ಸ್ಮಾರ್ಟ್

ಸ್ಮಾರ್ಟ್ ಸಿಟಿ ಯೋಜನೆದಡಿ ಗ್ರಂಥಾಲಯ ಪುನರ್ನಿರ್ಮಾಣ: ವೇದವ್ಯಾಸ ಕಾಮತ್

ಕುಡ್ಲ : 150 ವರ್ಷರ್ದ್ ಜಾಸ್ತಿ ಪರಪೋಕು ಉಪ್ಪುನ ಪೇಂಟೆದ ವಿಶ್ವವಿದ್ಯಾನಿಲಯ ಕಾಲೇಜ್ದ ಅಭಿವೃದ್ಧಿಗ್ ಸರಕಾರರ್ದ್ ವಿಶೇಷ ಅನುದಾನ ತಿಕ್ಕಾವುನ ಪ್ರಯತ್ನ ಮಲ್ಪುವ ಪಂದ್ , ಕುಡ್ಲ ದಕ್ಷಿಣ ಶಾಸಕ ಡಿ. ವೇದವ್ಯಾಸ ಕಾಮತ್, ಭರವಸೆ ಕೊರಿಯೆರ್ .

ಕಾಲೇಜ್ ಡ್ ನಡತಿನ , ಕಾಲೇಜು ಅಭಿವೃದ್ಧಿ ಮಂಡಳಿ (ಸಿಡಿಸಿ) ಸಭೆಟ್ ಪಾತೆರಿನ ಶಾಸಕೆರ್ , ಸ್ಮಾರ್ಟ್ ಸಿಟಿ ಯೋಜನೆಯಡಿ ಸುಮಾರ್ 70,000 ರ್ದ್ ಜಾಸ್ತಿ ಬೂಕು ಉಪ್ಪುನ ಕಾಲೇಜ್ ದ ಗ್ರಂಥಾಲಯನ್ ಪುನರ್ನಿರ್ಮಾಣ ಮಲ್ಪಾವೆ ಪಂದ್ ಪಂಡೆರ್

ಸಭೆಟ್ ಕುಡ್ಲ ವಿಶ್ವವಿದ್ಯಾನಿಲಯದ ಸಿಂಡಿಕೇಟ್ ಸದಸ್ಯೆರಾಯಿನ ರಮೇಶ್, ರವಿಚಂದ್ರ ಪಿ.ಎನ್, ಸಿಡಿಸಿ ಸದಸ್ಯೆರಾಯಿನ ಮುರಳೀಧರ ನಾಯಕ್, ಶಿಕಾರಿಪುರ ಕೃಷ್ಣಮೂರ್ತಿ, ಪ್ರಕಾಶ್ ನಾಯಕ್, ಹರ್ಷವರ್ಧನ ಗಟ್ಟಿ, ವಿಠಲ ಕುಡ್ವ ಪಾಲ್ ಪಡೆದಿತ್ತೆರ್.

ನಿಟ್ಟೆ ಸ್ಮಾರ್ಟ್ ಹೆಲ್ತ್ ವಿಲೇಜ್ ಯೋಜನೆದಡಿ ” ಆಪತ್ಬಂಧು ” ಆಪ್ ಬುಡುಗಡೆ

ನಿಟ್ಟೆ : ಪ್ರಸ್ತುತ ಜಾಗತಿಕ ಪರಿಸ್ಥಿತಿಡ್ ಆರೋಗ್ಯ ಕ್ಷೇತ್ರದ ಬಲವರ್ಧನೆಗ್ ಎಚ್ಚದ ಪ್ರಾತಿನಿಧ್ಯ ಅಗತ್ಯ ಉಂಡು . ಈ ನೆಲೆಟ್ಟ್ ಬೇಲೆ ಮಲ್ಪರೆ ನಮಡ ಆರೋಗ್ಯಕರ ಮನಸ್ ಉಪ್ಪೊಡು . ಒವ್ವೆ ಬಗೆತ ಫಲಾನುಪೇಕ್ಷೆ ಇಜ್ಜಂದೆ ಸೇವಾ ಮನೋಭಾವರ್ದ್ ರೋಗಿಲೆನ್ ತೂಪಿನ ಮಲ್ಪುನ ನಮನ್ ನಮ ದೇವೆರ್ನ ಸೇವೆಡ್ ದೀಲಕ ಪಂದ್ ನಿಟ್ಟೆ ಶಿಕ್ಷಣ ಸಂಸ್ಥೆದ ಗುರ್ಕಾರ್ಲಾಯಿನ ಅಂಚನೇ ನಿಟ್ಟೆ ಡೀಮ್ಸ್ ಟು ಬಿ ವಿಶ್ವವಿದ್ಯಾಲಯದ ಕುಲಾಧಿಪತಿ ಎನ್. ವಿನಯ ಹೆಗ್ಡೆ ಪಂಡೆರ್ . ಮೇರ್ ನಿಟ್ಟೆ ಡೀಮ್ಸ್ ಟು ಬಿ ವಿಶ್ವವಿದ್ಯಾಲಯ, ನಿಟ್ಟೆ ಉಷಾ ನರ್ಸಿಂಗ್ ಕಾಲೇಜು, ನಿಟ್ಟೆ ಯುನಿವರ್ಸಿಟಿ- ಮೆಡಿಸಿಮ್ ಬೊಕ್ಕ ಕ್ಷೇಮ ಪಬ್ಲಿಕ್ ಹೆಲ್ತ್ ವಿಭಾಗದ ಒಟ್ಟು ಸೇರಿಗೆಡ್ ನಿಟ್ಟೆಡ್ ಅಟ್ಟನೆ ಮಲ್ತಿನ ನಿಟ್ಟೆ ಸ್ಮಾರ್ಟ್ ಹೆಲ್ತ್ ವಿಲೇಜ್ ಯೋಜನೆದ ‘ಆಪದ್ಬಂಧು’ ಬೊಕ್ಕ ನಿಟ್ಟೆ ಕೋವಿಡ್-19 ಹೋಮ್ ಐಸೋಲೇಶನ್ ಆ್ಯಪ್ ‘ಕೋವಿಸ್ವಾಸ್‌ನ್ ಬುಡುಗಡೆ ಮಲ್ತ್ ಪಾತೆರಿಯೆರ್.

ನಿಟ್ಟೆ ಉಷಾ ನರ್ಸಿಂಗ್ ಕಾಲೇಜು ಬೊಕ್ಕ ನಿಟ್ಟೆ ಡೀಮ್ಸ್ ಟು ಬಿ ವಿಶ್ವವಿದ್ಯಾಲಯದ ಮೆಡಿಸಿಮ್ ಬೊಕ್ಕ ಪಬ್ಲಿಕ್ ಹೆಲ್ತ್ ವಿಭಾಗ ಅಟ್ಟನೆ ಮಲ್ತಿನ ತರಬೇತಿ ಶಿಬಿರಡ್ ಪಾಲ್ ಪಡೆಯಿನ ಕೈತಲ್ ದ ಸ್ವಯಂಸೇವಕೆರೆಗ್ ಮಾರ್ಗದರ್ಶನ ಕೊರಿಯೆರ್ . ಕುಲಾಧಿಪತಿ ವಿನಯ ಹೆಗ್ಡೆ ತರಬೇತಿ ಕಿಟ್‌ಲೆನ್ ಪಟ್ಟಿಯೆರ್. ‘ಕೋವಿಸ್ವಾಸ್’ ಆ್ಯಪ್ ಬಗ್ಗೆ ಬೊಕ್ಕ ಐತ ಕಾರ್ಯಾನಿರ್ವಹಣೆದ ಬಗ್ಗೆ ಪಬ್ಲಿಕ್ ಹೆಲ್ತ್ ವಿಭಾಗದ ಗುರ್ಕಾರ್ಲು ಪಾತೆರಿಯೆರ್.

ಮೆಕಾನಿಕ್ಸ್ ಸ್ಮಾರ್ಟ್ ಕಾರ್ಡ್ ಪಟ್ಟುನ ಲೇಸ್

ಕುಡ್ಲ , ಜೂ.15: ದ.ಕ. ಜಿಲ್ಲಾ ಗ್ಯಾರೇಜ್ ಮಾಲಕೆರ್ನ ಸಂಘದ ವತಿರ್ದ್ ‘ಮೆಕ್ಯಾನಿಕ್ಸ್ ಸ್ಮಾರ್ಟ್ ಕಾರ್ಡ್’ ಪಟ್ಟುನ ಲೇಸ್ ಐತಾರ ಸಂಘದ ಸಭಾಂಗಣಡ್ ನಡತುಂಡು.

ಮೇಯರ್ ಪ್ರೇಮಾನಂದ ಶೆಟ್ಟಿ ಸಭಾ ಕಾರ್ಯಕ್ರಮ ಉದಿಪನ ಮಲ್ತ್ ಪಾತೆರಿಯೆರ್. ಕಾರ್ಮಿಕ ಇಲಾಖೆದ ಅಧಿಕಾರಿ ವಿಲ್ಮಾ ಎಲಿಜಬೆತ್ ತೌರೊ ಸ್ಮಾರ್ಟ್ ಕಾರ್ಡ್ ವಿತರಿಸಾದ್ ಸರಕಾರದ ಸವಲತ್ತುಲೆನ್ ಕಾರ್ಮಿಕೆರ್ ದೆತೊನೊಡು ಪಂದ್ ಪಂಡೆರ್ .

ಸಂಘದ ಗುರ್ಕಾರ್ಲಾಯಿನ ದಿನೇಶ್ ಕುಮಾರ್, ಸುಧಾಕರ್ ರಾವ್, ರುಕ್ಮಯ್ಯ ಗೌಡ, ದಿವಾಕರ್, ಕೋಶಾಧಿಕಾರಿ ರಾಜಗೋಪಾಲ್, ಕಾರ್ಪೊರೇಟರ್ ಶೈಲೇಶ್ ಶೆಟ್ಟಿ ಪಾಲ್ ಪಡೆದಿತ್ತೆರ್ .

ಜನಾರ್ದನ್ ಎ. ಪ್ರಾಸ್ತಾವಿಕ ಪಾತೆರ ಪಂಡೆರ್ . ಪುಂಡಲೀಕ ಸುವರ್ಣ ಎದುಕೊಂಡೆರ್ . ಪ್ರಧಾನ ಕಾರ್ಯದರ್ಶಿ ಪುರುಷೋತ್ತಮ ಕಮಿಲ ಸೊಲ್ಮೆ ಸಂದೈತ ಮಲ್ತೆರ್ .