ಕೊಂಕಣಿ ಬಾಸೆದ ಅಭಿಮಾನಗ್ ಪೊಸ ಸ್ಫೂರ್ತಿ: ಜೆನೆವೀವ್ ಪಿ. ವಾಸ್
ಬೊಂಬೈ: ಮಾಯಾನಗರಿ ಬೊಂಬೈಡ್ ಕೊಂಕಣಿ ಬಾಸೆ, ಸಂಸ್ಕೃತಿ ಬೊಕ್ಕ ಕಲೆನ್ ದೆತ್ತ್ ತೋಜಾವುನ ಉದ್ದೇಶಡ್ ನಿರ್ಮಾಣ ಆಪಿನ “ವೇಳ್ ಘಡಿ” ಕೊಂಕಣಿ ಚಲನಚಿತ್ರದ ಟ್ರೈಲರ್ ಬಿಡುಗಡೆ ಬೊಕ್ಕ ಸಮಾಜ ಸೇವಕೆ ಜೋನ್ ವಿಲ್ಸನ್ ಲೋಬೋ ಮೆರೆನ ಸಾರಥ್ಯದ “ಲೋಬೋ ಪ್ರೊಡಕ್ಷನ್ಸ್” ಸಂಸ್ಥೆದ ಉದ್ಘಾಟನೆ ಅದ್ಧೂರಿ ನಡತ್ಂಡ್.
ಅಂಧೇರಿ ಈಸ್ಟ್ದ ಸಾಕಿನಾಕಡ್ ಉಪ್ಪುನ ಶುಕ್ರಾನ್ ಲಾಂಜ್ ಬ್ಯಾಂಕ್ವೆಟ್ಡ್ ಸ್ವರ್ಗೀಯ ಸಂಗೀತ ಸಾಮ್ರಾಟ್ ಹೆನ್ರಿ ಡಿ’ಸೋಜಾ ವೇದಿಕೆಡ್ ನಡತಿನ ೩೪ನೇ ಕೊಂಕಣಿ ಮಾನ್ಯತಾ ದಿವಸ್ ಅಂಗವಾದ್ “ಸ್ಫೂರ್ತಿದಾಯಕ ಸ್ವಾಭಿಮಾನದ ಕೊಂಕಣಿ ಸಂಜೆ” ಕಾರ್ಯಕ್ರಮಡ್ ವಿಭಿನ್ನವಾದ್ ಅನಾವರಣ ಮಲ್ತೆರ್. ಲೇಸ್ ಉದಿಪನ ಮಲ್ತಿನ ಬಾಂಬೆ ಹೈಕೋರ್ಟ್ ವಕೀಲೆರ್, ಮೆ| ಪಿ. ವಾಸ್ & ಕಂಪೆನಿದ ಪಾರ್ಟ್ನರ್ ಅಡ್ವೊಕೇಟ್ ಜೆನೆವೀವ್ ಪಿ. ವಾಸ್ ಪಾತೆರ್ದ್, ಚಲನಚಿತ್ರ ಭಾಷಾಭಿಮಾನದ ಜಾಗೃತಿಗ್ ಪೂರಕವಾದುಂಡು. ಕೊಂಕಣಿ ಸಿನಿ ರಸಿಕೆರೆನ್ ಒಂಜಿ ಕಡೆಟ್ ಸೇರಾದ್ ಭಾಷಾಭಿಮಾನನ್ ತೊಜಪಾವುನೆನ್ ವಿಶೇಷ. ಕೊಂಕಣಿ ಭಾಷೆದ ವೈಭವ ಬೊಕ್ಕ ಸಾಂಸ್ಕೃತಿಕ ಹಿರಿಮೆದ ಪ್ರತೀಕವಾದುಂಡು. ಮಾತೃಭಾಷೆದ ಪರಂಪರೆನ್ ಜೀವಂತವಾದ್ ದೀವರೆ ಬೊಕ್ಕ ಕೊಂಕಣಿ ಚಿತ್ರರಂಗದ ಬೆಳವಣಿಗೆಗ್ ಪ್ರೋತ್ಸಾಹ ಕೊರ್ಪಿನೆಟ್ ಸಿನಿಮಾ ಪ್ರದರ್ಶನ ಮಲ್ಲ ಸೇತುವೆ ಆದುಂಡು. “ವೇಳ್ ಘಡಿ” ಪಿಚ್ಚರ್ ಪ್ರೇಕ್ಷಕರ ಮೆಚ್ಚುಗೆಗೆ ಪಾತ್ರವಾದ್ ದಾಖಲೆ ಆವಡ್ ಪಂದ್ ಎಡ್ಡೆಪ್ಪು ಬಯಕಿಯೆರ್.
ಡೈಜಿವರ್ಲ್ಡ್ ಬೊಕ್ಕ ವಿಷನ್ ಕೊಂಕಣಿ ಸಂಸ್ಥೆದ ಒಟ್ಟುಸೇರಿಗೆಡ್ ನಡತಿನ ಈ ಕಾರ್ಯಕ್ರಮಡ್ ಸಾಜನ್ ಹಿಂದಿ ಸಿನಿಮಾದ ನಿರ್ಮಾಪಕೆರ್ ಲಾರೆನ್ಸ್ ಡಿಸೋಜ, ಹ್ಯಾರಿ ಫೆರ್ನಾಂಡಿಸ್, ಡೈಜಿವರ್ಲ್ಡ್ ಸಂಸ್ಥಾಪಕೆರ್ ವಾಲ್ಟರ್ ನಂದಳಿಕೆ, ಎಂಸಿಸಿ ಬ್ಯಾಂಕ್ ಅಧ್ಯಕ್ಷೆರ್ ಅನಿಲ್ ಲೋಬೊ ಸೇರ್ದ್ ಕೆಲವು ಗಣ್ಯೆರ್ ಲೇಸ್ಡ್ ಪಾಲ್ ಪಡೆದಿತ್ತೆರ್.
ಯುವ ಲೇಖಕೆ, ಕಲಾ ನಿರ್ದೇಶಕ ಸ್ಟ್ಯಾನಿ ಬೇಳಾ, ಮೈಕಲ್ ಡಿ’ಸೋಜಾ, “ವೇಳ್ ಘಡಿ” ಸಿನಿಮಾದ ನಿರ್ಮಾಪಕೆರ್ ಜೋನ್ ವಿಲ್ಸನ್ ಲೋಬೊ, ಪ್ರೊಡಕ್ಷನ್ ಮ್ಯಾನೇಜರ್ ರೋನ್ಸ್ ಬಂಟ್ವಾಳ, ಸಹ ನಿರ್ಮಾಪಕ ಆಲ್ವಿನ್ ಸಿಕ್ವೇರ, ಕಥೆ ಬೊಕ್ಕ ಸಹ ನಿರ್ದೇಶಕ ಸೋನುಲವಿ ಸಿನೇ ಕ್ರಿಯೇಶನ್ನ ಪ್ರವರ್ತಕೆರ್ ರೋಷನ್ ನೆಲ್ಲಿಗುಡ್ಡೆ, ಸಿನಿಮಾದ ಛಾಯಾಗ್ರಾಹಕೆರ್ ಫೆಸ್ವಿತ್ ಡಿಸೋಜ ಬೊಕ್ಕ ರಾಯನ್ ಡಿಸೋಜ, ಸಹಾಯಕ ನಿರ್ದೇಶಕಿ ಲವೀನ ಬೆಳ್ಮಣ್, ಕಲಾವಿದೆರಾಯಿನ ಜಾಸ್ಲೀನ್ ನೊರೋನ್ಹಾ ಶಿರ್ವಾ, ಲೂವಿಸ್ ಪಿಂಟೋ ಕಟೀಲು, ಮೋನಿಕಾ ಅಂದ್ರಾದೆ ಬೆಳ್ಮಣ್, ಲಿಯೋ ರಾಣಿಪುರ, ಸುನಿಲ್ ನೆಲ್ಲಿಗುಡ್ಡೆ, ವಿಲ್ಫ್ರೆಡ್ ಕೊಲ್ಲೂರು, ನರೇಂದ್ರ ಕೆರೆಕಾಡು ಪಾಲ್ ಪಡೆದಿತ್ತೆರ್.
ಈ ಪೊರ್ತುಡು “ವೇಳ್ ಘಡಿ” ಚಿತ್ರದ ಟ್ರೈಲರ್ ಬಿಡುಗಡೆ ಮಲ್ಪುನೆತ್ತ ಒಟ್ಟುಗು “ಲೋಬೋ ಪ್ರೊಡಕ್ಷನ್” ಸಂಸ್ಥೆನ್ ಅಧಿಕೃತವಾದ್ ಲೋಕಾರ್ಪಣೆ ಮಲ್ತೆರ್. ಕೊಂಕಣಿ ಭಾಷೆ, ಕಲೆ ಬೊಕ್ಕ ಸಂಸ್ಕೃತಿದ ಅಭಿಮಾನಿಲು ಬೊಕ್ಕ ಚಿತ್ರರಸಿಕರ ಉತ್ಸಾಹಭರಿತ ವಾತಾವರಣಡ್ ಅದ್ದೂರಿಯಾದ್ ನಡತ್ದ್, “ವೇಳ್ ಘಡಿ” ಸಿನಿಮಾದ ಟ್ರೇಲರ್ ಜನಾಕರ್ಷಣೆ ಪಡೆದ್ಂಡ್. ನವೆಂಬರ್ ಅತ್ತ್ಡ ಡಿಸೆಂಬರ್ಡ್ ಸಿನಿಮಾಡ್ ರಿಲೀಸ್ ಮಲ್ಪುನ ನಿರ್ಧಾರ ದೆತೊಂಡೆರ್.