ಮುಲ್ಕಿ: ಕಿನ್ನಿಗೋಳಿ ಕೈತಲ್ದ ಏಳಿಂಜೆ ಶ್ರೀ ಲಕ್ಷೀ ಜನಾರ್ಧನ ಮಹಾಗಣಪತಿ ದೇವಲ್ಯದ ವಾರ್ಷಿಕ ಜಾತ್ರೆದ ಕೊಡಿ ಏರ್ಂಡ್.
ದೇವಲ್ಯಡ್ ಬಾಲಗಣಪತಿ ಹೋಮ, 108 ತಾರಾಯಿದ ಗಣಹೋಮ, ನವಕಾಭಿಷೇಕ ನಿತ್ಯ ಗಣಹೋಮ ಆದ್ ದೇವೆರೆನ ಉಚ್ಚಯ ಬಲಿ ಆದ್ ಕೊಡಿ ಏರ್ಂಡ್. ಅಂಚೆನೆ ಫೆ.17 ಮುಟ್ಟ ಪ್ರತಿ ದಿನೊಲ ಧಾರ್ಮಿಕ, ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.
ಈ ಪೊರ್ತುಡು ಅನುವಂಶಿಕ ಅರ್ಚಕೆರ್ ಗಣೇಶ್ ಭಟ್, ವಿದ್ವಾನ್ ವರುಣ್ ಭಟ್, ಆಡಳಿತ ಮೊಕ್ತೇಸರೆರ್ ಏಳಿಂಜೆ ಕೋಂಜಾಲಗುತ್ತು ಪ್ರಭಾಕರ ಶೆಟ್ಟಿ ಮೊಕುಲು ಮಾತ ಪಾಲ್ ಪಡೆದಿತ್ತೆರ್.
ಕಾರ್ಲ: ಮುಂಡ್ಕೂರು ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಡ್ ವಾರ್ಷಿಕ ಉಚ್ಚಯ ಫೆ.13-20 ಮುಟ್ಟ ನಡಪರೆ ಉಂಡು.
ಫೆ.12 ಸೋಮಾರ ರಾತ್ರೆ ಅಂಗನವಾಡಿ ಜೋಕ್ಲೆರ್ದ್ ನೃತ್ಯ ವೈಭವ ಬೊಕ್ಕ ಮಕರಾಕ್ಷ ಇಂದ್ರಜಿತು ಯಕ್ಷಗಾನ ಬಯಲಾಟ ನಡತ್ಂಡ್.
ಫೆ.13 ಅಂಗಾರೆ ರಾತ್ರೆ ಅಮರನಾಥನ ಅಮರಕಥೆ, ಶಿವಕಥಾ ದೃಶ್ಯರೂಪಕ ಬೊಕ್ಕ ಪಿರವುಡ್ ಒರಿಉಲ್ಲೆ ತುಳು ನಾಟಕ ನಡತ್ಂಡ್.
ಫೆ.14 ಬುದಾರ (ಇನಿ) ರಾತ್ರೆ ಕದಂಬ ನಾಟಕ ನಡಪರೆ ಉಂಡು.
ಫೆ.15 ಗುರುವಾರ ರಾತ್ರೆ ಕಲ್ಜಿಗದ ಮಾಯ್ಕಾರೆ ಪಂಜುರ್ಲಿ ತುಳು ನಾಟಕ ನಡಪರೆ ಉಂಡು.
ಫೆ.16 ಸುಕ್ರಾರ ರಾತ್ರೆ ನರಕಾಸುರ ಮೋಕ್ಷ ಆಟ ನಡಪರೆ ಉಂಡು.
ಫೆ.17 ಸನಿಯಾರ ಬಯ್ಯಗ್ ನೃತ್ಯ ವೈಭವ ಬೊಕ್ಕ ಭಕ್ತಿ ಸಂಗೀತ ಲೇಸ್, ರಾತ್ರೆ ಬಿತ್ತಿಲ್ದ ಉಳ್ಳಾಲ್ತಿ ಅಪ್ಪೆ ಭಗವತಿ ತುಳು ನಾಟಕ ನಡಪರೆ ಉಂಡು.
ಫೆ.18 ಐತಾರ ಬೊಲ್ಪುಗು ತೇರ್ ಉಚ್ಚಯ, ಬಯ್ಯಗ್ ಭಕ್ತಿಗೀತೆ, ರಾತ್ರೆ ಭರತನಾಟ್ಯ ನಡಪರೆ ಉಂಡು.
ಫೆ.19 ಸೋಮಾರ ಬಯ್ಯಗ್ ಅಯೋಧ್ಯ ರಾಮ ದರ್ಶನ, ರಾತ್ರೆ ಬೂಳ್ಯ ಜಾನಪದ ನಾಟಕ ನಡಪರೆ ಉಂಡು.
ಫೆ.21 ಬುದಾರ ಬಯ್ಯಗ್ ಶ್ರೀ ರಾಮ ದರ್ಶನ ಯಕ್ಷಗಾನ ಬಯಲಾಟ ನಡಪರೆ ಉಂಡು.
ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್, ಸಿರಿಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಕಾರ್ಲ ಕಂದಾಯ ನಿರೀಕ್ಷಕೆರ್ ಶಿವಪ್ರಸಾದ್ ವಿ.ರಾವ್, ಪವಿತ್ರವಾಣಿ ರಾಮ ಮಡ್ಮಣ್ಞಾಯ, ಪ್ರಧಾನ ಅರ್ಚಕೆರ್ ವೇ| ರಾಮದಾಸ ಆಚಾರ್ಯ, ಶ್ರೀ ದೇವಲ್ಯದ ಸಿಬ್ಬಂದಿ ವರ್ಗ, ಇನ್ನಾ, ಮುಂಡ್ಕೂರು, ಮುಲ್ಲಡ್ಕ ಗ್ರಾಮಸ್ಥೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಬೊಂಬೈ ಬಿಲ್ಲವರ ಅಸೋಸಿಯೇಷನ್ ಭಿವಂಡಿ ಸ್ಥಳೀಯ ಕಚೇರಿದ 24ನೇ ವರ್ಷದ ಉಚ್ಚಯದ ಲೆಕ್ಕೊಡು ಭಿವಂಡಿ ಸ್ಥಳೀಯ ಕಚೇರಿದ ಸದಸ್ಯೆರೆರ್ದ್, ರಂಗ ತುಡರ್ ಕಲಾವಿದೆರೆರ್ದ್ 10ನೇ ತುಳು ನಾಟಕ “ಪಿರ ಬನ್ನಗ” ಫೆ.17 ಸನಿಯಾರ ಭಿವಂಡಿದ ವಾಟರ್ ಸಪ್ಲಯಿ ದಿ. ಪ್ರೇಮಾತಾಯಿ ಪೇರ್ ದ ಚಾವಡಿಡ್ ನಡಪರೆ ಉಂಡು.
ಜಗದೀಶ್ ಕೆಂಚನಕೆರೆ ನಿರ್ದೇಶನದ ಈ ನಾಟಕಡ್ ಜಗದೀಶ್ ಕೌಡೂರು, ಜಯಂತ್ ಬೆದ್ರ, ಸುನಿಲ್ ಪೂಸ್ರಾಲ್, ಸಂತೋಷ್ ಸಾಣೂರು, ರತ್ನಾಕರ್ ಬಜಗೋಳಿ, ಸುಭಾಷ್ ಬಜ್ಪೆ, ಸಚಿನ್ ಪೂಜಾರಿ ಭಿವಂಡಿ, ಸಂದೀಪ್-ಕಲ್ಯಾಣ್ ರೋಡ್, ಸಚಿನ್ ಠಾಣಾ, ಪ್ರಶಾಂತ್ ಪಾಲಡ್ಕ, ಮನೀಷ್ ಬಜಗೋಳಿ, ರಾಹುಲ್ ಬಜಗೋಳಿ, ರಕ್ಷಿತ್ ಕನೇರಿ, ಪವನ್, ಕಲ್ಯಾಣ್ ರೋಡ್ ಅಭಿನಯ ಮಲ್ದೆರ್. ರಮಾನಂದ್ ಕಿನ್ನಿಗೋಳಿ ಸಹಕಾರ ಕೊರ್ತೆರ್. ಮಂಜುನಾಥ ಶೆಟ್ಟಿಗಾರ್ ಮೇಕಪ್, ಪ್ರಶಾಂತ್ ಎನ್ ಪೂಜಾರಿ, ಹರೀಶ್ ವಿ. ಪೂಜಾರಿ, ಪ್ರಶಾಂತ್ ಆರ್ ಪೂಜಾರಿ, ಉದಯ ಎಸ್ ಪೂಜಾರಿ, ರಮೇಶ್ ಕುಲಾಲ್, ವಸಂತ್ ಬಿ. ಪೂಜಾರಿ, ಸತೀಶ್ ಆರ್ ಪೂಜಾರಿ ಹಿನ್ನೆಲೆ ಸಹಕಾರ ಕೊರ್ತೆರ್.
ಬಜಪೆ: ಹಿಂದೂ ಯುವ ಸೇನೆ ಪೇಜಾವರ ಶಾಖೆ, ಪೊರ್ಕೋಡಿದ 21ನೇ ವರ್ಷದ ವಾರ್ಷಿಕ ಉಚ್ಚಯ ಲೆಕ್ಕೊಡು ಶ್ರೀ ಲಕ್ಷ್ಮೀ ನಾರಾಯಣ ಭಟ್ ಮೆರೆನ ಮುತಾಲಿಕೆಡ್ ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ ಕಾಂಜಾಗೋಳಿ ಮಹಾಮ್ಮಾಯಿ ಮೈದಾನಡ್ ನಡತ್ಂಡ್.
ಬೊಕ್ಕ ಪೊರ್ಕೋಡಿ ಯುವ ಬ್ರಿಗೇಡ್ ರ್ದ್ ಭಜನೆ ನಡತ್ಂಡ್. ಈ ಪೊರ್ತುಡು ಶಾಖೆದ ಗುರ್ಕಾರೆ ಗುಣಪಾಲ ದೇವಾಡಿಗ, ಮಾನಾದಿಗೆದ ಗುರ್ಕಾರೆ ನಿತ್ಯಾನಂದ ಪುತ್ರನ್, ಚಂದ್ರಬಾಬು, ರಾಜೇಶ್ ಅಮೀನ್, ಪ್ರಮುಖೆರ್ ಅಮೃತೇಶ್, ಶಿವಾನಂದ, ರಾಜೇಶ್ ಕೂಳೂರು, ಹರೀಶ್, ಹರ್ಷಿತ್ ಪಾಲ್ ಪಡೆದಿತ್ತೆರ್.
ಮುಲ್ಕಿ: ತೋಕೂರು ತಪೋವನ ರಾಮಕೃಷ್ಣ ಪೂಂಜಾ ಕೈಗಾರಿಕಾ ತರಬೇತಿ ಸಂಸ್ಥೆಡ್ ಕೆಎಂಸಿ ಕಾಲೇಜ್, ರಕ್ತನಿಧಿ ಕೇಂದ್ರ ಅತ್ತಾವರ ಬೊಕ್ಕ ಕಿನ್ನಿಗೋಳಿ ರೋಟರಿ ಕ್ಲಬ್ ದ ಒಟ್ಟುಸೇರಿಗೆಡ್ ನೆತ್ತೆರ್ ಉಂಬೊಲಿ (ದಾನ) ಶಿಬಿರ ನಡತ್ಂಡ್.
ಈ ಲೇಸ್ ಡ್ ಕಿನ್ನಿಗೋಳಿ ರೋಟರಿ ಕ್ಲಬ್ ದ ಗುರ್ಕಾರೆ ತ್ಯಾಗರಾಜ ಆಚಾರ್ಯ ತುಡರ್ ಅರ್ಲಾದ್ ಚಾಲನೆ ಕೊರ್ದು ಪಾತೆರ್ದ್, ನೆತ್ತೆರ್ ದಾನದ ಮುಕೇನ ಜೀವ ಒರಿಪಾವುನ ಬೇಲೆ ಶ್ರೇಷ್ಠವಾಯಿನವು ಪಂದ್ ಪಂಡೆರ್. ಡಾ. ಸುಮುಖ್ ನೆತ್ತೆರ್ ದಾನದ ಮಹತ್ವನ್ ತೆರಿಪಾಯೆರ್.
ಮುಲ್ಕಿ: ಶಿಮಂತೂರು ಶ್ರೀ ಶಾರದಾ ಸೆಂಟ್ರಲ್ ಸ್ಕೂಲ್ ದ ಕಲ್ಪಾರ್ಥಿಲೆಗ್ ಕರಿನ ಜೂನ್ ತಿಂಗೊಲ್ಡ್ ಸುರು ಆಯಿನ ಧರ್ಮಾರ್ಥ ಕರಾಟೆ ಕ್ಲಾಸ್ ದ ಮುಗಿತಲದ ಲೇಸ್ ನಡತ್ಂಡ್.
ಕರಾಟೆ ಮಾಸ್ಟರ್ ಕ್ಯೋಷಿ ಈಶ್ವರ್ ಕಟೀಲ್ ಮುಖ್ಯ ಪರಿವೀಕ್ಷಕೆರಾದ್ ಕಲ್ಪಾರ್ಥಿಲೆಗ್ ಕಲರ್ ಬೆಲ್ಟ್ ಗ್ರೇಡಿಂಗ್ ಪರೀಕ್ಷೆನ್ ನಡಪಾದ್, ಭಾರತ ಕರಾಟೆನ್ ಸಮರ ವಿಜ್ಞಾನವಾದ್ ಕಲ್ಪಾವುಂಡು. ಕರಾಟೆ ಜೋಕ್ಲೆನ ದೈಹಿಕ ಬೊಕ್ಕ ಮಾನಸಿಕ ಸಾಮರ್ಥ್ಯನ್ ಸುಧಾರಿಸಾಯೆರೆ ಸಕಾಯ ಮಲ್ಪುಂಡು ಪಂದ್ ಪಂಡೆರ್.
ಶಿಹಾನ್ ಮೋರ್ಗನ್ ವಿಲಿಯಮ್, ರೆಂಷಿ ಚಂದ್ರಹಾಸ್ ಕಟೀಲ್, ಸೆನ್ಸ್ಯಿ ಸುಮಂತ್, ಸೀನಿಯರ್ ಬ್ಲಾಕ್ಬೆಲ್ಟ್ ಪರಿಣಿತೆರ್ ಸಹಾಯಕೆರಾದ್ ಕೆಲಸ ಮಲ್ದೆರ್. ಈ ಪೊರ್ತುಡು ಪ್ರಾಂಶುಪಾಲೆರ್ ಜಿತೇಂದ್ರ ವಿ ರಾವ್, ಶಾಲಾ ಕರಾಟೆ ತರಬೇತುದಾರೆರ್ ಶಿಹಾನ್ ನಾಗರಾಜ್ ಕುಲಾಲ್ ಪಾಲ್ ಪಡೆದಿತ್ತೆರ್.
ಪರೀಕ್ಷೆಡ್ ಸುಮಾರ್ 130 ಕಲ್ಪಾರ್ಥಿಲು ಪಾಲ್ ಪಡೆದಿತ್ತೆರ್. ನನದ ಹಂತಗ್ ಉತ್ತೀರ್ಣರಾತೆರ್. ನೆಟ್ಟ್ 33 ಕಲ್ಪಾರ್ಥಿಲೆಗ್ ಯೆಲ್ಲೊ, 36 ಕಲ್ಪಾರ್ಥಿಲೆಗ್ ಗ್ರೀನ್, 26 ಕಲ್ಪಾರ್ಥಿಲೆಗ್ ಆರೆಂಜ್, 30 ಕಲ್ಪಾರ್ಥಿಲೆಗ್ ಬ್ಲೂ, 5 ಕಲ್ಪಾರ್ಥಿಲೆಗ್ ಪರ್ಪಲ್ ಬಣ್ಣದ ಬೆಲ್ಟ್ ಬೊಕ್ಕ ಪ್ರಮಾಣ ಪತ್ರನ್ ಕೊರಿಯೆರ್.
ತಣ್ಣೀರುಪಂತ ಗ್ರಾಮದ ಬಾವಂತಬೆಟ್ಟು ನಿವಾಸಿ ಹಿರಿಯ ಸಹಕಾರಿ ಧುರೀಣ, ಸಹಕಾರ ರತ್ನ ನಿರಂಜನ ಬಾವಂತಬೆಟ್ಟು (75ವ) ಮೇರ್ ಫೆ.12 ಕ್ಕ್ ದೇವೆರೆ ಪಾದೊ ಸೇರಿಯೆರ್.
ಮೇರ್ 1973 ರ್ದ್ ಸಹಕಾರಿ ಕ್ಷೇತ್ರಡ್ ಉಲ್ಲೆರ್. ಕಣಿಯೂರು ಜಿಲ್ಲಾ ಪಂಚಾಯತ್ ಸದಸ್ಯೆರಾದ್, ಜಿಲ್ಲಾ ಪಂಚಾಯತ್ ಒತ್ತು ಗುರ್ಕಾರೆಯಾದ್ ಸೇವೆ ಸಂದಾದೆರ್. ಬೊಕ್ಕ ತಣ್ಣೀರುಪಂತ ಹಾಲು ಉತ್ಪಾದಕರ ಸಹಕಾರಿ ಸಂಘದ ಸ್ಥಾಪಕ ಗುರ್ಕಾರೆಯಾದ್ ಸುಮಾರ್ 38 ವರ್ಷೊದಿಂಚ ಸೇವೆ ಸಂದಾದೆರ್. ಡಿಸಿಸಿ ಬ್ಯಾಂಕ್ ದ ನಿರ್ದೇಶಕೆರಾದ್ಲ ಸೇವೆ ಸಂದಾದೆರ್.
ಮೆರೆಗ್ ಬೊಡೆದಿ ಅರುಣ, ಜೋಕುಲು ಪವಿತ್ರ, ಚೈತ್ರ ಬೊಕ್ಕ ಕುಟುಂಬ ವರ್ಗದಕುಲು ಉಲ್ಲೆರ್.
ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಸಮುದಾಯ ಬಾನುಲಿ ಜೆಸಿಐ ಕಲ್ಯಾಣಪುರದ ಒಟ್ಟುಸೇರಿಗೆಡ್ ಹೊಂಬೆಳಕು-ವ್ಯಕ್ತಿತ್ವ ವಿಕಸನ ಸರಣಿ ಲೇಸ್ ದ 45ನೇ ಸಂಚಿಕೆ ಫೆ.13 ಅಂಗಾರೆ ಬಯ್ಯಗ್ 5.30 ಕ್ಕ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಶಿಕ್ಷಕೆರ್, ಬರವುಗಾರೆ ನರೇಂದ್ರ ಕುಮಾರ್ ಕೋಟ ಪಾಲ್ ಪಡೆಯೆರೆ ಉಲ್ಲೆರ್. ಫೆ.14 ಕ್ಕ್ ಮಧ್ಯಾಹ್ನ 1.30 ಕ್ಕ್ ಕುಡೊರ ಪ್ರಸಾರ ಆಪುಂಡು.
ಈ ಲೇಸ್ ರೇಡಿಯೊ ಮಾತ್ರ ಅತ್ತಂದೆ ಆಂಡ್ರಾಯ್ಡ್ ಫೋನ್ ಬೊಕ್ಕ ಐಫೋನ್ ಡ್ ರೇಡಿಯೊ ಮಣಿಪಾಲ್ ಆಪ್ ಡೌನ್ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದ್ಂಡ್.
ಒಡಿಪು ಜಿಲ್ಲೆ ಕುಂದಾಪುರದ ಉಪವಿಭಾಗೀಯ ಸಾರ್ವಜನಿಕ ಆಸ್ಪತ್ರೆಡ್ ಮೈಸೂರುದ ಅಖಿಲ ಭಾರತ ವಾಕ್ ಶ್ರವಣ ಸಂಸ್ಥೆದ ಔಟ್ ರೀಚ್ ಸರ್ವಿಸ್ ಸೆಂಟರ್ ದ ಪೊಸ ಕಟ್ವಾನ ಬೊಕ್ಕ ಪೊಸ ಡಯಾಲಿಸಿಸ್ ಘಟಕನ್ ಉದಿಪನ ಬೊಕ್ಕ ಪರಿಶೀಲನೆನ್ ಕರ್ನಾಟಕ ಸರಕಾರ ಆರೋಗ್ಯ ಸಚಿವೆರ್ ದಿನೇಶ್ ಗುಂಡೂರಾವ್ ಮೇರ್ ಮಲ್ತೆರ್.
ಮೈಸೂರುದ ಸ್ಪೀಚ್ ಆಂಡ್ ಹಿಯರಿಂಗ್ ಸಂಸ್ಥೆ ಅತ್ಯಾಧುನಿಕ ಚಿಕಿತ್ಸೆನ್ ಪರಿಹರಿಸಾವುನ ದಿಟ್ಟಿಡ್ ನಡಪಾವೊಂದು ಇಪ್ಪುನ ಲೇಸ್ ಲು ಮೆಚ್ಚೋಡಾಯಿನವು ಪಂದ್ ಸಚಿವೆರ್ ಅಭಿಪ್ರಾಯ ತೆರಿಪಾಯೆರ್.
ಈ ಪೊರ್ತುಡು ತುಳುನಾಡ ರಕ್ಷಣಾ ವೇದಿಕೆ ಕೇಂದ್ರೀಯ ಮಂಡಳಿ ಗುರ್ಕಾರೆ ಯೋಗಿಶ್ ಶೆಟ್ಟಿ ಜಪ್ಪು, ವೈದ್ಯರ ಘಟಕ ರಾಜ್ಯ ಸಂಘಟನಾ ಕಾರ್ಯದರ್ಶಿ ಡಾ. ರವೀಂದ್ರ, ಕುಂದಾಪುರ ಆಸ್ಪತ್ರೆದ ವೈದ್ಯೆರ್, ಸಿಬ್ಬಂದಿ ವರ್ಗದಕುಲು, ತುಳುನಾಡ ರಕ್ಷಣಾ ವೇದಿಕೆ ವೈದ್ಯೆರೆನ ಘಟಕದ ಪದುಕೆರ್ ಪಾಲ್ ಪಡೆದಿತ್ತೆರ್.
ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಯೋಗ ಸುಯೋಗ ಸರಣಿ ಲೇಸ್ ದ 46ನೇ ಸಂಚಿಕೆ ಫೆ.12 ಸೋಮಾರ ಬಯ್ಯಗ್ 4.15 ಕ್ಕ್ ಪ್ರಸಾರ ಆಂಡ್.
ಈ ಲೇಸ್ ಡ್ ಒಡಿಪು ಚಿಟ್ಪಾಡಿದ ಶ್ರೀ ಗುರುಕೃಪಾ ಯೋಗ ವಿದ್ಯಾ ಪ್ರತಿಷ್ಠಾನಡ್ ಯೋಗ ಶಿಕ್ಷಕೆರಾಯಿನ ಆರ್ ಶಿವಕುಮಾರ್ ಪಾಲ್ ಪಡೆಯೆರ್. ಫೆ.13 ಕ್ಕ್ ಮಧ್ಯಾಹ್ನ 12.15 ಕ್ಕ್ ಕುಡೊರ ಪ್ರಸಾರ ಆಂಡ್.
ಈ ಲೇಸ್ ನ್ ರೇಡಿಯೊ ಮಾತ್ರ ಅತ್ತಂದೆ ಆಂಡ್ರಾಯ್ಡ್ ಫೋನ್ ಬೊಕ್ಕ ಐಫೋನ್ ಡ್ ರೇಡಿಯೋ ಮಣಿಪಾಲ್ ಆಫ್ ಡೌನ್ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದ್ಂಡ್.
