ತಿರಂಗ

ವೆಲ್ಡಿಂಗ್ ಬೇಲೆದರೆನ ಕೈಟ್ ಮೂಡ್ದು ಬತ್ತಿನ ತಿರಂಗ

ವೆಲ್ಡಿಂಗ್ ಬೇಲೆದರೆನ ಕೈಟ್ ಮೂಡ್ದು ಬತ್ತಿನ ತಿರಂಗ

ಬ್ರಹ್ಮಾವರ: ದೇಶೋಡು 75ನೇ ವರ್ಷದ ಸ್ವಾತಂತ್ರ್ಯೋಚ್ಚಯ ಸಂಭ್ರಮ. ಗ್ರಾಮಾಂತರ ಭಾಗದ ಇಲ್ಲ್ ಇಲ್ಲಡ್ಲಾ ತಿರಂಗ ಧ್ವಜನ್ ಅರಳಾಯೆರೆ ಮಾತೆರ್ಲ ತಯಾರ್ ಆದ್ ಉಲ್ಲೆರ್ . ಬ್ರಹ್ಮಾವರ ಉಪ್ಪಿನಕೋಟೆಡ್ ವೆಲ್ಡಿಂಗ್‌ ಶಾಪ್‌ನಡ್ ಬೇಲೆ ಮಲ್ಪುನ ಶಂಕರ ಪೂಜಾರಿ ಸ್ವಾತಂತ್ರ್ಯದ ನೆಂಪುಗು ಫಿರಂಗಿನ್ ತಯಾರ್ ಮಲ್ದೆರ್.

ಉಪ್ಪಿನಕೋಟೆದ ಎಸ್‌.ಡಿ.ಪಿ ಎಂಜಿನಿಯರಿಂಗ್‌ ವರ್ಕ್ಸ್‌ಡ್ ಕರಿನ 25 ವರ್ಷರ್ದ್ ವೆಲ್ಡರ್‌ ಆದ್ ಬೇಲೆ ಮಲ್ತೊಂದು ಇತ್ತಿನ ಹೊನ್ನಾಳದ ಶಂಕರ್‌ ರಡ್ಡ್ ಚಕ್ರದ ಗಾಡಿದ ಬಿಡಿ ಭಾಗನ್ ಒಟ್ಟು ಮಲ್ತ್ ಸುಮಾರ್ 7 ಕೆ.ಜಿ ತೂಕದ ಫಿರಂಗಿದ ಮಾಡೆಲ್‌ ತಯಾರ್ ಮಲ್ದೆರ್ ಸ್ವಾತಂತ್ರ್ಯ ಸಂಗ್ರಾಮನ್ ನೆಂಪು ಮಲ್ದೆರ್ .

ಕರ್ಬ ಬೊಕ್ಕ ಪಿವಿಸಿ ಪೈಪ್‌ದ ತುಂಡು, ಬೈಕ್‌ದ ಪ್ಲಗ್‌, ಚೈನ್‌ ಬೊಕ್ಕ ಬೇತೆ ಬಿಡಿಭಾಗನ್ ಒಟ್ಟು ಮಲ್ತ್ 2 ದಿನಟ್ ಫಿರಂಗಿ ಮಾಡೆಲ್‌ ನ್ ತಯಾರ್ ಮಲ್ದೆರ್ . ಕೈತಲ್ ದಾರ್ ಆಯಿನ ಉದಯ ಕುಮಾರ್‌ ನೆಕ್ಕ್ ರಂಗ್ ಕೊರ್ದು ಪೊಲಬು ಕೊರ್ತೆರ್ . ಹೊನ್ನಾಳದ ಕಿರಣ್‌ ಪೂಜಾರಿ ಬೊಕ್ಕ ಸಾಲಿಕೇರಿದ ಎಂ.ಉಪೇಂದ್ರ ಪ್ರಭು ಮೆರೆನ ಸಾಕರಡ್ ಈ ಕಲಾಕೃತಿ ಮೂಡ್ದು ಬೈದುಂಡು.