ಕೊರೋನ ಕೋವಿಡ್ ತುಲು ವಾರ್ತೆ ತುಳುನಾಡ್ ತುಲು ಭಾಷೆ

ಹ್ಯಾಂಡ್ ಲಾಕ್ ಮಲ್ಪಂದಿನ ಗಾಡಿ ಕೊನೊದು ಗುಜಿರಿಗ್ ಮಾರಿನ ಕಲ್ವೇರ್

ಕುಡ್ಲ : ಅಪಾರ್ಟ್ ಮೆಂಟ್ ದ ಎದುರು ಹ್ಯಾಂಡ್ ಲಾಕ್ ಮಲ್ಪಂದೆ ಉಂತಾದಿನ ಗಾಡಿನ್ ಕೊನೊದು ಗುಜಿರಿಗ್ ಮಾರಾಟ ಮಲ್ಪರೆ ಪಿದಾಡಿನ ರಡ್ಡ್ ಕಲ್ವೆರೆನ್ ಪೊಲೀಸೇರ್ ರೆಡ್ ಹ್ಯಾಂಡ್ ಆದ್ ಪತ್ತ್ ದ್ ಕಂಬಿ ಲೆಕ್ಕ ಮಲ್ಪುಲೆಕ್ಕ ಮಲ್ದೆರ್.

ಶಿಯಾಬುದ್ದಿನ್ ಯಾನೆ ಶಿಯಾಬ್ ಬೊಕ್ಕ ನಿಸಾರ್ ಅರೆಸ್ಟ್ ಆಯಿನ ಆರೋಪಿಲು .

ಮೂಡಬಿದಿರೆ ಗಣೇಶೋತ್ಸವಡ್ ಪಾಲ್ ಪಡೆಯಿನ ಶಾಸಕ ಕೋಟ್ಯಾನ್‌

ಮೂಡುಬಿದಿರೆ : ಬೆದ್ರದ ಸಮಾಜಮಂದಿರಡ್ 58ನೇ ವರ್ಷದ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಲೇಸ್ ಡ್ , ಮುಲ್ಕಿ ಮೂಡಬಿದಿರೆದ ಮಾನ್ಯ ಶಾಸಕೆರಾಯಿನ ಶ್ರೀ ಉಮಾನಾಥ್ ಕೋಟ್ಯಾನ್ ಮೇರ್ ಪಾಲ್ ಪಡೆದ್ ದೇವೆರ್ನ ಆಶಿರ್ವಾದ ಪಡೆತೆರ್.

ಹಂಪಿ‌ಡ್ ಪ್ರವಾಸಿಗೆರೆಗ್ ಮುಕ್ತ – ಡಿಸಿ ಪವನ್ ಕುಮಾರ್ ಆದೇಶ

ಬಳ್ಳಾರಿ: ವಿಶ್ವವಿಖ್ಯಾತ ಹಂಪಿಯ ಸ್ಮಾರಕದ ವೀಕ್ಷಣೆಗ್ ಮುಕ್ತ ಅವಕಾಶ ಕೊರ್ದು ಬಳ್ಳಾರಿ ಜಿಲ್ಲಾಧಿಕಾರಿ ಪವನಕುಮಾರ್ ಮಾಲಪಾಟಿ ಆದೇಶ ಕೊರ್ತೆರ್ .

ಕೊರೊನಾ ಜಾಸ್ತಿ ಆಪುನ ಸಂಭವ ನೆಲೆಟ್ಟ್ ಕರಿನ ತಿಂಗೊಲ್ 14 ಗ್ ಪಾಡಿನ ವೀಕೆಂಡ್ ಕರ್ಫ್ಯೂ ತೆರವು ಮಲ್ದೆರ್ . ನೆತ್ತ ದುಂಬು ಪ್ರತಿ ಶನಿವಾರ, ಐತಾರ ಬೊಕ್ಕ ಸೋಮವಾರ ದಾನಿ ಪ್ರವಾಸಿಗೆರ್ನ ವೀಕ್ಷಣೆಗ್ ನಿರ್ಬಂಧ ಪಾಡ್ದೆರ್ . ಇಂಚಾದ್ ಹಂಪಿಗ್ ಬರ್ಪಿನ ಪ್ರವಾಸಿಗೆರ್ನ ಸಂಖ್ಯೆಡ್ ಕಮ್ಮಿ ಆತುಂಡು . ಅಂಚಾದ್ ಸ್ಮಾರಕದ ವೀಕ್ಷಣೆಗ್ ಪಾಡ್ದಿನ ನಿರ್ಬಂಧ ದೈದೆರ್

ಅಪ್ಘಾನ್ ಡ್ ಸರ್ಕಾರ ರಚನೆ ಮಲ್ತಿನ ತಾಲಿಬಾನ್ ಉಗ್ರೆರ್ ಪ್ರಧಾನಿಯಾದ್ ಹಸನ್ ಅಖುಂದ್

ಕಾಬೂಲ್ : ಆಫ್ಘಾನಿಸ್ತಾನಡ್ ತಾಲಿಬಾನ್ ಪೊಸ ಸರ್ಕಾರ ರಚನೆಯಾತುಂಡು , ಪ್ರಧಾನಿಯಾದ್ ಮುಲ್ಲಾ ಮೊಹಮ್ಮದ್ ಹಸನ್‌ ಅಖುಂದ್‌ ನೇಮಕ ಆತೆ .

ನನ ಈ ಪೊಸ ಸರ್ಕಾರಡ್ ಹಕ್ಕಾನಿಲೆಗ್ ಪ್ರಮುಖ ಖಾತೆ ಕೊರ್ತೆರ್ . ಸಿರಾಜುದ್ದೀನ್‌ ಹಕ್ಕಾನಿಗ್ ಒಳಾಡಳಿತ ಸಚಿವ ಸ್ಥಾನ ಕೊರ್ತೆರ್ .

ಅಫ್ಘಾನಿಸ್ತಾನಡ್ ಉಗ್ರವಾದಿಲೆನ ತಾಲಿಬಾನ್ ಸರ್ಕಾರ ರಚನೆಯಾತುಂಡು , ಮುಲ್ಲಾ ಮೊಹಮ್ಮದ್ ಹಸನ್ ಅಖುಂದ್ ಅಫ್ಘಾನಿಸ್ತಾನದ‌ ಚುಕ್ಕಾಣಿ ಪತ್ತ್ದೆ . ನನ ಈ ಮಧ್ಯಂತರ ಸರ್ಕಾರಡ್ , ಸಿರಾಜ್ ಹಕ್ಕಾನಿನ್ ಆಂತರಿಕ ವ್ಯವಹಾರದ ಸಚಿವೆಯಾದ್ ಮಲ್ದೆರ್.

ರಾಜೇಶ್ ಆಚಾರ್ಯೆರ್ನ ಇಲ್ಲಡ್ ನಡು ರಾತ್ರಿ ಪೆತ್ತ ಕಂಡಿನ ಕಲ್ವೆರ್

ಕಾರ್ಲ : ಕಾರ್ಲಾಡ್ ಪೆತ್ತ ಕಂಡುನ ಜಾಸ್ತಿ ಆವೊoದು ಉಪ್ಪುನೆರ್ದಾವರ ಅವೆನ್ ಉಂತಾವುನ ನೆಲೆಟ್ಟ್ ಇತ್ತೆ ಕಾರ್ಕಳ ಬಜರಂಗದಳ ಕಾರ್ಯ ಪ್ರವೃತ್ತವಾತುಂಡು. ಇಂಚಿನ ಪೊರ್ತುಡು ನಿಟ್ಟೆಡ್ ಕುಡೊಂಜಿ ಪ್ರಕರಣ ತೊಜಿದ್ ಬೈದುಂಡು ಗೋಮಾತೆನ್ ಕಳಯೊಂಡಿನಕುಲು ಬಾರಿ ಮಲ್ಲ ಗೊಪ್ರೇಮಿಯಾಯೀನೇರ್ದಾವರ ಇಲ್ಲಡೆ ದೇಶಿ ತಳಿ 30 ರ್ದ್ ಜಾಸ್ತಿ ಉಂಡು .ಇಂದೆನ್ ಗೇನಾಡ್ ದೀನ ಕಲ್ವೇರ್ ಮಾರ್ಗದ ಬರಿಟ್ ಇತ್ತಿನ ಪೆತ್ತನ್ ಕಂಡೊನ್ದು ಇತ್ತೆ ಮೆಕ್ಲೆನ ಇಲ್ಲದ ಬಿತ್ತಿಲ್ ದ ಉಲಯಿ ಪೊಗ್ಗುದೆರ್. ಇಂಚ ಉಪ್ಪುನಗ ಕಲ್ವೇರ್ ಮೆರೆನ ಇಲ್ಲಗೆ ಪೋಗ್ಗುದು ತಲವಾರು ಪಾರ್ದ್ ಪೆತ್ತ ಕಂಡಿನ ಬಾರಿ ಬೇಜಾರ್ ದ ಸಂಗತಿ , ನನ ಒರಿದಿನ ಪೆತ್ತದ ರಕ್ಷಣೆ ಬಗ್ಗೆ ಚಿಂತಾಕ್ರಾಂತರಾದ್ ಕಾನೂನು ಮೊರೆ ಪೋತೆರ್ ವಿಶ್ವಹಿಂದು ಪರಿಷದ್ ಬಜರಂಗದಳ ಬೆರಿ ಸಾಕಾಯಗ್ ಉಂತುದುಂಡು.

ಈ ಪೊರ್ತುಡು ರಾಜ್ಯಸಂಚಾಲಕೆರಾಯಿನ ಸುನಿಲ್ ಕೆ. ಆರ್  ಪ್ರಖಂಡ ವಿಶ್ವಹಿಂದು ಪರಿಷದ್ ಕಾರ್ಯದರ್ಶಿ ಸುಧೀರ್ ನಿಟ್ಟೆ, ಬೊಕ್ಕ
ಕಾರ್ಕಳ ಪ್ರಖಂಡ ಗೋ ರಕ್ಷಾ ಪ್ರಮುಖ್ ಪ್ರಸಾದ್ ಇತ್ತೆರ್.

ಒಡಿಪುಡು 126 ಜನಕ್ ಕೋವಿಡ್ ಪಾಸಿಟಿವ್

ಒಡಿಪು : ಪೇಂಟೆಡ್ ಗುರುವಾರ ಒಟ್ಟು 126 ಜನಕ್ ಕೊರೋನ ಸೋಂಕು ಪಾಸಿಟಿವ್ ಬೈದುಂಡು . ಸತತ ರಡ್ಡನೆ ದಿನಲ ಸೋಂಕುಗು ಏರ್ಲ ಬಲಿಯಾತುಜೆರ್ . ಕೋಡೆ ಒಟ್ಟು 7028 ಜನಕ್ ಕೋವಿಡ್ ಪರೀಕ್ಷೆ ಆತುಂಡು , ನೆಟ್ಟ್ 126 ಜನಕ್ ಸೋಂಕು ದೃಢ ಆತುಂಡು .

ದಿನಟ್ 57 ಜನ ಸೋಂಕುರ್ದು ಹುಷಾರ್ ಆವೊಂದು ಉಲ್ಲೆರ್ , ಸೋಂಕುಗು ಸಕ್ರಿಯ ಆಯಿನಕ್ಲೆನ ಸಂಖ್ಯೆ 1437ಕ್ಕ್ ಏರಿಕೆ ಆತುಂಡು ಪಂದ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಡಾ.ನಾಗಭೂಷಣ ಉಡುಪ ಪಂಡೆರ್.

Udupi, : A total of 126 people have been affected by coronavirus in the district on Thursday. For the second consecutive day, no one was infected. Covid tested a total of 7028 people today, of whom 126 were infected.

District Health and Family Welfare Dr Nagabhushana Udupa said that 57 people had recovered from the virus during the day.

ಅಖಿಲ ಕರ್ನಾಟಕ ರಾಜಕೇಸರಿ ಟ್ರಸ್ಟ್ (ರಿ) : ಸಮಾಜ ಸೇವೆ

“ಅಖಿಲ ಕರ್ನಾಟಕ ರಾಜಕೇಸರಿ ಟ್ರಸ್ಟ್ (ರಿ) ಕುಡ್ಲ ಬೊಲ್ತೆರ್ ತಾಲೂಕು ತುಲುನಾಡ್ದ ದೈವ ದೇವೆರ್ನ ಆಶೀರ್ವಾದರ್ದ್ ಪಾಪದಕ್ಲೆನ ಸೇವೆ ಮಲ್ಪುನ ನೆಲೆಟ್ಟ್ ದಿನಗೂಲಿ ನೌಕರೆರೆರ್ನ ಸದಸ್ಯೆರೆರ್ದ್ ರಚನೆಯಾಯಿನ ರಾಜ ಕೇಸರಿ ಸಂಘಟನೆ ಇತ್ತೆ ಈ ಸಂಸ್ಥೆ 497 ವಿವಿಧ ಸೇವಾ ಯೋಜನೆನ್ ಅನುಷ್ಠಾನ ಮಲ್ದುಂಡು .

95. ಲಕ್ಷರ್ದ್ ಜಾಸ್ತಿ ಪಣವುದ ಸೇವಾಚಟುವಟಿಕೆ ಅಟ್ಟನೆ ಮಲ್ದುಂಡು , ಸಂಘಟನೆರ್ದ್ ಕಟ್ಟಿನ ಇಲ್ಲದ ಸಂಖ್ಯೆ – 34., ಅನಾರೋಗ್ಯ ಪೀಡಿತೆರೆಗ್ ಕೊರಿನ ಪಣವುದ ಸಾಕಾರ , ಸಂಘಟನೆರ್ದ್ ವಿಶೇಷ ಯೋಜನೆ – 7 ಲಕ್ಷ 32 ಸಾರ, ಈ ಸಂಸ್ಥೆ, ಕೊರೊನ ಕಷ್ಟ ಕಾಲಡ್ ರಾಜಕೇಸರಿದ ಸಹಾಯ ಹಸ್ತ, ಪಾಪದಕ್ಲೆಗ್ ಕೊರಿನ ಆಹಾರ ಕಿಟ್ – 641, ಗುತ್ತಿಗೆ ನೌಕರೆರೆಗ್ ಕೊರಿನ ಕಿಟ್ – 93, ಪತ್ರಕರ್ತೆರೆಗ್ ವಿಶೇಷ ಯೋಜನೆ ,ರೋಗಿಲೆಗ್ ದರ್ಮದ ಗಾಡಿದ ವ್ಯವಸ್ಥೆ,ಶವ ಸಂಸ್ಕಾರ – 42, ಮುಕ್ತಿ ಧಾಮಗ್ ಕನಕ್ ದ ವ್ಯವಸ್ಥೆ ,ರಾಜಕೇಸರಿ ವತಿರ್ದ್ ನಡತಿನ ಲೇಸ್ :ಗ್ರಾಮಾಂತರ ಭಾಗಡ್ ಉಚಿತ ಆರೋಗ್ಯ ಶಿಬಿರ ,ಅಂಗವಿಕಲೆರ್ನ ಕಲ್ಯಾಣ ಲೇಸ್,ಕ್ರೀಡೆ, ಕಲೆ, ಸಂಸ್ಕೃತಿ ಬಗ್ಗೆ ಜಾಗೃತಿ,ಶಿಕ್ಷಣಗ್ ಪ್ರೋತ್ಸಾಹ ,ಶ್ರಮಧಾನ ಸೇವೆ,ತುರ್ತು ಸೇವೆ,ಅನಾರೋಗ್ಯ ಪೀಡಿತ ಜೋಕ್ಲೆನ ಮರ್ದ್ ದ ಖರ್ಚ್,ಬಸ್ಸು ತಂಗುದಾಣ,ಇಂಚ ಅವ್ವೆತೋ ಸಮಾಜ ಸೇವಾ ಚಟುವಟಿಕೆಡ್ ಪಾಲ್ ಪಡೆತೆರ್.