ಒಡಿಪು ಪುತ್ತೂರು ಬೊಲ್ತೆರ್

ಸೆಪ್ಟೆಂಬರ್ 25 ಕ್ಕ್ ಭಾರತ್ ಬಂದ್

ನವದೆಹಲಿ : ಕೃಷಿ ವಿರೋಧಿ ಕಾನೂನು ಜಾರಿಗೆ ವಿರೋಧಿಸಾದ್ ಕರಿನ ನವೆಂಬರ್‌ ತಿಂಗೊಲ್ ಡು ಸುರು ಆಯಿನ ರೈತೆರ್ನ ಆಂದೋಲನನ್ ನನಾತ್ ಬಲ ಮಲ್ಪುನ ನೆಲೆಟ್ಟ್ ಸಂಯುಕ್ತ ಕಿಸಾನ್‌ ಮೋರ್ಚಾ ನೇತೃತ್ವಡ್ ಸೆಪ್ಟೆಂಬರ್ 25ಕ್ಕ್ “ಭಾರತ್ ಬಂದ್” ಗ್ ಕರೆ ಕೊರ್ತೆರ್ .

ಕರಿನ ವರ್ಷ ಸಪ್ಟೆಂಬರ್‌ 25ಕ್ಕ್ ಬಂದ್ ಅಟ್ಟನೆ ಮಲ್ತಿತ್ತೆರ್ . ಅಂಚನೇ ಈ ಸಲಲ ಅವ್ವೆ ಅದೇ ದಿನ ಭಾರತ ಬಂದ್‌ ಗ್ ಕರೆ ಕೊರ್ತೆರ್.

ಉಳ್ಳಾಲ ನೆತ್ತೆರ್ದಾನ ಶಿಬಿರ : ಕೋವಿಡ್ ವಾರಿಯರ್ಸ್ಗ್ ಮಾನದಿಗೆ

ಉಳ್ಳಾಲ : ಪಾಪ್ಯುಲರ್ ಫ್ರಂಟ್ ಬ್ಲಡ್ ಡೋನರ್ಸ್ ಫೋರಂ ಉಳ್ಳಾಲ ಘಟಕದ ಉದಿಪನ , ನೆತ್ತೆರ್ದಾನ ಶಿಬಿರ ಬೊಕ್ಕ ಕೋವಿಡ್ ವಾರಿಯರ್ಸ್‌ಲೆಗ್ ಮಾನದಿಗೆ ಲೇಸ್ ಹಝ್ರತ್ ಸಯ್ಯದ್ ಮದನಿ ಶಾಲೆಡ್ ನಡತುಂಡು .ಕಡಪರ ಖಿಲ್‌ರಿಯ ಜುಮಾ ಮಸೀದಿದ ಖತೀಬ್ ಯೂಸುಫ್ ಸಖಾಫಿ ಬಪ್ಪಳಿಗೆ ನೆತ್ತೆರ್ದಾನ ಶಿಬಿರನ್ ಉದಿಪನ ಮಲ್ತೆರ್.

ಈ ಪೊರ್ತುಡು ಕೋವಿಡ್ ವಾರಿಯರ್ಸ್‌ಲಾಯಿನ ಡಾ. ಸುಜಯ ಪ್ರಭಾಕರ್, ಮರಿಯಮ್ಮ ಇಸ್ಮಾಯಿಲ್, ಅಬ್ದುಲ್ ಬಶೀರ್ ಕೈಕೊ ಬೊಕ್ಕ ನವಾಝ್ ಅಳೇಕಲ ಮೆಕ್ಲೆಗ್ ಮಾನದಿಗೆ ಮಲ್ತೆರ್ .ಲೇಸ್ ಡ್ ದರ್ಗಾ ಗುರ್ಕಾರ್ಲಾಯಿನ ಹಾಜಿ.ಅಬ್ದುಲ್ ರಶೀದ್, ಸಮುದಾಯ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಡಾ. ಪ್ರಶಾಂತ್, ಅಬ್ದುಲ್ ಸಲಾಂ ಸಿ.ಎಚ್ , ಮುಸ್ಲಿಂ ಒಕ್ಕೂಟದ ಗುರ್ಕಾರ್ಲಾಯಿನ ಇಸ್ಮಾಯಿಲ್ ಉಳ್ಳಾಲ, ಪಿಎಫ್‌ಐ ಉಳ್ಳಾಲ ಡಿವಿಷನ್ ಗುರ್ಕಾರ್ಲಾಯಿನ ಶಹೀದ್ ಕಲ್ಕಟ್ಟ, ಬದ್ರುದ್ದೀನ್ ಉಳ್ಳಾಲ, ಫಿರೋಝ್ ಇಸ್ಮಾಯಿಲ್, ರಮೀಝ್ ಕೋಟೆಪುರ, ಅಸ್ಗರ್ ಅಲಿ ಕೌನ್ಸಿಲರ್ ಉಳ್ಳಾಲ, ಬಶೀರ್ ಯು.ಎನ್, ಸುರೈ ಕುದ್ರೋಳಿ, ಕಲೀಲ್ ಕಡಪ್ಪರ, ನವಾಝ್ ಉಳ್ಳಾಲ, ನಿಝಾಂ ಮೇಲಂಗಡಿ, ಕೌನ್ಸಿಲರ್ ಅಬ್ದುಲ್ ಜಬ್ಬಾರ್, ಅಶ್ರಫ್ ಕೆ.ಸಿ.ರೋಡ್ ಪಾಲ್ ಪಡೆದಿತ್ತೆರ್.

1ಸಾವಿರ ಕೋಟಿ ಶಾಸಕೆರ್ನ ನಿಧಿ ಬಾಕಿ: ಕಾಗೇರಿ

ಕುಡ್ಲ : ರಾಜ್ಯಡ್ ಸುಮಾರು ೧ ಸಾವಿರ ಕೋ.ರೂ.ದಾತ್ ಶಾಸಕೆರ್ನ ನಿಧಿ ಖರ್ಚಾವಂದೆ ಒರಿದುಂಡು ಪಂದ್ ಕರ್ನಾಟಕ ವಿಧಾನಸಭಾಧ್ಯಕ್ಷ ವಿಶ್ವೇಶ್ವರ ಹೆಗಡೆ ಕಾಗೇರಿ ಪಂಡೆರ್.

ಕುಡ್ಲದ ಸುದ್ದಿಗೋಷ್ಠಿಡ್ ಪಾತೆರಿನ ಆರ್ ವಾರ್ಷಿಕ ೨ ಕೋ.ರೂ. ಶಾಸಕೆರ್ನ ನಿಧಿ ಬುಡುಗಡೆ ಗ್ ತಡೆ ಆವೊಂದು ಉಂಡು . ಈ ಅನುದಾನಡ್ ದೆತೊನುನ ಕ್ಷೇತ್ರಾಭಿವೃದ್ಧಿದ ಬೇಲೆದ ಪ್ರಕ್ರಿಯೆ ಆಡಳಿತಾತ್ಮಕ ಕಾರಣರ್ದ್ ತಡ ಆಪಿನ ತೆರಿದ್ ಬೈದುಂಡು ಪಂದ್ ಪಂಡೆರ್.

ತುಲುವೆರೆ ಪಕ್ಷ: ಬೊಲ್ತೆರ್ ತಾಲೂಕು ಸಮಿತಿ ರಚನೆ

ಬೊಲ್ತೆರ್ : ತುಲುವೆರೆ ಪಕ್ಷದ ಬೊಲ್ತೆರ್ ತಾಲೂಕು ಕಾರ್ಯಂತೆರ್ನ ಸಭೆ ಅಂಬೇಡ್ಕರ್ ಭವನಡ್ ಪಕ್ಷದ ಗುರ್ಕಾರ್ಲಾದ್ ಶೈಲೇಶ್ ಆರ್.ಜೆ.ಮೆರ್ನ ಗುರ್ಕಾರ್ಮೆಡ್ ನಡತುಂಡು.ತುಳು ಭಾಷೆಗ್ ಮಾನದಿಗೆ , ತುಳುನಾಡ್ದ ಸಮಗ್ರ ಅಭಿವೃದ್ದಿ ಬೊಕ್ಕ ತುಳುನಾಡ್ ರಾಜ್ಯ ರಚನೆಗ್ ಪಕ್ಷನ್ ಬಲಿಷ್ಠವಾದ್ ಕಟ್ಟುನ ನಿರ್ಣಯದೊಟ್ಟುಗು ಬೊಲ್ತೆರ್ ತಾಲೂಕು ಸಮಿತಿನ್ ರಚನೆ ಮಲ್ತೆರ್ .

ಗುರ್ಕಾರ್ಲಾದ್ ನ್ಯಾಯವಾದಿ ಪ್ರಶಾಂತ್. ಎಂ, ಒತ್ತು ಗುರ್ಕಾರ್ಲಾದ್ ಮುಖಿಂ ಖಾನ್, ಪ್ರಧಾನ ಕಾರ್ಯಂತೇರಾದ್ ನ್ಯಾಯವಾದಿ ಸತೀಶ್ ಪೂಜಾರಿ .ಎನ್ ಜೊತೆ ಕಾರ್ಯದರ್ಶಿಯಾದ್ ದಿನೇಶ್ ಆರ್. ಬೊಕ್ಕ ಕಾರ್ಯಕಾರಿ ಸಮಿತಿದ ಪದುಕೆರಾದ್ ಸದಸ್ಯೆರಾದ್ ಗೋಪಾಲ್ ಸಂಜಯನಗರ, ಸುರೇಂದ್ರ ಬಂಗಾಡಿ, ಧನಂಜಯ ಕುಮಾರ್ ಡಿ., ಉಮೇಶ್ ಕುಲಾಲ್, ಮಹಮ್ಮದ್ ಶರೀಫ್, ಮನೋಹರ್ ಕುಮಾರ್, ಗಿರೀಶ್ ನಿಸರ್ಗ ಆಯ್ಕೆಯಾಯೆರ್.

ಒಡಿಪುಗು ಪೊಸ ಜಿಲ್ಲಾಧಿಕಾರಿಯಾದ್ ಕೂರ್ಮ ರಾವ್ ನೇಮಕ

ಒಡಿಪು : ಒಡಿಪು ಜಿಲ್ಲೆದ ಪೊಸ ಜಿಲ್ಲಾಧಿಕಾರಿಯಾದ್ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ ಕಲಬುರ್ಗಿ ನೆತ್ತ ವ್ಯವಸ್ಥಾಪಕ ನಿರ್ದೇಶಕೆರಾಯಿನ ಕೂರ್ಮ ರಾವ್‌ ಮೆರೆನ್ ನೇಮಕ ಮಲ್ದೆರ್.ಸದ್ಯಡೇ ಒಡಿಪು ಜಿಲ್ಲೆದ ಜಿಲ್ಲಾಧಿಕಾರಿಯಾದ್ ಅಧಿಕಾರ ಸ್ವೀಕಾರ ಮಲ್ಪರೆ ಉಲ್ಲೆರ್ .

ಜಿ ಜಗದೀಶ್‌ ಮೆರೆನ್ ಮುಖ್ಯಮಂತ್ರಿಲೆನ ಜಂಟಿ ಕಾರ್ಯದರ್ಶಿಯಾದ್ ವರ್ಗಾವಣೆ ಮಲ್ದೆರ್ ಪಂದ್ ತೆರಿದ್ ಬೈದುಂಡು.

ರೈಲ್ ಗುದ್ದುದು ರಡ್ಡ್ ಕಾರ್ ಕಲೆಯೊಂಡಿನ ಜವಣ್ಯೆ

ಜೋಕಟ್ಟೆ : ರೈಲು ಗುದ್ದುದು ಜವಣ್ಯೆ ಒರಿ ತನ್ನ ರಡ್ಡ್ ಕಾರ್ ಕಲೆಯೊಂದಿನ ಘಟನೆ ಕುಡ್ಲದ ಜೋಕಟ್ಟೆಡ್ ಶನಿವಾರ ನಡತುಂಡು .

ಬೈಕಂಪಾಡಿ ತೋಕೂರು ನಿವಾಸಿ ಚೇತನ್ ಕುಮಾರ್ (21) ಗಾಯಾಳು ಪಂದ್ ತೆರಿದ್ ಬೈದುಂಡು . ಮೇರ್ ಕುಡ್ಲದ ಸ್ಟೀಲ್ ಕಂಪೆನಿಡ್ ಬೇಲೆ ಮಲ್ತೊಂದು ಇತ್ತೆರ್ , ಶನಿವಾರ ಕಾಲುದಾರಿದ ಮುಖೇನ ಬೇಲೆಗ್ ಪೋವೊಂದು ಉಪ್ಪುನಗ ಬರ್ಸ ಬರೊಂದು ಇತ್ತಿನೆರ್ದಾವರ ಕೊಡೆ ಪತ್ತ್ ದೆರ್.

ಈ ಪೊರ್ತುಡು ರೈಲ್ ದ ಪಟ್ಟೆ ದಾಟ್ನಗ ರೈಲ್ ಬತ್ತಿನ ಗೊತ್ತಾವಂದೆ ಈ ಘಟನೆ ನಡತುಂಡು.