ಕೊರೋನ ಕೋವಿಡ್ ತುಲು ವಾರ್ತೆ ತುಳುನಾಡ್ ತುಲು ಭಾಷೆ

ರಾಜ್ಯಡ್ ಜಾಸ್ತಿ ಆವೊಂದು ಉಪ್ಪುನ ಡೆಂಗ್ಯೂ ಪ್ರಕರಣ

ಬೆಂಗ್ಳೂರು: ರಾಜ್ಯಡ್ ಕೊರೊನಾ ಮೂಜನೇ ಅಲೆ ಆತಂಕದ ನಡುಟು ಸೀಕ್ ಜಾಸ್ತಿ ಆವೊಂದು ಉಪ್ಪುನ , ಡೆಂಗ್ಯೂ ಪ್ರಕರಣದ ಸಂಖ್ಯೆ ಜಾಸ್ತಿ ಆವೊಂದು ಉಂಡು .

ಒಂಜಿ ಕಡೆ ಕೋವಿಡ್, ಡೆಲ್ಟಾ, ಡೆಲ್ಟಾ ಪ್ಲಸ್ ಅಟ್ಟಹಾಸದ ನಡುಟು ನಿಫಾ ಆತಂಕಲ ಸುರು ಆತುಂಡು . ಈ ನಡುಟು ಡೆಂಗ್ಯೂ ಕೇಸ್ ಜಾಸ್ತಿ ಆವೊಂದು ಉಪ್ಪುನೆರ್ದಾವರ ಕರಿನ ಒಂಜಿ ತಿಂಗೊಲ್ ಡು ರಾಜ್ಯೋಡು 893 ಡೆಂಗ್ಯೂ ಪ್ರಕರಣ ದಾಖಲಾತುಂಡು .

ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಕೆಗ್ ಡಿಸೆಂಬರ್ 31 ಮುಟ ಕಾಲಾವಧಿ ವಿಸ್ತರಣೆ

ವೈಯಕ್ತಿಕ ತೆರಿಗೆ ಪಾವತಿದಾರೆರ್ 2020- 21 ನೆ ಹಣಕಾಸು ವರ್ಷಗ್ ಆದಾಯ ತೆರಿಗೆ ರಿಟರ್ನ್ಸ್ (ITR) ಕೊರಿಯೆರೆ ಡಿಸೆಂಬರ್ 31, 2021 ಮುಟ ಕಾಲಾವಧಿ ವಿಸ್ತರಣೆ ಮಲ್ದೆರ್ , ಕೇಂದ್ರೀಯ ನೇರ ತೆರಿಗೆ ಮಂಡಳಿ (CBDT) ಗುರುವಾರ ಆದೇಶ ಕೊರ್ತೆರ್ . ಕೊವಿಡ್- 19 ಬಿಕ್ಕಟ್ಟುದು ನೆಲೆಟ್ಟ್ ತೆರಿಗೆದಾರೆರ್ ಬಂಗ ಬರೊಂದು ಉಪ್ಪುನೆರ್ದಾವರ ಈ ತೀರ್ಮಾನ ಮಲ್ದೆರ್ .

“ಅಸೆಸ್‌ಮೆಂಟ್ ವರ್ಷ 2021-22ಗ್ ಆದಾಯದ ರಿಟರ್ನ್ಸ್ ಕೊರಿಯೆರ್ ಆದಾಯ ತೆರಿಗೆ ಕಾಯ್ದೆದ ಸೆಕ್ಷನ್ 139 ನೆ ಸಬ್‌ಸೆಕ್ಷನ್ (1)ರ ಅಡಿಟ್ ಕಡೆತ ತಾರೀಖ್ 31 ನೇ ಜುಲೈ, 2021 ಆತುಂಡು . ಸುತ್ತೋಲೆ ಸಂಖ್ಯೆ 9/2021 ತಾರೀಖ್ 20.05.2021ನೆ ಪ್ರಕಾರ, 30ನೇ ಸೆಪ್ಟೆಂಬರ್, 2021ಕ್ ವಿಸ್ತರಣೆ ಮಲ್ದೆರ್ .

ಬ್ರಿಕ್ಸ್ ಅಟ್ಟನೆ ಮಲ್ತಿನೆಕ್ಕ್ ಪ್ರಧಾನಿ ಮೋದಿಗ್ ಸೊಲ್ಮೆ ಸಂದೈತ ಮಲ್ತಿನ ಚೀನಾ ಗುರ್ಕಾರ್ಲಾಯಿನ ಶಿ ಜಿನ್‌ಪಿಂಗ್

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಗುರ್ಕಾರ್ಮೆಡ್ 13 ನೇ ಬ್ರಿಕ್ಸ್ ದೇಶದ ವರ್ಚುವಲ್ ಶೃಂಗಸಭೆ ಸುರು ಆತುಂಡು . ಭಯೋತ್ಪಾದನೆ, ಆರ್ಥಿಕ ಬಿಕ್ಕಟ್ಟು, ಡಿಜಿಟಲ್ ಬೊಕ್ಕ ತಂತ್ರಜ್ಞಾನ ಬಳಕೆ ಬಗ್ಗೆ ಚರ್ಚೆಮಲ್ತೊಂದು ಉಲ್ಲೆರ್ .

ವರ್ಚುವಲ್ ಶೃಂಗಸಭೆಟ್ 10 ತಿಂಗೊಲುರ್ದು ಬೊಕ್ಕ ಉಂದುವೇ ಸುರುತ ಸಲ ಚೀನಾ ಗುರ್ಕಾರ್ಲಾಯಿನ ಶಿ ಜಿನ್‌ಪಿಂಗ್ ಬೊಕ್ಕ ಪ್ರಧಾನಿ ನರೇಂದ್ರ ಮೋದಿ ಮುಖಾಮುಖಿಯಾತೆರ್ .

ಶೃಂಗಸಭೆ ನ್ ಉದ್ದೇಶಿಸಾದ್ ಪಾತೆರಿನ ಪ್ರಧಾನಿ ಮೋದಿ.. ಭಾರತ ತನ್ನ ಗುರಕಾರ್ಮೆದ ಅವಧಿಗ್ ನಿರಂತರತೆ, ಬಲವರ್ಧನೆ, ಬೊಕ್ಕ ಒಮ್ಮತಗಾದ್ ಥೀಮ್‌ನ್ ಆಯ್ಕೆ ಮಲ್ದುಂಡು . ಉಂದು ನಮ್ಮ ಬ್ರಿಕ್ಸ್ ಪಾಲುದಾರಿಕೆದ ಮೂಲ ತತ್ವ ಆತುಂಡು .

ಕೊರೋನಾ ನಿಯಂತ್ರಣಗ್ ಉನ್ನತ ಮಟ್ಟದ ಸಭೆ; ಪ್ರಧಾನಿ ಮೋದಿ

ನವದೆಹಲಿ: ಕೇರಳ ಸೇರಿನಂಚ ದೇಶದ ಕೆಲವು ರಾಜ್ಯಡ್ ಮಾರಕ ಕೊರೋನಾ ಕೇಸು ಜಾಸ್ತಿ ಆವೊಂದು ಉಂಡು . ನೆತ್ತ ಪರಿಣಾಮ ಮೂಜನೇ ಅಲೆ ಭೀತಿ ಸುರು ಆತುಂಡು . ಇಂಚ ಉಪ್ಪುನಗ ದೇಶದ ಕೊರೋನಾ ಸ್ಥಿತಿಗತಿ ಬೊಕ್ಕ ಲಸಿಕೆ ಅಭಿಯಾನದ ಬಗ್ಗೆ ಪ್ರಧಾನಿ ನರೇಂದ್ರ ಮೋದಿ ಮೇರ್ ಉನ್ನತ ಮಟ್ಟದ ಸಭೆ ನಡಪಾದೆರ್ .

ಶುಕ್ರವಾರ ಪ್ರಧಾನಿ ನರೇಂದ್ರ ಮೋದಿ ಮುತಾಲೀಕೇಡ್ ನಡತಿನ ಉನ್ನತ ಮಟ್ಟದ ಸಭೆಟ್ ಕೊರೋನಾ ಸೋಂಕು ಹತೋಟಿಗ್ ಕನಯೆರೆ ಮಹತ್ವದ ನಿರ್ಧಾರ ದೆತೊನ್ದೆರ್ . ದೇಶಡ್ ಶೇ. 10ರ್ದ್ ಜಾಸ್ತಿ ಪಾಸಿಟಿವಿಟಿ ದರ ಉಪ್ಪುನ ಜಿಲ್ಲೆಡ್ ಹೈ ಅಲರ್ಟ್ ಪಂದ್ ಪಂಡೆರ್.

ಕುಡ್ಲದ ಕೆಲ ಅನಧಿಕೃತ ದೇವಾಲಯ,ಚರ್ಚ್,ಮಸೀದಿನ್ ದೆಪ್ಪೆರೆ ದುಂಬು ಬತ್ತಿನ ಬೊಮ್ಮಾಯಿ ಸರ್ಕಾರ

ಕುಡ್ಲ : ರಾಜ್ಯಡ್ ಸಂಚಲನ ಸೃಷ್ಟಿ ಮಲ್ತಿನ , ಅವ್ವೆತೋ ಆಕ್ರೋಶ ಪ್ರತಿಭಟನೆದ ಬೆಚ್ಚ ಮುಟ್ಟಿನ ಮೈಸೂರು ಅನಧಿಕೃತ ದೇವಾಲಯನ್ ಗರ್ತಿನ ಪ್ರಕರಣದ ಪಿರವುಡೇ , ರಾಜ್ಯ ಸರ್ಕಾರ ಕುಡ್ಲಡ್ ಲ ದೇವಾಲಯನ್ ಗರ್ಪೆರೆ ಸಿದ್ಧತೆ ತಯಾರ್ ಮಲ್ತೊಂದು ಉಲ್ಲೆರ್ ಪನ್ಪಿನ ಇಚಾರ ಬರೊಂದು ಉಂಡು , ಗರ್ಪುನ ದೇವಾಲಯದ ಪಟ್ಟಿ ತಯಾರಾತುಂಡು ಪಂದ್ ಸುದ್ದಿ ಬರೊಂದು ಉಂಡು.

ಸರ್ಕಾರಗ್ ಸಲ್ಲಿಕೆಯಾಯಿನ ವರದಿದ ಪ್ರಕಾರ 2009 ನೇ ಪಿರವು ಸುಮಾರ್ 902 ಅನಧಿಕೃತ ಕಟ್ಟಡನ್ ಗರ್ಪೆರೆ ತಯಾರ್ ಮಲ್ತೆರ್ ಐಟ್ ಅವ್ವೆತೋ ದೇವಾಲಯ, ಚರ್ಚ್, ಮಸೀದಿಲಾ ಉಂಡು ಪನ್ಪಿನ ಶಾಕಿಂಗ್ ಮಾಹಿತಿ ಬೈದುಂಡು.

A Different Plan Bommai Govt in front of evacuation of some unofficial temple, church and mosque in Dakshina Kannada district.

In the wake of the demolition of the Mysore Unauthorized Temple, which has been the site of many outrage, the state government is preparing to open the temples in Dakshina Kannada district.  According to a report submitted to the government, there are about 902 unauthorized buildings being cleared before 2009, including shocking information that a number of temples, churches and mosques are in the works.

ಹಾರಾಡಿ ಎ.ವಿ ಬಾಳಿಗಾ ಸ್ಮಾರಕ ಸಂಸ್ಥೆಡ್ ಉಚಿತ ವೈದ್ಯಕೀಯ ತಪಾಸಣಾ ಶಿಬಿರ

ಬ್ರಹ್ಮಾವರ : ವೈದ್ಯಕೀಯ ಪ್ರಕೋಷ್ಟ ಒಡಿಪು ಜಿಲ್ಲೆ, ವಸಂತಿ ಎ ಪೈ ಪ್ರತಿಷ್ಟಾನ ಮಣಿಪಾಲ ಬೊಕ್ಕ ವೈದ್ಯಕೀಯ ಪ್ರತಿನಿಧಿಲೆನ ಸಂಘ ನೆತ್ತ ಒಟ್ಟು ಸೇರಿಗೆಡ್ ಸೆ.12 ಕ್ಕ್ ಹಾರಾಡಿ ಎ.ವಿ ಬಾಳಿಗಾ ಸ್ಮಾರಕ ಸಂಸ್ಥೆಡ್ ಉಚಿತ ವೈದ್ಯಕೀಯ ತಪಾಸಣಾ ಶಿಬಿರ ನಡತುಂಡು .

ಲೇಸ್ ನ್ ಸೆಲ್ಯೂ ಸೋಲಾರ್ ಸಂಸ್ಥೆದ ಡಿಜಿಎಂ ಜಗದೀಶ್ ಪೈ ಉದಿಪನ ಮಲ್ತ್ ಎಡ್ಡೆಪ್ಪುನು ಬಯಕಿಯೆರ್ .

ಮತ್ತರ್ಮೆಡ್ ಖ್ಯಾತ ವೈದ್ಯ ಡಾ. ಜಯಪ್ರಕಾಶ್ ಬೆಳ್ಳಿ, ಡಾ. ನರಸಿಂಹ ಭಟ್, ಡಾ. ರವೀಂದ್ರ, ಡಾ. ಸನತ್ ಎಸ್ ರಾವ್, ಡಾ. ವಿದ್ಯಾಧರ ಶೆಟ್ಟಿ,ಜಯಂಟ್ಸ್ ಗುರ್ಕಾರ್ಲಾಯಿನ ಸುಂದರ ಪೂಜಾರಿ, ಮಧುಸೂಧನ್ ಹೇರೂರು, ಪ್ರಸನ್ನ ಕಾರಂತ್, ನರ್ಸಿಂಗ್ ಮುಖ್ಯಸ್ಥೆ ಲಿಲ್ಲಿ ಪಾಲ್ ಪಡೆದಿತ್ತೆರ್.

ಸಿಎ ಪರೀಕ್ಷೆಡ್ ದೇಶಗೇ ಸುರುತ ಸ್ಥಾನ ಪಡೆಯಿನ ಕುಡ್ಲದ ರುತ್ ಕ್ಲ್ಯಾರ್ ಡಿಸಿಲ್ವಾ

ಕುಡ್ಲ : ಇನ್ಸಿಟ್ಯೂಟ್ ಆಫ್ ಚಾರ್ಟರ್ಡ್ ಅಕೌಂಟೆಂಟ್ಸ್ ಆಫ್ ಇಂಡಿಯಾ (ಐಸಿಎಐ) ನಡಪಾಯಿನ ಚಾರ್ಟರ್ಡ್ ಅಕೌಂಟೆಂಟ್ ಪರೀಕ್ಷೆದ ಫಲಿತಾಂಶ ಸೋಮವಾರ ಬೈದುಂಡು . ನೆಟ್ಟ್ ಕುಡ್ಲದ ರುತ್ ಕ್ಲ್ಯಾರ್ ಡಿಸಿಲ್ವ ದೇಶಗ್ ಸುರುತ ಶ್ರೇಣಿ ಪಡೆತೆರ್ .ರುತ್ ರಾಷ್ಟ್ರ ಮಟ್ಟಡ್ ಸುರುತ ರಾಂಕ್ ಪಡೆಯಿನ ಕುಡ್ಲದ ಸುರುತ ವ್ಯಕ್ತಿ ಆತೆರ್ , ಮೇರ್ ಕುಡ್ಲದ ರೋಸಿ ಮಾರಿಯಾ ಡಿಸಿಲ್ಲಾ ಬೊಕ್ಕ ರಫರ್ಟ್ ಡಿಸಿಲ್ಲಾ ದಂಪತಿನ ಮಗಲ್ .

ಸಿಎ ಪರೀಕ್ಷೆಡ್ ದೇಶಗ್ ಸುರುತ ಶ್ರೇಣಿ ಪಡೆಯಿನ ರುತ್ ಪರಪೋಕು ಸೃಷ್ಟಿ ಮಲ್ದೆರ್ , ಕರಿನ ಕೆಲ ವರ್ಷರ್ದ್ ಪರೀಕ್ಷೆ ಬರೆತಿನ ಆರ್ ಛಲ ಬುಡoದೆ ಕುಡೋರ ಬರೆದ್ ಸಾಧನೆ ಮಲ್ದೆರ್ ಪಂದ್ ಆರ್ನ ಮಾರ್ಗದರ್ಶಕ ಬೊಕ್ಕ ಸೆಂಟರ್ ಫಾರ್ ಇಂಟಿಗ್ರೇಟೆಡ್ ಲರ್ನಿಂಗ್ (ಸಿಐಎಲ್)ನ ಸಂಚಾಲಕ, ನಂದಗೋಪಾಲ್ ಪಂಡೆರ್ .

Ruth Clair DeSilva of Mangalore tops the country in CA exams

Mangalore: The results of the Chartered Accountant Examination conducted by the Institute of Chartered Accountants of India (ICAI) has been announced on Monday. Ruth Clare DeSilva of Mangalore is ranked first in the country.

Ruth is the daughter of Rosie Maria DeCilla and Rafter DeCille of Mangalore.

Her mentor and co-ordinator of the Center for Integrated Learning (CIL), Nandagopal, said that Ruth has created the country’s first rank in CA exams, and she has faced the test over and over again over the past few years.Mangalore is excited to see that Ruth Clare is ranked first in her third attempt at CA exams. Parents, mentors and coaches congratulate Ruth on her achievement.

ಹುಷಾರ್ದಾಂತೆ ತೀರ್ ಪೋಯಿನ ರಾಜ್ಯಸಭಾ ಸದಸ್ಯ, ಕಾಂಗ್ರೆಸ್ ಮುಖಂಡ ಆಸ್ಕರ್ ಫೆರ್ನಾಂಡಿಸ್

ಕುಡ್ಲ : ರಾಜ್ಯಸಭಾ ಸದಸ್ಯ ಕೇಂದ್ರ ಮಾಜಿ ಸಚಿವ, ಕಾಂಗ್ರೆಸ್ ಮುಖಂಡ ಆಸ್ಕರ್ ಫೆರ್ನಾಂಡಿಸ್ ಸೋಮವಾರ ಕುಡ್ಲದ ಖಾಸಗಿ ಆಸ್ಪತ್ರೆಡ್ ತೀರ್ ಪೋಯೆರ್. . ಮೆರೆಗ್ 80 ವರ್ಷ ಪ್ರಾಯ ಆದ್ ಇತ್ತುಂಡು . ಕರಿನ ಕೆಲವು ದಿನರ್ದ್ ಕುಡ್ಲದ ಯೇನಪೊಯ ಆಸ್ಪತ್ರೆಡ್ ಐಸಿಯು ವಿಭಾಗಡ್ ಮರ್ದ್ ಪಡೆಯೊಂದು ಇತ್ತಿನ ಮೇರ್ ಚಿಂತಾಜನಕ ಸ್ಥಿತಿಟ್ ಇತ್ತೆರ್ .

ಇಂದಿರಾ ಗಾಂಧಿ ಕುಟುಂಬದ ಆಪ್ತೆರಾಯಿನ ಮೇರ್ , ಕಾಂಗ್ರೆಸ್ ದ ಪೆರಿಯ ಬೊಕ್ಕ ಪ್ರಭಾವಿ ನಾಯಕೆರ್ನೆಟ್ಟ್ ಒರಿ ಆದ್ ಇತ್ತೆರ್.ಒಡಿಪುರ್ದು ರಾಜಕೀಯ ಜೀವನನ್ ಸುರು ಮಲ್ತಿನ ಮೇರ್ ಹಂತ ಹಂತವಾದ್ ಎಡ್ಡೆ ಮಟ್ಟಗ್ ಬುಲೆಡ್ ಬತ್ತೆರ್ .

ಮೇರ್ ಬೊಡೆದಿ ಬೋಸಂ ಫೆರ್ನಾಂಡಿಸ್, ಪುತ್ರ ಓಶಾನ್, ಪುತ್ರಿ ಓಶಾನಿ, ಅಳಿಯ ಮಾರ್ಕ್, ಸೊಸೆ ಫ್ರೆಜಿಲ್ ಬೊಕ್ಕ ಇಷ್ಟ ಮಿತ್ರೆರೆರ್ದ್ ದೂರ ಆತೆರ್.