ಟೈಮ್ಸ್ ಆಫ್ ಕುಡ್ಲ ತುಳು ನ್ಯೂಸ್ Times of Kudla Tulu News

ಭಗವಂತನ ಸೇವೆರ್ದ್ ಮಾನಸಿಕ ನೆಮ್ಮದಿ: ಬ್ರಹ್ಮಾನಂದ ಸರಸ್ವತಿ ಸ್ವಾಮೀಜಿ

ಉಜಿರೆ: ಬದುಕು ಬೊಕ್ಕ ಬೋಧನೆ ಒಂಜೇ ರೀತಿಯಾದ್ ಉಪ್ಪೊಡು . ಮಾತೆರ್ಲ ನುಡಿಲಕ ನಾದಪ್ಪೊಡು . ಸಂಸ್ಕಾರಯುತ ಶಿಕ್ಷಣರ್ದ್ ಆರೋಗ್ಯಪೂರ್ಣ ಸಮಾಜ ನಿರ್ಮಾಣ ಸಾಧ್ಯ ಪಂದ್ ಧರ್ಮಸ್ಥಳ ಗ್ರಾಮದ ಕನ್ಯಾಡಿ ರಾಮಕ್ಷೇತ್ರದ ಬ್ರಹ್ಮಾನಂದ ಸರಸ್ವತಿ ಸ್ವಾಮೀಜಿ ಪಂಡೆರ್ .

ಚಾತುರ್ಮಾಸ್ಯದ ಪರವಾದ್ ಶನಿವಾರ ಗುರುದೇವ ಮಠಟ್ ಅಟ್ಟನೆ ಮಲ್ತಿನ ಧಾರ್ಮಿಕ ಸಭೆನ್ ಉದಿಪನ ಮಲ್ತೆರ್.

ದಿನಾಲ ಭಕ್ತಿರ್ದ್ ಭಗವಂತನ ಸೇವೆ ಮಲ್ತುಂಡ ಮಾನಸಿಕ ಶಾಂತಿ, ನೆಮ್ಮದಿ ತಿಕ್ಕುಂಡು . ನೆಕ್ಕದ್ ಕಾಮ, ಕ್ರೋಧ, ಲೋಭ ಇಂಚಿನ ಅರಿಷಡ್ವರ್ಗಲೆನ್ ತ್ಯಜಿಸಾವೊಡು ಪಂದ್ ಪಂಡೆರ್.

ವಿಧಾನ ಪರಿಷತ್ ಸದಸ್ಯ ಕೆ. ಪ್ರತಾಪಸಿಂಹ ನಾಯಕ್ ಶುಭಾಶಂಸನೆ ಮಲ್ತೆರ್ . ಕಿಯೋನಿಕ್ಸ್ ಗುರ್ಕಾರ್ಲಾಯಿನ ಹರಿಕೃಷ್ಣ ಬಂಟ್ವಾಳ, ರವಿಶಂಕರ ಮಿಜಾರು, ಜಯಂತ ಕೋಟ್ಯಾನ್, ಪೀತಾಂಬರ ಹೇರಾಜೆ ಪಾಲ್ ಪಡೆದಿತ್ತೆರ್ .ಶಾಸಕ ಹರೀಶ್ ಪೂಂಜ ಎದುಕೊಂಡೆರ್ . ಸದಾನಂದ ಪೂಜಾರಿ ಸೊಲ್ಮೆ ಸಂದೈತ ಮಲ್ತೆರ್ . ಪ್ರೊ. ಕೇಶವ ಬಂಗೇರ ಲೇಸ್ ನಡಪಾದ್ ಕೊರಿಯೆರ್

ಪ್ರವಾಹ ಸಂತ್ರಸ್ತೆರೆಗ್ ಸೂಕ್ತ ಪರಿಹಾರ – ಸಿಎಂ ಬಿಎಸ್‌ವೈ

ಬೆಳಗಾವಿ, ಜುಲೈ 26: ಬರ್ಸ ಬತ್ತಿನೆರ್ದವರ ಪ್ರವಾಹರ್ದ್ ಭಾಧಿತ ಆಯಿನ ಹಿರಣ್ಯಕೇಶಿ ನದಿಪಾತ್ರದ ಬೇತೆ ಬೇತೆ ಜಾಗೆಗ್ ಸಿಎಂ ಬಿ.ಎಸ್‌.ಯಡಿಯೂರಪ್ಪ ಮೇರ್ ಐತಾರ ಭೇಟಿ ಕೊರ್ದು ಪರಿಶೀಲನೆ ಮಲ್ತೆರ್ .

ಕರಿನ ಒಂಜಿ ವಾರರ್ದ್ ಮಹಾರಾಷ್ಟ್ರ ರಾಜ್ಯ ಬೊಕ್ಕ ಜಿಲ್ಲೆಡ್ ವ್ಯಾಪಕವಾದ್ ಬರ್ಸ ಬರೊಂದು ಉಂಡು , ಜಿಲ್ಲೆದ ಸಪ್ತ ನದಿಟ್ ಬೊಕ್ಕ ಬೆಳಗಾವಿ ಕೈತಲ್ ದ ಬಳ್ಳಾರಿ ನಾಲಾಡ್ ನೀರ್ದ ಹರಿವುಹೆಚ್ಚಾಗಿ
ಜಾಸ್ತಿ ಆದ್ ಅಕ್ಕಪಕ್ಕದ ಕೆಲವು ಗ್ರಾಮ ಜಲಾವೃತ ಆತುಂಡು.

ವಿಶ್ವ ಕುಸ್ತಿ ಚಾಂಪಿಯನ್‌ಷಿಪ್‌ಡ್ ಬಂಗಾರ್ದ ಪದಕ ಗೆಂದಿನ ಭಾರತದ ಪ್ರಿಯಾ ಮಲಿಕ್

ಟೋಕಿಯೋ, ಜುಲೈ 25: ಭಾರತದ ಕುಸ್ತಿ ಪಟು ಪ್ರಿಯಾ ಮಲಿಕ್ (Priya Malik) ಮೇರ್ ವಿಶ್ವ ಕುಸ್ತಿ ಚಾಂಪಿಯನ್‌ಷಿಪ್‌ಡ್ (World Cadet Wrestling Championship) ಬಂಗಾರ್ದ ಪದಕ ಗೆಂದ್ ದೆರ್ . ಪೊಂಜೊವ್ಲೆನ 73 ಕೆಜಿ ವಿಭಾಗಡ್ ಸ್ಪರ್ದೆ ಮಲ್ತಿನ ಪ್ರಿಯಾ ಮಲಿಕ್, ಅಧಿಕಾರಯುತ ಪ್ರದರ್ಶನ ಕೊರ್ಪಿನ ಮುಖೇನ ಬೆಲರೂಸ್‌ನ ಸೆನಿಯಾ ಪಟಾಪೊವಿಚ್‌ ಮೆರೆನ್ 5-0 ಅಂತರಡ್ ಸೋಪಾದ್ ಪದಕ ಗೆಂದ್ ದೆರ್ .

ಟೋಕಿಯೋ ಒಲಿಂಪಿಕ್ಸ್ ಡ್ ಮೀರಾ ಬಾಯ್ ಚಾನು ಶನಿವಾರ ವೆಯ್ಟ್ ಲಿಫ್ಟಿಂಗ್ ಪಂಥಡ್ ಬೆಳ್ಳಿ ಪದಕ ಪಡೆತೇರ್ . ಅವ್ವಯಿನ ಮನದಾನಿಯೇ ಪ್ರಿಯಾ ಮಲಿಕ್ ಮೇರ್ ವಿಶ್ವ ಕುಸ್ತಿ ಚಾಂಪಿಯನ್‌ಷಿಪ್‌ಡ್ ಬಂಗಾರ್ ದ ಪದಕ ಗೆಂದಿನ ಭಾರತಕಗ್ ಪೆರ್ಮೆದ ಹೆಮ್ಮೆಯ ಸಂಗತಿಯಾತುಂಡು .