ಸೇವಾನಿಕೇತನ ಪ್ರಧಾನ ಕಾರ್ಯಾಲಯಡ್ ವಿತರಣಾ ಲೇಸ್
ಬೊಲ್ತೆರ್ : ಕಾರ್ಮಿಕ ಇಲಾಖೆ ಭಾರತೀಯ ಮಜ್ದೂರ್ ಸಂಘ ತಾಲೂಕು ಸಮಿತಿ ಬೆಳ್ತಂಗಡಿ ವತಿರ್ದ್ ಸೇವಾಭಾರತಿ(ರಿ.), ಬೊಲ್ತೆರ್ ಮೆಕ್ಲೆನ ಒಟ್ಟು ಸೇರಿಗೆಡ್ ಸೇವಾಧಾಮಡ್ ನೊಂದಾಯಿತ ಬೊಲ್ತೆರ್ ತಾಲೂಕುಡು ಉಪ್ಪುನ 40 ಜನ ಬೆರಿಮುಳ್ಳು ಸೀಕ್ ಆಯಿನಕ್ಲೆಗ್ ಭಾರತೀಯ ಮಜ್ದೂರ್ ಸಂಘ ತಾಲೂಕು ಸಮಿತಿದ ರಾಜ್ಯ ಕಾರ್ಯದರ್ಶಿ ಜಯರಾಜ್ ಸಾಲಿಯಾನ್ ಬೊಕ್ಕ ತಾಲೂಕು ಸಂಯೋಜಕೆರಾಯಿನ ಶ್ರೀ ಶಾಂತಪ್ಪ ಮೇರ್ ಸಾಂಕೇತಿಕವಾದ್ ಕಿಟ್ ಕೊರ್ಪಿನ ಮುಖೇನ ಲೇಸ್ ಚಾಲನೆ ಕೊರಿಯೆರ್ .
ಭಾರತೀಯ ಮಜ್ದೂರ್ ಸಂಘದ ರಾಜ್ಯ ಕಾರ್ಯದರ್ಶಿಯಾಯಿನ ಜಯರಾಜ್ ಸಾಲಿಯನ್ ಸೇವಾಭಾರತಿ ದಿವ್ಯಾಂ ಕೊರೊಂದು ಉಪ್ಪುನ ಸೇವೆ ಬೊಕ್ಕ ಕಾರ್ಯದ ಬಗ್ಗೆ ಎಡ್ಡೆಪ್ಪುದ ಪಾತೆರ ಪಾತೆರ್ದ್ , ಸರ್ಕಾರಿ ಸೌಲಭ್ಯದ ಬಗ್ಗೆ ಮಾಹಿತಿ ಕೊರಿಯೆರ್ . ತಾಲೂಕು ಸಂಯೋಜಕೆರಾಯಿನ ಶಾಂತಪ್ಪ ಕಲ್ಮಂಜ ಮೇರ್ ಸೇವಾಭಾರತಿ ಸಂಸ್ಥೆದ ಸೇವಾಕಾರ್ಯಗ್ ಎಡ್ಡೆಪ್ಪು ಪಾತೆರ ಪಂಡೆರ್ , , ಭಾರತೀಯ ಮಜ್ದೂರ್ ಸಂಘ ತಾಲೂಕು ಸಮಿತಿ ಬೊಲ್ತೆರ್ ವತಿರ್ದ್ ಸಹಕಾರ ಕೊರ್ಪೆ ಪಂದ್ ಪಂಡೆರ್.
ಈ ಪೊರ್ತುಡು ಸೇವಾಭಾರತಿದ ಗುರ್ಕಾರ್ಲಾಯಿನ ಬೊಕ್ಕ ಸೇವಾಧಾಮದ ಸಂಸ್ಥಾಪಕೆರಾಯಿನ ಶ್ರೀ ಕೆ.ವಿನಾಯಕ ರಾವ್, ಖಜಾಂಚಿ ಶ್ರೀ.ಬಿ.ಕೃಷ್ಣಪ್ಪ ಗುಡಿಗಾರ್, ದಿವ್ಯಾಂಗೆರ್ ಬೊಕ್ಕ ಮೆರ್ನ ಪೋಷಕೆರ್ , ಸೇವಾಭಾರತಿದ ಸಿಬ್ಬಂದಿ ವರ್ಗದಕುಲು ಪಾಲ್ ಪಡೆದಿತ್ತೆರ್ .
