3 ಬ್ರದರ್ಸ್ ಕನ್ನಡ ಅರ್ಪಣೆ ಮಲ್ಪುನ ’ಕತ್ತಲ ಹಾದಿ’ ಕನ್ನಡ ಕಿರುಚಿತ್ರ ಬುಡುಗಡೆ ಆಯೆರೆ ಉಂಡು. ವಿಭಿನ್ನ ಕಥೆ ಇಪ್ಪುನ ಪ್ರೇಕ್ಷಕೆರೆನ ಎದುರು ಬರಿಯೆರೆ ಇಪ್ಪುನ ಈ ಕಿರುಚಿತ್ರದ ಬುಡುಗಡೆ ತಾರೀಕ್ ನ್ ಚಿತ್ರತಂಡ ಪ್ರಕಟ ಮಲ್ದ್ಂಡ್.
ಕಿರುಚಿತ್ರಗ್ ಚೇತನ್ ರೈ ಪಾಣಾಜೆ ಮೇರ್ ಕಥೆ, ಚಿತ್ರಕಥೆ ಬೊಕ್ಕ ನಿರ್ದೇಶನದ ಜಬದಾರಿನ್ ಒಯಿಸೊಂದೆರ್. ಪವನ್ ರೈ ಪಾಣಾಜೆ ಸಹ ನಿರ್ದೇಶನ ಮಲ್ದೆರ್. ರಂಜನ್ ಇಂದಾಜೆ ಮೇರ್ ಛಾಯಾಗ್ರಹಣ ಬೊಕ್ಕ ಸಂಕಲನ ಮಲ್ದೆರ್, ಸಂಗೀತ ನಿರ್ದೇಶನನ್ ಚೇತನ್ ರೈ ಮಲ್ದೆರ್.
ಚಿತ್ರಡ್ ದೀಪಕ್ ರೈ ಪಾಣಾಜೆ, ಅಕ್ಷತಾ ಕೀರ್ತನ್ ರೈ, ಸುದೇಶ್ ರೈ ಕೈಕಾರ, ಶಶಿಕುಮಾರ್ ರೈ, ಶ್ರೀಧರ್ ಪಡ್ರೆ, ವಿದ್ಯಾ, ಸಾತ್ವಿಕ್ ರೈ, ಕೃತಿಕ್ ರೈ, ಕಾರ್ತಿಕ್, ಹೃತೇಶ್, ರಕ್ಷಿತ್ ರೈ, ಪವನ್, ಚಂದ್ರಶೇಖರ್, ಅವಿನಾಶ್, ಬ್ರಿಜೇಶ್ ರಾವ್, ಕಾಳಿದ್ ಪಾರ್ಪಲ ಸೇರಿನಂಚೆನೆ ಒಟ್ಟು 18 ಕಲಾವಿದೆರ್ ಅಭಿನಯ ಮಲ್ದೆರ್. ಇತ್ತೆನೇ ಪಿಕ್ಚರ್ ದ ಅಧಿಕೃತ ಟ್ರೇಲರ್ ಬುಡುಗಡೆ ಆತ್ಂಡ್. ನ.7, 2026ಕ್ಕ್ ಬಯ್ಯಗ್ 4 ಗಂಟೆಗ್ 3 ಬ್ರದರ್ಸ್ ಕನ್ನಡ ಯೂಟ್ಯೂಬ್ ಚಾನೆಲ್‌ಡ್ ಕಿರುಚಿತ್ರ ಬುಡುಗಡೆ ಆಯೆರೆ ಉಂಡು.