ಉಡುಪಿದ ಸುದ್ದಿ | Udupi News

ಶ್ರೀ ಕಲ್ಕುಡ -ಕಲ್ಲುರ್ಟಿ ಬೊಕ್ಕ ಕೊಡಾಮಣಿತ್ತಾಯ ದೈವದ ವರ್ಷಾವಧಿ ಜಾತ್ರೋತ್ಸವ

ತಾರೀಖ್ 27/3/2021 ನೇ ಶನಿವಾರ ರಾತ್ರೆ 8 ಗಂಟೆಗ್ ಉರ್ದಿಲ ಗುತ್ತುರ್ದು ಭಂಡಾರ ಪಿದಾರ್ದ್ ಗಡಿ ಜಾಗೆ ನೇರಳಕಟ್ಟೆಡ್ ದೈವದ ನೇಮೋತ್ಸವ ನಡಪರೆ ಉಂಡು .ನೇಮೋತ್ಸವದ ಪರವಾದ್ ಈ ವರ್ಷ ವಿಶೇಷವಾದ್ ಸಾರ್ವಜನಿಕ ಅನ್ನಸಂತರ್ಪಣೆ ನಡಪರೆ ಉಂಡು ಪಂದ್ ಪ್ರಕಟಣೆಡ್ ತೆರಿಪಾದೆರ್.

ಸೈಬರ್ ಕ್ರೈಮ್, ಅಂತರ್ಜಾಲದ ಬಗ್ಗೆ ಜಾಗೃತಿ: ವೀಣಾ ವಿವೇಕಾನಂದ

ಒಡಿಪು , ಮಾ.25: ಸೈಬರ್ ಕ್ರೈಮ್ ಬೊಕ್ಕ ಅಂತರ್ಜಾಲಡ್ ಮೋಸದ ಜಾಲಗ್ ಬಲಿಯಾವಂದಿಲಕ ಪೊಣ್ಣು ಜೋಕ್ಲೆಗ್ ಅರಿವು ಮೂಡಾವುನ ಮುಖೇನ ಸಮಾಜನ್ ಜಾಗೃತ ಮಲ್ಪುನ ಕಾರ್ಯ ಮಲ್ಪಾವೊಡು ಪಂದ್ ಉಡುಪಿ ಶಿಶು ಅಭಿವೃದ್ಧಿ ಯೋಜನಾಧಿಕಾರಿ ವೀಣಾ ವಿವೇಕಾನಂದ ತೆರಿಪಾದೆರ್ .

ಉಡುಪಿ ಮಹಿಳಾ ಸೌಂದರ್ಯ ತಜ್ಞೆಯರ ಸಂಘದ ವತಿರ್ದ್ ಅಂಗಾರೆ ಒಡಿಪು ಚರ್ಚ್ ಸಭಾಂಗಣಡ್ ಅಟ್ಟನೆ ಮಲ್ತಿನ ಮಹಿಳಾ ದಿನಾಚರಣೆನ್ ಉದಿಪನ ಮಲ್ತ್ ದ್ ಆರ್ ಪಾತೆರಿಯೆರ್.

ಈ ಪೊರ್ತುಡು ಒಡಿಪು ಜಿಲ್ಲೆದ
20 ಜನ ಅಕ್ಷರದಾಸೋಹದ ಅಟಿಲ್ ಮಲ್ಪುನ ಪೊಂಜೊವ್ಲೆಗ್ ಪಣವುದ ಸಾಕಾರ ಕೊರಿಯೆರ್.

ಒಡಿಪುರ್ದ್ 2020ನೇ ಸಾಲ್ದ ಮುಖ್ಯಮಂತ್ರಿ ಪದಕಗ್ ರಡ್ಡ್ ಜನ ಆಯ್ಕೆ

ಒಡಿಪು , ಮಾ.25: ಒಡಿಪು ಸೆನ್ ಅಪರಾಧ ಪೊಲೀಸ್ ಠಾಣೆದ ಪೊಲೀಸ್ ನಿರೀಕ್ಷಕ ರಾಮಚಂದ್ರ ನಾಯಕ್ ಬೊಕ್ಕ ಉಡುಪಿ ಜಿಲ್ಲಾ ಸಶಸ್ತ್ರ ಮೀಸಲು ಪಡೆಯ ಎಎಚ್‌ಸಿ ಶಂಕರ್, 2020ನೇ ಸಾಲ್ ದ ಮುಖ್ಯಮಂತ್ರಿ ಪದಕಗ್ ಆಯ್ಕೆಯಾತೆರ್ .

ಬಾರಕೂರು ಮೂಲದ ರಾಮಚಂದ್ರ ನಾಯಕ್, 2003ಟ್ಟ್ ಎಸ್ಸೈಯಾದ್ ಪೊಲೀಸ್ ಇಲಾಖೆಗ್ ಸೇರ್ಪಡೆ ಆತೆರ್ , ಗದಗ, ಬೆಂಗಳೂರು, ಬಳ್ಳಾರಿ, ಉಡುಪಿ, ಬೊಕ ಕುಡ್ಲ ದ್ ಎಸ್ಸೈಯಾದ್ ಕರ್ತವ್ಯ ಮಲ್ದೆರ್ . 2011ಟ್ಟ್ ಪೊಲೀಸ್ ನಿರೀಕ್ಷಕರಾದ್ ಭಡ್ತಿ ಆಯಿನ ಮೇರ್, ಕಾರ್ಕಳ ಎಎನ್‌ಎಫ್, ಹೊಸನಗರ, ಮುಲ್ಕಿ ಮೂಡಬಿದ್ರೆಡ್ ವೃತ್ತ ನಿರೀಕ್ಷಕೆರಾದ್ ಬೊಕ್ಕ ಕಾರವಾರ ಸೈಬರ್ ಕ್ರೈಮ್ ಆದ್ ಕರ್ತವ್ಯ ಮಲ್ದೆರ್ .

ಅಂಚನೇ ಬೈಂದೂರು ಮೂಲದ ಪ್ರಸ್ತುತ ಎಸ್‌ಐಟಿ ಲೋಕಾಯುಕ್ತ ಬೆಂಗಳೂರುಡು ಪೊಲೀಸ್ ನಿರೀಕ್ಷಕೆರಾದ್ ಬೇಲೆ ಮಲ್ದಿನ ರಾಘವೇಂದ್ರ ಬೈಂದೂರು ಕೂಡ 2020ನೇ ಸಾಲ್ ದ ಮುಖ್ಯಮಂತ್ರಿ ಪದಕಗ್ ಆಯ್ಕೆ ಆತೆರ್ .

ಪದವಿ ಪರೀಕ್ಷೆಡ್ ಒಡಿಪು ಎಂಜಿಎಂ ಕಾಲೇಜ್ ದ ಒಟ್ಟು ನಾಲ್ ಜೋಕ್ಲೆಗ್ ರ್ಯಾಂಕ್

ಮಂಗಳೂರು ವಿವಿ 2019-20ನೇ ಸಾಲ್ ಡ್ ನಡತಿನ ವಿವಿಧ ಪದವಿ ಪರೀಕ್ಷೆಡ್ ಉಡುಪಿ ಎಂಜಿಎಂ ಕಾಲೇಜ್ ದ ಜೋಕುಲು ಒಟ್ಟು ನಾಲ್ಕು ರ್ಯಾಂಕ್‌ಲೆನ್ ಪಡೆತೆರ್ ಪಂದ್ ಕಾಲೇಜ್ ದ ಪ್ರಾಂಶುಪಾಲೆರ್ನ ಪ್ರಕಟಣೆಡ್ ತೆರಿಪಾದೆರ್.

ಬಿ.ಸಿ.ಎ. ಪದವಿ ಪರೀಕ್ಷೆಡ್ ಕಾಲೇಜ್ ದ ವೆಷ್ಣವಿ ಕೆದ್ಲಾಯ ಎಚ್. ಮೇರ್ 95.24 ಶೇ. ಅಂಕದೊಟ್ಟುಗು ಏಳನೇ ರ್ಯಾಂಕ್‌ನ್ನು ಪಡೆತೆರ್ , ಹುದಾ ಫಾತಿಮಾ ಅಹ್ಮದ್ ಮೇರ್ 94.86ಶೇ. ಅಂಕ ದೊಟ್ಟುಗು ಓರ್ಂಬನೆ ರ್ಯಾಂಕ್ ಪಡೆತೆರ್.

ಕಮಲೇಶ್ ಶೆಣೈ ಬಿ. ಮೇರ್ ಬಿಎಸ್ಸಿ (ಎಂಪಿಸಿ) ಅಂತಿಮ ಪರೀಕ್ಷೆಡ್ ಒಟ್ಟು 95.58ಶೇ. ಅಂಕದೊಟ್ಟುಗು ಯೆನ್ಮನೆ ರ್ಯಾಂಕ್ ಪಡೆತೆರ್ , ಶೇಖ್ ಅಬ್ದುಲ್ ಝಾಹಿದ್ ಮೇರ್ ಅಂತಿಮ ಬಿಕಾಂಡ್ ಶೇ.93.20 ಅಂಕದೊಟ್ಟುಗು ಓರ್ಂಬನೇ ರ್ಯಾಂಕ್ ಪಡೆತೆರ್ ಪಂದ್ ಪ್ರಕಟಣೆಡ್ ತೆರಿಪಾದೆರ್.