ಗರ್ದ್ ಡ್ ನಡಪುನ ಮಂಗಳೂರು ದಸರಾ -2020 ದ ಉದಿಪನ. ವಿಶೇಷ ಆಕರ್ಷಣೆ ಡ್ ತುಳು ಲಿಪಿ ಬರವುದ ಪಿಲಿ.
ಪಿಲಿತ್ತ ರಂಗ್, ತಾಸೆದ ಪೆಟ್ಟ್ ಐಸಿರದ ನವದುರ್ಗೆರ್ ನ ಅಲಂಕಾರ, ಮದಿಮಾಲ್ ಐತ ಆದ್ ಮೆರೆಯೆರ್ ಅಪ್ಪೆ.ಗರ್ದ್ ಡ್ ನಡಪುನ ಬಾರೀ ಪೊರ್ಲುದ ಮಂಗಳೂರು ದಸರಗ್ ಅಕ್ಟೋಬರ್ 17 ನೇ ಶನಿವಾರ ಚಾಲನೆ ತಿಕ್ಕ್ಂಡ್.
ಎನ್. ಆರ್. ಐ ಫೋರಂದ ಮಾಜಿ ಉಪಗುರ್ಕಾರ್ಲು ಅಂಚನೇ ಕೋವಿಡ್ ವಾರಿಯರ್ ಡಾ.ಆರತಿ ಕೃಷ್ಣ ಮೇರ್ ಈ ಕಜ್ಜೋದ ಉದಿಪನ ಮಲ್ತೆರ್. ದೇವಸ್ಥಾನದ ಸಮಿತಿ ಗುರ್ಕಾರ್ಲಾಯಿನ ಸಾಯಿರಾಮ್ , ಖಜಾಂಚಿ ಪದ್ಮರಾಜ್ ಕರ್ಕೆರಾ, ಹರಿಕೃಷ್ಣ ಬಂಟ್ವಾಳ್ ಬೊಕ್ಕ ಸಮಿತಿ ಸದಸ್ಯೆರ್ ಅಂಚನೇ ಬಾರೀ ಪೊರ್ಲುದ ಅಪ್ಪೆ ನ, ಅಂಚನೇ ಇನಿತ ಈ ಕಜ್ಜೋಡು ವಿಶೇಷ ಆಕರ್ಷಣೆ ಆದ್ ಇತ್ತಿನ ತುಳುಲಿಪಿ ಆಧಾರಿತ ಪಿಲಿ ತ ಬಾರೀ ಪೊರ್ಲುದ ಚಿತ್ರಣಲೆನ್ ದೆತ್ತಿನ ಅತುಲ್ ಸುಶೀಲ್ ಕುಮಾರ್ ಪಾಲ್ ಪಡೆದಿತ್ತೆರ್.ಇನಿತ ಈ ಕಜ್ಜೋಡು ವಿಶೇಷ ಆಕರ್ಷಣೆಯಾದ್ ಶಾರದಾ ಪ್ರತಿಷ್ಠಾ ಪಿಲಿ ತ ಮೈಟ್ ತುಳು ಲಿಪಿ ಮೆನ್ಕೊಂದು ಇತ್ತುಂಡ್. ಮಾಜೊಂದು ಪೋವೊಂದು ಉಪ್ಪುನ ತುಳು ಸಂಸ್ಕೃತಿ ನ್ ದೆರ್ತ್ದ್ ಪತ್ದ್ ತುಳು ಸಂಸ್ಕೃತಿ ನ್ ಒರಿಪಾವುನಲ್ಪ ಕುದ್ರೋಳಿದ ಶಾರದಾ ಪ್ರತಿಷ್ಠಾ ಪಿಲಿ ಯುವ ಪೀಳಿಗೆಗ್ ಸ್ಫೂರ್ತಿ ಆದಿತ್ತುಂಡ್.