆರ್.

ಕೆಲವು ದಿನರ್ದ್ ಹುಷಾರ್ ದಾoತಿನ ಮೆರೆನ್ ಸುಳ್ಯ ಸರಕಾರಿ ಆಸ್ಪತ್ರೆಗ್ ಸೇರಾದ್ ಮರ್ದ್ ಕೊರ್ಪಾಂಡಲಾ ಕೋವಿಡ್ ಪಾಸಿಟಿವ್ ಆಯಿನೆರ್ದ್ ಮರ್ದ್ ಫಲಕಾರಿಯಾವಂದೆ ತೀರ್ ಪೋಯೆರ್.

ಮದನಿಯ್ಯ ಸಾದಾತ್ ಫೌಂಡೇಶನ್ ವತಿರ್ದ್ ಸಾದಾತುಲೆಗಾದ್ ಕೋವಿಡ್-19 ಫಂಡ್ ಬುಡುಗಡೆ

ಉಳ್ಳಾಲ, ಮೇ 27: ಮದನಿಯ್ಯ ಸಾದಾತ್ ಫೌಂಡೇಶನ್ (ಎಂಎಸ್‌ಎಫ್)ವತಿರ್ದ್ ಸಾದಾತುಲೆಗಾದ್ ಕೋವಿಡ್-19 ಫಂಡ್ ಬುಡುಗಡೆ ಲೇಸ್ ಇಂಚೋಗು ಹನೀಫ್ ಹಾಜಿ ಮೆರ್ನ ನಿವಾಸಡ್ ನಡತುಂಡು .

ಎಂಎಸ್‌ಎಫ್ ಸಲಹೆಗಾರೆರಾಯಿನ ಸೆಯ್ಯದ್ ಜಲಾಲ್ ತಂಙಲ್ ಅಳೇಕಲ ಮೆರ್ ಪ್ರಾರ್ಥನೆ ಮಲ್ತೆರ್ . ಎಸ್‌ಎಂಒ ಉಳ್ಳಾಲ ನೆತ್ತ ಗುರ್ಕಾರ್ಲಾಯಿನ ಶಿಹಾಬುದ್ದೀನ್ ಸಖಾಫಿ ಉಳ್ಳಾಲ ಉದಿಪನ ಮಲ್ತೆರ್

ಎಂಎಸ್‌ಎಫ್ ಸಲಹೆಗಾರೆರಾಯಿನ ಸೆಯ್ಯದ್ ಝಿಯಾದ್ ತಂಙಲ್ ಅಳೇಕಲ, ಸೆಯ್ಯದ್ ಖುಬೈಬ್ ತಂಙಲ್, ಎಸ್.ವೈ.ಎಸ್. ಉಳ್ಳಾಲ ಸೆಂಟರ್ ಗುರ್ರ್ಕಾರ್ಲಾಯಿನ ಬಶೀರ್ ಸಖಾಫಿ, ಕರ್ನಾಟಕ ಮುಸ್ಲಿಂ ಜಮಾಅತ್ ಉಳ್ಳಾಲ ತಾಲೂಕು ಖಜಾಂಚಿ ಹನೀಫ್ ಹಾಜಿ, ಎಂಎಸ್‌ಎಫ್ ಖಜಾಂಜಿ ರಮೀಝ್ ಮೇಲಂಗಡಿ, ಎಂಎಸ್‌ಎಫ್ ರಿಸೀವರ್ ಸಮಿತಿಯ ಗುರ್ರ್ಕಾರ್ಲಾಯಿನ ಅಶ್ರಫ್ ಮಂಚಿಲ, ಕಾರ್ಯದರ್ಶಿ ಇಮ್ರಾನ್ ಕೋಡಿ ಪಾಲ್ ಪಡೆದಿತ್ತೆರ್ .