Tue. Nov 17th, 2026

ಟೈಮ್ಸ್ ಆಫ್ ಕುಡ್ಲ ತುಳು ನ್ಯೂಸ್ Times of Kudla Tulu News

ಆ.25: ಬೆದ್ರದ ಬ್ರಹ್ಮಶ್ರೀ ಗುರುನಾರಾಯಣ ಸ್ವಾಮಿ ಸೇವಾ ಸಂಘಡ್ ವರಮಹಾಲಕ್ಷ್ಮೀ ಪೂಜೆ

ಬೆದ್ರ: ಬ್ರಹ್ಮಶ್ರೀ ಗುರುನಾರಾಯಣ ಸ್ವಾಮಿ ಸೇವಾ ಸಂಘ (ರಿ.), ಶ್ರೀ ನಾರಾಯಣಗುರು ಸೇವಾದಳ, ಶ್ರೀ ನಾರಾಯಣಗುರು ಮಹಿಳಾ ಘಟಕ ಬೆದ್ರ ನೆತ್ತ ಒಟ್ಟುಸೇರಿಗೆಡ್ ಆ.25 ಕ್ಕ್ ಸುಕ್ರಾರ ಕಾಮಧೇನು ಸಭಾಭವನಡ್ 6ನೇ ವರ್ಷದ ವರಮಹಾಲಕ್ಷ್ಮೀ ಪೂಜೆ ನಡಪರೆ ಉಂಡು. ‌

ಈ ಲೇಸ್ ದ ಗುರ್ಕಾರ್ಮೆನ್ ನಾರಾಯಣ ಗುರು ಮಹಿಳಾ ಘಟಕದ ಅಧ್ಯಕ್ಷೆರ್ ಸಾವಿತ್ರಿ ಕೇಶವ್‌ ಒಯಿಸೊನ್ವೆರ್. ಸಾಮಾಜಿಕ ಕಾರ್ಯಕರ್ತೆರ್ ಸುರೇಶ್‌ ಪರ್ಕಳ ಮೆರೆರ್ದ್ ಧಾರ್ಮಿಕ ಉಪನ್ಯಾಸ ನಡಪರೆ ಉಂಡು. ಮಲ್ಲ ಬಿನ್ನೆರಾದ್ ನಾರಾಯಣ ಗುರು ಸೇವಾ ಸಂಘ (ರಿ.) ದ ಅಧ್ಯಕ್ಷೆರ್ ಸುರೇಶ್‌ ಕೆ. ಪೂಜಾರಿ, ನಾರಾಯಣ ಗುರು ಸೇವಾದಳದ ಅಧ್ಯಕ್ಷೆರ್ ಶ್ರೀರಾಜ್‌ ಸನಿಲ್‌ ಪಾಲ್ ಪಡೆಯೆರೆ ಉಲ್ಲೆರ್.

ಅಂಚೆನೆ ಈ ವರಮಹಾಲಕ್ಷ್ಮೀ ಪೂಜೆನ್ ಮಲ್ಪುನಕುಲು ಹರಿವಾಣ, ಲೋಟೆ, ಚಮಚ ಅರ್ಚನೆಗ್ ಬಿಡಿ ಪೂವು ಕನವೊಡು ಬೊಕ್ಕ ಪೂಜೆದ ಕಾಸ್ 150/-ರೂ. ನ್ ಕೊರ್ದು ಸಹಕಾರ ಮಲ್ಪೊಡು ಬಿನ್ನಾಪು ಮಲ್ದೆರ್. ಅತ್ತಂದೆ ಪೂಜೆಗ್ ಕುಲ್ಲುನಕುಲು ಪೂಜಾ ಸಂಕಲ್ಪಗ್ ದುಂಬು, ಬೊಲ್ಪುಗು 9.30 ತ್ತೊಲಯಿ ಇಪ್ಪೊಡು.

ಸ್ಟಾರ್ ಸುವರ್ಣ ಚಾನೆಲ್‌ಗ್ ಸರ್ಕಸ್..!

ಸರ್ಕಸ್ ಪಿಚ್ಚರ್‌ದ ಟಿವಿದ ಹಕ್ಕ್ ನ್ ಕನ್ನಡದ ಪ್ರಖ್ಯಾತ ಚಾನೆಲ್ ಸ್ಟಾರ್ ಸುವರ್ಣ ದಾಖಲೆದ ಬಿಲೆಟ್ ದೆತೊದುಂಡ್. ಆಯಿನಾತ್ ಬೇಗ ಸರ್ಕಸ್ ಪಿಚ್ಚರ್ ಸುವರ್ಣ ಚಾನೆಲ್‌ಡ್ ತೊಜಿದ್ ಬರಿಯೆರೆ ಉಂಡು.

ಸ್ಟಾರ್ ಸುವರ್ಣ ಚಾನೆಲ್ ಸ್ಟಾರ್ ಲೈಟ್ ಹಕ್ಕ್ ನ್ ದೆತೊನ್ನ ಸುರುತ ತುಳು ಚಿತ್ರ ಸರ್ಕಸ್ ಆತ್‌ಂಡ್.

ನಾರಾವಿ ಗ್ರಾ.ಪಂ ದ ಪೊಸ ಗುರ್ಕಾರೆ ಆದ್ ರಾಜವರ್ಮ ಜೈನ್ ಅಂಚನೆ ಒತ್ತು ಗುರ್ಕಾದಿ ಅದ್ ಸುಮಿತ್ರಾ ಆಯ್ಕೆ

ನಾರಾವಿ ಗ್ರಾಮ ಪಂಚಾಯತ್ ದ ಪೊಸ ಗುರ್ಕಾರೆ ಆದ್ ಕೊಡುಗೈ ದಾನಿ, ನೇರ ನಡೆ ನುಡಿತ ನಾಯಕೆರ್ ರಾಜವರ್ಮ ಜೈನ್, ಒತ್ತು ಗುರ್ಕಾದಿ ಅದ್ ಸುಮಿತ್ರಾ ಮೇರ್ ಆ.10 ದಾನಿ ಆಯ್ಕೆ ಆತೆರ್.

15 ಜನ ಸದಸ್ಯೆರ್ ಇಪ್ಪುನ ಈ ಪಂಚಾಯತ್ ಡ್ ಬಿಜೆಪಿ ಬೆಂಬಲಿತ 11 ಜನ , 4 ಜನ ಕಾಂಗ್ರೆಸ್ ಬೆಂಬಲಿತ ಸದಸ್ಯೆರ್ ಉಲ್ಲೆರ್.

ಚುನಾವಣಾಧಿಕಾರಿ ಆದ್ ಕೃಷಿ ಇಲಾಖೆದ ಸಹಾಯಕ ನಿರ್ದೇಶಕೆರ್ ರಂಜಿತ್ ಕುಮಾರ್ ಚುನಾವಣೆದ ಪ್ರಕ್ರಿಯೆನ್ ಮಲ್ ತೆರ್.

ಕಂಚಲ ದೇಹದ ರೋಗ ನಿರೋಧಕ ಶಕ್ತಿನ್ ಎಚ್ಚ ಮಲ್ಪುಂಡು

ಕೈಪೆ ಕಂಚಲಡ್ ಇಪ್ಪುನ ಉತ್ಕರ್ಷಣ ನಿರೋಧಕಲು ಬ್ಯಾಕ್ಟೀರಿಯಾ ಬೊಕ್ಕ ವೈರಲ್ ಸೋಂಕುದ ಮಿತ್ತ್ ರಕ್ಷಣೆ ಕೊರ್ಪುಂಡು.

ನಮ್ಮ ಚರ್ಮದ ಅಲರ್ಜಿನ್ ಗುಣ ಮಲ್ಪುಂಡು ಬೊಕ್ಕ ದೃಷ್ಟಿದ ದೋಷನ್ ಕಮ್ಮಿ ಮಲ್ಪರೆ ಸಕಾಯ ಮಲ್ಪುಂಡು. ಈ ಶಕ್ತಿಯುತ ಉತ್ಕರ್ಷಣ ನಿರೋಧಕಲು ಹಾನಿಕಾರಕ ಆಮ್ಲಜನಕ ರಾಡಿಕಲ್ ರ್ದ್ ಡಿ ಎನ್ ಎ ಹಾನಿನ್ ತಡೆಯೆರೆ ಸಕಾಯ ಮಲ್ಪುಂಡು ಬೊಕ್ಕ ಕೋಶದ ಸುಗಮ ಕಾರ್ಯ ನಿರ್ವಹಣೆನ್ ಖಚಿತ ಮಲ್ಪುಂಡು.

ತುಳು ಭಾಷೆಗ್ ನಿರ್ದಿಷ್ಟ ಮಾನದಂಡ ಇಜ್ಜಿ : ಕೇಂದ್ರ ಸಚಿವೆರ್ ಕಿಶನ್​ ರೆಡ್ಡಿ

ದ್ರಾವಿಡ ಭಾಷೆಡ್ ಒಂಜಾದಿಪ್ಪುನ ತುಳು ಭಾಷೆನ್ ಸಂವಿಧಾನದ 8ನೇ ಪರಿಚ್ಛೇದಗ್ ಸೇರ್ಪಡೆ ಮಲ್ಪೊಡು ಪಂದ್ ಕೆಲವ್ ವರ್ಷರ್ದ್ ತುಳುನಾಡ್ ದ ಜನಕುಲ್ ಸರ್ಕಾರನ್ ಒತ್ತಾಯ ಮಲ್ತೊಂದೆ ಬರೊಂದು ಉಲ್ಲೆರ್.

ಆಂಡ ಕೋಡೆ ನಡತಿನ ರಾಜ್ಯಸಭೆಟ್ ಸಿಪಿಐ(ಎಂ) ಸದಸ್ಯೆರ್ ಪಿ. ಸಂತೋಷ್​ ಕುಮಾರ್​ ನೆತ್ತ ಬಗ್ಗೆ ಪ್ರಶ್ನೆ ಕೇಂದ್ ಇತ್ತೆರ್, ನೆಕ್ಕ್ ಉತ್ತರ ಕೊರ್ನ ಕೇಂದ್ರ ಸಂಸ್ಕೃತಿ ಬೊಕ್ಕ ಪ್ರವಾಸೋದ್ಯಮ ಸಚಿವೆರ್ ಕಿಶನ್ ರೆಡ್ಡಿ ಮೇರ್, ತುಳು ಸೇರಿನಂಚ ಭಾರತೀಯ ಕೆಲ ಭಾಷೆಲೆಗ್ ಒವ್ವೆ ರೀತಿದ ನಿರ್ದಿಷ್ಟ ಮಾನದಂಡ ಇಜ್ಜಿ ಪಂದ್ ತೆರಿಪಾದೆರ್.

ಒಡಿಪುಡು ನಾರಾಯಣ ಗುರು ಜಯಂತಿ, ದೇವರಾಜ ಅರಸು ಜಯಂತಿದ ಅಟ್ಟಣೆದ ಸಭೆ

ಒಡಿಪು: ಬ್ರಹ್ಮಶ್ರೀ ನಾರಾಯಣ ಗುರು ಜಯಂತಿ ಆಚರಣೆ ಬೊಕ್ಕ ಮಾಜಿ ಮುಖ್ಯಮಂತ್ರಿ ದೇವರಾಜ ಅರಸು ಜಯಂತಿ ಆಚರಣೆದ ಅಟ್ಟಣೆದ ಸಭೆ ಬಗ್ಗೆ ಒಡಿಪು ಜಿಲ್ಲಾಧಿಕಾರಿ ಕಚೇರಿಡ್ ನಡತ್ಂಡ್.

ಒಡಿಪು ಶಾಸಕೆರ್ ಯಶ್ ಪಾಲ್ ಸುವರ್ಣ ಸಭೆಟ್ಟ್ ಪಾಲ್ ಪಡೆದ್, ಮಹನೀಯೆರ್ನ ಜಯಂತಿನ್ ಅರ್ಥಪೂರ್ಣವಾದ್ ಆಚರಣೆ ಮಲ್ಪೊಡು ಪಂದ್ ಸಲಹೆ ಕೊರಿಯೆರ್. ಸಭೆತ ಅಧ್ಯಕ್ಷತೆನ್ ಒಡಿಪು ಜಿಲ್ಲಾಧಿಕಾರಿ ಡಾ. ಕೆ. ವಿದ್ಯಾ ಕುಮಾರಿ ಒಯಿಸ್ ದಿತ್ತೆರ್.

ಈ ಪೊರ್ತುಡು ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಎಚ್. ಪ್ರಸನ್ನ, ಅಪರ ಜಿಲ್ಲಾಧಿಕಾರಿ ವೀಣಾ ಬಿ. ಎನ್., ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಹಾಯಕ ನಿರ್ದೇಶಕೆರ್ ಪೂರ್ಣಿಮ, ಜಿಲ್ಲಾ ಪಂಚಾಯತ್ ಮಾಜಿ ಅಧ್ಯಕ್ಷೆರ್ ಜನಾರ್ಧನ ತೋನ್ಸೆ, ಬಿ. ಎನ್. ಶಂಕರ ಪೂಜಾರಿ, ನಗರ ಸಭೆ ಮಾಜಿ ಅಧ್ಯಕ್ಷೆರ್ ಕಿರಣ್ ಕುಮಾರ್ ಬೈಲೂರು, ಬಿಲ್ಲವ ಸಮುದಾಯದ ಗಣ್ಯೆರಾಯಿನ ಹರೀಶ್ ಚಂದ್ರ ಅಮೀನ್, ಕಾಮರಾಜ್ ಸುವರ್ಣ, ಮಲ್ಪೆ ರಾಘವೇಂದ್ರ, ಬೊಕ್ಕ ವಿವಿಧ ಇಲಾಖೆದ ಅಧಿಕಾರಿಲು ಇತ್ತೆರ್.

ಅಕ್ಟೋಬರ್ 8 : ಕುಡ್ಲಡ್ ಫ್ಯಾಷನ್ ಶೋ

ಕುಡ್ಲ: ಅನ್ವೇಷನ್ ಸಂಸ್ಥೆದ ಮುತಾಲಿಕೆಡ್ ಕ್ರಿಸ್ಟಿಸ್ ಫ್ಯಾಶನ್ ಹೌಸ್ ಬೊಕ್ಕ ಒಆರ್‌ಡಿ ಸಂಸ್ಥೆದ ಒಟ್ಟುಸೇರಿಗೆಡ್ ಕುಡ್ಲ ಫ್ಯಾಷನ್ ಶೋ ಅಕ್ಟೋಬರ್ 8 ದಾನಿ ಪೇಂಟೆದ ಈಡನ್ ಕ್ಲಬ್‌ ಡ್ ನಡಪರೆ ಉಂಡು ಪಂದ್ ಡಾ. ಶ್ವೇತಾ ಕಾಮತ್ ತೆರಿಪಾದೆರ್.

ಪ್ರೆಸ್ ಕ್ಲಬ್‌ಡ್ ಪತ್ರಿಕಾಗೋಷ್ಠಿಡ್ ಪಾತೆರ್ನ ಆರ್ “ಅಪ್ಪೆ ಬೊಕ್ಕ ಜೋಕ್ಲೆಗ್” ವಿಶೇಷ ಫ್ಯಾಷನ್ ಶೋ ನಡಪರೆ ಉಂಡು. ಅಂಚನೆ ಈ ಲೇಸ್‌ಡ್ ಜನಕ್ಲೆಗ್ ಎದುರಾಪುನ ರೋಗದ ಬಗ್ಗೆ ಮಾಹಿತಿ ಕೊರ್ಪುನ ಕಾರ್ಯಲ ಆವರೆ ಉಂಡು ಪಂದ್ ತೆರಿಪಾದೆರ್.

ರಾಜ್ಯದ ಸುರುತ್ತ ಪೊಂಜೋವ್ ಕಮಿಷನರ್ ರೇಣುಕಾ ಐಪಿಎಸ್!

ಹುಬ್ಬಳ್ಳಿ- ಧಾರವಾಡ ಕಮಿಷನರೇಟ್ ಗ್ ಪೊಲೀಸ್ ಆಯುಕ್ತೆರಾದ್ ರೇಣುಕಾ ಸುಕುಮಾರ್ ಮೇರ್ ಅಧಿಕಾರ ಸ್ವೀಕಾರ ಮಲ್ತೆರ್.

ಮೇರ್ ಈ ಮುಖೇನ ರಾಜ್ಯದ ಸುರುತ್ತ ಪೊಂಜೋವ್ ಕಮಿಷನರ್ ಪನ್ಪುನ ಗೌರವಗ್ ಪಾತ್ರರಾತೆರ್. ನೆರ್ದ್ ದುಂಬು ಐಪಿಎಸ್ ಅಧಿಕಾರಿ ರೇಣುಕಾ ಸುಕುಮಾರ್ ಮೇರ್ ಧಾರವಾಡ ಕಮಿಷನರೇಟ್ ಡ್ ಡಿಸಿಪಿಯಾದ್ ಸೇವೆ ಸಂದಾದೆರ್.

ಇತ್ತೆ ಅವ್ವೆ ಜಾಗೆಡ್ ಪೊಲೀಸ್ ಕಮಿಷನರಾದ್ ನೇಮಕ ಆಯಿನವು ಅಚ್ಚರಿದ ಇಸಯ ಆತ್ಂಡ್. ಈ ಪೊರ್ತುಡು ಮೇರ್ ಪಾತೆರ್ದ್, ಪೊಂಜೋವ್ ಲೆನ ಸುರಕ್ಷತೆಗ್ ಗೇನ ಕೊರ್ಪೆ. ಬೊಕ್ಕ ರೌಡಿಲೆಗ್ ಸರಿಯಾಯಿನ ಬುದ್ದಿ ಕಲ್ಪಾವೆ ಪಂದ್ ಪಂತೆರ್.

ಅಂಡಮಾನ್ ನಿಕೋಬಾರ್ ಡ್ 4.3 ಬಿರ್ಸ್ ದ ಭೂಕಂಪ

ಅಂಡಮಾನ್ ನಿಕೋಬಾರ್ ಡ್ ಇನಿ ಬೊಲ್ಪುಗು 4.3 ಬಿರ್ಸ್ ದ ಭೂಕಂಪ ಆತ್ಂಡ್.

ಆಂಡ ಈ ಭೂಕಂಪರ್ದ್ ಒವ್ವೇ ಪ್ರಾಣಹಾನಿ ಅತ್ತಂಡ ಆಸ್ತಿಪಾಸ್ತಿ ನಷ್ಟ ಆಯಿನ ಬಗೆಟ್ಟ್ ಒವ್ವೇ ಪೊಲಬು ತಿಕ್ ದಿಜಿ ಪಂದ್ ವರದಿ ಆತ್ಂಡ್.

ಕುಡ್ಲ ರೈಲ್ವೆ ಸ್ಟೇಷನ್‌ಡ್ 3 ಲಕ್ಷ ರೂ. ಬಿಲೆತ್ತ ಗಾಂಜಾ ಬ್ಯಾಗ್ !

ಕುಡ್ಲ: ಕುಡ್ಲ ಜಂಕ್ಷನ್ ರೈಲ್ವೆ ನಿಲ್ದಾಣಡ್ ವಾರಸ್ದಾರೆರ್ ದಾಂತಿನ ಬ್ಯಾಗ್ ಡ್ ತಿಕ್ಕಿನ ಗಾಂಜಾನ್ ಪೊಲೀಸೆರ್ ವಶಕ್ ದೆತೊಂದೆರ್.

ರೈಲ್ ನಿಲ್ದಾಣದ ರಡ್ಡನೇ ಪ್ಲಾಟ್ ಫಾರಂಡ್ ಗುರುವಾರ ಕಾರವಾರ-ಯಶವಂತಪುರ (ನಂ.16516) ಎಕ್ಸ್ ಪ್ರೆಸ್ ರೈಲ್‌ಡ್ 3,16,650 ರೂ ಮೌಲ್ಯದ 6,333 ಕೆಜಿ ತೂಕದ ಗಾಂಜಾ ಪತ್ತೆ ಆತ್‌ಂಡ್. ರೈಲ್ ದ ನಿಯಮಿತ ತಪಾಸಣೆ ಪೊರ್ತುಗು ಪತ್ತೆಯಾಯಿನ ಈ ಬ್ಯಾಗ್‌ಡ್ ಗಾಂಜಾ ತಿಕ್‌ದ್‌ಂಡ್.

ಕುಡ್ಲದ ಪೂರ್ವ ಅಬಕಾರಿ ವಿಭಾಗಡ್ ಎನ್‌ಡಿಪಿಎಸ್ ಕಾಯ್ದೆದಡಿ ಪ್ರಕರಣ ದಾಖಲಾತ್‌ಂಡ್.

You Missed