ಕೋವಿಡ್

” ಕೊಪ್ಪರಿಗೆ ” ತುಲು ಡಿಕ್ಷನರಿ ಬುಡುಗಡೆ ಲೇಸ್

ಕುಡ್ಲ : ಜುಲೈ 1:ತುಲು ಭಾಷೆ, ಲಿಪಿ ಬೊಕ್ಕ ಸಂಸ್ಕೃತಿದ ಬುಲೆಚ್ಚಿಲ್ಗಾದ್ ಬೆನ್ನಿ ಬೆನೊಂದು ಉಪ್ಪುನ ಜೈ ತುಲುನಾಡ್ (ರಿ.) ಪನ್ಪಿ ಸಂಘಟನೆ ತುಲು ಭಾಷೆಡ್ ಮಾಜೊಂದು ಉಪ್ಪುನ ಪದತ ಪೊಲಬು ಅಂಚನೇ ಪುನರ್ ಬಳಕೆಗಾದ್ ಕೊಪ್ಪರಿಗೆ ಪನ್ಪಿನ ಆನ್ಲೈನ್ ತುಳು ಶಬ್ದಕೋಶನ್ ಜುಲೈ 2 ತಾರೀಖ್ ಗ್ ಕಾಂಡೆ 10:30 ಕ್ ಬುಡುಗಡೆ ಮಲ್ಪರೆ ತಯಾರ್ ಮಲ್ದೆರ್ .

ಈ ತುಲು ಡಿಕ್ಷನರಿ ಮುಖೇನ ಜಗತ್ತ್ ಡ್ ಉಪ್ಪುನ ತುಲುವೆರ್ ಅಂಚನೇ ತುಳುವೇತರೆರ್ ತುಳು ಪದಕ್ಲೆನ್ ಸುಲಭವಾದ್ ನಾಡೋಲಿ . ಈ ಶಬ್ದಕೋಶ ತುಲು ಭಾಷೆದ ತುಳು ಲಿಪಿ ಬೊಕ್ಕ ಕನ್ನಡಲಿಪಿಟ್ ಲಭ್ಯ ಉಂಡು. ಇಂಗ್ಲಿಷ್ಹಿಂದಿ ಕನ್ನಡ, ತಮಿಳು, ತೆಲುಗು, ಮಲಯಾಳಂ ಭಾಷೆಡ್ ಅರ್ಥವಿವರಣೆನ್ ಚಿತ್ರಸಹಿತ ಪಡೆಯೋಲಿ . ತುಳು ಭಾಷೆದ ಪದ ಉಚ್ಚಾರಣೆಲಾ ನೆಟ್ಟ್ ಉಂಡು.ಈ ಮಹತ್ವಾಕಾಂಕ್ಷಿ ಯೋಜನೆದ ಮುತಾಲಿಕೆನ್ ಡಿಕ್ಷನರಿ ಡೆವೆಲಪರ್ ಬೊಕ್ಕ ಜೈ ತುಲುನಾಡ್ (ರಿ.) ಬೆಂಗ್ಳೂರು ಘಟಕದ ಉಪಾಧ್ಯಕ್ಷೆರ್ ಆಯಿನ ಶ್ರೀ ಸುಮಂತ್ ಪೂಜಾರಿ ಹೆಬ್ರಿ ಮೇರ್ ವಹಿಸೊಂದೆರ್.