ಲಾಕ್

ಕುಡ್ಲಡ್ ಜಾಸ್ತಿ ಆಯಿನ ಕೋವಿಡ್ : ವಾರಾಂತ್ಯಡ್ ಪುಣ್ಯಕ್ಷೇತ್ರಲು ಲಾಕ್ ಭಕ್ತಾದಿಲೆಗ್ ನಿರ್ಬಂಧ

Aug 6, 2021

ಕುಡ್ಲ : ದಕ್ಷಿಣ ಕನ್ನಡ ಜಿಲ್ಲೆಡ್ ಕೋವಿಡ್ ಕಮ್ಮಿ ಮಲ್ಪುನ ನೆಲೆಟ್ಟ್ ಜಿಲ್ಲಾಡಳಿತ ಕಟ್ಟುನಿಟ್ಟ್ ದ ನಿರ್ಬಂಧ ಪಾರ್ದೆರ್, ವಾರಾಂತ್ಯಗ್ ಕಟೀಲು ಶ್ರೀ ದುರ್ಗಾ ಪರಮೇಶ್ವರಿ ಕ್ಷೇತ್ರ ಧರ್ಮಸ್ಥಳ ಶ್ರೀ ಮಂಜುನಾಥ ಕ್ಷೇತ್ರಕ್ಕೆ ಭಕ್ತಾದಿಲೆಗ್ ಪೋಯೆರ್ ನಿರ್ಬಂಧ ಮಲ್ದೆರ್ .

ಕುಡ್ಲದ ಕೈತಲ್ ದ ಕೇರಳಡ್ ಕೋವಿಡ್ ಪ್ರಕರಣ ಜಾಸ್ತಿ ಆವೊಂದು ಉಂಡು , ಕೈತಲ್ ದ ರಾಜ್ಯ, ಜಿಲ್ಲೆರ್ದ್ ಜಿಲ್ಲೆದ ಪ್ರಯಾಣಿಕೆರೆರ್ದ್ ಕೆಲವೊಂಜಿ ಕಠಿಣ ನಿರ್ಬಂಧ ಪಾಡ್ದೆರ್ ಪಂದ್ ಜಿಲ್ಲಾಧಿಕಾರಿ ಡಾ.ಕೆ.ವಿ. ರಾಜೇಂದ್ರ ಪ್ರಕಟಣೆಡ್ ತೆರಿಪಾದೆರ್.

ಅನ್ ಲಾಕ್ ಮಲ್ಪರೆ ತಯಾರಿ : ಬೆಂಗ್ಳೂರು ಸೇರಿನoಚ 7 ಜಿಲ್ಲೆ ಅನ್ ಲಾಕ್

Jun 10, 2021

ಬೆಂಗ್ಳೂರು, ಜೂನ್ 10: ಕೊರೊನಾ ಸೋಂಕು ನಿಯಂತ್ರಣಗ್ ಬತ್ತಿನ ಬೆರಿಟ್ಟೆ ರಾಜಧಾನಿ ಬೆಂಗ್ಳೂರು ಸೇರಿನಂಚ ಬಹುತೇಕ ಜಿಲ್ಲೆಡ್ ಲಾಕ್ ಡೌನ್ ಸಡಿಲಿಕೆ ಮಲ್ಪರೆ ಸರ್ಕಾರ ನಿರ್ಧಾರ ದೈದುಂಡು . ಈ ಮುಖೇನ ಒಂಜರೆ ತಿಂಗೊಲುರ್ದು ಇಲ್ಲಡೆ ಇತ್ತಿನ ಜನಕ್ಲೆಗ್ ಬುಡುಗಡೆ ತಿಕ್ಕರೆ ಉಂದು.

ಕೊರೊನಾ ರಡ್ಡನೇ ಅಲೆ ನಿಯಂತ್ರಣಗ್ ಕನೆರೆ ಪ್ರಸ್ತುತ ರಾಜ್ಯ ಸರ್ಕಾರ ಜಾರಿ ಮಲ್ದಿನ ಲಾಕ್ ಡೌನ್ ಜೂನ್ 14ಕ್ಕ್ ಮುಗಿಯೆರೆ ಉಂಡು, ಜೂನ್ 14ರ್ದ್ ಬೊಕ್ಕ ರಾಜ್ಯಡ್ ಹಂತ ಹಂತವಾದ್ ಅನ್ ಲಾಕ್ ಪ್ರಕ್ರಿಯೆ ಸುರು ಆಯೆರೆ ಉಂಡು .

ಜನಕುಲು ಸಾಕಾರ ಕೊರಿಯೆರ್ಡ ಲಾಕ್ ಡೌನ್ ಮಲ್ಪುನ ಪ್ರಶ್ನೆನೆ ಇಜ್ಜಿ : ಯಡಿಯೂರಪ್ಪ

May 30, 2021

ಬೆಂಗ್ಳೂರು, ಮೇ 30: ರಾಜ್ಯಡ್ ಕೊರೋನಾ ಸೋಂಕು ಕಮ್ಮಿ ಆಂಡಲಾ ನಿಯಂತ್ರಣಗ್ ಬೈಜ್ಜಿ . ಈ ನೆಲೆಟ್ಟ್ ರಾಜ್ಯ ಸರ್ಕಾರ ಲಾಕ್ಡೌನ್ ದುಂಬು ಮಲ್ಪುoಡ ಪನ್ಪಿನ ಅನುಮಾನ ಜನಕ್ಲೆಗ್ ಮೂಡುದು ಬೈದುಂಡು . ಈ ಸಂಬಂಧ ಇನಿ ಪಾತೆರಿನ ಸಿಎಂ ಬಿಎಸ್ ಯಡಿಯೂರಪ್ಪ ಜನ ಸಾಕಾರ ಕೊರುಂಡ ಲಾಕ್ಡೌನ್ ದುಂಬು ಕೊನೊಪಿನ ಅಗತ್ಯ ಇಜ್ಜಿ. ಇತ್ತೆ ಉಪ್ಪುನ ಲಾಕ್ಡೌನ್ ಜೂನ್ 7 ತಾರೀಖ್ ಮುಟ ದುಂಬು ಪೋಯೇರೆ ಉಂಡು . ಐರ್ದ್ ಬೊಕ್ಕ ಪರಿಸ್ತಿತಿಗ್ ಅನುಗುಣವಾದ್ ದುಂಬುದ ನಿರ್ಧಾರ ದೆತೊನುವ ಪಂದ್ ತೆರಿಪಾಯೆರ್. ರಾಜ್ಯಡ್ ಕೋವಿಡ್ ಪರಿಸ್ಥಿತಿ ಬಗ್ಗೆ ಡಿಸಿಎಂ ಗೋವಿಂದ ಕಾರಜೋಳ, ಅಶ್ವಥ್ನಾರಾಯಣ್, ಸಿಎಸ್ ರವಿಕುಮಾರ್ ಸೇರಿನoಚ ಪೆರಿಯ ಅಧಿಕಾರಿಲು ಕೋಡೆ ಮುಖ್ಯಮಂತ್ರಿಲು ಸಭೆ ನಡಪಾಯೆರ್ .

ಇಡೀ ಜಿಲ್ಲೆನ್ ಸಂಪೂರ್ಣ ಲಾಕ್ ಡೌನ್ ಮಲ್ಪರೆಗ್ ಜಿಲ್ಲಾ ವರ್ತಕೆರ್ನ ಸಂಘೊಡ್ದ್ ಡಿಸಿಗ್ ಮನವಿ

May 25, 2021

ಒಡಿಪು, ಮೇ 25: ಒಡಿಪು ಜಿಲ್ಲಾ ವರ್ತಕರ ಹಿತರಕ್ಷಣಾ ವೇದಿಕೆ ಒಡಿಪು ಜಿಲ್ಲೆ ಈ ಸಂಸ್ಥೆ ಕರಿನ ಏಳ್ ವರ್ಷರ್ದ್ ಜಿಲ್ಲೆದ ವರ್ತಕೆರ್ನ ಹಿತರಕ್ಷಣೆ ಮಲ್ತೊಂದು ಬೈದುಂಡು.

ಕರಿನ ಸಲ ಕೋವಿಡ್ -19 ಪೊರ್ತುಡುಲಾ ತನ್ನ ಸದಸ್ಯೇರ್ನ ಮನವೊಲಿಸಾದ್ ಸಂಪೂರ್ಣ ಲಕ್ಡೌನ್ ಬೆಂಬಲ ಕೊರ್ಪದ್ ತನ್ಮೂಲಕ ಕೊರೋನ ಹತೋಟಿ ಕನಪುನಲ್ಪ ಬಾರಿ ಮಲ್ಲ ಕಜ್ಜ ಮಲ್ದೆರ್ .ಅವ್ವೆತೋ ಸಂಸಾರಗ್ ಫುಡ್ ಕಿಟ್ ಕೊರ್ಪಿನ ಮುಖೇನ ಬಡವು ಮಾಜಾವುನ ಬೇಲೆಲಾ ಮಲ್ತೊಂದು ಬೈದೆರ್.
ಈ ಸಲ ರಡ್ಡನೆ ಅಲೆ ಒಡಿಪು ಡು ಚೂರು ಜಾಸ್ತಿಯೇ ಉಪ್ಪುನೆರ್ದಾವರ ಪೇಂಟೇರ್ದ್ ಲಾ ಜಾಸ್ತಿ ಗ್ರಾಮಾಂತರ ಪ್ರದೇಶಡ್ ಜಾಸ್ತಿ ಸಾವು ಆಪುನೆರ್ದ್ ಇಡೀ ಜಿಲ್ಲೆನ್ ಸಂಪೂರ್ಣ ಲಾಕಡೌನ್ ಮಲ್ಪರೆ ಈ ಪೊರ್ತುಡು ವೇದಿಕೆ ಜಿಲ್ಲಾಧಿಕಾರಿಲೆನ ಮುಖೇನ ಸರಕಾರಗ್ ಬಿನ್ನಾಪು ಮಲ್ತೆರ್.

ಈ ಪೊರ್ತುಡು ವೇದಿಕೆದ ಒತ್ತುಗುರ್ಕಾರ್ಲಾಯಿನ ದಿ.ಯಶವಂತ ಬಿಕೆ ಮೆರ್ನ ನಿಧನದ ಪ್ರಥಮ ಪುಣ್ಯ ಸ್ಮರಣೆ ಪೊರ್ತುಡು 100 ಫುಡ್ ಕಿಟ್ ಲೆನ್ ಪೇಂಟೆಡ್ ಬಾರಿ ಕಷ್ಟಡ್ ಉಪ್ಪುನಕ್ಲೆಗ್ ಮುಟ್ಟವುನ ಬೇಲೆನ್ ಅಂಚನೆ ದೇಶಡ್ ನಡಪುನ ವಿಚಾರನ್ ಜನಕ್ಲೆಗ್ ಮುಟ್ಟವುನoಚಿನ ಕಜ್ಜ ಮಲ್ತೊಂದು ಉಪ್ಪುನ ಮಾಧ್ಯಮ ಮಿತ್ರೆರೆಗ್ ಮಾಸ್ಕ್ ,ಬೊಕ್ಕ ಆಕ್ಸಿ ಮೀಟರ್ ವಿತರಣೆ ಮಲ್ತೆರ್. ಅಂಚನೆ ಅನಾಥೆರೆಗ್ ಆಶ್ರಯ ಕೊರೊಂದು ಉಪ್ಪುನ ವಿಶ್ವಾಸದ ಇಲ್ಲ್ ಶಂಕರಪುರ ,ಸತ್ಯದ ತುಳುವೆರ್ ಕೂಟ ಸೇವಾಕಾರ್ಯಗ್ ಹೆಲ್ಪಿಂಗ್ ಹ್ಯಾಂಡ್ಸ್ ಸಂಘಟನೆದ ಮುಖೇನ , ಒಟ್ಟು ಸುಮಾರ್ ಒಂಜಿ ಲಕ್ಷರ್ದ್ ಜಾಸ್ತಿ ಜವಾಬ್ದಾರಿದ ಬೇಲೆನ್ ಇನಿ 24 ಮೇ ತಿಂಗಳ ಸೋಮವಾರ ಜಿಲ್ಲಾಧಿಕಾರಿಲೆನ ಮುತಾಲಿಕೆಡ್ ಸಾಂಕೇತಿಕವಾದ್ ಪಟ್ಟಿಯೆರ್.

ಈ ಪೊರ್ತುಡು ವೇದಿಕೆದ ಗುರ್ಕಾರ್ಲಾಯಿನ ಶ್ರೀ ವಾಲ್ಟರ್ ಸಲ್ದನಾ , ಕಾರ್ಯದರ್ಶಿ ಆನಂದ ಕಾರ್ನಾಡ್,ವರ್ತಕರ ಸಹಕಾರ ಸಂಘದ ಗುರ್ಕಾರ್ಲಾಯಿನ ಶ್ರೀ ಡೊಲ್ಫಿ ವಿಕ್ಟರ್ ಲೂವಿಸ್, ಸದಸ್ಯೆರಾಯಿನ ಮಟ್ಟರ್ ಗಣೇಶ್ ಕಿಣಿ, ಮಹಮದ್ ಮೌಲಾ , ಮಾಕ್ಸಿಮ್ ಸಲ್ದನ , ದಿವಾಕರ ಸನಿಲ್, ಡೊನಾಲ್ಡ್ ಸಾಲ್ದಾನ , ಡ ಯನ ನರೇಂದ್ರ ಪೈ,ರೋಶಿತ್ ಜಯನಂದನ್, ದಿನೇಶ್ ಶೆಣೈ , ಸುಬ್ರಮಣ್ಯ ವಿ ಭಟ್ ಒಸ್ವಾಲ್ಡ್ ಸಾಲ್ದಾನ ಪಾಲ್ ಪಡೆದಿತ್ತೆರ್.