ಕಾರ್ಲ ಎಪಿಎಂಸಿ ವತಿರ್ದ್ ನೂರಾಳ್ ಬೆಟ್ಟು ಗ್ರಾಮದ ಕೆರೆ ಇಲ್ಲದ ಕೈತಲ್ ಬೆನ್ನಿ ಮಲ್ಪುನಕ್ಲೆಗ್ ಸಾಕಾರ ಆಯರೇ ಮಾರ್ಗದ ಕಾಂಕ್ರೀಟಿಕರಣ.
ಕಾರ್ಲ: ಎಪಿಎಂಸಿ ವತಿರ್ದ್ ನೂರಾಳ್ ಬೆಟ್ಟು ಗ್ರಾಮದ ಕೆರೆ ಇಲ್ಲದ ಕೈತಲ್ ಬೆನ್ನಿ ಮಲ್ಪುನ ಜನಕ್ಲೆಗ್ ಅನುಕೂಲ ಆಯೆರೆ ಈ ಜಾಗೆದ ಎಪಿಎಂಸಿ ಸದಸ್ಯೆರ್ ಬೊಕ್ಕ ಸದಸ್ಯೆರಾಯಿನ ಮಾಪಾಲು ಜಯವರ್ಮ ಜೈನ್ ಮೆರ್ನ ಶಿಫಾರಸ್ ದ ಪ್ರಕಾರ ರೂ. 3 ಲಕ್ಷ ಪಣವುಡು ಮಾರ್ಗದ ಕಾಂಕ್ರಿಟೀಕರಣ ಮಲ್ತೆರ್ .
ಹಾವಂಜೆ, ಜುಲೈ 19: ಹಾವಂಜೆ ಗ್ರಾಮ ವಿಕಾಸ ಸಮಿತಿ ಹಾವಂಜೆದ ಸದಸ್ಯೆರ್ ಕುಕ್ಕೆಹಳ್ಳಿ ಮಹಾಲಿಂಗೇಶ್ವರ ದೇವಸ್ಥಾನದ ಕೈತಲ್ ಉಪ್ಪುನ ಸುಮಾರ್ 20 ವರ್ಷರ್ದ್ ಪಡಿಲ್ ಬೂರ್ದಿನ 5 ಎಕರೆ ಕೃಷಿ ಭೂಮಿ ಸಾವಯವ ಭತ್ತದ ಬುಳೆ ಮಳ್ತೊಂದು ಉಲ್ಲೆರ್ ,ಕೃಷಿತ ನಾಟಿ ಬೇಲೆ ತಾರೀಖ್ 18/07/2021 ನೇ ಐತಾರದಾನಿ ನಡತುಂಡು.
ಬತ್ತಿನ ಬುಳೆತ ಬೈ ನ್ ಗೋ ಶಾಲೆಗ್ ದಾನ ಮಲ್ಪುನ ಸದುದ್ದೇಶ ಉಂಡು ಪಂದ್ ಸಮಿತಿದ ಗುರ್ಕಾರ್ಲಾಯಿನ ಸತ್ಯ ನಾರಾಯಣ ಆಚಾರ್ಯ ಪಂಡೆರ್.
ಈ ಪೊರ್ತುಡು ಚೇತನ್ ಪೂಜಾರಿ ಅಂಗಡಿಬೆಟ್ಟು,
ಸಂತೋಷ್ ಜತ್ತನ್ ಬಬ್ಬುಜೆಡ್ಡು,ಕೃಷಿ ಪ್ರಮುಖ್ ಬೊಕ್ಕ ಸಹ ಪ್ರಮುಖ್ ಅಂಚನೇ ಮಾತಾ ಸದಸ್ಯೆರ್ ಪಾಲ್ ಪಡೆದಿತ್ತೆರ್.
ಒಡಿಪು, ಜೂನ್ 26: ಕಡೆಕಾರ್ ಗ್ರಾಮೊಡ್ ಪಡಿಲು ಬೂರ್ದಿನ ಭೂಮಿಡ್ ಬೆನ್ನಿ ಬೆನ್ಪಿನ ಕಜ್ಜೊಗ್ ಕ್ರಷಿ ಸಚಿವೆರಾಯಿನ ಬಿ.ಸಿ.ಪಾಟೀಲ್ ಬೊಕ್ಕ ಉಡುಪಿ ಶಾಸಕೆರಾಯಿನ ರಘುಪತಿ ಭಟ್ ಚಾಲನೆ ಕೊರಿಯೆರ್.ಉಡುಪಿ ಜಿಲ್ಲೆದ ಬಿಜೆಪಿ ಮಹಿಳಾ ಮೋರ್ಚಾದ ಅಧ್ಯಕ್ಷೆರಾಯಿನ ವೀಣಾ ಶೆಟ್ಟಿ ಬೊಕ್ಕ ಪದಾಧಿಕಾರಿಲು ನಟ್ಟಿ ನಡ್ಪಿನ ಬೇಲೆಗ್ ಸಾಥ್ ಕೊರಿಯೆರ್.
