ಟೈಮ್ಸ್ ಆಫ್ ಕುಡ್ಲ | Times of Kudla | Kudla Tulu Patrike

Tue. Aug 4th, 2026

pallavi shetty

Religious & Cultural News ಮಾತ ಧರ್ಮದ ಸುದ್ದಿ ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಮುಲ್ಕಿ ರಪಕ್ಕ ಸುದ್ದಿ Flash News

ಎ.24-28: ಎಳತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಡ್ ವರ್ಷೊದ ಜಾತ್ರೆ

ಕಿನ್ನಿಗೋಳಿ: ಎಳತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಡ್ ವರ್ಷೊದ ಜಾತ್ರೆ ಎ.24-28 ಮುಟ್ಟ ನಡಪರೆ ಉಂಡು.

  • ಎ.23 ಗುರುವಾರ ಮಧ್ಯಾಹ್ನ ನವಕಪ್ರಧಾನ, ರಾತ್ರೆ ಬಲಿ, ರಂಗಪೂಜೆ ನಡಪುಂಡು.
  • ಎ.24 ಸುಕ್ರಾರ ಬೊಲ್ಪುಗು ಕೊಡಿ ಏರುಂಡು. ಬೊಕ್ಕ ಮಹಾಪೂಜೆ, ಅನ್ನಸಂತರ್ಪಣೆ ರಾತ್ರೆ ಉಚ್ಚಯ ಬಲಿ ಬೊಕ್ಕ ಶ್ರೀ ದೇವಿ ಮಹಾತ್ಮೆ ಆಟ ನಡಪರೆ ಉಂಡು.
  • ಎ.25 ಸನಿಯಾರ ಬೊಲ್ಪುಗು ನವಕಪ್ರಧಾನ, ಮಹಾಪೂಜೆ, ಅನ್ನಸಂತರ್ಪಣೆ, ರಾತ್ರೆ ಉಚ್ಚಯ ಬಲಿ, ಮೂಡು ಸವಾರಿದ ವೇದಿಕೆ ಪೂಜೆ ಸೇವೆ ಬೊಕ್ಕ ಬ್ರಹ್ಮರಕ್ಕಸೆ ತುಳು ನಾಟಕ ನಡಪರೆ ಉಂಡು.
  • ಎ.26 ಐತಾರ ಬೊಲ್ಪುಗು ನವಕ ಪ್ರಧಾನ, ಮಹಾಪೂಜೆ, ಅನ್ನಸಂತರ್ಪಣೆ, ರಾತ್ರೆ ಉಚ್ಚಯ ಬಲಿ, ತೆಂಕು ಸವಾರಿ ವೇದಿಕೆದ ಪೂಜೆ ಸೇವೆ ಬೊಕ್ಕ ವೈರಲ್ ವೈಶಾಲಿ ತುಳು ನಾಟಕ ನಡಪರೆ ಉಂಡು.
  • ಎ.27 ಸೋಮಾರ ಬೊಲ್ಪುಗು ನವಕಪ್ರಧಾನ, ಪಗೆಲ್ ತೇರ್ ಉಚ್ಚಯ, ಅನ್ನಸಂತರ್ಪಣೆ ರಾತ್ರೆ ಉಚ್ಚಯ ಬಲಿ, ಪಡು ಸವಾರಿ ವೇದಿಕೆದ ಪೂಜೆ ಸೇವೆ, ಶ್ರೀ ಭೂತಬಲಿ, ಶಯನೋಚ್ಚಯ ನಡಪುಂಡು.
  • ಎ.28 ಅಂಗಾರೆ ಬೊಲ್ಪುಗು ಕವಾಟ ಉದಿಪನ, ಅಭಿಷೇಕ, ಅಲಂಕಾರ, ಪ್ರಸನ್ನ ಪೂಜೆ, ಪೂತ್ತ ಪೂಜೆ, ತುಲಾಭಾರ ಸೇವೆ, ಮಧ್ಯಾಹ್ನ ‌ಮಹಾಪೂಜೆ, ಅನ್ನಸಂತರ್ಪಣೆ ರಾತ್ರೆ ಉಚ್ಚಯ ಬಲಿ, ಕಿನ್ನಿಗೋಳಿ ಪೇಂಟೆ ಸವಾರಿ ವೇದಿಕೆದ ಪೂಜೆ ಸೇವೆ, ಓಕುಳಿ, ಮಲ್ಲ ತೇರ್ ಉಚ್ಚಯ, ಪೂತ್ತ ಪೂಜೆ, ಬೆಡಿ ಮರ್ದ್ ಪ್ರದರ್ಶನ ಬೊಕ್ಕ ಕೊಡಿ ಜವೆರೆ ಉಂಡು. ಬೊಕ್ಕ ಆಟದ ಅತಿ ನೂತನ ಪ್ರಸಂಗ ನಡಪುಂಡು.
  • ಎ.29 ಬದಾರ ಸಂಪ್ರೋಕ್ಷಣೆ, ಮಂತ್ರಾಕ್ಷತೆ ನಡಪರೆ ಉಂಡು.

ಅಂಚೆನೆ ಮೇ.15 ಸುಕ್ರಾರ ಬೊಲ್ಪುಗು ಸಾಮೂಹಿಕ ಸತ್ಯನಾರಾಯಣ ಪೂಜೆ ನಡಪರೆ ಉಂಡು.

ಈ ಲೇಸ್ ಡ್ ಊರುದ, ಪರವೂರುದ ಭಕ್ತೆರ್, ಸಿರಿಮುಡಿ ಗಂಧ ಪ್ರಸಾದ ದೆತೊಂದು, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ತಾಳಿಪಾಡಿ ಎಳತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ಸಂತೋಷ್ ಕುಮಾರ್ ಹೆಗ್ಡೆ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೆಂಗಳೂರುದ ಸುದ್ದಿ

ಡಾ. ಕೆ. ಎನ್. ಅಡಿಗ ಮೆರೆಗ್ ‘ಗಾನಸಿರಿ ಕರ್ನಾಟಕ ಭೂಷಣ’ ಪ್ರಶಸ್ತಿ ಪ್ರದಾನ

ಬೆಂಗಳೂರು: ಪುತ್ತೂರುದ ಪುದರ್ ಪೋಯಿನ ಸಾಂಸ್ಕೃತಿಕ ಸಂಸ್ಥೆ ಗಾನಸಿರಿ ಕಲಾ ಕೇಂದ್ರ (ರಿ) ಉಂದೆತ್ತ ರಜತ ವರ್ಷದ ಪರ್ಬದ ಲೇಸ್‌ಡ್ ಆಯೋಜನೆ ಮಲ್ದಿನ ‘ಗಾನಸಿರಿ ಗಾನ ನೃತ್ಯ ಸಮ್ಮಿಲನ’ ಲೇಸ್‌ಡ್ ಪುದರ್ ಪೋಯಿನ ಲೇಸ್ ಸಂಘಟಕೆರ್ ಬೊಕ್ಕ ನಿರೂಪಕೆರಾಯಿನ ಡಾ. ಕೆ. ಎನ್. ಅಡಿಗ ಮೆರೆಗ್ ‘ಗಾನಸಿರಿ ಕರ್ನಾಟಕ ಭೂಷಣ’ ಪ್ರಶಸ್ತಿ ಕೊರ್ದು ಗೌರವ ಮಲ್ತೆರ್.
​ಬೆಂಗಳೂರುದ ರವೀಂದ್ರ ಕಲಾಕ್ಷೇತ್ರಡ್ ಐತಾರ ನಡತಿನ ಈ ಭರ್ಜರಿ ಲೇಸ್ ಬೆಂಗಳೂರುದ ‘ಡ್ಯಾನ್ಸ್ ಬೀಟ್ಸ್’ ನೃತ್ಯ ಸಂಸ್ಥೆದ ಒಟ್ಟುಗು ನಡತ್ತ್ಂಡ್. ಡಾ. ಕೆ. ಎನ್. ಅಡಿಗ ಮೆರ್ ಸಾಂಸ್ಕೃತಿಕ ಕ್ಷೇತ್ರಡ್ ಮಲ್ತೊಂದು ಬತ್ತಿನ ಮಲ್ಲ ಕೆಲಸ ಬೊಕ್ಕ ಮೆರೆನ ಎಡ್ಡೆ ನಿರೂಪಣೆನ್ ಗುರ್ತ ಮಲ್ತ್‌ದ್ ಈ ಗೌರವನ್ ಕೊರಿಯೆರ್.
​ಲೇಸ್‌ದ ವಿಶೇಷತೆಲು:
​ಪ್ರಶಸ್ತಿ ಪ್ರದಾನ: ಗಣ್ಯರೆನ ಎದುರುಡು ಡಾ. ಕೆ. ಎನ್. ಅಡಿಗ ಮೆರೆಗ್ ಶಾಲು ಪಾಡ್ದ್, ನೆನಪುದ ಕಾಣಿಕೆ ಬೊಕ್ಕ ಪ್ರಶಸ್ತಿ ಪತ್ರ ಕೊರ್ದು ಸನ್ಮಾನ ಮಲ್ತೆರ್.
​ಬಿನ್ನೆರೆನ ಉಪಸ್ಥಿತಿ: ಈ ಲೇಸ್‌ಡ್ ಸುಗಮ ಸಂಗೀತಗಾರ್ತಿ ಬೊಕ್ಕ ಸಂಗೀತ ನಿರ್ದೇಶಕಿ ಡಾ. ಜಯಶ್ರೀ ಅರವಿಂದ್, ಪುತ್ತೂರುದ ಮಾಜಿ ಶಾಸಕಿ ಶ್ರೀಮತಿ ಶಕುಂತಲಾ ಟಿ. ಶೆಟ್ಟಿ, ಗಾನ ಸಿರಿ ಸಂಸ್ಥೆದ ಶ್ರೀ ಕಿರಣ್ ಇತ್ತ್‌ದ್ ಎಡ್ಡೆಪ್ಪು ಬಯಸಿಯೆರ್.

​ಸಾಂಸ್ಕೃತಿಕ ಪರ್ಬ: ಲೇಸ್‌ಡ್ ನಡತಿನ ಗಾಯನ ಬೊಕ್ಕ ನೃತ್ಯದ ಮಿನದಾನಿ ಕಲಾ ರಸಿಕರೆನ ಮನ ಗೆಂದ್ಂಡ್.
​ಗಾನಸಿರಿ ಕಲಾ ಕೇಂದ್ರದ 25ನೇ ವರ್ಷದ ಈ ಖುಷಿದ ಪೋರ್ತುಡು ತಮಗೆ ತಿಕ್ಕಿನ ಈ ಪ್ರಶಸ್ತಿ ಎನ್ನ ಜವಾಬ್ದಾರಿನ್ ನನಲಾತ್ ಜಾಸ್ತಿ ಮಲ್ತ್‌ಂಡ್ ಪಂದ್ ಡಾ. ಕೆ. ಎನ್. ಅಡಿಗ ಮೆರ್ ಈ ಸಂದರ್ಭಡ್ ಖುಷಿ ಪಂಡೆರ್.

Religious & Cultural News ಮಾತ ಧರ್ಮದ ಸುದ್ದಿ ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಮುಲ್ಕಿ ರಪಕ್ಕ ಸುದ್ದಿ Flash News

ಎ.14-21: ಕಟೀಲ್ ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನಡ್ ವರ್ಷೊದ ಜಾತ್ರೆ

ಮುಲ್ಕಿ: ಕಟೀಲ್ ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನಡ್ ವರ್ಷೊದ ಜಾತ್ರೆ ಎ.14-21 ಮುಟ್ಟ ನಡಪರೆ ಉಂಡು.

  • ಎ.12 ಐತಾರ ಬೊಲ್ಪುಗು ಕಲಶಾಭಿಷೇಕ, ಶಾಂತಿ, ರಾತ್ರೆ ತೋರಣ ಕಟ್ಟೆರೆ ಉಂಡು. ಬೊಕ್ಕ ಮಲ್ಲ ರಂಗಪೂಜೆ ನಡಪುಂಡು.
  • ಎ.13 ರಾತ್ರೆ ಅಂಕುರ ಬಲಿ, ಅಂಕುರಾರೋಪಣ ನಡಪರೆ ಉಂಡು.
  • ಎ.14 ಅಂಗಾರೆ ಪಗೆಲ್ ಕೊಡಿ ಏರುಂಡು. ‌ರಾತ್ರೆ ಉಚ್ಚಯ ಬಲಿ ನಡಪರೆ ಉಂಡು.
  • ಎ.15 ಬುದಾರ ಬೊಲ್ಪುಗು ಯುಗದಿ ತುಡರ್ ಬಲಿ ರಾತ್ರೆ ಉಚ್ಚಯ ಬಲಿ ನಡಪರೆ ಉಂಡು.
  • ಎ.16 ಗುರುವಾರ ಪಗೆಲ್ ಭ್ರಾಮರೀವನಟ್ಟ್ ಪ್ರತಿಷ್ಠಾವರ್ಧಂತಿ, ರಾತ್ರೆ ಉಚ್ಚಯ ಬಲಿ, ಮೂಡು ಸವಾರಿ ನಡಪರೆ ಉಂಡು.
  • ಎ.17 ಸುಕ್ರಾರ ಬೊಲ್ಪುಗು ತುಡರ್ ಬಲಿ ರಾತ್ರೆ ಉಚ್ಚಯ ಬಲಿ ನಡಪುಂಡು.
  • ಎ.18 ಸನಿಯಾರ ರಾತ್ರೆ ಬೊಳ್ಳಿದ ತೇರ್ ಒಯಿಪೆರೆ ಉಂಡು. ಬೊಕ್ಕ ಉಚ್ಚಯ ಬಲಿ ನಡಪರೆ ಉಂಡು.
  • ಎ.19 ಐತಾರ ಪಗೆಲ್ ಬ್ರಹ್ಮ ಸನ್ನಿಧಿಡ್ ಪರ್ವ, ರಾತ್ರೆ ಉಚ್ಚಯ ಬಲಿ, ಪಡುಸವಾರಿ ನಡಪರೆ ಉಂಡು.
  • ಎ.20 ಸೋಮಾರ ಪಗೆಲ್ ಬ್ರಹ್ಮತೇರ್ ಉಚ್ವಯ, ರಾತ್ರೆ ಉಚ್ಚಯ ಬಲಿ ಶಯನ ನಡಪುಂಡು.
  • ಎ.21 ಅಂಗಾರೆ ಬೊಲ್ಪುಗು ಕವಾಟ ಉದಿಪನ, ಅವಭೃತ ಉಚ್ಚಯ (ಆರಾಟ) ಎಕ್ಕಾರ್ ಜಾತ್ರೆ, ಬ್ರಹ್ಮತೇರ್ ಉಚ್ವಯ, ತೂಟೆದಾರ, ತಿಬಾರ್ ದ ಕೊಡಮಣಿತ್ತಾಯನ ಭೇಟಿ ಬೊಕ್ಕ ಕೊಡೆ ಜವೆರೆ ಉಂಡು.

ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್, ಶ್ರೀಮುಡಿ ಗಂಧ ಪ್ರಸಾದ ದೆತೊನೊಡು ಪಂದ್ ದೇವಸ್ಥಾನದ ಅನುವಂಶಿಕ ಮೊಕ್ತೇಸರೆರ್ ಕೆ. ವಾಸುದೇವ ಅಸ್ರಣ್ಣ, ಆಡಳಿತ ಸಮಿತಿದ ಅಧ್ಯಕ್ಷೆರ್ ಸನತ್ ಕುಮಾರ್ ಶೆಟ್ಟಿ ಕೊಡೆತ್ತೂರು ಗುತ್ತು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ಬೆದ್ರದ ಸುದ್ದಿ | Moodbidri News ವಿದ್ಯೆಗ್ ಸಂಬಂದ ಪಟ್ಟಿನ ಮಾಹಿತಿ | Education Information

ಎ.12: ಪಡುಕೊಣಾಜೆ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆದ ಪೊಸ ಕಟ್ವಾನಗ್ ಕೆಸರ್ ಕಲ್ಲ್ ಪಾಡುನ ಲೇಸ್

ಬೆದ್ರ: ಪಡುಕೊಣಾಜೆ ಹಿರಿಯ ಪ್ರಾಥಮಿಕ ಶಾಲೆದ ಶತಮಾನೋಚ್ಚಯದ ಲೆಕ್ಕೊಡು ಎ.12 ಐತಾರದಾನಿ ಶಾಲೆದ ಪೊಸ ಕಟ್ವಾನಗ್ ಕೆಸರ್ ಕಲ್ಲ್ ಪಾಡಿಯೆರೆ ಉಂಡು.

ಈ ಲೇಸ್ ಡ್ ಶಾಸಕೆರ್ ಉಮಾನಾಥ ಎ ಕೋಟ್ಯಾನ್ ಕೆಸರ್ ಕಲ್ಲ್ ಪಾಡಿಯೆರೆ ಉಲ್ಲೆರ್. ಬೊಕ್ಕ ಸಭಾ ಲೇಸ್ ನಡಪುಂಡು.

ಸಭಾ ಲೇಸ್ ದ ಗುರ್ಕಾರ್ಮೆನ್ ಮುಲ್ಕಿ-ಬೆದ್ರ ಕ್ಷೇತ್ರದ ಶಾಸಕೆರ್ ಉಮಾನಾಥ ಎ ಕೋಟ್ಯಾನ್ ಒಯಿಸೊನುವೆರ್. ಮಲ್ಲ ಬಿನ್ನೆರಾದ್ ಮಾಜಿ ಸಚಿವೆರ್ ಕೆ. ಅಭಯಚಂದ್ರ ಜೈನ್, ಬೆದ್ರ ಕ್ಷೇತ್ರದ ಶಿಕ್ಷಣಾಧಿಕಾರಿ ವಿರೂಪಾಕ್ಷಪ್ಪ‌ ಎಚ್.ಎಸ್, ಶಿರ್ತಾಡಿ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಆಶಾಲತಾ ಎಚ್, ಪಡುಕೊಣಾಜೆ ಸ.ಹಿ.ಪ್ರಾ ಶಾಲೆದ ಆರ್ಥಿಕ ಸಮಿತಿದ ಗೌರವಾಧ್ಯಕ್ಷೆರ್ ತಿಮ್ಮಯ್ಯ ಶೆಟ್ಟಿ, ಬೆದ್ರ ಪ್ರಾವಿಟ್ ಫುಡ್ಸ್ ದ ವಿನ್ಸೆಂಟ್‌ ಕುಟಿನ್ಹಾ, ಶೀರ್ತಾಡಿ ಕೃಷಿ ಪತ್ತ್ ಸಹಕಾರಿ ಸಂಘದ ಅಧ್ಯಕ್ಷೆರ್ ಪ್ರವೀಣ್ ಕುಮಾರ್ ಜೈನ್, ಬೆದ್ರ ಪಂಚಶಕ್ತಿ ವಿ.ಸ.ಸಂಘದ ಅಧ್ಯಕ್ಷೆರ್ ರಂಜಿತ್ ಪೂಜಾರಿ, ಬೆದ್ರ ತಾಲೂಕ್ ಶ್ರೀ ಕ್ಷೇತ್ರ ಧರ್ಮಸ್ಥಳ ಗಾ.ಯೋ.ದ ಯೋಜನಾಧಿಕಾರಿ ಧನಂಜಯ್, ಬೆದ್ರ ಆರ್.ಆರ್ ಫ್ಯಾಶನ್ಸ್ ದ ರಾಜೇಶ್ ಎಂ.ಕೋಟ್ಯಾನ್, ಬನ್ನಡ್ಕ ಎಸ್ ಕೆ ಎಫ್ ಆಡಳಿತ ನಿರ್ದೇಶಕೆರ್ ರಾಮಚಂದ್ರ ಆಚಾರ್ಯ, ಪಡುಕೊಣಾಜೆ ಜೋಗುಳಬೆಟ್ಟುದ ಲವ ಪಿ ಹೆಗ್ಡೆ, ಸಾಣೂರು ಸ.ಹಿ.ಪ್ರಾ.ಶಾಲೆದ ನಿವೃತ್ತ ಮುಖ್ಯ ಶಿಕ್ಷಕೆರ್ ಶಾಂತಿರಾಜ್ ಜೈನ್, ಕುಡ್ಲದ ಶಕಿಲಾ ಡಿ. ಹೆಗ್ಡೆ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಪಡುಕೊಣಾಜೆ ಸ.ಹಿ.ಪ್ರಾ ಶಾಲೆದ ಮುಖ್ಯೋಪಾಧ್ಯಾಯೆರ್, ಎಸ್.ಡಿ.ಎಂ.ಸಿ ಸಮಿತಿದ ಶಿಕ್ಷಕವೃಂದ, ಶತಮಾನೋಚ್ಚಯ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಹಳೆ ವಿದ್ಯಾರ್ಥಿ ಸಂಘದಕುಲು ಲೆಪ್ಪೋಲೆಡ್ ತೆರಿಪಾದೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಕೆಎಸ್‌ಆರ್‌ಟಿಸಿ ಬಸ್ ಗುದ್ದುದು ಬುದ್ಧಿಮಾಂದ್ಯ ಜೋಕ್ಲೆನ ಅಪ್ಪೆ ಬಲಿ

ಕುಂದಾಪುರದ ತೆಕ್ಕಟ್ಟೆದಲ್ಪ ನಡತಿನ ಘಟನೆ

  • ಲೇಸ್‌ಗ್ ಪೋದು ಪಿರ ಬನ್ನಗ ಆಯಿನ ಆಕ್ಸಿಡೆಂಟ್

  • ಅಲಿಮಾ ಬಿ ತೀರ್ ಪೋಯಿನಾರ್. ಅನಾಥವಾಯಿನ ಜೋಕುಲು

ಅಗತ್ಯ ಸೇವೆ Emergency Services ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಎಚ್‌ಎಸ್‌ಆರ್‌ಪಿ ಕಡ್ಡಾಯ

2019 ನೇ ಇಸ್ವಿ ಏಪ್ರಿಲ್ 1 ರ್ದ್ ದುಂಬು ನೋಂದಣಿ ಆತಿನ ಗಾಡಿಲೆಗ್ ವಿನಾಯಿತಿ ಇಜ್ಜಿ.

  • ಗಾಳಿ ಸುದ್ದಿಗ್ ಕೆಬಿ ಕೊರಡೆ ಪಂದ್ ರಾಜ್ಯ ರಸ್ತೆ ಸಾರಿಗೆ ಇಲಾಖೆ ಸ್ಪಷ್ಟನೆ

  • ಹೈ ರೆಸಲ್ಯೂಷನ್ ನಂಬರ್ ಪ್ಲೇಟ್ (ಎಚ್‌ಎಸ್‌ಆರ್‌ಪಿ) ಕಡ್ಡಾಯ

  • ಅಧಿಕೃತ ಸಂಸ್ಥೆದಕ್ಲೆಡನೆ ಎಚ್‌ಎಸ್‌ಆರ್‌ಪಿ ನಂಬರ್ ಪ್ಲೇಟ್ ಪಾಡರೆ ಸೂಚನೆ.

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News

ಎಂಸಿಸಿ ಬ್ಯಾಂಕ್‌ಗ್ 13 ಕೋಟಿ ರೂ. ಲಾಭ: ಅನಿಲ್ ಲೋಬೊ

ಪೊಸ ಆರ್ಥಿಕ ವರ್ಷಡ್ 25 ಶಾಖೆದ ಗುರಿ: ದೇರಳಕಟ್ಟೆಡ್ 22ನೇ ಶಾಖೆ, ಕಟಪಾಡಿಡ್ 23ನೇ ಶಾಖೆ

ಕುಡ್ಲ : ತುಳುನಾಡ್‌ದ ಪುಗರ್ತೆದ ಎಂಸಿಸಿ ಬ್ಯಾಂಕ್ 2025- 2026ನೇ ವಿತ್ತೀಯ ವರ್ಷಡ್ ಮಾತಾ ವ್ಯವಹಾರ ಮಾನದಂಡಡ್ ಗಮನಾರ್ಹ ಸಾಧನೆ ಮಲ್ತ್‌ದ್ 13 ಕೋಟಿ ಲಾಭ ಮಲ್ದ್ಂಡ್ ಪಂದ್ ಎಂಸಿಸಿ ಬ್ಯಾಂಕ್ ಚೇರ್ಮನ್ ಅನಿಲ್ ಲೋಬೊ ತೆರಿಪಾಯೆರ್.
ಆರ್ ಬ್ಯಾಂಕ್‌ದ ಆಡಳಿತ ಭವನಡ್ ಅಂಗಾರೆ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರ್ದ್, ಈ ವರ್ಷ ತನ್ನ 114ನೇ ವರ್ಷದ ಸೇವೆನ್ ಪೂರ್ಣ ಮಲ್ತೊಂದುಂಡು ಪಂದ್ ಪಂಡೆರ್.
2018ನೇ ವರ್ಷಡ್ ಬ್ಯಾಂಕ್‌ದ ಆಡಳಿತ ಸುರು ಮಲ್ತಿನ ಇತ್ತೆದ ಆಡಳಿತ ಮಂಡಳಿದ ಅವಧಿಡ್ 500 ಕೋಟಿ ರೂ. ಇತ್ತಿನ ಬ್ಯಾಂಕ್‌ದ ಒಟ್ಟು ವ್ಯವಹಾರ ಕರಿನ ಏಳರೆ ವರ್ಷಡ್ ಮೂಜಿ ಪಟ್ಟ್ ಹೆಚ್ಚಾತ್ಂಡ್. ಬ್ಯಾಂಕ್‌ದ ನೆಟ್‌ವರ್ತ್ ರೂ.83.76 ಕೋಟಿರ್ದ್ ರೂ.91.80 ಕೋಟಿಗ್ ಏರಿಕೆಯಾತ್ಂಡ್.ಪ್ರಸಕ್ತ ಆರ್ಥಿಕ ವರ್ಷಡ್ ಬ್ಯಾಂಕ್ ರೂ.285 ಕೋಟಿ ರೂ.ದ ಒಟ್ಟು ವ್ಯವಹಾರ ವಹಿವಾಟ್‌ನ್ ದಾಖಲ್ ಮಲ್ದ್ಂಡ್. ಉಂದು ಬ್ಯಾಂಕ್‌ದ ದೃಢವಾಯಿನ ಸಾಧನೆ ಬೊಕ್ಕ ಸ್ಥಿರವಾಯಿನ ಬೆಳವಣಿಗೆ ಬೊಕ್ಕ ಪರಿಣಾಮಕಾರಿ ವ್ಯವಹಾರ ತಂತ್ರದ ಪ್ರತಿಬಿಂಬವಾದ್ ತೋಜುಂಡು. ಎನ್‌ಆರ್‌ಐ ಗ್ರಾಹಕೆರ್‌ನ ನಿರಂತರ ಬೆಂಬಲ ಸಹ ಬ್ಯಾಂಕಿನ ಅಭಿವೃದ್ದಿಗೆ ಕಾರಣವಾತ್ಂಡ್ ಪಂದ್ ಪಂಡೆರ್.
ನಿವ್ವಳ ಎನ್‌ಪಿಎ (Net NPA) ಕಡಿಮೆ ಮಲ್ಪರೆ ನಿರಂತರ ಪ್ರಯತ್ನ ಮಲ್ತ್‌ದ್, ಅವೆನ್ ಒಟ್ಟು ಮುಂಗಡದ 1.25% ಮಟ್ಟಗ್ ಕಮ್ಮಿ ಮಲ್ಪುನೆಟ್ಟ್ ಯಶಸ್ವಿಯಾತ್ಂಡ್. ಒಟ್ಟು ವ್ಯವಹಾರ ರೂ.1525 ಕೋಟಿಗೆ ಮುಟುದು, 23% ವೃದ್ಧಿ ಆತ್ಂಡ್.
ಸುರುಕ್ಕು ದಕ್ಷಿಣ ಕನ್ನಡ ಬೊಕ್ಕ ಉಡುಪಿ ಪನ್ಪಿನ ಕರಾವಳಿ ಜಿಲ್ಲೆಡೇ ಸೇವೆ ಕೊರೊಂದಿತ್ತಿನ ಬ್ಯಾಂಕ್, ಇತ್ತೆ ರಾಜ್ಯದಾದ್ಯಂತ ತನ್ನ ಕಾರ್ಯಾಚರಣೆನ್ ವಿಸ್ತರಣೆ ಮಲ್ದ್ಂಡ್. ಪ್ರಸ್ತುತ ಆರ್ಥಿಕ ವರ್ಷಡ್ ಬೈಂದೂರುಡು 20ನೇ ಶಾಖೆ ಬೊಕ್ಕ ಸಂತೆಕಟ್ಟೆಡ್ 21ನೇ ಶಾಖೆ ಉದಿಪನ ಆತ್ಂಡ್. ಕುಲಶೇಖರ ಶಾಖೆನ್ ಸ್ವಂತ ಕಟ್ವಾಣಗ್ ಸುಸಜ್ಜಿತ ಸೌಲಭ್ಯೊಡು ಸ್ಥಳಾಂತರ ಮಲ್ದ್ಂಡ್. ಬೆಳ್ಮಣ್, ಸುರತ್ಕಲ್, ಉಡುಪಿ, ಬೆಳ್ತಂಗಡಿ, ಸಂತೆಕಟ್ಟೆ, ಕಿನ್ನಿಗೋಳಿ ಬೊಕ್ಕ ಕುಲಶೇಖರಡ್ ಪೊಸ 7 ಏಟಿಎಮ್‌ ಸ್ಥಾಪಿನೆ ಆತ್ಂಡ್. ಇಂಚ 15 ಎಟಿಎಂ ಉಂಡು ಪಂದ್ ಪಂಡೆರ್.
2026-27ನೇ ವರ್ಷಡ್ 4 ಪೊಸ ಶಾಖೆ ಉದಿಪನ ಮಲ್ಪುನ ಯೋಜನೆ ಪಾಡ್ದ, ಶಾಖೆದ ಸಂಖ್ಯೆ 25ಕ್ಕ್ ಏರಿಯರೆ ಉಂಡು. 22ನೇ ಶಾಖೆ ದೇರಳಕಟ್ಟೆಡ್ ಬೊಕ್ಕ 23ನೇ ಶಾಖೆನ್ ಕಟಪಾಡಿಡ್ ಮಲ್ಪರೆ ಅನುಮತಿ ತಿಕ್‌ದ್ಂಡ್. ಕರ್ನಾಟಕಡ್ ಎನ್‌ಆರ್‌ಐ ಸೌಲಭ್ಯ ಉಪ್ಪುನ 2ನೇ ನಗರ ಪಟ್ಟಣ ಸಹಕಾರಿ ಬ್ಯಾಂಕ್ ಪನ್ಪಿನ ಪೆರ್ಮೆಗ್ ಪಾತ್ರವಾತ್ಂಡ್ ಪಂದ್ ತೆರಿಪಾಯೆರ್.
2025–26 ಆರ್ಥಿಕ ವರ್ಷಡ್ ಬ್ಯಾಂಕ್ ರೂ.13 ಕೋಟಿ ತೆರಿಗೆ ಪೂರ್ವ ಲಾಭ ದಾಖಲ್ ಮಲ್ದ್ಂಡ್. ರೂ.872.88 ಕೋಟಿ ಠೇವಣಿ ಹೊಂದಿದ್ದು, ಕರಿನ ವರ್ಷರ್ದ್ 23.74% ಎಚ್ಚ ಆತ್ಂಡ್. ರೂ.652.06 ಕೋಟಿ ಸಾಲ ನೀಡಿದ್ದು, 21.79% ವೃದ್ಧಿ ಆತ್ಂಡ್. ವರ್ಕಿಂಗ್ ಕ್ಯಾಪಿಟಲ್ ರೂ.1008.97 ಕೋಟಿ (21.52% ವೃದ್ಧಿ) ಬೊಕ್ಕ ಷೇರು ಬಂಡವಾಳ ರೂ.34.08 ಕೋಟಿ ಆತ್ಂಡ್. ಬ್ಯಾಂಕ್‌ದ ಸಿಆರ್‌ಎಆರ್ (CRAR) 31 ಮಾರ್ಚ್ 2026ರ ವೇಳೆಗೆ 17% ಆಗಿದ್ದು, ನಿಗದಿ ಮಲ್ದಿನ 12% ಮಾನದಂಡರ್ದ್ ಹೆಚ್ಚಾತ್ಂಡ್. 31 ಮಾರ್ಚ್ 2026ರ ಪೊರ್ತುಡು ಬ್ಯಾಂಕ್‌ದ ಒಟ್ಟು ವ್ಯವಹಾರ ರೂ.1525 ಕೋಟಿಗ್ ಏರಿಕೆಯಾತ್ಂಡ್.
ನನ ದುಂಬುದ ಯೋಜನೆ
ಜೂನ್ ಅಂತ್ಯದ ಉಲಯಿ ದೇರಳಕಟ್ಟೆ 22ನೇ ಶಾಖೆ ಉದಿಪನ, ಮಂಗಳೂರು (ಮೋರ್ಗನ್‌ಗೇಟ್) ಶಾಖೆನ್ ಜುಲೈ ಅಕೇರಿದ ಉಲಯಿ ಸ್ಥಳಾಂತರ, ಆಗಸ್ಟ್ ಸುರುತ್ತ ವಾರಡ್ ಕಟಪಾಡಿಡ್ 23ನೇ ಶಾಖೆ ಆರಂಭ ಆಪುಂಡು. ಕಾರ್ಕಳ ಶಾಖೆ ಆಗಸ್ಟ್ ಅಕೇರಿದ ಉಲಯಿ ಸ್ವಂತ ಕಟ್ಟಡಗ್ ಸ್ಥಳಾಂತರ,ಬೆದ್ರ ಶಾಖೆ ನೆಲ ಮಾಲಿಗೆಗ್ ಸ್ಥಳಾಂತರ, ಮಾರ್ಚ್ ಅಂತ್ಯದ ಉಲಯಿ ವಾಮಂಜೂರುಡು 24ನೇ ಶಾಖೆ ಉದಿಪನ ಅಂಚೆನೆ ಮಾರ್ಚ್ ಅಂತ್ಯದ ಉಲಯಿ ಕುಡ್ಲಡ್ ಸಿಲ್ವರ್ ಶಾಖೆ (25ನೇ ಶಾಖೆ) ಆರಂಭ ಆವರೆ ಉಂಡು. 3 ನಗದು ಠೇವಣಿ ಬೊಕ್ಕ ವಿತರಣೆ, ಎಟಿಎಂ ಯಂತ್ರ ಸ್ಥಾಪನೆ ಮಲ್ಪುನ ಉದ್ದೇಶ ಉಂಡು ಪಂದ್ ತೆರಿಪಾಯೆರ್.
ಬ್ಯಾಂಕ್‌ದ ಠೇವಣಿ ಭಾರತೀಯ ರಿಸರ್ವ್ ಬ್ಯಾಂಕ್ ಮಾರ್ಗಸೂಚಿದಂಚ ಡಿಪಾಸಿಟ್ ಇನ್ಸುರೆನ್ಸ್ ಅಂಡ್ ಕ್ರೆಡಿಟ್ ಗ್ಯಾರಂಟಿ ಕಾರ್ಪೊರೇರ್ಷನ್ (DICGC) ಮೂಲಕ ವಿಮೆ ಮಲ್ದ್ಂಡ್.ಈ ಸಾಧನೆಗ್ ಸದಸ್ಯೆರ್ ಬೊಕ್ಕ ಗ್ರಾಹಕೆರ್‌ ನ ವಿಶ್ವಾಸ, ಸಿಬ್ಬಂದಿಲೆನ ಸಮರ್ಪಿತ ಸೇವೆನೇ ಪ್ರಮುಖ ಕಾರಣವಾದುಂಡು. ಬರ್ಪಿನ ಆರ್ಥಿಕ ವರ್ಷಡ್‌ಲ ಉಂದುವೇ ರೀತಿದ ಬೆರಿಬಲತ್ತ ಒಟ್ಟುಗು ಎಡ್ಡೆ ಸಾಧನೆ ಮಲ್ಪುನ ನಿರೀಕ್ಷೆನ್ ಬ್ಯಾಂಕ್ ದೀವೊಂದುಂಡು ಪಂದ್ ಪಂಡೆರ್.
ಪತ್ರಿಕಾಗೋಷ್ಠಿಡ್ ಉಪಾಧ್ಯಕ್ಷೆರ್ ಜೆರಾಲ್ಡ್ ಜೂಡ್ ಡಿಸಿಲ್ವ , ನಿರ್ದೇಶಕೆರಾಯಿನ ಆಂಡ್ರೂ ಡಿಸೊಜಾ, ಡಾ| ಜೆರಾಲ್ಡ್ ಪಿಂಟೊ, ಅನಿಲ್ ಪತ್ರಾವೊ, ಜೆ.ಪಿ. ರೊಡ್ರಿಗಸ್, ಡೇವಿಡ್ ಡಿಸೊಜಾ, ಎಲ್ರೊಯ್ ಕಿರಣ್ ಕ್ರಾಸ್ಟೊ, ಹೆರಾಲ್ಡ್ ಮೊಂತೇರೊ, ರೋಶನ್ ಡಿಸೊಜಾ, ಮೆಲ್ವಿನ್ ವಾಸ್, ವಿನ್ಸೆಂಟ್ ಲಸ್ರಾದೊ, ಸಿ.ಜಿ. ಪಿಂಟೊ, ಸುಶಾಂತ್ ಸಲ್ಡಾನ್ಹಾ, ಐರಿನ್ ರೆಬೆಲ್ಲೊ, ಡಾ| ಫ್ರೀಡಾ ಡಿಸೋಜ, ಆಲ್ವಿನ್ ಪಿ. ಮೊಂತೆರೊ, ಫೆಲಿಕ್ಸ್ ಡಿಕ್ರೂಜ್, ಶರ್ಮಿಳಾ ಮಿನೇಜಸ್ ಬೊಕ್ಕ ಮಹಾ ಪ್ರಬಂಧಕೆರ್ ಸುನಿಲ್ ಮಿನೇಜಸ್ ಇತ್ತೆರ್.

ದೇರಳಕಟ್ಟೆ, ಕಟಪಾಡಿಡ್ ಪೊಸ 2 ಶಾಖೆ ಉದಿಪನ

“ಗ್ರಾಹಕೆರ್ನ ಬೊಕ್ಕ ಸಿಬ್ಬಂದಿಲೆನ ಸಹಕಾರೊಡು ನಿರ್ದೇಶಕೆರೆನ ಮಾರ್ಗದರ್ಶನೊಡು ಬ್ಯಾಂಕ್ ಎಡ್ಡೆ ಪ್ರಗತಿ ಆವೊಂದುಂಡು. ಜೂನ್ ಅಕೇರಿದ ಉಲಯಿ ದೇರಳಕಟ್ಟೆಡ್ 22ನೇ ಶಾಖೆ ಅಂಚೆನೆ ಆಗಸ್ಟ್ ಸುರೂತ್ತ ವಾರೊಡು ಕಟಪಾಡಿಡ್ 23ನೇ ಶಾಖೆ ಉದಿಪನ ಆವರೆ ಉಂಡು”

ಅನಿಲ್ ಲೋಬೊ,
ಚೇರ್ಮನ್, ಎಂಸಿಸಿ ಬ್ಯಾಂಕ್, ಕುಡ್ಲ

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಎಸ್‌ಸಿಡಿಸಿಸಿ ಬ್ಯಾಂಕ್‌ 113 ಕೋಟಿ ರೂ. ಲಾಭ

ದ.ಕ. ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ಗ್ 131.14 ಕೋಟಿ ರೂ. ಲಾಭ

2025-26 ನೇ ವರ್ಷದ ವರದಿ ಪ್ರಕಟ ಮಲ್ತಿನ ಅಧ್ಯಕ್ಷೆರ್ ಡಾ.ಎಂಎನ್ ರಾಜೇಂದ್ರ ಕುಮಾರ್

ವೈವಾಟ್‌ಡ್ ಶೇ.16.47 ದಾತ್ ಎಚ್ಚ. ದಾಖಲೆ ಮಟ್ಟದ 20226 ಕೋಟಿ ರೂ. ವೈವಾಟ್

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News

ಜೈ ತುಲುನಾಡ್(ರಿ.) ಬೆಂಗಳೂರು:ಮಾನಾದಿಗೆದ ಸಲಹೆಗಾರೆರಾದ್ ಶ್ರೀ ನಿಧೀಶ್ ಶೆಟ್ಟಿ ಶಿರೂರು.

ಜೈ ತುಲುನಾಡ್(ರಿ.) ಬೆಂಗಳೂರು ಕೂಟದ ಗೌರವ ಸಲಹೆಗಾರೆರಾದ್ ಶ್ರೀಯುತ ನಿಧೀಶ್ ಶೆಟ್ಟಿ ಅಜತ್ ಬತ್ತುದೆರ್.

ತುಳು ಪೊಂರ್ಬಾಟ,ತುಳುತ ಒವ್ವೆ ಕೆಲಸೊಲೆಡ್ ದುಂಬು ಉಂತುನ ಇಂಬೆರ್,ಬೆಂಗಳೂರುದ ತುಳು ಸಂಘಟನೆಲೆಗ್ ಚಿರ ಪರಿಚಿತೆರ್.

ಜೈ ತುಲುನಾಡ್ ಕೂಟ ಪ್ರತಿ ವರ್ಷ ಅಟ್ಟನೆ ಮಲ್ಪುನ ತುಲುನಾಡ ಆಟಿ ಲೇಸ್ಗ್ ಭಾರಿ ಮಲ್ಲೆಡ್ ಗೆಲ್ಮೆ ಕೊರ್ದು,ಸಂಘಟನೆದ ಬೊಲೆಚ್ಚಿಲ್ಗ್ ಮಲ್ಲ ಮಟ್ಟುಡು ಪೊನೆಯಿನಾರ್.

ಮಲ್ಲ ಸ್ವರ,ಚುರುಕು ಬುದ್ದಿ,ಸಂಘಟನಾತ್ಮಕ ಚಾತುರ್ಪೊಡು,ನಿಧೀಶ್ ಶೆಟ್ಟಿ ಇನಿಕಾನಗ ಬೆಂಗಳೂರು ತುಲು ಪೊಂರ್ಬಾಟೊಟು ತನ್ನನೇ ಆಯಿನ ಗುರ್ತ ಸಂಪೊಲಿತೊಂದೆರ್.

ಜೈ ತುಲುನಾಡ್ ಸಂಘಟನೆ,ತುಲು ಬಾಸೆ,ಸಂಸ್ಕೃತಿ,ಲಿಪಿತ ಕೆಲಸ ಮಲ್ತೊಂದುಪ್ಪುನ ಈ ಸಂಧರ್ಬೊಡು,ಶೀ ನಿಧೀಶ್ ಶೆಟ್ಟಿ ಶಿರೂರು ಗೌರವ ಸಲಹೆಗಾರೆರಾದ್ ಆಯ್ಕೆ ಆತೀನ,ಕೂಟದ ಸದಸ್ಯೆರೆಗ್ ನನಲಾತದ ಉಮೇದ್,ಹೋರಾಟೊದ ಛಲ ದಿಂಜಾದುಂಡು.

ಮಾನಾದಿಗೆದ ಶ್ರೀ ನಿಧೀಶ್ ಶೆಟ್ಟಿ,ಒಡಿಪು ಮೂಲದ ಶಿರೂರು ಕೃಷ್ಣ ಶೆಟ್ಟಿ ಬೊಕ್ಕ ಸಂಪ ಶೆಡ್ತಿ ದಂಪತಿಲೆನ ರಡ್ಡನೆ ಮಗೆಯಾದ್ ಪ್ರಸ್ತುತ ಬೆಂಗಳೂರುಡು ವುಡ್ ಕ್ರಾಪ್ಟ್ ಸಂಸ್ಥೆಡ್ ಬೆನ್ನಿ ಬೆನೊಂದು,ಬೊಡಿದೆ ಸಿರಿಮತಿ ಸುಮನಾ ಶೆಟ್ಟಿ ಬೊಕ್ಕ ಜೋಕುಲು ಭುಮಿ ಯನ್ ಶೆಟ್ಟಿ,ಭ್ರಥ್ವಿ ಯನ್ ಶೆಟ್ಟಿ, ಮುಕುಲೆನೊಟ್ಟುಗು ಸುಖ ಜೀವನ ಸಾಗವೊಂದುಲ್ಲೆರ್.

Religious & Cultural News ಮಾತ ಧರ್ಮದ ಸುದ್ದಿ ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಮುಲ್ಕಿ

ಬಪ್ಪನಾಡು ಜಾತ್ರಾ ಮಹೋತ್ಸವ ಭವ್ಯ ಮೆರವಣಿಗೆಡ್ ಪುದೆ ಸಮರ್ಪಣೆ

ಮುಲ್ಕಿ: ಸೀಮೆದ ಒರುಂಭ ಮಾಗಣೆದ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದ ಜಾತ್ರಾ ಮಹೋತ್ಸವ ಎ.1ರ್ದ್ 8 ಮುಟ್ಟ ನಡಪರೆ ಇತ್ತ್ ದ್ ಪೂರ್ವಭಾವಿಯಾದ್ ಮುಲ್ಕಿ
ಕಕಾರು ಚಾಲಕರ ಬೊಕ್ಕ ಮಾಲಕರ ಸಂಘ, ರಿಕ್ಷಾ ಚಾಲಕರ ಬೊಕ್ಕ ಮಾಲಕರ ಸಂಘ, ಹಿಂದೂ ಯುವ ಸೇನೆ ಬೊಕ್ಕ ಒರುಂಭ ಮಾಗಣೆದ ಭಕ್ತೆರೆನ ವತಿರ್ದ್ ಸೀಮೆ ಒರುಂಭ ಮಾಗಣೆದ ಭಕ್ತೆರೆನ 5ನೇ ವರ್ಷದ ಪುದೆ ಸಮರ್ಪಣೆ ಅಂಗಾರೆ ನಡತ್ಂಡ್.
ದೇವಸ್ಥಾನದ ಅರ್ಚಕ ಗೋಪಾಲಕೃಷ್ಣ ಭಟ್ ವಿಶೇಷ ಪ್ರಾರ್ಥನೆ ಮಲ್ತೆರ್.
ದೇವಸ್ಥಾನದ ಅನುವಂಶಿಕ ಮುಕ್ತೇಸೆರೆರ್ ದುಗ್ಗಣ್ಣ ಸಾವಂತ ಅರಸುಲು , ಕಾರು ಬೊಕ್ಕ ರಿಕ್ಷಾ ಚಾಲಕ ಮಾಲಕರ ಸಂಘದ ಗುರ್ಕಾರ್ಲು ರಾಜೇಶ್ ಕೆರೆಕಾಡು, ದೇವರಾಜ ಕೊಲಕಾಡಿ, ಉದಯಕುಮಾರ್ ಶೆಟ್ಟಿ ಅಧಿಧನ್, ಕೋಲ್ನಾಡು ಕೊರಗಜ್ಜ ಕ್ಷೇತ್ರದ ಗುರ್ಕಾರ್ಲು ಶೇಖರ್ ಸಾಲ್ಯಾನ್, ರಂಜನ್ ಬಿ ಶೆಟ್ಟಿ ಕಿಲ್ಪಾಡಿ ಭಂಡಸಾಲೆ, ಶಶೀoದ್ರ ಸಾಲ್ಯಾನ್, ಶೀನ ಪೂಜಾರಿ ಪಡುಬಿದ್ರೆ, ಕಿಶೋರ್ ಶೆಟ್ಟಿ ಬಪ್ಪನಾಡು, ಲತಾ ಶೇಖರ್, ಶಿವರಾಮ್ ಜಿ ಅಮೀನ್, ಉದಯಕುಮಾರ್ ಶೆಟ್ಟಿ ಕಾರ್ನಾಡ್ ಬೈಪಾಸ್, ಗಿರೀಶ್ ಮೆಂಡನ್ ಬೊಕ್ಕ ಕೆಲವೆರ್ ಉಪಸ್ಥಿತರಿತ್ತೆರ್.
ಪುದೆ ತ ಭವ್ಯ ಮೆರವಣಿಗೆ ಮುಲ್ಕಿ ಶಾರದಾ ಮಂಟಪರ್ದ್ ಪಿದಾರ್ದ್ ಬಪ್ಪನಾಡ್ ದೇವಸ್ಥಾನಗ್ ಸಮರ್ಪಣೆ ಮಲ್ತೆರ್.
ದಿನೇಶ್ ಕೋಲ್ನಾಡು ನಿರೂಪಣೆ ಮಲ್ತೆರ್

You Missed

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ಮುಲ್ಕಿ

ಯುವವಾಹಿನಿ ಮುಲ್ಕಿ ಎಗ್ಗೆರ್ದ್ ನಿವೃತ್ತ ಯೋಧೆರೆಗ್ ಮಾನಾದಿಗೆ

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ತುಳುವ ಮಹಾಸಭೆ ಇಂಟರ್‌ನ್ಯಾಷನಲ್ ಕೊಡಗು ಜಿಲ್ಲೆ ಪೊಸ ಕಾರ್ಯಕಾರಿ ಸಮಿತಿ ರಚನೆ

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಮುಲ್ಕಿ

ಪಾವಂಜೆ ನಂದಾದೀಪ ಸೇವಾ ಬಳಗದ ಗೌರವಾಧ್ಯಕ್ಷೆರಾದ್ ಚಂದ್ರಶೇಖರ್ ಕರ್ಕೆರ ನೇಮಕ

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೆದ್ರದ ಸುದ್ದಿ | Moodbidri News ಬೇಲೆ / ಕೆಲಸ | Jobs ರಪಕ್ಕ ಸುದ್ದಿ Flash News

ಆ.7,8: ಬೆದ್ರ ‘ಆಳ್ವಾಸ್ ಪ್ರಗತಿ–2026’ ಬೃಹತ್ ಉದ್ಯೋಗ ಮೇಳ

Copyright © All rights reserved - The Times of Kudla Mangalore | Paper News by Themeansar.