ಕುಡ್ಲ

ಒಡಿಪು ಪೆರಿಯ ನಾಗರಿಕ ಸಂಸ್ಥೆದ ಗುರ್ಕಾರ್ಲಾದ್ ಎಚ್.ವಿಶ್ವನಾಥ ಹೆಗ್ಡೆ ಆಯ್ಕೆ

ಒಡಿಪು : ಒಡಿಪು ದ ಪೆರಿಯ ನಾಗರಿಕರ ಸಂಸ್ಥೆದ ಗುರ್ಕಾರ್ಲಾದ್ ಎಚ್. ವಿಶ್ವನಾಥ ಹೆಗ್ಡೆ ಆಯ್ಕೆಯಾತೆರ್ .

ಗೌರವಾಧ್ಯಕ್ಷರಾದ್ ಸಿ.ಎಸ್.ರಾವ್, ಕಾರ್ಯದರ್ಶಿ ಮರಳೀಧರ್, ಒತ್ತು ಗುರ್ಕಾರ್ಲಾದ್ ಕೆ. ಸದಾನಂದ ಹೆಗ್ಡೆ ಖಜಾಂಚಿ ಎಸ್. ಹರಿದಾಸ್ ನಾಯಕ್, ಜ, ಕಾರ್ಯದರ್ಶಿ ಯು, ಸದಾನಂದ ಆರ್. ಶೆಟ್ಟಿ ಆಡಳಿತ ಮಂಡಳಿ ಸದಸ್ಯರಾದ್ ಡಾ| ತಲ್ಲೂರು ಶಿವರಾಮ ಶೆಟ್ಟಿ ಬಿ.ಭುವನ ಪ್ರಸಾದ್ ಹೆಗ್ಡೆ ಎಸ್. ರಮೇಶ್ ನಾಯಕ್, ಅಮಿತ್ ಕುಮಾರ್ ಶೆಟ್ಟಿ ಪಿ. ನಾಗರಾಜ್ ರಾವ್, ಡಾ| ರವಿಚಂದ್ರ ಉಚ್ಚಿಲ, ಬಿ. ಪ್ರಭಾಕರ್, ಪದ್ಮಾಕಿಣಿ, ಮಾಲತಿ ಕೆ., ಜಯರಾಮ ಆಚಾರ್ಯ ಸಾಲಿಗ್ರಾಮ, ಶ್ರೀಧರ್‌ ಶೆಟ್ಟಿಪಿ. ಸತೀಶ್ ರಾವ್, ಕೊಕ್ರಾಡಿ ಸುರೇಶ್ ರಾವ್ ಆಯ್ಕೆಯಾತೆರ್ .

ರಾಜ್ಯಮಟ್ಟದ ವಾಲಿಬಾಲ್ ಕ್ರೀಡಾಪಟು ನಿಧನ

ಕಾಪು, ಮಾ.28: ಮೈದಾನಡ್ ಗೊಬ್ಬನ್ದು ಇತ್ತಿಲಕನೇ ಬೂರ್ದು ರಾಜ್ಯಮಟ್ಟದ ವಾಲಿಬಾಲ್ ಆಟಗಾರೆ ತೀರ್ ಪೋಯಿನ ಘಟನೆ ಕಾಪುದ ಇನ್ನಂಜೆ ಮೈದಾನಡ್ ಶನಿವಾರ ನಡು ರಾತ್ರಿ ನಡತ್oಡ್ .

ಕಾಪುದ ಕುರ್ಕಾಲು ಸುಭಾಸ್ ನಗರ ನಿವಾಸಿ ದೇವು ಯಾನೆ ದೇವರಾಜ್ ಅಂಚನ್(33) ತೀರ್ ಪೋಯಿನಾರ್ . ರಾಜ್ಯ ಮಟ್ಟದ ಅವ್ವೆತೋ ಗೊಬ್ಬಿನ ಮೇರ್ ಶನಿವಾರ ರಾತ್ರಿ ಇನ್ನಂಜೆ ಮೈದಾನಡ್ ನಡತಿನ ವಾಲಿಬಾಲ್ ಪಂದ್ಯಾಟಡ್ ಗೊಬ್ಬೊನ್ದು ಇತ್ತೆರ್. ರಾತ್ರಿ ಒಂಜಿ ಗಂಟೆದ ಪೊರ್ತುಗು ಗೊಬ್ಬೊಡು ಇತ್ತಿಲಕನೇ ಹೃದಯಾಘಾತ ಆದ್ ಏಕಾಏಕಿ ತಿರ್ತ್ ಬೂರ್ದೆರ್. ಅಪಗನೆ ಮೆರೆನ್ ಉಡುಪಿ ಆಸ್ಪತ್ರೆಗ್ ಲೆತೊಂದು ಪೊಂಡಲ ಆತ್ ಪೊರ್ತುಗು ಆರ್ ತೀರ್ ಪೋದಿತ್ತೆರ್.

ಕುಡ್ಲ “ಲಿಟ್ ಫೆಸ್ಟ್” ಉದಿಪನ

ಕುಡ್ಲ , ಮಾ.28: ‘ಭಾರತೀಯ ಆಲೋಚನೆದ ಮರು ರೂಪಿಸುವಿಕೆ’ ಪನ್ಪಿನ ವಿಷಯಡ್ ಅಟ್ಟನೆ ಮಲ್ದಿನ ಒಂಜಿ ದಿನತ ‘ಕುಡ್ಲ ಲಿಟ್ ಫೆಸ್ಟ್’ ಪೇಂಟೆದ ಕೊಡಿಯಾಲ್‌ಬೈಲ್ ಓಷಿಯನ್ ಪರ್ಲ್ ಹೊಟೇಲ್ ಸಭಾಂಗಣಡ್ ಶನಿವಾರ ಕಾಂಡೆ ಉದಿಪನ ಆಂಡ್.

ಲೇಸ್ ನ್ ಮಣಿಪಾಲ ಮಾಹೆ ವಿದ್ಯಾಸಂಸ್ಥೆದ ಡಾ ನಂದಕಿಶೋರ್ ಎಂ.ಎಸ್. ಬೊಕ್ಕ ನಿವೃತ್ತ ಐಎಎಸ್ ಅಧಿಕಾರಿ ಶಕ್ತಿ ಸಿನ್ಹಾ ತುಡರ್ ಅರ್ಲಾದ್ ಉದಿಪನ ಮಲ್ತೆರ್.ಮೈಥಿಕ್ ಸೊಸೈಟಿ ಸದಸ್ಯ ಪ್ರಸನ್ನ ಲೇಸ್ ಡ್ ಪಾಲ್ ಪಡೆದ್ ಇತ್ತೆರ್.

ಶರಣ್ಯಾ ಬೊಕ್ಕ ಸುಮೇಧ ಪ್ರಾರ್ಥನೆ ಮಲ್ತೆರ್ . ಸುನೀಲ್ ಕುಲಕರ್ಣಿ ಬತ್ತಿ ಬಿನ್ನೆರೆನ್ ಎದುಕೊಂಡೆರ್ . ಸಾಮಾಜಿಕ ಕಾರ್ಯಕರ್ತ ಪ್ರಕಾಶ್ ಮಲ್ಪೆ, ಮಾಳವಿಕಾ ಲೇಸ್ ನಡಪಾದ್ ಕೊರಿಯೆರ್.

ಬ್ಲಡ್ ಡೋನರ್ಸ್ ಕುಡ್ಲ ವತಿರ್ದ್ ನೆತ್ತೆರ್ ದಾನ ಶಿಬಿರ

ಕುಡ್ಲ,ಮಾರ್ಚ್ 26: ಚೆಂಬುಗುಡ್ಡೆ ಫ್ರೆಂಡ್ಸ್, ಆಟೋ ಚಾಲಕರು ಬೊಕ್ಕ ಮಾಲಕೆರ್ನ ಸಂಘ ತೊಕ್ಕೊಟ್ಟು, ಕೆರಬೈಲ್ ಫ್ರೆಂಡ್ಸ್ ಸರ್ಕಲ್, ಮುಂಡೋಳಿ ಫ್ರೆಂಡ್ಸ್, ಅನ್ಸಾರುಲ್ ಮಸಾಕಿನ್ ಅಸೋಸಿಯೇಷನ್ ಪಿಲಾರ್, ನಿಫಾ ಬೊಕ್ಕ ಬ್ಲಡ್ ಡೋನರ್ಸ್ ಕುಡ್ಲ ವತಿರ್ದ್ ನೆತ್ತೆರ್ ದಾನ ಶಿಬಿರ ನಡತುಂಡು.

ದೇಶಗಾದ್ ತನ್ನ ಪ್ರಾಣ ಕೊರಿನ ವೀರೆರಾಯಿನ ಭಗತ್ ಸಿಂಗ್, ರಾಜ್ ಗುರು, ಸುಖ್ ದೇವ್ ಮೆಕ್ಲೆನ ಸ್ಮರಣಾರ್ಥ ಚೆಂಬುಗುಡ್ಡೆ ನೂರುಲ್ ಹುದಾ ಮದ್ರಸ ಸಭಾಂಗಣ ಮರ್ಹೂಂ ಬಿ.ಎಂ. ಮೊಹಮ್ಮದ್ ಮದನಿ ವೇದಿಕೆಡ್ ಅಂಗಾರೆ ನಡತುಂಡು. ಲೇಸ್ ದ ಉದಿಪನ ನ್ ಸಿದ್ದೀಕ್ ಅಹ್ಸನಿ (ಇಮಾಮರು ಚೆಂಬುಗುಡ್ಡೆ ಜುಮಾ ಮಸೀದಿ) ನಡಪಾದ್ ಕೊರಿಯೆರ್.

ಮತ್ತರ್ಮೆಡ್ ಪಿ.ಸಿ ಇಮ್ತಿಯಾಜ್ ಗುರ್ಕಾರ್ಲು ಚೆಂಬುಗುಡ್ಡೆ ಜುಮಾ ಮಸೀದಿ, ದಯಾನಂದ ಪಿಲಾರ್ ಆಟೊ ಚಾಲಕ ಮತ್ತು ಮಾಲಕರ ಸಂಘ ತೊಕ್ಕೊಟ್ಟು, ವೆಂಕಟೇಶ್ ಶೆಟ್ಟಿ ನಿರೋಳಿಕೆ ತೊಕ್ಕೊಟ್ಟು ಕಾರ್ಯದರ್ಶಿ, ಅಸ್ಲಂ ಭಾಯ್ ಗುರ್ಕಾರ್ಲು ಮದನಿ ಮಸೀದಿ ಪಿಲಾರು, ಮೊಹಮ್ಮದ್ ಹನೀಫ್ ಮಾಜಿ ಗುರ್ಕಾರ್ಲು ಚೆಂಬುಗುಡ್ಡೆ ಜುಮಾ ಮಸೀದಿ, ಬಾಝಿಲ್ ಡಿಸೋಜ ಮಾಜಿ ಕೌನ್ಸಿಲರ್ ಚೆಂಬುಗುಡ್ಡೆ, ಸಜ್ಜಾದ್ ಚೆಂಬುಗುಡ್ಡೆ, ರೌಫ್ ಚೆಂಬುಗುಡ್ಡೆ, ಅಕ್ಬರ್ ಅಲಿ ಚೆಂಬುಗುಡ್ಡೆ, ಬ್ಲಡ್ ಡೋನರ್ಸ್ ಕುಡ್ಲ ಸಂಸ್ಥೆದ ಸಲಾಂ ಚೆಂಬುಗುಡ್ಡೆ, ಮುನಿರ್ ಚೆಂಬುಗುಡ್ಡೆ ಪಾಲ್ ಪಡೆದ್ ಇತ್ತೆರ್.

ಸರಕಾರೊಡ್ದ್‌ ಜನಕ್ಲೆಗ್ ತಿಕ್ಕುನ ಅನುದಾನದ ಬಗ್ಗೆ ಮಾಹಿತಿ

ಒಡಿಪು, ಮಾರ್ಚ್ 25: ಕೊಡವೂರು ವಾರ್ಡ್ ಅಭಿವೃದ್ಧಿ ಸಮಿತಿ ವತಿರ್ದ್ 13 ನೇಯ ಜನ ಸಂಪರ್ಕ ಸಭೆ ಬೊಕ್ಕ ಡಿ ನೋಟೀಸ್/ಸರಕಾರರ್ದ್ ಕೊರ್ಪಿನ ಅನುದಾನ ಮಾಹಿತಿ ಲೇಸ್ , ಕೆ ವಿಜಯ್ ಕೊಡವೂರು ಮೆರ್ನ ಮುತಾಲಿಕೆಡ್ ನಡತ್oಡ್.

ಗ್ರಾಮ ಲೆಕ್ಕಾಧಿಕಾರಿಯಾಯಿನ ಕಾರ್ತಿಕೇಯ ಭಟ್ ಮೇರ್ ಡಿ ನೋಟಿಸ್ ದ ಮಾಹಿತಿ ಬೊಕ್ಕ ಸರಕಾರರ್ದ್ ತಿಕ್ಕುನ ಅನುದಾನದ ಬಗ್ಗೆ ಮಾಹಿತಿ ತೆರಿಪಾಯೆರ್.ಒಟ್ಟು 23 ಜನಕ್ಲೆನ ಡಿ ನೋಟಿಸ್ ಸಮಸ್ಯೆಲೆಗ್ ಪರಿಹಾರ ಕೊರ್ಪಿನ ಕಾರ್ಯ ನಡತ್oಡ್.ಈ ಮುಖೇನ ನಡತಿನ ಗ್ರಾಮ ಸಭೆಟ್ ನಾಗರಿಕೆರೆಗ್ ಬಾರಿ ಮಲ್ಲ ಸಹಾಯ ಆಂಡ್ ,ಅಧಿಕಾರಿಲು ನಮ್ಮ ಇಲ್ಲದ ಕೈತಲ್ ಬತ್ದ್ ನಮ್ಮ ಸಮಸ್ಯೆಲೆಗ್ ಉತ್ತರ ಕೊರ್ಪಿನ ಕಾರ್ಯಕ್ರಮ ಕೊಡವೂರು ಡು ನಡತ್oಡ್ ಪಂದ್ ತೆರಿಪಾಯೆರ್.ಈ ಕಾರ್ಯ ಜನ ಮೆಚ್ಚುಗೆಗ್ ಪಾತ್ರ ಆಂಡ್ ಪಂದ್ ಲಾ ಪಂಡೆರ್.

ಈ ಪೊರ್ತುಡು ಕೈತಲ್ ದಕುಲಾಯಿನ ಜಲಜಾಕ್ಷಿ, ಕೃಷ್ಣ,ಶೇಕರ್ ಪೂಜಾರಿ ವಿನಯ್, ಕಾರ್ತಿಕ್ ಪಾಲ್ ಪಡೆದ್ ಇತ್ತೆರ್.