ಸರಬರಾಜು

ತುಂಬೆ ಗ್ರಾಮಡ್ ನೀರ್ ಸರಬರಾಜು ಸ್ಥಗಿತ

Jun 11, 2021

ತುಂಬೆ : ತಾರೀಖ್ 11-06-2021 ನೆ ಶುಕ್ರವಾರದಾನಿ ತುಂಬೆಡ್ ಶಟ್ ಡೌನ್ ಉಪ್ಪುನೆರ್ದಾವರ ನಗರ ವ್ಯಾಪ್ತಿಡ್ ಕಾಂಡೆ 10.00 ಗಂಟೆರ್ದ್ ಬೈಯ್ಯಗ್ 5.00 ಗಂಟೆ ಮುಟ ನೀರ್ ಸರಬರಾಜು ಇಜ್ಜಿ ಪಂದ್ ಪ್ರಕಟಣೆಗ್ ತೆರಿಪಾದೆರ್ .

ಆಕ್ಸಿಜನ್ ಬೊಕ್ಕ ರೆಮ್‌ಡಿಸಿವರ್ ಸರಬರಾಜು ಮಲ್ಪರೆ ಮಾತಾ ಅಗತ್ಯ ಕ್ರಮಕ್ಲೆನ್ ದೆತೊನುವ : ಬಸವರಾಜ ಬೊಮ್ಮಾಯಿ

May 6, 2021

ಒಡಿಪು , ಮೇ 6: ಜಿಲ್ಲೆಡ್ ಕೋವಿಡ್ ಸೋಂಕಿತೆರ್ನ ಚಿಕಿತ್ಸೆಗ್ ಅಗತ್ಯ ಉಪ್ಪುನ ಆಕ್ಸಿಜನ್ ಬೊಕ್ಕ ರೆಮ್‌ಡಿಸಿವರ್ ಸರಬರಾಜು ಮಲ್ಪರೆ ಮಾತಾ ಅಗತ್ಯ ಕ್ರಮಕ್ಲೆನ್ ದೆತೊನುವ ಪಂದ್ ರಾಜ್ಯ ಗೃಹ ಸಚಿವ ಬೊಕ್ಕ ಒಡಿಪು ಜಿಲ್ಲಾ ಉಸ್ತುವಾರಿ ಸಚಿವ ಬಸವರಾಜ ಬೊಮ್ಮಾಯಿ ಭರವಸೆ ಕೊರ್ತೆರ್.

ಬುಧವಾರ ಬೆಂಗಳೂರುರ್ದು ಒಡಿಪು ಜಿಲ್ಲಾಡಳಿತದ ಒಟ್ಟುಗು ವೀಡಿಯೊ ಕಾನ್ಫರೆನ್ಸ್ ಮುಖೇನ ಜಿಲ್ಲೆಯ ಕೋವಿಡ್ ಸ್ಥಿತಿಗತಿ ಬಗ್ಗೆ ನಡಪಾಯಿನ ಪ್ರಗತಿ ಪರಿಶೀಲನಾ ಸಭೆಟ್ ಮೇರ್ ಪಾತೆರಿಯೆರ್.

ಜಿಲ್ಲೆಡ್ ಪ್ರತೀದಿನ ಅಗತ್ಯ ಉಪ್ಪುನ ರೆಮ್‌ಡಿಸಿವರ್ ಬಗ್ಗೆ ವರದಿ ಕೊರೊಡು. ಅಂಚನೇ ಆಕ್ಸಿಜನ್ ಕೊರತೆಯಾವಂದಿಲಕ ನಿರಂತರವಾದ್ ಸರಬ ರಾಜು ಬೊಕ್ಕ ದಾಸ್ತಾನು ಮಲ್ಪುಲಕ ಎಚ್ಚರವಹಿಸೊಡು ಪಂದ್ ಪಂಡೆರ್ .

ಕುಡ್ಲಗ್ ತುರ್ತು ಆಕ್ಸಿಜನ್ ಸರಬರಾಜು: ನರೇಂದ್ರ ಮೋದಿಗ್ ಸೊಲ್ಮೆ ಸಂದೈತ

May 6, 2021

ಕುಡ್ಲ, ಮೇ 06: ದಕ್ಷಿಣ ಕನ್ನಡ ಜಿಲ್ಲೆಗ್ ತುರ್ತು ಆಕ್ಸಿಜನ್ ಸರಬರಾಜು ಮಲ್ತಿನ ಪ್ರಧಾನಮಂತ್ರಿ ನರೇಂದ್ರ ಮೋದಿ ಮೆರೆಗ್ ಸೊಲ್ಮೆಲು.

ಪ್ರಧಾನಮಂತ್ರಿ ನರೇಂದ್ರ ಮೋದಿನ ವಿಶೇಷ ಪ್ರಯತ್ನರ್ದ್ ಇನಿ ಕೊಲ್ಲಿ ರಾಷ್ಟ್ರವಾಯಿನ ಬಹರೈನ್ ಭಾರತೀಯ ನೌಕಾಪಡೆದ INS Talwar ಮುಖೇನ ದಕ್ಷಿಣ ಕನ್ನಡ ಜಿಲ್ಲೆಗ್ 40 ಮೆಟ್ರಿಕ್ ಟನ್ ಆಕ್ಸಿಜನ್ ಸರಬರಾಜು ಮಲ್ದುಂಡು . (20 ಮೆಟ್ರಿಕ್‌ ಟನ್ ಆಕ್ಸಿಜನ್ ಬೆಂಗಳೂರುಗು ಕಡಪಾದೆರ್ ನನ ಒರಿದಿನ 20 ಟನ್ ಲಿಕ್ವಿಡ್ ಆಕ್ಸಿಜನ್ ದಕ್ಷಿಣ ಕನ್ನಡ ಬೊಕ್ಕ ಒಡಿಪು ಜಿಲ್ಲೆಗ್ ದೆತೊನ್ದೆರ್ )

ನವ ಮಂಗಳೂರು ಬಂದರ್ ಗ್ ಬಹರೈನ್ ರ್ದ್ ಆಕ್ಸಿಜನ್ ಕಂತಿನ INS Talwar ನ್ ಭಾರತೀಯ ಜನತಾ ಪಾರ್ಟಿದ ರಾಜ್ಯ ಗುರ್ಕಾರ್ಲಾಯಿನ , ಸಂಸದೆರಾಯಿನ ಶ್ರೀ ನಳೀನ್ ಕುಮಾರ್ ಕಟೀಲ್, ಜಿಲ್ಲಾ ಉಸ್ತುವಾರಿ ಸಚಿವರಾಯಿನ ಶ್ರೀ ಕೋಟ ಶ್ರೀನಿವಾಸ್ ಪೂಜಾರಿನೊಟ್ಟಿಗೆ ಶಾಸಕ ವೇದವ್ಯಾಸ್ ಕಾಮತ್ ಮೇರ್ ಎದುಕೊಂದೆರ್.