ವಿದ್ಯಾರ್ಥಿ ವೇತನ

ವಿದ್ಯಾರ್ಥಿ ವೇತನ ವಂಚಿತ ಜೋಕ್ಲೆನ ನ್ಯಾಯಾಗಾದ್ ಎನ್ಎಸ್ ಯುಐ ಸುಳ್ಯ ಅಭಿಯಾನ

ಸುಳ್ಯ , ಮಾ. 07. 2019-20ನೇ ಸಾಲ್ ದ ವಿದ್ಯಾರ್ಥಿ ವೇತನ ವಂಚಿತ ಜೋಕ್ಲೆನ ವಿಶೇಷ ಗಣತಿನ್ ಮಲ್ತ್ ದ್ ಜೋಕ್ಲೆಗ್ ನ್ಯಾಯ ಕೊರ್ಪಿನ ನೆಲೆಟ್ಟ್ NSUI ಸುಳ್ಯ ಅಭಿಯಾನ ನಡತುಂಡು .

ವಿದ್ಯಾರ್ಥಿ ವೇತನ ತಿಕ್ಕoದಿನ ಜೋಕುಲು ಈ ಸರ್ವೆಡ್ ಪಾಲ್ ಪಡೆದ್ ಅಕ್ಲೆನ ಮಾಹಿತಿನ್ ನೋಂದಾವಣೆ ಮಲ್ತೆರ್. ಈ ಮಾತಾ ಮಾಹಿತಿನ್ NSUI ಆಯಾ ಇಲಾಖೆಗ್ ಸಲ್ಲಿಸಾದ್ ಜೋಕ್ಲೆಗ್ ನ್ಯಾಯ ಕೊರೊಡು ಪಂದ್ ಅಗ್ರಹ ಮಲ್ತೆರ್.

ಈ ಅಭಿಯಾನದ ZOOM ಮೀಟಿಂಗ್ ಡ್ ಜಿಲ್ಲಾಧ್ಯಕ್ಷ ಸವಾದ್ ಸುಳ್ಯ ಚಾಲನೆ ಕೊರಿಯೆರ್ . ಈ ಪೊರ್ತುಡು ಸುಳ್ಯ NSUI ಮುಖಂಡೆರಾಯಿನ ಕೀರ್ತನ್ ಗೌಡ ಕೊಡಪಾಲ, ಆಶಿಕ್ ಅರಂತೋಡ್, ಆಸಿಫ್‌ ಬಾಳಿಲ, ಧನುಷ್ ಕುಕ್ಕೆಟ್ಟಿ, ದರ್ಶನ್, ರಕ್ಷಿತ್, ಶಹಾಲ್, ಯಶವಂತ್, ಪವನ ಅಂಬೆಕಲ್ಲು, ಭರತ್ ಅಡ್ಯಡ್ಕ, ಸುಜಿತ್, ಮಿಥುನ್ ಸುಳ್ಯ, ಮೋಹನ್ ಬೊಕ್ಕ ಸಮಿತಿ ಸದಸ್ಯೆರ್ ಪಾಲ್ ಪಡೆದಿತ್ತೆರ್ .