ವಿಶೇಷ

ಇನಿರ್ದ್ ವಿಶೇಷ ತಪಾಸಣಾ ಶಿಬಿರ

Mar 15, 2022

ಕುಡ್ಲ : ದ.ಕ.ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆದ ವತಿರ್ದ್ ಎಂಡೋಸಲ್ಫಾನ್ ಸಂತ್ರಸ್ತೆರೆಗಾದ್ ಖಾಸಗಿ ವೈದ್ಯಕೀಯ ಕಾಲೇಜುದ ಒಟ್ಟು ಸೇರಿಗೆಡ್ ಪ್ರತಿ ತತಿಂಗೊಲ್ ದ ಮೂಜನೆ ಅಂಗಾರೆ , ಬುಧವಾರ ಬೊಕ್ಕ ಸನಿಯಾರ ತಪಾಸಣಾ ಶಿಬಿರ ಅಟ್ಟನೆ ಮಲ್ದೆರ್ .

ಮಾ.15ಕ್ಕ್ ಬೊಲ್ತೆರ್ ತಾಲೂಕುದ ಕಣಿಯೂರು, ಪುತ್ತೂರುದ ಕೊಲಾ ಬೊಕ್ಕ ಉಪ್ಪಿನಂಗಡಿ, ಸುಳ್ಯ ತಾಲೂಕುದ ಬೆಳ್ಳಾರೆ ಬೊಕ್ಕ ಮಾ.16ಕ್ಕ್ ಕೊಕ್ಕಡ ಬೊಕ್ಕ ಮಾ.19ಗ್ ಪುತ್ತೂರುದ ಪಾಣಾಜೆಡ್ ಶಿಬಿರ ನಡಪರೆ ಉಂಡು.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಅ.10 ಕ್ಕ್ ರಂಗಭೂಮಿದ ವಿಶೇಷ ಮಲ್ಲ ಸಭೆ

Sep 30, 2021

ಒಡಿಪು : ಒಡಿಪುಡು 1965ಟ್ಟ್ ಸುರು ಆಯಿನ ರಂಗಭೂಮಿ (ರಿ.) ಒಡಿಪು ಸಂಸ್ಥೆದ ನಿಯಮ ಬೊಕ್ಕ ನಿಬಂಧನೆಲೆನ್ ಕರ್ನಾಟಕ ಸಂಘದ ನೋಂದಣಿ ಕಾಯಿದೆ 1960ರ ಪ್ರಕಾರ ತಿದ್ದುಪಡಿಗ್ ಪಾಡುನ ಅಗತ್ಯ ಬೊಕ್ಕ ಅನಿವಾರ್ಯವಾಯಿನ ನೆಲೆಟ್ಟ್ ಸಂಸ್ಥೆದ ವಿಶೇಷ ಮಹಾಸಭೆನ್ ಅ.10ಕ್ಕ್ ಐತಾರ ಕಾಂಡೆ 10:30ಕ್ ಒಡಿಪು ಎಂಜಿಎಂ ಕಾಲೇಜ್ದ ಗೀತಾಂಜಲಿ ಸಭಾಂಗಣಡ್ ಲೈದೆರ್ .

Udupi,: The Udupi Theater (R), which was established in Udupi in 1965, was convened at the Gitanjali auditorium of MGM College, Udupi on Sunday, October 10 at 30:30 am as it was necessary and necessary to amend the Karnataka Societies Registration Act.

ಕೇರಳ ಬೊಕ್ಕ ಮಹಾರಾಷ್ಟ್ರರ್ದ್ ಕರ್ನಾಟಕಗ್ ಬರ್ಪಿನ ಪ್ರಯಾಣಿಕೆರೆಗ್ ವಿಶೇಷ ಸರ್ವೇಕ್ಷಣಾ ಚಟುವಟಿಕೆ

Jul 31, 2021

ಕುಡ್ಲ, ಜುಲೈ 31:ಪ್ರಸ್ತುತ, ಕೈತಲ್ ದ ಕೇರಳ ಬೊಕ್ಕ ಮಹಾರಾಷ್ಟ್ರಡ್ ಕೋವಿಡ್ 19 ಕೈ ಮೀರ್ದ್ ಉಪ್ಪುನ ಪರಿಸ್ಥಿತಿದ ನೆಲೆಟ್ಟ್ , ಸದರಿ ರಾಜ್ಯರ್ದ್ ಕರ್ನಾಟಕಗ್ ಬರ್ಪಿನ ಪ್ರಯಾಣಿಕೆರ್ನ ಸಂಬಂಧ ಈ ಕೆಲವು ವಿಶೇಷ ಸರ್ವೇಕ್ಷಣಾ ಚಟುವಟಿಕೆಲೆನ್ ಕಡ್ಡಾಯವಾದ್ ದೆತೊನೆರೆ ಸೂಚನೆ ಕೊರ್ತೆರ್ .

ಕೇರಳ ಬೊಕ್ಕ ಮಹಾರಾಷ್ಟ್ರರ್ದ್ ಬರ್ಪಿನಕುಲು, ಕೋವಿಡ್ 19 ಲಸಿಕೆದ ರಡ್ಡ್ ಡೋಸ್
ಪಡೆದಿತ್ತುಂಡಲ / ಪಡೆದ್ ಇಜ್ಜಿನ್ದಲ 72 ಗಂಟೆದುಲಯಿ ಮಲ್ದಿನ ಆರ್ಟಿ ಪಿ ಸಿ ಆರ್ ಪರೀಕ್ಷೆದ ನೆಗೆಟವ್ ವರದಿನ್ ಪಡೆದ್ ಉಪ್ಪೊಡು .ವಿಮಾನ, ರೈಲು, ರಸ್ತೆ ( ಬಸ್ ಬೊಕ್ಕ ಬೇತೆ ಸ್ವಂತ ಗಾಡಿ ದ ಮುಖೇನ ಮಾರ್ಗ ಕರ್ನಾಟಕಗ್ ಬರ್ಪಿನ ಪ್ರಯಾಣಿಕೆರೆಗ್ ನಿಯಮದ ಪಾಲನೆ ಕಡ್ಡಾಯ ಆದುಂಡು . ಅಂಚನೇ ಕೇರಳ ಬೊಕ್ಕ ಮಹಾರಾಷ್ಟ್ರರ್ದ್ ಬರ್ಪಿನ ಮಾತಾ ವಿಮಾನಗ್ ಲ ಅನ್ವಯವಾದುಂಡು .

ನೆತ್ತ ಪ್ರಕಾರ 72 ಗಂಟೆ ದ ಉಲಯಿ ಮಲ್ಪಾಯಿನ , ಆರ್ ಟಿ – ಪಿಸಿಆರ್ ನೆಗೆಟಿವ್ ಟೆಸ್ಟ್ ವರದಿನ್ ಪಡೆಯಿನ ಪ್ರಯಾಣಿಕಕೆರೆಗ್ ಮಾತ್ರ ಸಂಬಂಧಪಟ್ಟಿನ ವಿಮಾನಯಾನ ಸಂಸ್ಥೆದಕುಲು
ಬೋರ್ಡಿಂಗ್ ಪಾಸ್ ಕೊರೊಡು .
ರೈಲ್ ಡ್ ಪ್ರಯಾಣ ಮಲ್ಪುನ ಮಾತಾ ಪ್ರಯಾಣಿಕೆರ್ ಆರ್ ಟಿ – ಪಿಸಿಆರ್ ನೆಗೆಟಿವ್ ಟೆಸ್ಟ್ ವರದಿನ್ ಪಡೆಯುನೇನ್ ಖಚಿತ ಮಲ್ತೊನೊಡು ಪಂದ್ ಪ್ರಕಟಣೆಗ್ ಪಂತೆರ್.

ಜೋಕ್ಲೆನ ಆರೋಗ್ಯಗ್ ವಿಶೇಷ ಕಾಳಜಿ

Jul 1, 2021

ಮೂಲ್ಕಿ, ಜುಲೈ 1: : ಜೋಕ್ಲೆನ ಆರೋಗ್ಯದ ಬಗ್ಗೆ ಸರ್ಕಾರ ವಿಶೇಷ ಕಾಳಜಿ ವಹಿಸಾಯಿನ ಪರಿಣಾಮವಾದ್ ಲಸಿಕೆ ಕೊರ್ಪಿನ ಅಭಿಯಾನ ಸುರು ಆತುಂಡು . ಶೈಕ್ಷಣಿಕ ಜೀವನಗ್ ಒವ್ವೆ ತೊಂದರೆಯಾವoದಿಲಕ ತಜ್ಞರ್ದ್ ಮಾಹಿತಿ ಪಡೆದ್ ದುಂಬುದ ತಿಂಗೊಲ್ ಡು , ಶಿಕ್ಷಣ ಸಂಸ್ಥೆಲು ಬೇಲೆ ಸುರು ಮಲ್ಪರೆ ಉಲ್ಲೆರ್ ಪಂದ್ ಶಾಸಕ ಉಮಾನಾಥ ಕೋಟ್ಯಾನ್ ಪಂಡೆರ್ .

ಕಿನ್ನಿಗೋಳಿದ ಪಾಂಪೈ ಕಾಲೇಜ್ ದ ಲಯನ್ಸ್ ಕ್ಲಬ್, ರೋಟರಿ ಕ್ಲಬ್, ಕಾಲೇಜಿದ ಪೆರಿಯ ವಿದ್ಯಾರ್ಥಿ ಸಂಘ, ರಾಷ್ಟ್ರೀಯ ಸೇವಾ ಯೋಜನಾ ಘಟಕ, ಎನ್.ಸಿ.ಸಿ ಬೊಕ್ಕ ಯೂತ್ ರೆಡ್‌ಕ್ರಾಸ್ ಸಾಕರಡ್ ಬುಧವಾರ ವಿದ್ಯಾರ್ಥಿಲು,ಉಪನ್ಯಾಸಕೆರ್ ಬೊಕ್ಕ ಶಿಕ್ಷಕೇತೇರ ಸಿಬ್ಬಂದಿಗ್ ಲಸಿಕೆ ಕೊರ್ಪಿನ ಕಾರ್ಯಕ್ರಮಡ್ ಮೇರ್ ಪಾತೆರಿಯೆರ್.

ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಡಾ.ಪುರುಷೋತ್ತಮ ಕೆ.ವಿ, ರಾಜೇಶ್ ಶೆಟ್ಟಿ, ಡಾ.ಭಾಸ್ಕರ್ ಕೋಟ್ಯಾನ್, ರೋಟರಿ ಕ್ಲಬ್ ಗುರ್ಕಾರ್ಲಾಯಿನ ಸ್ವರಾಜ್ ಶೆಟ್ಟಿ, ಲಯನ್ಸ್ ಕ್ಲಬ್ ಗುರ್ಕಾರ್ಲಾಯಿನ ಮ್ಯಾಕ್ಸಿಮ್ ಪಿಂಟೋ, ಪದ್ಮಿನಿ ವಸಂತ, ಸುನಿಲ್ ಜಾರ್ಜ್, ಯಾದವ ದೇವಾಡಿಗ, ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ಅಭಿವೃದ್ಧಿ ಸಮಿತಿದ ಕಾರ್ಯಾಧ್ಯಕ್ಷ ಹಿಮಕರ್ ಕದಿಕೆ ಇತ್ತೆರ್ .

ಪತ್ರಕರ್ತೆರೆಗ್ ವಿಶೇಷ ಪ್ಯಾಕೇಜ್ ಕೊರಿಯೆರೆ ಮುಖ್ಯಮಂತ್ರಿಗ್ ಮನವಿ

May 22, 2021

ಕುಡ್ಲ , ಮೇ 21: ಕೋವಿಡ್-19, ಲಾಕ್‌ಡೌನ್ ನೆಲೆಟ್ಟ್ ಸಂಕಷ್ಟಡ್ ಪತ್ರಕರ್ತೆರೆಗ್ ವಿಶೇಷ ಪ್ಯಾಕೇಜ್ ಘೋಷಣೆ ಮಲ್ಪೊಡು ಪಂದ್ ದ.ಕ.ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ವತಿರ್ದ್ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪಗ್ ಮನವಿ ಮಲ್ದೆರ್ .

ಸಂಘದ ರಾಜ್ಯಾಧ್ಯಕ್ಷ ಶಿವಾನಂದ ತಗಡೂರ್ ಮುಖೇನ ಸಂಘದ ಜಿಲ್ಲಾಧ್ಯಕ್ಷ ಶ್ರೀನಿವಾಸ ನಾಯಕ್ ಇಂದಾಜೆ ಮುಖ್ಯಮಂತ್ರಿಗ್ ಮಲ್ತಿನ ಮನವಿಡ್ ಕೋವಿಡ್-19, ಲಾಕ್‌ಡೌನ್‌ರ್ದಾವರ ಪತ್ರಕರ್ತೆರ್ ಕಷ್ಟಡ್ ಉಲ್ಲೆರ್ . ಐಟ್ ಲಾ ಮುಖ್ಯವಾದ್ ಗ್ರಾಮೀಣ ಪ್ರದೇಶದ ಪತ್ರ ಕರ್ತೆರ್ನ ಶೋಚನೀಯವಾದುಂಡು . ಅಕ್ಲೆಗ್ ಸಂಬಳ, ಗೌರವಧನ ಇಜ್ಜಂದಿಲಕ ಆತುಂಡು . ಅಕ್ಲೆನ ಕುಟುಂಬ ಸಂಕಷ್ಟಗ್ ತಿಕೊಲ್ದುಂಡು . ಅಕ್ಲೆಗ್ ಜೀವನ ಸಾಗಿಸಾವುನೆ ಮಲ್ಲ ಸವಾಲಾದುಂಡು. ಇಂಚೋಗು ಸರಕಾರ ಪತ್ರಕರ್ತೆರೆನ್ ಫ್ರಂಟ್‌ಲೈನ್ ವಾರಿಯಸ್ ಪಂದ್ ಘೋಷಣೆ ಮಲ್ದೆರ್ ಕೇವಲ ಕೋವಿಡ್ ಲಸಿಕೆನ್ ಮಾತ್ರ ಕೊರ್ತುಂಡು .

ಮೀರಾ ರೋಡ್ ಶ್ರೀ ಶನೀಶ್ವರ ಮಂದಿರಡ್ ಶನಿವಾರದ ವಿಶೇಷ ಮಹಾಪೂಜೆ

May 19, 2021

ಬೊಂಬಾಯಿ, ಮೇ 19:ಮೀರಾ ರೋಡ್ ಶ್ರೀ ಶನೀಶ್ವರ ಮಂದಿರಡ್ ಶನಿವಾರದ ವಿಶೇಷ ಮಹಾಪೂಜೆ ಮಂಗಳಾದ್ಯಯ ಮಹಾ ಪೂಜೆದ ಪರವಾದ್ ಮೂಜನೆ ಶನಿವಾರ ವಾರದ ವಿಶೇಷ ಪೂಜೆ ಶ್ರೀ ಶನೀಶ್ವರ ಗ್ರಂಥ ಪಾರಾಯಣರ್ದ್ ಬೊಕ್ಕ ಹನುಮಾನ್ ಚಾಲೀಸ್ ಬೊಕ್ಕ ಶ್ರೀ ಶನೀಶ್ವರ ಜಪರ್ದ್ ಬೊಕ್ಕ ಶ್ರೀ ಶನೀಶ್ವರ ಭಜನಾ ಸಮಿತಿರ್ದ್ ಭಜನೆ ಆಯಿಬೊಕ್ಕ 7 ಗಂಟೆಗ್ ಸರಿಯಾದ್ ಮಹಾ ಮಂಗಳಾರತಿ ತೀರ್ಥ ಪ್ರಸಾದದೊಟ್ಟುಗು ನಡತುಂಡು.

ಈ ವಿಶೇಷ ಪೂಜೆಡ್ ಪ್ರಸಿದ್ಧ ಭಜನಾ ಗಾಯಕೆರಾಯಿನ ಮದುಕರ್ ಅಮೀನ್ ಮೆರ್ನ ಪುಟ್ಟು ಪರ್ಬದ ಪರವಾದ್ ಮಂದಿರಡ್ ಅಲಂಕಾರ ಸೇವೆದೊಟ್ಟುಗು ವಿಶೇಷ ಪೂಜೆ ನಡಪಾಯಿ ಬೊಕ್ಕ ಮಾನದಿಗೆದ ಗುರ್ಕಾರ್ಲಾಯಿನ ವಿನೋದ್ ವಾಘಷಿ ಮೇರ್ ಶಾಲ್ ಪಾರ್ದ್ ಪೂಜೆದ ಪ್ರಸಾದನ್ ಕೊರ್ದು ಮಾನದಿಗೆ ಮಲ್ತೆರ್.

ಈ ಪೊರ್ತುಡು ಗುರ್ಕಾರ್ದಿ ವಿದ್ಯಾ ಅಶೋಕ್ ಕರ್ಕೇರಾ ಒತ್ತು ಗುರ್ಕಾರ್ಲಾಯಿನ ಗುಣಕಾಂತ್ ಶೆಟ್ಟಿ ಕರ್ಜೆ, ಮಹಿಳಾ ಸಮಿತಿದ ಉಪಾಧ್ಯಕ್ಷೆ ರಾಧಾ ಸುರೇಶ್ ಕೋಟ್ಯಾನ್,
ಕೋಶಾಧಿಕಾರಿ ಅಚ್ಯತ ಕೋಟ್ಯಾನ್, ಜತೆ ಕೋಶಾಧಿಕಾರಿ ಜಯಕರ್ ಶೆಟ್ಟಿ ಮುದ್ರಾಡಿ,ಜತೆ ಕಾರ್ಯದರ್ಶಿ ಉಷಾ ದಿನೇಶ್ ಶೆಟ್ಟಿಗಾರ್,ಜತೆ ಕೋಶಾಧಿಕಾರಿ ಭಾರತಿ ಅಂಚನ್, ಪೂಜಾ ಸಮಿತಿದ ಉಪಾಧ್ಯಕ್ಷೆ ಜಯಲಕ್ಷ್ಮಿ ಸುವರ್ಣ,ಪೂಜಾ ಸಮಿತಿದ ಕಾರ್ಯದರ್ಶಿ ಶಕುಂತಲಾ ಶೆಟ್ಟಿ, ಮಹಿಳಾ ಸಮಿತಿದ ಯಶೋದ ಪೂಜಾರಿ ಭಾರತಿ ಮಧುಕರ್ ಅಮೀನ್,ಲಲಿತಮ್ಮ ಶೆಟ್ಟಿ ಗಾರ್,ಸುಜಾತ ಶೆಟ್ಟಿ, ಆರತಿ ರಾವ್‌ ಬೊಕ್ಕ ಯುವ ಸಮಿತಿದ ಜಯೇಶ್ ಸುವರ್ಣ, ರಿಚೀನ್ ಅಮೀನ್,ಕಾವ್ಯ ಶೆಟ್ಟಿಗಾರ್ ಹಿಮಾಂಶ್ ಅಮೀನ್,ಪ್ರಜ್ಣ ಶೆಟ್ಟಿಗಾರ್, ವಿಜೇತ ಪೂಜಾರಿ, ಪ್ರಿಯ.ವಿ ಗುಪ್ತ. ಅರ್ಚಕೆರಾಯಿನ ನಿರಾವ್ ಭಟ್ ಬೊಕ್ಕ ಶುಶಿಲ್ ಮಿಶ್ರ ವಿಘ್ಣಹರ್ತ ಡೆವಲಪರ್ದ ವಿವೇಕಾನಂದ ಜಾ.
ಪಾಲ್ ಪಡೆದ್ ಈ ಧಾರ್ಮಿಕ ಲೇಸ್ ಗ್ ಸಾಕಾರ ಕೊರಿಯೆರ್.

ಜಗತ್ತ್ ಗ್ ಬೈದಿನ ಕೊರೋನದ ನಿವಾರಣೆಗಾದ್ ಪ್ರಾರ್ಥನೆ ಮಲ್ತೆರ್.ಈ ವಿಶೇಷ ಪೂಜೆಡ್ ಪಾಲ್ ಪಡೆಯಿನ ಸರ್ವೆರೆಗ್ಲಾ ಸೊಲ್ಮೆ ಸಂದೈತನ್ ಗುಣಕಾಂತ್ ಶೆಟ್ಟಿ ಕರ್ಜೆ ಮಲ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೆದ್ರದ ಸುದ್ದಿ | Moodbidri News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಲಾಕ್ ಡೌನ್ ದ ಪೊರ್ತುಡು ಆಟೊರಿಕ್ಷಾದಕ್ಲೆಗ್ ವಿಶೇಷ ಪರಿಹಾರ ಪ್ಯಾಕೇಜ್ ಕೊರ್ಲೆ

May 13, 2021

ಮುಲ್ಕಿ : ಕೊರೊನಾ ಲಾಕ್ ಡೌನ್ ರ್ದಾತ್ರ ಮಾತೆರ್ಲ ಬಂಗೊಡು ಉಲ್ಲೆರ್. ಆಂಡ ರಿಕ್ಷಾ ಚಾಲನೆ ಮಲ್ತ್ ದ್ ಜೀವನ ಮಲ್ತೊಂದು ಪ್ಪುನಕುಲು ಮಸ್ತ್ ಕಷ್ಟೊಡು ಉಲ್ಲೆರ್. ಅಂಚಾದ್ ರಿಕ್ಷಾದಕಲೆಗ್ ಸರ್ಕಾರ ವಿಶೇಷ ಪರಿಹಾರ ಪ್ಯಾಕೇಜ್ ಕೊರೊಡು ಪಂಡ್ ದ್ ಮುಲ್ಕಿ ರಿಕ್ಷಾ ಚಾಲಕೆರ್ ಬೊಕ್ಕ ಮಾಲಕೆರ್ನ ಸಂಘದಕುಲು ಬಿನ್ನೈತ ಮಲ್ದೆರ್.

ಮುಲ್ಕಿ ರಿಕ್ಷಾ ಪಾರ್ಕ್ ಡ್ ಗುರುವಾರ ನಡತಿನ ಸುದ್ದಿಗೋಷ್ಠಿಡ್ ಸಂಘದ ಅಧ್ಯಕ್ಷೆರ್ ನಾಗರಾಜ್ ಕೊಲೆಕಾಡಿ ಈ ವಿಷಯ ತೆರಿಪಾಯೆರ್.
ಸದ್ಯದ ಸೆಮಿ ಲಾಕ್ ಡೌನ್ ಡ್ ಕಾಂಡೆ 6 ಗಂಟೆರ್ದ್ 9 ಗಂಟೆ ಮುಟ್ಟ ರಿಕ್ಷಾ ಚಾಲನೆ ಮಲ್ಪರೆ ಅವಕಾಶ ಉಂಡು. ಆಂಡ ಈ ಕಡಿಮೆ ಪೊರ್ತುಡು ದಾಲಾ ಸಂಪಾದನೆ ಆಪುಜಿ . ಮುಲ್ಕಿ ಬಸ್ ನಿಲ್ದಾಣದ ರಿಕ್ಷಾ ಪಾರ್ಕ್ ಡ್ ಒಂಜೆಟ್ಟೇ 173 ರಿಕ್ಷಾ ಉಂಡು. ಈತ್ ಕಮ್ಮಿ ಪೊರ್ತುಡು ಈತ್ ರಿಕ್ಷಾದಕಲೆಗ್ ಸಂಪಾದನೆ ಆಪುಜಿ. ಅಂಚೆನೇ ಎಚ್ಚಿನಕುಲು ಕೈತಲ್ದ ಪೆಜಮಾಡಿದ ಪ್ರಯಾಣಿಕೆರ್ ಮುಲ್ಕಿಡ್ ಉಲ್ಲೆರ್. ಇತ್ತೆದ ನಿಯಮದ ಪ್ರಕಾರ ರಿಕ್ಷಾ ಜಿಲ್ಲೆದ ಗಡಿ ದಾಟರೆ ಇಜ್ಜಿ. ಅಂಚಾದ್ ಬಾರಿ ಕಷ್ಟೊಡು ಉಲ್ಲ. ಈ ಕ್ಷೇತ್ರದ ಶಾಸಕೆರ್, ಉಸ್ತುವಾರಿ ಸಚಿವೆರ್ ರಿಕ್ಷಾದಕ್ಲೆನ ಕಷ್ಟೊನು ಅರ್ಥ ಮಲ್ತೊಂದು ಆಯಿನಾತ್ ಬೇಗ ವಿಶೇಷ ಪರಿಹಾರ ಪ್ಯಾಕೇಜ್ ಘೋಷಣೆ ಮಲ್ಪೊಡು ಪಂಡ್ ದ್ ಆರ್ ಮನವಿ ಮಲ್ತೆರ್.
ಸಂಘದ ಸದಸ್ಯೆರ್ ವಿಲ್ಫ್ರೆಡ್ ಕೊಲ್ಲೂರು ಮೇರ್ ಪಾತೆರ್ದ್, ಕಾಂಡೆ 6 ರ್ದ್ 9 ಗಂಟೆ ಮುಟ್ಟ ಕಾಲಿ ಮೂಜಿ ಗಂಟೆದ ಪೊರ್ತುಡು ರಿಕ್ಷಾದಕಲೆಗ್ 300 ರೂಪಾಯಿ ಸಂಪಾದನೆ ಆಂಡಲ ಪೆಟ್ರೋಲ್, ಡೀಸೆಲ್ ಪಂಡ್ ದ್ 200 ರೂಪಾಯಿ ಕರ್ಚಿ ಆಪುಂಡು. ಒರಿನ 100 ರೂಪಾಯಿಡ್ ಎಂಕುಲು ಜೀವನ ದೆಪ್ಪುನು ಎಂಚ ಪಂಡ್ ದ್ ಕೇಂಡಿನ ಆರ್, ರಿಕ್ಷಾ ಚಾಲನೆ ಮಲ್ಪರೆ ಕಾಂಡೆ 6 ಗಂಟೆರ್ದ್ ಮಧ್ಯಾಹ್ನ 12 ಗಂಟೆ ಮುಟ್ಟ ಅವಕಾಶ ಮಲ್ತ್ ಕೊರೊಡು ಪಂಡ್ ದ್ ಆರ್ ಮನವಿ ಮಲ್ತೆರ್.
ಸದಸ್ಯೆರ್ ಗಣೇಶ್ ಕಕ್ವ ಮೇರ್ ಪಾತೆರ್ದ್, ಕರಿನ ವರ್ಷ ಲಾಕ್ ಡೌನ್ ಪೊರ್ತುಡು ರಾಜ್ಯ ಸರ್ಕಾರ ಘೋಷಣೆ ಮಲ್ತ್ ದಿತ್ತಿನ 5,000 ರೂಪಾಯಿ ಪ್ಯಾಕೇಜ್ ಬ್ಯಾಡ್ಜ್ ದ ಸಮಸ್ಯೆರ್ದಾತ್ರ ಎಂಕ್ಲೆಗ್ ಎಚ್ಚಿನಕ್ಲೆಗ್ ತಿಕ್ ದಿಜಿ. ಆಂಡ ಎಂಕುಲು ಮಾತೆರ್ಲ ನೂದು ನೂದು ರೂಪಾಯಿ ಕರ್ಚಿ ಮಲ್ತ್ ದ್ ಅರ್ಜಿ ಪಾಡ್ದಿತ್ತ. ಆಂಡ ಕಾಲಿ 30 ರಿಕ್ಷಾದಕಲೆಗ್ ಮಾತ್ರ ಆ ಪರಿಹಾರ ತಿಕ್ ದ್ಂಡ್. ಈ ಸರ್ತಿ ಮಾತಾ ರಿಕ್ಷಾದಕಲೆಗ್ಲ ಪರಿಹಾರ ಘೋಷಣೆ ಮಲ್ಪೊಡು ಪಂಡ್ ದ್ ಒತ್ತಾಯ ಮಲ್ತೆರ್.ದೀಪಕ್ ಕಕ್ವ ಬೊಕ್ಕ ಬೇತೆ ಸದಸ್ಯೆರ್ ಸುದ್ದಿಗೋಷ್ಠಿಡ್ ಪಾಲ್ ಪಡೆದಿತ್ತೆರ್.

ಲೋಕದ ಕ್ಷೇಮ ಸಿದ್ಧಿಗಾದ್ ಒಡಿಪುದ ಕರಂಬಳ್ಳಿ ಶ್ರೀ ವೇಂಕಟರಮಣ ಸ್ವಾಮಿಗ್ ಮಲ್ಲಿಗೆ ಪೂತ್ತ ಅಲಂಕಾರ

May 12, 2021

ಒಡಿಪು, ಮೇ 12: ಓಡಿಪು ನಗರ ಬಿಜೆಪಿ ವತಿರ್ದ್ ಶಾಸಕ‌ ಕೆ ರಘುಪತಿ ಭಟ್ ಬೊಕ್ಕ ಮಹೇಶ್ ಠಾಕೂರ್ ಮುತಾಲಿಕೆಡ್ ಭಕ್ತೆರ್ನ ಸಕಾರಡ್ ಲೋಕಡ್ ಕೊರೊನಾ ವ್ಯಾಧಿದ ಸಂಕಟ ಹರಣವಾದ್ ಅತಿಶಯ ಶಾಂತಿ ಕ್ಷೇಮ ಸಿದ್ಧಿಗಾದ್ ಪ್ರಾರ್ಥನೆ ಮಲ್ತ್ ದ್ ಅಲಂಕಾರ ಪ್ರಿಯೆ ಆಯಿನ ಒಡಿಪುದ ಕರಂಬಳ್ಳಿ ಶ್ರೀ ವೇಂಕಟರಮಣ ಸ್ವಾಮಿಗ್ ಬುಧವಾರ ಮಲ್ಲಿಗೆ ಪೂತ ವಿಶೇಷ ಅಲಂಕಾರ ಮಲ್ತ್ ದ್ ಪೂಜೆ ಮಲ್ತೆರ್ . ಅರ್ಚಕ ನವೀನ್ ಐತಾಳ್ ಅಲಂಕಾರ ಮಲ್ತೆರ್ . ಈ ಮುಖೇನ ಸಂಕಷ್ಟಡ್ ಉಪ್ಪುನ ಶಂಕರಪುರ ಮಲ್ಲಿಗೆ ಬುಲೆಗಾರೆರೆಗ್ಲಾ ಒಂತೆ ಸಾಕಾರ ಕೊರಿಲಕ ಆಂಡ್ ಪಂದ್ ಸಂಯೋಜಕೆರ್ ತೆರಿಪಾಯೆರ್ .‌

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ವಿಶೇಷ ಮಾಸ್ಕ್ ತಯಾರ್ ಮಲ್ತಿನ ಕುಡ್ಲದ ಜವನ್ಯೆ

Apr 23, 2021

ಕುಡ್ಲ , ಏಪ್ರಿಲ್ 23; ಕೋವಿಡ್ ರಡ್ಡನೇ ಅಲೆ ಬಾರಿಬೇಗೋಡು ಪರಡೊಂದು ಉಂಡು. ಮಾಸ್ಕ್ ಬೇಡಿಕೆಲಾ ಮಾರ್ಕೆಟ್ಡ್ ಜಾಸ್ತಿ ಆವೊಂದು ಉಂಡು. ಬೇತೆ ಬೇತೆ ಕಂಪೆನಿಲು ಬೇತೆ ಬೇತೆ ತರದ ಮಾಸ್ಕ್ ತಯಾರ್ ಮಲ್ತೊಂದು ಉಲ್ಲೆರ್ . ನೆತ್ತ ನಡುಟು ಕುಡ್ಲದ ಒರಿ ಜವನ್ಯೆ ಪರಿಸರ ಸ್ನೇಹಿ ಮಾಸ್ಕ್ ತಯಾರ್ ಮಲ್ಪುನ ಮುಖೇನ ಮಾತೆರ್ನಲ ಗಮನ ಸೆಳೆತೆರ್.