ರಾಜ್ಯ ಮಟ್ಟದ ಕರಾಟೆ ಪಂತೊಡ್ ಬಂಗಾರ್‌ದ ಪದಕ ಪಡೆತಿನ ಜಿಯಾನ್ ಶೆಟ್ಟಿಗ್ ಸನ್ಮಾನ

ಥಾಣೆ: ಮಹಾರಾಷ್ಟ್ರ ರಾಜ್ಯ ಮಟ್ಟದ ಕೂಡೋ (ಕರಾಟೆ) ಪಂತೊಡು ಬಂಗಾರ್ ದ ಪದಕ,17ನೇ ಮಹಾರಾಷ್ಟ್ರ ರಾಜ್ಯ ಕೂಡೋ ಪಂತೊಡು ಕಂಚ್ ದ ಪದಕ ಅಂಚೆನೆ 7ನೇ ಮೇಯರ್ ಕಪ್ ಕೂಡೋ ಪಂತೊಡು ಬೊಳ್ಳಿದ ಪದಕ ಪಡೆತಿನ ಜಿಯಾನ್ ಶೆಟ್ಟಿ ಮೇರೆಗ್ ಇಂಚೊಗು ನಡತಿನ “ತುಲು ಸಿರಿ” ಕೂಟ ಉದಿಪನದ ವೇದಿಕೆಡ್ ಗಣ್ಯೆರ್ ಬಿನ್ನೆರ್ ಸನ್ಮಾನ ಮಲ್ತೆರ್.
ಈ ಕ್ರೀಡಾಕೂಟೊಲೆಡ್ ಕೈತಲ್ದ ಮಾರ್ಷಲ್ ಆರ್ಟ್ಸ್ ಕ್ಷೇತ್ರಡ್ ಮಲ್ಲ ಸಾಧನೆ ಮಲ್ತಿನ ಕೀಯಾರೋ ಅಕಾಡೆಮಿದ ಕ್ರೀಡಾಪಟುಕುಲು, ಥಾಣೆ ಕೂಡೋ ಅಸೋಸಿಯೇಷನ್ ನ್ ಪ್ರತಿನಿಧಿಸಾದಿತ್ತೆರ್.
ಆಗಸ್ಟ್ 16, 17 ಕ್ಕ್ ಅಂಧೇರಿ ಸ್ಪೋರ್ಟ್ಸ್ ಕಾಂಪ್ಲೆಕ್ಸ್ ಡ್ ನಡತಿನ 17ನೇ ಮಹಾರಾಷ್ಟ್ರ ರಾಜ್ಯ ಕೂಡೋ ಪಂತೊ ಬೊಕ್ಕ 7ನೇ ಮೇಯರ್ ಕಪ್ ಕೂಡೋ ಪಂತೊಡು ಎಡ್ಡೆ ಪ್ರದರ್ಶನ ಕೊರ್ತೆರ್.