ಕೋವಿಡ್

ಕುಡ್ಲದ ಯುವ ವೈದ್ಯೆ ಕೋವಿಡ್ ಗ್ ಬಲಿ

ಉಳ್ಳಾಲ, ಎಪ್ರಿಲ್ 29: ಕೋವಿಡ್ ದೃಢಆಯಿನ ಯುವ ವೈದ್ಯೆಯೊರ್ತಿ ಕುಡ್ಲದ ಖಾಸಗಿ ಆಸ್ಪತ್ರೆಡ್ ತೀರ್ ಪೋತೆರ್ .ಮಹಾ ಬಶೀರ್ (23) ತೀರ್ ಪೋಯಿನ ವೈದ್ಯೆ . ಎನ್ಮ ತಿಂಗೊಲ್ದ ಪಿರವು ಮದಿಮೆ ಆಯಿನ ಮೇರ್ ಬಂಜಿನಾರ್ ಪಂದ್ ತೆರಿದ್ ಬೈದುಂಡು.

ದೇರಳಕಟ್ಟೆ ಖಾಸಗಿ ಆಸ್ಪತ್ರೆದ ಐಸಿಯುಡ್ ಬೇಲೆ ಮಲ್ತೊಂದು ಇತ್ತಿನ ಮೇರ್ ಬಂಜಿನಾರ್ ಆಯಿನೆರ್ದಾವರ ರಜೆಟ್ ಇತ್ತೆರ್.ಊರುಡು ಉಪ್ಪುನಗ ಕೋವಿಡ್ ಬತ್ತಿನ ನೆಲೆಟ್ಟ್ ಕುಡ್ಲದ ಖಾಸಗಿ ಆಸ್ಪತ್ರೆಗ್ ದಾಖಲ್ ಮಲ್ತಿತ್ತೆರ್. ಅಲ್ಪ ಅಂಗಾರೆ ತೀರ್ ಪೋತೆರ್. ಮೆರ್ನ ಪತಿ ದೇರಳಕಟ್ಟೆದ ಖಾಸಗಿ ಕಾಲೇಜ್ ಡ್ ಎಂಡಿಎಸ್ ವಿದ್ಯಾರ್ಥಿಯಾದುಲ್ಲೆರ್.

ಪಂಪ್‌ವೆಲ್ ಡ್ ಉಪ್ಪುನ ಖಾಸಗಿ ಆಸ್ಪತ್ರೆಡ್ ಈ ಯುವ ವೈದ್ಯೆನ ಪೊಪ್ಪ ಪಾಲುದಾರೆರ್ ಆತೆರ್ , ಅವ್ವೆ ಆಸ್ಪತ್ರೆಡ್ ಮಗಲ್ ಚಿಕಿತ್ಸೆಗ್ ಸ್ಪಂದಿಸಾವಂದೆ ತೀರ್ ಪೋತೆರ್ .

ಕೋವಿಡ್ ಲಸಿಕೆ ಬಗ್ಗೆ ಜಾಗೃತಿ ಮೂಡಿಸಾಯರೇ ಸಂಜೀವನಿ ಅಭಿಯಾನ

ಬೆಂಗಳೂರು ಎಪ್ರಿಲ್ 06 : ಭಾರತಡ್ ಕೊರೋನಾ ವೈರಸ್ ರಡ್ಡನೇ ಅಲೆ ನಿರೀಕ್ಷೆರ್ದ್ ಲಾ ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್, ಎರಡು-ಮೂಜಿ ತಿಂಗೊಲ್ ದುಂಬೇ ಕೊರೋನಾ ಲಸಿಕೆ ಬತ್ತಿ ತ್ತುಂಡಲ ಜನಕ್ಲೆಗ್ ಇತ್ತೆಲ ವ್ಯಾಕ್ಸಿನ್ (Covid Vaccine) ಪಾಡ್ರೆ ಪಿರ ಜಾರೊಂದು ಉಪ್ಪುನ ಸಂಗತಿ ದೇಶಾದ್ಯಂತ ವರದಿಯಾತುಂಡ್ . ನೆಕ್ಕ್ ಪೂರಕ ಪನ್ಪಿಲಕ ಲಕ್ಷಾಂತರ ಡೋಸ್ ಲಸಿಕೆಲು ಉಪಯೋಗ ಆವಂದೆ ನಾಶ ಆತಿನವು ನೆಕ್ಕ್ ನಿದರ್ಶನ. ಕೊರೋನಾ ವೈರಸ್ ವಿರುದ್ಧ ಬೊಕ್ಕ ಲಸಿಕೆ ಬಗ್ಗೆ ಅವ್ವೆತೋ ದಿನರ್ದ್ ನಿರಂತರವಾದ್ ಜಾಗೃತಿ ಮೂಡಾನ್ಡಲ ಬರೊಂದು ಉಪ್ಪುನ ನೆಟ್​ವರ್ಕ್18 ಸಮೂಹದ ಸಂಸ್ಥೆಲು ಇತ್ತೆ ಲಸಿಕೆ ಬಗ್ಗೆ ಪೊಸ ಅಭಿಯಾನ ಸುರು ಮಲ್ದೆರ್ . ಏಪ್ರಿಲ್ 7, ಬುಧವಾರದಾನಿ ವಿಶ್ವ ಆರೋಗ್ಯ ದಿನ ಆಯಿನೆರ್ದಾವರ , ಆನಿ ಲಸಿಕೆ ಬಗ್ಗೆ ಜಾಗೃತಿ ಮೂಡಿಸಾಯರೇ ಸಂಜೀವನಿ (Sanjeevani – A Shot of Life) ಅಭಿಯಾನ ಸುರು ಆವೊಂದು ಉಂಡು ಪಂದ್ ಪ್ರಕಟಣೆಗ್ ತೆರಿಪಾದೆರ್ .