ಕುಡ್ಲ

ಜ.19 : “ಶಿವಪುರ್ಸಾದ ಬಬ್ಬರ್ಯೆ” ತುಳು ನಾಟಕ ಉದಿಪನದ ಲೇಸ್

ಕುಡ್ಲ : ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಒಟ್ಟುಸೇರಿಗೆಡ್ ಪರಮ ಪದ್ಮ ಕಲಾವಿದೆರ್ ಮೊಕ್ಲೆನ ತುಳು ಐತಿಹಾಸಿಕ ಜಾನಪದ ನಾಟಕ “ಶಿವಪುರ್ಸಾದ ಬಬ್ಬರ್ಯೆ” ಉದಿಪನದ ಲೇಸ್ ಜ.19 ಬಯ್ಯಡ್ 5 ಗಂಟೆಗ್ ಕುಡ್ಲದ ಟೌನ್ ಹಾಲ್ ಡ್ ನಡಪರೆ ಉಂಡು.

ಕುಡ್ಲದ ಮೇಯರ್ ಪ್ರೇಮಾನಂದ ಶೆಟ್ರೆನ ಗುರ್ಕಾರ್ಮೆಡ್ ನಡಪುನ ಈ ಲೇಸ್ ನ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ದ ಗುರ್ಕಾರ್ಲು ದಯಾನಂದ ಜಿ.ಕತ್ತಲ್ ಸಾರ್ ಬೊಕ್ಕ ಉರ್ವ ಶ್ರೀ ಮಾರಿಯಮ್ಮ ದೇವಲ್ಯದ ಆಡಳ್ತೆ ಮೊಕ್ತೇಸರೆರ್ ದಯಾನಂದ ಗುಜರನ್ ಉದಿಪನ ಮಲ್ಪುವೆರ್.ಮಲ್ಲ ಬಿನ್ನೆರಾದ್ ಯೋಜಕ ಇಂಡಿಯಾದ ಜಗದೀಶ್ ಬೋಳೂರು, ವಿಕಾಸ್ ಕಾಲೇಜ್ ದ ಟ್ರಸ್ಟಿ ಸೂರಜ್ ಕಲ್ಯ, ಲಯನ್ಸ್ ಕ್ಲಬ್ ಜಿಲ್ಲಾ ಸಂಯೋಜಕೆರ್ ಸುಮತಿ ಹೆಗ್ಡೆ, ಸುರತ್ಕಲ್ ಬಂಟರ ಸಂಘದ ಗುರ್ಕಾರ್ಲು ಸುಧಾಕರ ಪೂಂಜ, ಉದ್ಯಮಿ ಮೋಹನ್ ಬೆಂಗ್ರೆ ಪಾಲ್ ಪಡೆವೆರ್.

ಹಿರಿಯ ಯಕ್ಷಗಾನ ಕಲಾವಿದೆರ್ ಚೆನ್ನಪ್ಪ ಗೌಡ, ಹಿರಿಯ ನಾಟಕ ಕಲಾವಿದೆರ್ ವಸಂತ ವಿ.ಅಮೀನ್, ಕಲಾ ವಿಮರ್ಶಕೆರ್ ಎಂ. ಶಾಂತಾರಾಮ ಕುಡ್ವ ಮೊಕ್ಲೆಗ್ ಮಾನಾದಿಗೆ ನಡಪರೆ ಉಂಡು.
ಸಹಕಾರಿ ಮೋನಪ್ಪ ಶೆಟ್ಟಿ ಎಕ್ಕಾರ್, ಡಾ.ಅಣ್ಣಯ್ಯ ಕುಲಾಲ್, ಉದ್ಯಮಿ ವಿವೇಕ್ ರಾಜ್ ಪೂಜಾರಿ ಮಾನಾದಿಗೆ ಮಲ್ಪರೆ ಉಲ್ಲೆರ್.
ತುಳು ನಾಟಕ ಕಲಾವಿದೆರ್ನ ಒಕ್ಕೂಟದ ಗುರ್ಕಾರ್ಲು ಕಿಶೋರ್ ಡಿ.ಶೆಟ್ಟಿ, ಪತ್ರಿಕೋದ್ಯಮಿ ಪ್ರಕಾಶ್ ಪಾಂಡೇಶ್ವರ್,ನಾಟಕಕಾರೆರ್ ವಿಜಯಕುಮಾರ್ ಕೊಡಿಯಾಲ್ ಬೈಲ್,ಕರ್ನಾಟಕ ಮಾಧ್ಯಮ ಅಕಾಡೆಮಿ ಸದಸ್ಯೆರ್ ಜಗನ್ನಾಥ ಶೆಟ್ಟಿ ಬಾಳ, ಬೊಂಬಾಯಿದ ಕಲಾ ಸಂಘಟಕೆರ್ ಕರ್ನೂರು ಮೋಹನ ರೈ, ಇಂಚರ ತುಂಬೆ ಕಲಾವಿದೆರ್ ಸದಾಶಿವ ಡಿ. ತುಂಬೆ,ದಿನೇಶ್ ಅಮೀನ್ ಬಂಟ್ವಾಳ, ನರೇಶ್ ಅಮೀನ್ ಸಸಿಹಿತ್ಲು , ತುಳು ಅಕಾಡೆಮಿ ರಿಜಿಸ್ಟ್ರಾರ್ ಕವಿತ, ಸದಸ್ಯ ಸಂಚಾಲಕೆರ್ ನರೇಂದ್ರ ಕೆರೆಕಾಡು ಮೊಕುಲು ಮಾತಾ ಪಾಲ್ ಪಡೆವೆರ್ ಪಂದ್ “ಪರಮಪದ್ಮ ಕಲಾವಿದೆರ್” ಕೂಟದ ಸಂಚಾಲಕೆರ್ ಬಿ.ಕೆ.ಪದ್ಮರಾಜ್ ಎಕ್ಕಾರ್ ಬೊಕ್ಕ ಪರಮಾನಂದ ವಿ.ಸಾಲ್ಯಾನ್ ಪತ್ರಿಕಾ ಹೇಳಿಕೆಡ್ ತೆರಿಪಾದೆರ್.