ಕಾರ್ಯಕ್ರಮ

ಕೂಲಿ ಕಾರ್ಮಿಕೆರ್ನ ಸೌಹಾರ್ದ ಸಹಕಾರಿ ಸಂಘ ಉದಿಪನ

Jun 26, 2021

ಭಟ್ಕಳ, ಜೂನ್ 26: : ಕೂಲಿ ಕಾರ್ಮಿಕರ ಸೌಹಾರ್ದ ಸಹಕಾರಿ ನಿಯಮಿತ ಭಟ್ಕಳ ನೆತ್ತ ಉದಿಪನನ್ ಶಾಸಕ ಸುನಿಲ್ ನಾಯ್ಕ ನಡಪಾದ್ ಕೊರಿಯೆರ್ .

ಈ ಪೊರ್ತುಡು ಸೌಹಾರ್ದ ಸಹಕಾರಿದ ಗುರ್ಕಾರ್ಲಾಯಿನ ಕೃಷ್ಣ ಸೋಮಯ್ಯ ನಾಯ್ಕ ಹುರುಳಿಸಾಲ್, ಒತ್ತುಗುರ್ಕಾರ್ಲಾಯಿನ ಜಟ್ಟಪ್ಪ ನಾರಾಯಣ ನಾಯ್ಕ, ಸದಸ್ಯೆರಾಯಿನ ಶ್ರೀಧರ ಮಂಜುನಾಥ ನಾಯ್ಕ, ಕೃಷ್ಣ ಜಟ್ಟಪ್ಪ ನಾಯ್ಕ, ಪಾರ್ವತಿ ವೆಂಕಟೇಶ ಮೊಗೇರ, ಸಾವಿತ್ರಿ ಲಚ್ಮಯ್ಯ ನಾಯ್ಕ, ಜಯಲಕ್ಷ್ಮೀ ನಾಗಪ್ಪ ನಾಯ್ಕ, ಶ್ರೀಧರ ನಾರಾಯಣ ನಾಯ್ಕ, ಹಜರತ್ ಅಲಿ ಕಂಬಾರ, ರಮೇಶ ದುರ್ಗಪ್ಪ ನಾಯ್ಕ, ಮಂಜುನಾಥ ಸೋಮಯ್ಯ ಗೊಂಡ, ದೇವೇಂದ್ರ ಶನಿಯಾರ ದೇವಡಿಗ, ಮಾದೇವ ಮಾಸ್ತಪ್ಪ ನಾಯ್ಕ ಪಾಲ್ ಪಡೆದಿತ್ತೆರ್.

ಫರಂಗಿಪೇಟೆ ಎಸ್ಡಿಪಿಐ ಸಂಸ್ಥಾಪನಾ ದಿನಾಚರಣೆ

Jun 22, 2021

ಫರಂಗಿಪೇಟೆ, ಜೂನ್ 22: ಸೋಶಿಯಲ್ ಡೆಮಾಕ್ರೆಟಿಕ್ ಪಾರ್ಟಿ ಆಫ್ ಇಂಡಿಯಾ ಪುದು ಗ್ರಾಮ ಸಮಿತಿ ವತಿರ್ದ್ ಪಕ್ಷದ 12ನೇ ವರ್ಷದ ಸಂಸ್ಥಾಪನಾ ದಿನ ಆಚರಣೆ ಮಲ್ತೆರ್ .

ದ್ವಜಾರೋಹಣನ್ ಪುದು ಗ್ರಾಮ ಪಂಚಾಯತ್ ಸದಸ್ಯೆರಾಯಿನ ನಝೀರ್ ಕುಂಜತ್ಕಳ ನಡಪಾದ್ ಕೊರಿಯೆರ್.

ಎಸ್ಡಿಪಿಐ ಜಿಲ್ಲಾ ಮುಖಂಡೆರಾಯಿನ ಅಕ್ಬರ್ ಅಲಿ ಪೊನ್ನೋಡಿ ಪಾತೆರ್ದ್ ನಮ್ಮ ಪೂರ್ವಿಕರ ತ್ಯಾಗ ಬಲಿದಾನಗ್ ಪ್ರತಿಫಲವಾದ್ ಜಗತ್ತ್ ಡೆ ಶ್ರೇಷ್ಠವಾಯಿನ ಪ್ರಜಾಪ್ರಭುತ್ವ ಅಸ್ಥಿತ್ವಗ್ ಬೈದುಂಡು ಅಕ್ಲೆನ ಬಲಿದಾನ ವ್ಯರ್ಥ ಆವಂದಿಲಕ ಪ್ರಜಾಪ್ರಭುತ್ವನ್ ಒರಿಪಾದ್ ಬುಲೆಪಾವುನ ಹೋರಾಟ ನಮ್ಮ ಆವೊಡು ಈ ನೆಲೆಟ್ಟ್ ಎಸ್ಡಿಪಿಐ ಪಕ್ಷ ಒಂಜಿ ದಶದಿಂದೀಚೆಕೆ ಸಾಮಾಜಿಕ ಪ್ರಜಾಪ್ರಭುತ್ವಗಾದ್ ಹೋರಾಟ ನಡಪಾವೊಂದೇ ಬೈದುಂಡು ಪಂದ್ ಪಂಡೆರ್. ಲೇಸ್ ದ ಗುರ್ಕಾರ್ಮೆನ್ ವಯಿಸೊಂಡಿನ ಎಸ್ಡಿಪಿಐ ಪುದು ಗ್ರಾಮ ಸಮಿತಿ ಗುರ್ಕಾರ್ಲಾಯಿನ ಇಕ್ಬಾಲ್ ಅಮ್ಮೆಮಾರ್ ವಯಿಸೊಂಡೆರ್ .

ಜಿಲ್ಲೆಗೊಂಜಿ ಸರಕಾರಿ ಮೆಡಿಕಲ್ ಕಾಲೇಜು ಅವಶ್ಯಕ; ಕ್ಯಾಂಪಸ್ ಫ್ರಂಟ್ ಹೋರಾಟ

Jun 21, 2021

ಒಡಿಪು, ಜೂನ್ 21: ಅವ್ವೆತೋ ವರ್ಷದ ಬಿನ್ನಾಪು ಆಯಿನ ಸರ್ಕಾರಿ ವೈದ್ಯಕೀಯ ಕಾಲೇಜು ನನಲ ಒಡಿಪುಗು ಬೈಜ್ಜಿ . ಒಂಜಿ ವಿದ್ಯಾರ್ಥಿ ಆಯೇನ ಶಾಲಾ ಜೀವನಡ್ ಉಪ್ಪುನಗನೇ ತಾನ್ ಒರಿ ವೈದ್ಯೆ ಆವೊಡು ಪನ್ಪಿನ ಆಸೆ ದೀದ್ ಐತ ಪಿರವು ಆತೆ ಬಂಗ ಬತ್ದ್ ಉಪ್ಪುವೆ. ಆಂಡ ನೀಟ್ ಪರೀಕ್ಷೆ ಬರೆಯಿ ಬೊಕ್ಕ ಕಾಲೇಜು ಪ್ರವೇಶ ಪೊರ್ತುಡು ಅಲ್ಪದ ಪಣವುದ ರಚನೆ ತೂನಗ ತಾನ್ ಕಟ್ಟಿನoಚಿನ ಕನನ್ ಬುಡ್ಪಿನoಚಿನ ಪರಿಸ್ಥಿತಿ ಬೈದುಂಡು . ಲಕ್ಷಗಟ್ಟಲೆ ಫೀಸು ಕಟ್ಟರೆ ಆವಂದೆ ಅಂಚನೇ ಜಿಲ್ಲೆಡ್ ಸರ್ಕಾರಿ ವೈದ್ಯಕೀಯ ಕಾಲೇಜು ಇಜ್ಜಂದೆ ಉಪ್ಪುನೆರ್ದಾವರ ಆ ವಿದ್ಯಾರ್ಥಿ ಶಿಕ್ಷಣರ್ದ್ ಪಿರ ಜಾರುವೆ . ಈ ವಿಚಾರಡ್ ಕ್ಯಾಂಪಸ್ ಫ್ರಂಟ್ ಆಫ್ ಇಂಡಿಯಾ ಒಡಿಪು ಜಿಲ್ಲಾ ಸಮಿತಿ ವತಿರ್ದ್ ಜಿಲ್ಲಾಧಿಕಾರಿ ಮುಖೇನ ಸರ್ಕಾರಗ್ ಬರ್ಪಿನoಚಿನ ಬಜೆಟ್ ಅಧಿವೇಶನಡ್ ಈ ವಿಷಯನ್ ಉಲ್ಲೇಖ ಮಲ್ಪೋಡು ಪಂದ್ ಬಿನ್ನಾಪು ಮಲ್ತೆರ್.

ಈ ಪೊರ್ತುಡು ಜಿಲ್ಲಾಧಿಕಾರಿ ನೆರ್ದ್ ಬತ್ತಿನ ಉತ್ತರ ಒಂಜಿ ಬೇಜವಾಬ್ದಾರಿತನದ ಆದ್ ಇತ್ತುಂಡು.ಒಡಿಪುಡು ಅವ್ವೆತೋ ಕಡೆಟ್ ಸರ್ಕಾರಿ ಭೂಮಿ ಇತ್ತುಂಡಲ ಜಿಲ್ಲಾಧಿಕಾರಿ ಸರ್ಕಾರಿ ವೈದ್ಯಕೀಯ ಕಾಲೇಜಿಗಾದ್ ಸರ್ಕಾರದ ಭೂಮಿ ಇಜ್ಜಿ ಪಂದ್ ಪಂಡೆರ್. ಒಂಜಿ ಜವಾಬ್ದಾರಿಯುತ ಸ್ಥಾನಡ್ ಉಪ್ಪುನ ಅಧಿಕಾರಿ ಈ ರೀತಿದ ಉತ್ತರ ಕೊರ್ಪಿನವು ಏತ್ ಸರಿ?ಪನ್ಪಿನೆನ್ ಕ್ಯಾಂಪಸ್ ಫ್ರಂಟ್ ಪ್ರಶ್ನೆ ಮಲ್ತೊಂದು ಉಂಡು .
ರಾಜ್ಯಡ್ ಸುಮಾರ್ 19 ಜಿಲ್ಲೆಡ್ ಸರ್ಕಾರಿ ವೈದ್ಯಕೀಯ ಕಾಲೇಜು ಉಂಡು . ವಾ ಜಿಲ್ಲೆಡ್ ಸರ್ಕಾರಿ ವೈದ್ಯಕೀಯ ಕಾಲೇಜು ಇಜ್ಜಾ , ಅಲ್ಪ ಉಪ್ಪುನoಚಿನ ಖಾಸಗಿ ವೈದ್ಯಕೀಯ ಕಾಲೇಜ್ ಡ್ ಈತ್ ಶೇಕಡದಾತ್ ಸರ್ಕಾರದ ಕೋಟಾ ಪಂದ್ ಉಂಡು ಪಂದ್ ಅಗ್ರಹ ಮಲ್ತೆರ್.

ಇತ್ತೇ ಈ ವಿಚಾಡ್ ಬಾರಿ ಮಲ್ಲ ಮಟ್ಟ್ ದ ಹೋರಾಟ ನಡಪಾಯೆರೆ ಕ್ಯಾಂಪಸ್ ಫ್ರಂಟ್ ಆಫ್ ಇಂಡಿಯಾ ಒಡಿಪು ಜಿಲ್ಲಾ ಸಮಿತಿ ತಯಾರ್ ಆದ್ ಉಂಡು, ಈ ವಿಚಾರನ್ ಗಂಭೀರವಾದ್ ದೆತೊoದು ಕ್ಯಾಂಪಸ್ ಫ್ರಂಟ್ ಆಫ್ ಇಂಡಿಯಾ #UdupiDemandsGovtMedicalCollege ಪನ್ಪಿನ ಚಳುವಳಿನ್ ಸುರು ಮಲ್ದೆರ್ ನೆತ್ತ ಭಾಗವಾದ್ ಇತ್ತೇ , ಅವ್ವೆತೋ ಜನ ಸಾಮಾನ್ಯರೆನ್, ಪ್ರಗತಿಪರ ಚಿಂತಕೆರೆನ್ ಬೊಕ್ಕ ಮುಲು ಉಪ್ಪುನ ಬೇತೆ ಬೇತೆ ಸಾಮಾಜಿಕ ಬೊಕ್ಕ ವಿದ್ಯಾರ್ಥಿ ಸಂಘಟನೆಲೆನ್ ಭೇಟಿ ಮಲ್ತ್ ಪಾತೆರಕಥೆ ನಡಪಾದೆರ್. ಮಾತೆರ್ಲ ತಮ್ಮ ಬೆಂಬಲ ಕೊರ್ತೆರ್ , ನನ ಬರ್ಪಿನ ದಿನಟ್ಟ್ ಮಾತೆರೆನ್ಲ ಒಟ್ಟು ಸೇರಾದ್ ಒಂಜಿ ಐತಿಹಾಸಿಕ ಆಂದೋಲನ ಕ್ಯಾಂಪಸ್ ಫ್ರಂಟ್ ಆಫ್ ಇಂಡಿಯಾದ ಮುತಾಲಿಕೆಡ್ ನಡಪರೇ ಉಂಡು ಪಂದ್ ಪಂಡೆರ್.

ಈ ಪೊರ್ತುಡು ಕ್ಯಾಂಪಸ್ ಫ್ರಂಟ್ ಒಡಿಪುದ ಜಿಲ್ಲಾ ಮುಖಂಡೆರಾಯಿನ ನವಾಜ್ ಒಡಿಪು , ಜಿಲ್ಲಾಧ್ಯಕ್ಷೇರಾಯಿನ ಅಸೀಲ್ ಅಕ್ರಂ ,
ಜಿಲ್ಲಾ ಕಾರ್ಯದರ್ಶಿಯಾಯಿಿ ನಮಸೂದ್ ಮನ್ನಾ , ಕ್ಯಾಂಪಸ್ ಫ್ರಂಟ್ ಕುಂದಾಪುರದ ಜಿಲ್ಲಾ ಕಾರ್ಯದರ್ಶಿಯಾಯಿನ ಅನ್ಫಾಲ್ ಗಂಗೊಳ್ಳಿ,
ಕ್ಯಾಂಪಸ್ ಫ್ರಂಟ್ ಒಡಿಪುದ ಜಿಲ್ಲಾ ಮುಖಂಡೆರಾಯಿನ ಝಮ್ ಝಮ್ ಪಾಲ್ ಪಡೆದಿತ್ತೆರ್.

ಖಾಸಗಿ ಆಸ್ಪತ್ರೆಲು ಸರ್ಕಾರ ನಿಗದಿ ಮಲ್ತಿನೆರ್ದ್ ಜಾಸ್ತಿ ಕಾಸ್ ವಸೂಲಿ ಮಲ್ಪರೆ ಇಜ್ಜಿ : ಕೋಟ ಶ್ರೀನಿವಾಸ್ ಪೂಜಾರಿ

Jun 10, 2021

ಕುಡ್ಲ , ಜೂ.10: ಕೋವಿಡ್ ಸೋಂಕಿತೆರೆಗ್ ಮರ್ದ್ ಕೊರ್ಪಿನ ಖಾಸಗಿ ಆಸ್ಪತ್ರೆಲು ಸರಕಾರ ನಿಗದಿ ಮಲ್ತಿನ ಚಿಕಿತ್ಸಾ ಶುಲ್ಕನ್ ಮಾತ್ರ ವಸೂಲಿ ಮಲ್ಪೋಡು . ಐರ್ದ್ ಜಾಸ್ತಿ ಕಾಸ್ ವಸೂಲಿ ಮಲ್ತುಂಡ ಅಪಗನೆ ಅವೆನ್ ಪಿರ ಕೊರ್ಪಿನoಚಿನ ಬೇಲೆನ್ ಅಧಿಕಾರಿಲು ಮಲ್ಪೋಡು ಪಂದ್ ದ.ಕ. ಜಿಲ್ಲಾ ಉಸ್ತುವಾರಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಪಂಡೆರ್ .

ಖಾಸಗಿ ಆಸ್ಪತ್ರೆಡ್ ಮರ್ದ್ ಪಡೆಯಿನ ಕೋವಿಡ್ ರೋಗಿಲೆನ ಬಿಲ್‌ಗ್ ಸಂಬಂಧಿ ದ.ಕ.ಜಿಲ್ಲಾಧಿಕಾರಿಲೆನ ಕಚೇರಿ ಸಭಾಂಗಣಡ್ ಬುಧವಾರ ನಡತಿನ ಸಭೆತ ಗುರ್ಕಾರ್ಮೆ ವಯಿಸ್ದ್ ಆರ್ ಪಾತೆರಿಯೆರ್.

ಆರೋಗ್ಯ ಕೇಂದ್ರಗ್ ಆಕ್ಸಿಜನ್ ಸಿಲಿಂಡರ್

Jun 7, 2021

ವಿಟ್ಲ, ಜೂನ್ 7: ವಿಟ್ಲ-ಉಪ್ಪಿನಂಗಡಿ ಬ್ಲಾಕ್ ಕಾಂಗ್ರೆಸ್ ವತಿರ್ದ್ ಸಮುದಾಯ ಆರೋಗ್ಯ ಕೇಂದ್ರಗ್ ತೀರಾ ಅಗತ್ಯ ಉಪ್ಪುನ ರಡ್ಡ್ ಆಮ್ಲಜನಕ ಜಂಬೊ ಸಿಲಿಂಡರ್ ಸಹಿತ ಅಗತ್ಯ ವಸ್ತುಲೆನ್ ಪಟ್ಟಿಯೆರ್.

ಮಾಜಿ ಶಾಸಕಿ ಶಕುಂತಳಾ ಶೆಟ್ಟಿ ಮೇರ್ ಈ ಸಾಮಗ್ರಿಲೆನ್ ಸಮುದಾಯ ಆರೋಗ್ಯ ಕೇಂದ್ರ ಆಡಳಿತ ವೈದ್ಯಾಧಿಕಾರಿ ಡಾ. ವೇದಾವತಿ ಮೆರೆಗ್ ಹಸ್ತಾಂತರ ಮಲ್ತೆರ್ .

ವಿಟ್ಲ ಉಪ್ಪಿನಂಗಡಿ ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ಡಾ.ರಾಜಾರಾಮ್ ಕೆ.ಬಿ, ಬ್ಲಾಕ್ ಕಾಂಗ್ರೆಸ್ ಮಾಜಿ ಗುರ್ಕಾರ್ಲಾಯಿನ ಎಂ ಎಸ್ ಮಹಮ್ಮದ್, ಪ್ರವೀಣ್ ಚಂದ್ರ ಆಳ್ವ, ಮುರಳೀಧರ ರೈ ಮಠಂತಬೆಟ್ಟು, ಪುತ್ತೂರು ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ಎಂ.ಬಿ ವಿಶ್ವನಾಥ ರೈ, ಪುತ್ತೂರು ನಗರ ಕಾಂಗ್ರೆಸ್ ಗುರ್ಕಾರ್ಲಾಯಿನ ಮಹಮ್ಮದಾಲಿ, ಪ್ರಮುಖರಾದ ಉಮನಾಥ ಶೆಟ್ಟಿ, ಅಶ್ರಫ್‌ ಬಸ್ತಿಕಾರ್, ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ಸಿದ್ದಿಕುಲ್ ಅಕ್ಬರ್, ಸಂತೋಷ್ ಭಂಡಾರಿ ಚಿಲಿಮ್ಮೆತ್ತಾರ್, ವಿಟ್ಲ-ಉಪ್ಪಿನಂಗಡಿ ಬ್ಲಾಕ್ ಕಾಂಗ್ರೆಸ್ ವಕ್ತಾರ ರಮಾನಾಥ ವಿಟ್ಲ, ವಿಟ್ಲ ನಗರ ಕಾಂಗ್ರೆಸ್ ಅಧ್ಯಕ್ಷ ವಿಕೆಎಂ ಅಶ್ರಫ್, ಪೆರುವಾಯಿ ಗ್ರಾಮ ಪಂಚಾಯಿತಿ ಗುರ್ಕಾರ್ಲಾಯಿನ ಬಾಲಕೃಷ್ಣ ಪೂಜಾರಿ, ಉಪಾಧ್ಯಕ್ಷೆ ನೆಬಿಸಾ, ಪದ್ಮನಾಭ ಪೂಜಾರಿ ಅಳಿಕೆ, ಪಟ್ಟಣ ಪಂಚಾಯಿತಿ ಸದಸ್ಯೆರಾಯಿನ ಹಸೈನಾರ್ ನೆಲ್ಲಿಗುಡ್ಡೆ, ಸುನೀತಾ ಕೋಟ್ಯಾನ್, ಎಂ.ಕೆ ಮೂಸಾ, ಜಯಪ್ರಕಾಶ್ ಬದಿನಾರ್, ರವೀಂದ್ರ ಗೌಡ, ಸೀತಾರಾಮ ಶೆಟ್ಟಿ ಅಳಿಕೆ, ಪಂಚಪಾಲ ಶೆಟ್ಟಿ ಪೆರುವಾಯಿ, ಅಶೋಕ ಡಿಸಿಲ್ವ, ಶ್ರೀಧರ್ ಬಾಳೆಕಲ್ಲು, ಶ್ರೀಧರ್ ಶೆಟ್ಟಿ ಪುಣಚ, ಎಲ್ಯಣ್ಣ ಪೂಜಾರಿ, ಕರೀಂ ಕುದ್ದುಪದವು ಪಾಲ್ ಪಡೆದಿತ್ತೆರ್ .

ಜುಲೈ 1ರ್ದ್ 2021-22 ನೇ ಸಾಲ್ ದ ಶೈಕ್ಷಣಿಕ ವರ್ಷ ಸುರು

Jun 5, 2021

ಬೆಂಗ್ಳೂರು , ಜೂ.5: ರಾಜ್ಯದ ಮಾತಾ ಸರಕಾರಿ, ಅನುದಾನಿತ ಬೊಕ್ಕ ಅನುದಾನರಹಿತ ಪ್ರಾಥಮಿಕ ಬೊಕ್ಕ ಪ್ರೌಢ ಶಾಲೆದ 2021-22ನೇ ಸಾಲ್ ದ ಶೈಕ್ಷಣಿಕ ವರ್ಷ ಜು.1ರ್ದ್ ಸುರು ಆಯೆರೆ ಉಂಡು ಪಂದ್ ಸಾರ್ವಜನಿಕ ಶಿಕ್ಷಣ ಇಲಾಖೆ ಆಯುಕ್ತರು ತೆರಿಪಾದೆರ್ .

ಈ ಬಗ್ಗೆ ಸುತ್ತೋಲೆ ಕೊರಿನ ಆರ್, ರಾಜ್ಯದ ಮಾತಾ ಸರಕಾರಿ, ಅನುದಾನಿತ ಬೊಕ್ಕ ಅನುದಾನರಹಿತ ಪ್ರಾಥಮಿಕ ಬೊಕ್ಕ ಪ್ರೌಢ ಶಾಲೆಡ್ 2021-22ನೇ ಶೈಕ್ಷಣಿಕ ಸಾಲ್ ಡ್ ಏಕರೂಪದ ಶೈಕ್ಷಣಿಕ ಚಟುವಟಿಕೆಲೆನ್ ಜಾರಿ ಮಲ್ಪರೆ ಅನುವಾಪಿಲಕ , ಶೈಕ್ಷಣಿಕ ಅವಧಿಲು , ರಜಾ ದಿನ ಬೊಕ್ಕ ವಾರ್ಷಿಕ ಕಾರ್ಯಸೂಚಿನ್ ನಿಗದಿ ಮಲ್ತ್ ಅನುಷ್ಠಾನ ಮಲ್ಪರೆ ಪಂಡೆರ್.

ರಿಕ್ಷಾ ಚಾಲಕೆರೆಗ್ ಐಸೋಲೇಷನ್ ಕಿಟ್

Jun 4, 2021

ಮೂಡುಬಿದಿರೆ, ಜೂ.4: ಬೆದ್ರದ ಉರ್ಪೆಲ್ ಪಾದೆ ಲೋಬೊ ಕಟ್ಟೆದ ಕೈತಲ್ ಆಟೋ ರಿಕ್ಷಾ ಚಾಲಕೆರೆಗ್ ಮಾಜಿ ಸಚಿವ ಅಭಯಚಂದ್ರ ಜೈನ್ ಮುತಾಲಿಕೆಡ್ ಯುವ ನಾಯಕ ಮಿಥುನ್ ರೈ ಮೇರ್ ಆರೋಗ್ಯ ಔಷಧ ಕಿಟ್, ಐಸೋಲೇಷನ್ ಕಿಟ್ ಲೆನ್ ಪಟ್ಟಿಯೆರ್ .

ಈ ಪೊರ್ತುಡು ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ವಲೇರಿಯನ್ ಸಿಕ್ವೇರ, ಮಹಿಳಾ ಕಾಂಗ್ರೆಸ್ ಗುರ್ಕಾರ್ಲಾಯಿನ ಸುಪ್ರಿಯಾ ಡಿ. ಶೆಟ್ಟಿ, ಎಪಿಎಂಸಿ ಸದಸ್ಯ ಚಂದ್ರಹಾಸ್ ಸನಿಲ್, ಪುರಸಭಾ ಸದಸ್ಯೆರಾಯಿನ ಸುರೇಶ್ ಕೋಟ್ಯಾನ್, ಸಂತೋಷ್ ಶೆಟ್ಟಿ, ಪುರಂದರ ದೇವಾಡಿಗ, ಕೊರಗಪ್ಪ, ಜೊಸ್ಸಿ ಮಿನೇಜಸ್, ಕರೀಂ, ಮೂಡುಬಿದಿರೆ ಬ್ಲಾಕ್ ಕಾಂಗ್ರೆಸ್ ವಕ್ತಾರ ರಾಜೇಶ್ ಕಡಲಕೆರೆ, ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ಜಯಕುಮಾರ್ ಶೆಟ್ಟಿ, ಸಾಮಾಜಿಕ ಜಾಲತಾಣ ಮುಖ್ಯಸ್ಥ ನಿತಿನ್ ಬೆಳುವಾಯಿ, ಪುರಸಭಾ ಮಾಜಿ ಗುರ್ಕಾರ್ಲಾಯಿನ ಸುಂದರ, ಮಾಜಿ ಸದಸ್ಯೆ ಮೇರಿ ಪಿರೇರ, ಮುಖಂಡೆರಾಯಿನ ಕಿರಣ್ ಕುಮಾರ್ ಬೆಳುವಾಯಿ, ಯುವ ಇಂಟಕ್ ಗುರ್ಕಾರ್ಲಾಯಿನ ಸಚಿನ್ ಮಡಿವಾಳ, ಅಬ್ದುಲ್ಲತೀಫ್, ಸತೀಶ್ ಭಂಡಾರಿ ಕರಿಂಜೆ, ಸುಂದರ ಸಿ.ಪೂಜಾರಿ, ಮೋನಕ್ಕ, ರವಿಕುಮಾರ್, ಕೆ.ಸಿ.ಗಣೇಶ್, ದಿಲೀಪ್ ಶೆಟ್ಟಿ, ಕುಮಾರ್ ಇರುವೈಲ್, ಸಂಜೀವ ಕೋಟ್ಯಾನ್, ಜಗನ್ನಾಥ ಭಟ್ ಐವನ್, ಸಿರಿಲ್, ದಾಮೋದರ ಕೋಟ್ಯಾನ್ ಪಾಲ್ ಪಡೆದಿತ್ತೆರ್.

ಅಗತ್ಯ ಜಾಗ್ರತೆ ಮಲ್ಪುಲೇ : ಜಿಲ್ಲಾಧಿಕಾರಿ ಡಾ.ರಾಜೇಂದ್ರ

Jun 4, 2021

ಕುಡ್ಲ, ಜೂನ್ 4: ಬ್ಯಾಂಕ್ ಸಿಬ್ಬಂದಿ ಸಾರ್ವಜನಿಕೇರ್ನೋಟ್ಟಿಗೆ ಸೀದಾ ಸಂಪರ್ಕ ಉಪ್ಪುನೆರ್ದಾವರ ಜಾಸ್ತಿ ಸುರಕ್ಷಾಕ್ರಮ ದೆತೊನೊಡು ಪಂದ್ ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಪಂಡೆರ್ .

ಜಿಲ್ಲಾಡಳಿತ ಕೆನರಾ ಬ್ಯಾಂಕ್‌ನ ಕುಡ್ಲ ವಲಯ ಕಚೇರಿಡ್ ಬುಧವಾರ ಅಟ್ಟನೆ ಮಲ್ತಿನ ಬ್ಯಾಂಕ್‌ ಸಿಬ್ಬಂದಿಗ್ ಲಸಿಕೆ ಕೊರ್ಪಿನ ಅಭಿಯಾನಡ್ ಪಾತೆರಿಯೆರ್ . ಶಾಸಕ ವೇದವ್ಯಾಸ ಕಾಮತ್ ಉದಿಪನ ಮಲ್ತೆರ್ ನೀಡಿದರು.

ಬಿ. ಎಂ ಪ್ರೌಢ ಶಾಲಾ ಪರ ಜೋಕ್ಲೆನೆರ್ದ್ ರೇಷನ್ ಕಿಟ್

Jun 4, 2021

ಉಳ್ಳಾಲ, ಜೂ.4: ಬಿ.ಎಂ. ಪ್ರೌಢಶಾಲೆದ ಹಳೆ ವಿದ್ಯಾರ್ಥಿಲೆನ ವತಿರ್ದ್ ಸುರುತ ಹಂತಡ್ ಸುಮಾರ್ 26 ಜನಕ್ ರೇಶನ್ ಕಿಟ್ ನ್ ಕೊರಿಯೆರ್.

ಈ ಪೊರ್ತು ಪಾತೆರಿನ ಬಿ.ಎಂ. ಪ್ರೌಢಶಾಲೆದ ಮುಖ್ಯೋಪಾಧ್ಯಾಯಿನಿ ಜಯವಂತಿ ಸೋನ್ಸ್, ”ಲಾಕ್ ಡೌನ್ ಪ್ರಯುಕ್ತ ನಮ್ಮ ಶಾಲೆಗ್ ದಾಲ ಮಲ್ಪೊಲಿ ಪನ್ಪಿನ ನೆಲೆಟ್ಟ್ ನಮ್ಮ ಹಳೆ ವಿದ್ಯಾರ್ಥಿಲು ಉಪ್ಪುನ ವಾಟ್ಸಪ್ ಗ್ರೂಪ್ ಡ್ ಚರ್ಚೆ ಮಲ್ತ್ ಶಾಲೆಡ್ ಇತ್ತೇ ಕಲ್ತೊಂದು ಉಪ್ಪುನ ಕೆಲವು ಜೋಕ್ಲೆಗ್ ಸುರುತ್ತಾ ಹಂತದ ರೇಶನ್ ಕಿಟ್ ಕೊರಿಯೆರ್ ಜೋಕುಲು ನಿರ್ಧಾರ ಮಲ್ತೆರ್ ಪಂದ್ ಪಂಡೆರ್.

ನಿರಂತರ ಸಮಾಜಸೇವೆಡ್ ತೊಡಗಿಸಾವೊಂದಿಪ್ಪುನ ನಗರಸಭಾ ಸದಸ್ಯೆ

Jun 3, 2021

ಕೊಡವೂರು, ಜೂನ್ 3: ಕೊಡವೂರು ರಾಜ್ ಗೋಪಾಲ್ ಕ್ಲಿನಿಕ್ ಡ್ ಅವ್ವೆತೋ ಜನಕುಲು ಮರ್ದ್ ಗ್ ಬರ್ಪೆರ್. ಕೊರೋನಾ ಪರಿಸ್ಥಿತಿಡ್ ಕ್ಲಿನಿಕ್ ದ ಉಲಯಿ ಸಾಮಾಜಿಕ ಅಂತರ ಪಾಲನೆ ಕಷ್ಟ ಆಯಿನೆರ್ದಾವರ ಅನಾರೋಗ್ಯ ಪೀಡಿತ ಜನಕುಲು ಕಾಂಡೆರ್ದ್ ಬೈಯ್ಯಗ್ ಮುಟ ದೊಂಬು ಬರ್ಸಡ್ ಪಿದಾಯಿ ಉಂತೋಡಾಯಿನಪರಿಸ್ಥಿತಿ ಇತ್ತುಂಡು .