ಉಳ್ಳಾಲ

ಕುಡ್ಲಡ್ ಇನಿರ್ದ್ ರಾತ್ರಿ 9 ಗಂಟೆ ಮುಟ ಬಸ್ ಸಂಚಾರ : ದಿಲ್ ರಾಜ್ ಆಳ್ವ

Jul 5, 2021

ಕುಡ್ಲ , ಜುಲೈ 5 : ಕೋವಿಡ್ ರಡ್ಡನೆ ಅಲೆ ತಡೆಗಟ್ಟರೆ ಪಾಡ್ದ್ ಇತ್ತಿನ ನಿರ್ಬಂಧದ ಪೂರ್ಣ ಪ್ರಮಾಣದ ಅನ್‌ಲಾಕ್-3 ಘೋಷಣೆದ ಬೆರಿಟ್ ಜು.5ರ್ದ್ 19 ಮುಟ ರಾತ್ರಿ 9 ಗಂಟೆ ಮುಟ ಖಾಸಗಿ ಬಸ್ ಸಂಚಾರ ಮಲ್ಪರೆ ಅವಕಾಶ ಕೊರ್ತೆರ್ . ಈ ನೆಲೆಟ್ಟ್ ಪೇಂಟೆಡ್ ರಾತ್ರಿ 9 ಗಂಟೆ ಮುಟ ಖಾಸಗಿ ಬಸ್‌ ಸಾರಿಗೆ ಸೇವೆ ಕೊರಿಯರೆ ತಯಾರ್ ಆತ್oಡ್.

ಈ ಬಗ್ಗೆ ಪ್ರಕಟಣೆ ಕೊರಿನ ದ.ಕ. ಜಿಲ್ಲಾ ಬಸ್ ಮಾಲಕರ ಸಂಘದ ಗುರ್ಕಾರ್ಲಾಯಿನ ದಿಲ್‌ ರಾಜ್ ಆಳ್ವ, ರಾಜ್ಯ ಸರಕಾರದ ಪರಿಷ್ಕೃತ ಆದೇಶಡ್ ರಾತ್ರಿ 9 ಗಂಟೆ ಮುಟ ಬಸ್ ಪೋಯೆರೆ ಅನುಮತಿ ಕೊರ್ತೆರ್ ಪಂದ್ ಪಂಡೆರ್.ಕುಡ್ಲಡ್ ಇನಿ ಸುಮಾರ್ 80-100 ಬಸ್‌ ಸಂಚಾರ ಆಪಿನ ಸಾಧ್ಯತೆ ಉಂಡು .

ಜೋಕ್ಲೆಗಾದ್ 13 ಕ್ವಾರಂಟೈನ್ ಕೇಂದ್ರ

Jul 3, 2021

ಕುಡ್ಲ, ಜುಲೈ 3: ಸಂಭಾವ್ಯ ಕೋವಿಡ್ 3ನೇ ಅಲೆತ ಪೊರ್ತುಡು ಜೋಕ್ಲೆನ ಪಾಲನಾ ಸಂಸ್ಥೆಗ್ ದಾಖಲಾವುನ ಜೋಕ್ಲೆನ ಸುರಕ್ಷತೆಗಾದ್ ಜಿಲ್ಲೆಡ್ 13 ಕ್ವಾರಂಟೈನ್‌ ಕೇಂದ್ರ ಸುರು ಜಿಲ್ಲಾಡಳಿತ ತಯಾರ್ ಮಲ್ದೆರ್ .

ಜಿಲ್ಲಾ ಮಕ್ಕಳ ರಕ್ಷಣಾ ಘಟಕ ಬೇತೆ ಬೇತೆ ರೀತಿದ ಸಮಸ್ಯೆ ಎದುರಿಸಾವುನ 18 ವರ್ಷದ ಉಲಯಿದ ಜೋಕ್ಲೆನ ಬಾಲನ್ಯಾಯ ಕಾಯ್ದೆ ಅಡಿಟ್ ರಕ್ಷಣೆ ಬೊಕ್ಕ ಪುನರ್ವಸತಿ ಒದಗಿಸಾದೆರ್ . ಇಂಚ ಬರ್ಪಿನ ಜೋಕುಲು ಪಾಲನಾ ಸಂಸ್ಥೆದ ಆರೈಕೆಡ್ ಇತ್ತೆರ್ .

ಬೇತೆ ಬೇತೆ ಇಲಾಖೆದ ಅಡಿಟ್ ಬರ್ಪಿನ ಆಜಿ ಜೋಕ್ಲೆನ ಪಾಲನಾ ಸಂಸ್ಥೆಲು , ರಡ್ಡ್ ವಸತಿ ನಿಲಯ, ಒಂಜಿ ವಸತಿ ಗೃಹ, ಒಂಜಿ ಖಾಸಗಿ ಟ್ರಸ್ಟ್‌ಲೆನ್ ಕ್ವಾರಂಟೈನ್ ಕೇಂದ್ರ ಪಂದ್ ಗುರ್ತಿಸಾದೆರ್.

ಬಡರೋಗಿಲೆನ ಚಿಕಿತ್ಸೆಗ್ “ಪಾಕೆಟ್ ಮನಿ “ಕೊಡುಗೆ

Jul 3, 2021

ಪುತ್ತೂರು, ಜುಲೈ 3 : ತನ್ನ ಅಜ್ಜ , ಅಜ್ಜಿ, ಮಾವ, ಅಪ್ಪ, ಅಮ್ಮ ಕೊರಿನ ಪಾಕೆಟ್ ಮನಿನ್ ಸೇರ್ಸಯಿನ ಪುತ್ತೂರುದ ಬಾಲೆ ಒರ್ತಿ ಅವೆನ್ ತನ್ನ ಪುಟ್ಟು ಪರ್ಬದಾನಿ ಪಾಪ ದಕ್ಲೆನ ಚಿಕಿತ್ಸೆಗಾದ್ ಕೊರ್ತಲ್ .

‘ವೈದ್ಯರ ದಿನ’ವಾಯಿನ ಗುರುವಾರ ಪುತ್ತೂರುದ ಆದರ್ಶ ಆಸ್ಪತ್ರೆದ ಡಾ.ಎಂ.ಕೆ.ಪ್ರಸಾದ್ ಮೆರೆಗ್ ₹ 10 ಸಾವಿರದಾತ್ ಕಾಸ್ ಕೊರ್ಪಿನ ಮುಖೇನ ಪುಟ್ಟು ಪರ್ಬನ್ ಪುತ್ತೂರುದ ದಿಶಾ ಅರ್ಥಪೂರ್ಣವಾದ್ ಆಚರಣೆ ಮಲ್ದಲ್ .

ಯಕ್ಷಗಾನ ಕಲಾವಿದೆರಾಯಿನ
ಬನ್ನೂರುದ ದಿವಂಗತ ಶ್ರೀಧರ್ ಭಂಡಾರಿ ಮೆರ್ನ ಪುಳ್ಳಿ , ಪುತ್ತೂರುದ ನೆಹರೂನಗರದ ವಿವೇಕಾನಂದ ಶಾಲೆದ 3ನೇ ತರಗತಿ ಬಾಲೆ ಆಯಿನ ದಿಶಾ, ಉದ್ಯಮಿ ದೀಪಕ್‌ ಶೆಟ್ಟಿ ಬೊಕ್ಕ ಪ್ರಧಾನಮಂತ್ರಿ ಜನೌಷಧಿ ಯೋಜನೆದ ರಾಜ್ಯ ನೋಡಲ್ ಅಧಿಕಾರಿ ಡಾ.ಅನಿಲಾ ದಂಪತಿಯನ ಪುತ್ರಿ.

ಜುಲೈ 6 ಕ್ಕ್ ಕುಡ್ಲಗ್ ಡಿಕೆ. ಶಿವಕುಮಾರ್ ಭೇಟಿ

Jul 3, 2021

ಒಡಿಪು , ಜುಲೈ 3: ಮೀನುಗಾರಿಕೆ ನಡಪಾವುನ ಮೀನುಗಾರೆರ್ ಬೊಕ್ಕ ಮೀನು ಗಾರಿಕೆನ್ ಅವಲಂಬಿತ ಆಯಿನ ಸಮಸ್ಯೆನ್ ಕೇನರೆ ಮಾಜಿ ಸಚಿವೆರ್ , ಕೆಪಿಸಿಸಿ ಗುರ್ಕಾರ್ಲಾಯಿನ ಶಾಸಕ ಡಿ.ಕೆ.ಶಿವಕುಮಾರ್ ಮೇರ್ ಜು.6 ತಾರೀಖ್ ಗ್ ಕಾಂಡೆ 11ಕ್ ಮಲ್ಪೆ ಮೀನುಗಾರಿಕಾ ಬಂದರ್ ಗ್ ಬರ್ರೆ ಉಲ್ಲೆರ್ .

ಮೀನುಗಾರೆರ್ ಮತ್ಸ್ಯಕ್ಷಾಮ, ಇಂಧನ ಬೆಲೆ ಏರಿಕೆ, ಕೋವಿಡ್ ಸಂಕಷ್ಟ ಬೊಕ್ಕ ಲಾಕ್‌ಡೌನ್ ನಿರ್ಬಂಧನೆರ್ದ್ ಕೆಲವು ಸಮಸ್ಯೆನ್ ಎದುರಿಸಾದೆರ್ , ಸಮುದ್ರ ಮೀನುಗಾರಿಕೆ ನಡಪಾವುನ ಮಾತಾ ವಿಧದ ಮೀನುಗಾರೆರ್ ಬೊಕ್ಕ ಮೀನುಗಾರಿಕೆನ್ ನಂಬ್ದ್ ಬದುಕುನಕ್ಲೆನ ಸಮಸ್ಯೆನ್ ಡಿಕೆಶಿ ಕೇಂದ್ ಇತ್ತೆರ್ ಪಂದ್ ಮಾಜಿ ಮೀನುಗಾರಿಕಾ ಸಚಿವ, ಒಡಿಪುದ ಮೀನುಗಾರೆರ್ನ ಮುಖಂಡ ಪ್ರಮೋದ್ ಮಧ್ವರಾಜ್ ಪಂಡೆರ್.

ಈ ಪೊರ್ತುಡು ಜಿಲ್ಲೆದ ಮಾತಾ ಮೀನುಗಾರೆರ್ನ ಮುಖಂಡೆರ್ , ಬೇತೆ ಬೇತೆ ಸಂಘಸಂಸ್ಥೆದ ಪ್ರತಿನಿಧಿಲು ಪಾಲ್ ಪಡೆಯರೆ ಬಿನ್ನಾಪು ಮಲ್ದೆರ್.

ಕುಡ್ಲಡ್ ನಾಲ್ ಬ್ಲಾಕ್ ಫಂಗಸ್ ಪತ್ತೆ

Jul 3, 2021

ಕುಡ್ಲ , ಜುಲೈ 3: ಕುಡ್ಲಡ್ ಶುಕ್ರವಾರ ನಾಲ್ ಬ್ಲಾಕ್ ಫಂಗಸ್ ಪ್ರಕರಣ ಪತ್ತೆ ಆತುಂಡು.ಜಿಲ್ಲೆಡ್ ಇತ್ತೇ ಮುಟ 36 ಜನ ಹುಷಾರ್ ಆತೆರ್ . 29 ಸಕ್ರಿಯ ಪ್ರಕರಣ ಉಂಡು ಪಂದ್ ಜಿಲ್ಲಾಡಳಿತದ ಪ್ರಕಟನೆ ತೆರಿಪಾದುಂಡು.

ಕುಡ್ಲಡ್ ಇನಿ ಬೈಯ್ಯರ್ದ್ ವೀಕೆಂಡ್ ಕರ್ಪ್ಯೂ ಜಾರಿ

Jul 2, 2021

ಕುಡ್ಲ, ಜುಲೈ 2: :ಕರಿನ ವಾರ ಕುಡ್ಲಡ್ ದ.ಕ ಕಟ್ಟುನಿಟ್ಟಾದ್ ಜಾರಿಡ್ ಇತ್ತಿನ ವಾರಾಂತ್ಯ ಕರ್ಫ್ಯೂ ಇತ್ತೇ ಸಡಿಲ ಆತುಂಡು . ವೀಕೆಂಡ್ ಡ್ ಒಂತೆ ರಿಲೀಫ್ ಕೊರ್ತೆರ್ , ರಾತ್ರಿ ಕರ್ಫ್ಯೂ ಕಟ್ಟುನಿಟ್ಟಾದ್ ಜಾರಿ ಮಲ್ಪರೆ ಜಿಲ್ಲಾಡಳಿತ ತೀರ್ಮಾನ ದೈದುಂಡು .

ವಾರಾಂತ್ಯಡ್ ಒವು ಮಾತಾ ಚಟುವಟಿಕೆಗ್ ಅವಕಾಶ?

ಜಿಲ್ಲಾಡಳಿತದ ಮಾರ್ಗಸೂಚಿ ದಾದ ?

ಶುಕ್ರವಾರ ಬೈಯ್ಯ 7 ಗಂಟೆರ್ದ್ ಸೋಮವಾರ ಕಾಂಡೆ 5 ಗಂಟೆ ಮುಟ ವೀಕೆಂಡ್ ಕರ್ಫ್ಯೂ.
ವಾರಾಂತ್ಯ ಕರ್ಫ್ಯೂ ಪೊರ್ತುಡು ಕುಡ್ಲಡ್ ಅಗತ್ಯ ವಸ್ತುಲೆಗ್ ಮಾತ್ರ ಅವಕಾಶ.
ಕಾಂಡೆ 6 ಗಂಟೆರ್ದ್ ಮಧ್ಯಾಹ್ನ 2 ಗಂಟೆ ಮುಟ ಅಗತ್ಯ ವಸ್ತುದ ಖರೀದಿಗ್ ಅವಕಾಶ.
ಆಹಾರ, ದಿನಸಿ, ಫಲವಸ್ತು , ತರಕಾರಿಲು , ಮಾಸ ಬೊಕ್ಕ ಮೀನ್ , ಡೈರಿ, ಪೇರ್ದ ಬೂತ್ ಗ್ ಬೇರ ಮಲ್ಪರೆ ಅವಕಾಶ ಉಂಡು.
ಮಾರ್ಗದ ಬರಿಟ್ ಬೇರ ಮಲ್ಪುನಕುಲು,ನ್ಯಾಯಬೆಲೆ ಅಂಗಡಿಲು , ಮದ್ಯದಂಗಡಿಗ್ ಅವಕಾಶ.
ಸ್ವತಂತ್ರ ಮದ್ಯದಂಗಡಿ ಬೊಕ್ಕ ಅಂಗಡಿಡ್ ಪಾರ್ಸೆಲ್ ಗೆ ಅವಕಾಶ.
ಹೋಟೇಲ್, ರೆಸ್ಟೋರೆಂಟ್ಡ್ ಪಾರ್ಸೆಲ್ ಬೊಕ್ಕ ಹೋಂ ಡೆಲಿವರಿಗ್ ಅವಕಾಶ.
ಬಸ್, ರೈಲು ಬೊಕ್ಕ ವಿಮಾನ ಪ್ರಯಾಣಗ್ ವಿಕೇಂಡ್ ಕರ್ಫ್ಯೂ ಪೊರ್ತುಡು ಅನುಮತಿ.
ವಿಕೇಂಡ್ ಕರ್ಫ್ಯೂಡು ಬಸ್ ಸಂಚಾರಗ್ ಲಾ ಅನುಮತಿ.

ಜೋಕ್ಲೆನ ಆರೋಗ್ಯಗ್ ವಿಶೇಷ ಕಾಳಜಿ

Jul 1, 2021

ಮೂಲ್ಕಿ, ಜುಲೈ 1: : ಜೋಕ್ಲೆನ ಆರೋಗ್ಯದ ಬಗ್ಗೆ ಸರ್ಕಾರ ವಿಶೇಷ ಕಾಳಜಿ ವಹಿಸಾಯಿನ ಪರಿಣಾಮವಾದ್ ಲಸಿಕೆ ಕೊರ್ಪಿನ ಅಭಿಯಾನ ಸುರು ಆತುಂಡು . ಶೈಕ್ಷಣಿಕ ಜೀವನಗ್ ಒವ್ವೆ ತೊಂದರೆಯಾವoದಿಲಕ ತಜ್ಞರ್ದ್ ಮಾಹಿತಿ ಪಡೆದ್ ದುಂಬುದ ತಿಂಗೊಲ್ ಡು , ಶಿಕ್ಷಣ ಸಂಸ್ಥೆಲು ಬೇಲೆ ಸುರು ಮಲ್ಪರೆ ಉಲ್ಲೆರ್ ಪಂದ್ ಶಾಸಕ ಉಮಾನಾಥ ಕೋಟ್ಯಾನ್ ಪಂಡೆರ್ .

ಕಿನ್ನಿಗೋಳಿದ ಪಾಂಪೈ ಕಾಲೇಜ್ ದ ಲಯನ್ಸ್ ಕ್ಲಬ್, ರೋಟರಿ ಕ್ಲಬ್, ಕಾಲೇಜಿದ ಪೆರಿಯ ವಿದ್ಯಾರ್ಥಿ ಸಂಘ, ರಾಷ್ಟ್ರೀಯ ಸೇವಾ ಯೋಜನಾ ಘಟಕ, ಎನ್.ಸಿ.ಸಿ ಬೊಕ್ಕ ಯೂತ್ ರೆಡ್‌ಕ್ರಾಸ್ ಸಾಕರಡ್ ಬುಧವಾರ ವಿದ್ಯಾರ್ಥಿಲು,ಉಪನ್ಯಾಸಕೆರ್ ಬೊಕ್ಕ ಶಿಕ್ಷಕೇತೇರ ಸಿಬ್ಬಂದಿಗ್ ಲಸಿಕೆ ಕೊರ್ಪಿನ ಕಾರ್ಯಕ್ರಮಡ್ ಮೇರ್ ಪಾತೆರಿಯೆರ್.

ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಡಾ.ಪುರುಷೋತ್ತಮ ಕೆ.ವಿ, ರಾಜೇಶ್ ಶೆಟ್ಟಿ, ಡಾ.ಭಾಸ್ಕರ್ ಕೋಟ್ಯಾನ್, ರೋಟರಿ ಕ್ಲಬ್ ಗುರ್ಕಾರ್ಲಾಯಿನ ಸ್ವರಾಜ್ ಶೆಟ್ಟಿ, ಲಯನ್ಸ್ ಕ್ಲಬ್ ಗುರ್ಕಾರ್ಲಾಯಿನ ಮ್ಯಾಕ್ಸಿಮ್ ಪಿಂಟೋ, ಪದ್ಮಿನಿ ವಸಂತ, ಸುನಿಲ್ ಜಾರ್ಜ್, ಯಾದವ ದೇವಾಡಿಗ, ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ಅಭಿವೃದ್ಧಿ ಸಮಿತಿದ ಕಾರ್ಯಾಧ್ಯಕ್ಷ ಹಿಮಕರ್ ಕದಿಕೆ ಇತ್ತೆರ್ .

ಇನಿರ್ದ್ ಬಸ್ ಸಂಚಾರ : ಟಿಕೆಟ್ ಗ್ ಜಾಸ್ತಿ

Jul 1, 2021

ಕುಡ್ಲ, ಜುಲೈ 01: : ಲಾಕ್‌ಡೌನ್‌ರ್ದ್ ರಡ್ಡ್ ತಿಂಗೊಲುರ್ದು ಉಂತುದು ಇತ್ತಿನ ಖಾಸಗಿ ಸಿಟಿ ಬೊಕ್ಕ ಸರ್ವಿಸ್ ಬಸ್ ಸಂಚಾರ ಪೇಂಟೆಡ್ ಜುಲೈ 1ರ್ದ್ ಸುರು ಆಯೆರೆ ಉಂಡು . ಈ ನಡುಟು ಜು.1ರ್ದ್ ಅನ್ವಯಲ್ ಆಪಿಲಕ ಖಾಸಗಿ ಸಿಟಿ, ಸರ್ವಿಸ್ ಬಸ್ ಪ್ರಯಾಣ ದರಲಾ ಜಾಸ್ತಿ ಆತುಂಡು.

‘ಸದ್ಯ ಜಾರಿಡುಪ್ಪುನ ಬಸ್ ಪ್ರಯಾಣ ದರ ಡೀಸೆಲ್‌ಗ್ ₹56 ಇಪ್ಪುನಗ ಜಾಸ್ತಿ ಮಲ್ತಿನವು . ಐರ್ದ್ ಬೊಕ್ಕ ಜಾಸ್ತಿ ಮಲ್ಡ್ಜೆರ್ . ಇತ್ತೇ ಡೀಸೆಲ್‌ ಗ್ ₹93 ದಾಟ್ ದುಂಡು . ಸದ್ಯ ಇತ್ತೇ ಶೇ 20ದಾತ್ ಮಾತ್ರ ಜಾಸ್ತಿ ಮಲ್ದ ಪಂದ್ ಪಂಡೆರ್.

ಕಿಮ್ಸ್ ದ ಪ್ರಸೂತಿ ವಿಭಾಗಗ್ ರಾಷ್ಟ್ರ ಮಟ್ಟಡ್ ಮಾನಾದಿಗೆ

Jul 1, 2021

ಹುಬ್ಬಳ್ಳಿ, : ಕೊರೊನಾ ಸೋಂಕಿತ ಬಂಜಿನ ಪೊಂಜೊವುಲೆಗ್ ಯಶಸ್ವಿ ಹೆರಿಗೆ ಬೊಕ್ಕ ಶಸ್ತ್ರಚಿಕಿತ್ಸೆ ಮಲ್ತ್ ಅಪ್ಪೆ ಬಾಲೆನ್ ರಕ್ಷಣೆ ಮಲ್ತಿನೆಕ್ಕ್ ಕಿಮ್ಸ್‌ನ ಪ್ರಸೂತಿ ಗೃಹ ಬೊಕ್ಕ ಶಸ್ತ್ರಚಿಕಿತ್ಸೆ ವಿಭಾಗಗ್ ಕೇಂದ್ರ ಸರಕಾರ ಲಕ್ಷಾ ಪ್ರಮಾಣೀಕರಣಡ್ ಕ್ರಮವಾದ್ ಶೇ. 92.5 ಬೊಕ್ಕ ಶೇ. 90 ಅಂಕ ಕೊರ್ತೆರ್ , ರಾಷ್ಟ್ರಮಟ್ಟಡ್ ರಡ್ಡನೇ ಅತ್ಯುತ್ತಮ ಪ್ರಸೂತಿ ಬೊಕ್ಕ ಶಸ್ತ್ರಚಿಕಿತ್ಸೆ ಆಸ್ಪತ್ರೆ ಪನ್ಪಿನ ಪುಗಾರ್ತೆ ಪಡೆತುಂಡು.

ಕಿಮ್ಸ್‌ ಆಸ್ಪತ್ರೆದ ಪ್ರಸೂತಿ ಗೃಹ ಬೊಕ್ಕ ಶಸ್ತ್ರಚಿಕಿತ್ಸೆ ವಿಭಾಗದ ಕೂಟ ಕೋವಿಡ್‌ -19 ಒಂಜನೆ ಅಲೆಟ್ 130 ಬೊಕ್ಕ ರಡ್ಡನೇ ಅಲೆಟ್ಟ್ 235 ಸೇರ್ದ್ ಒಟ್ಟು 365 ಬಂಜಿನ ಪೊನ್ಜೊವುಲೆಗ್ ಯಶಸ್ವಿಯಾದ್ ಪೆದ್ದಾದೆರ್. ನೆತ್ತ ಕಾರ್ಯಗ್ ಕೇಂದ್ರ ಸರಕಾರ ಲಕ್ಷಾ ಪ್ರಮಾಣೀಕರಣಡ್ ಅತೀ ಜಾಸ್ತಿ ಅಂಕ ಕೊರ್ತುಂಡು.

ಕುಡ್ಲಡ್ ಲಾಕ್ಡೌನ್ ಸಡಿಲಿಕೆ ಬಗ್ಗೆ ಎಲ್ಲೆ ಅಧಿಕೃತ ಆದೇಶ : ಸಚಿವ ಕೋಟ

Jun 30, 2021

ಬೊಲ್ತೆರ್ , ಜೂ.30: ಕುಡ್ಲಡ್ ಕೊರೋನ ಪ್ರಕರಣ ಕಮ್ಮಿ ಆಪಿನ ನೆಲೆಟ್ಟ್ ಲಾಕ್ಡೌನ್ ಸಡಿಲಿಕೆ ಮಲ್ಪೊಡು ಪಂದ್ ಮುಖ್ಯಮಂತ್ರಿಡ ಬಿನ್ನಾಪು ಮಲ್ದೆರ್. ಗುರುವಾರ(ಜು.1) ಈ ಬಗ್ಗೆ ಸರಕಾರದ ಅಧಿಕೃತ ಆದೇಶ ಬರ್ಪಿನ ನಿರೀಕ್ಷೆ ಉಂಡು ಪಂದ್ ಜಿಲ್ಲಾ ಉಸ್ತುವಾರಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಪಂಡೆರ್ .

ಕೊಕ್ಕಡಡ್ ಮಾಧ್ಯಮದಕ್ಲೆನೊಟ್ಟುಗು ಪಾತೆರಿನ ಸಚಿವೆರ್ , ಜಿಲ್ಲೆಡ್ ಇತ್ತೇ ಕೊರೋನ ಪಾಸಿಟಿ ವಿಟಿ ರೇಟ್ ಐನೆರ್ದ್ ತಿರ್ತ್ ಬೈದುಂಡು ಈ ನೆಲೆಟ್ಟ್ ಕುಡ್ಲಡ್ ಕಾಂಡೆ ಏಳ್ ಗಂಟೆರ್ದ್ ಬೈಯ್ಯ 5 ಗ‌ಂಟೆ ಮುಟ ಅಂಗಡಿಲೆಡ್ ಬೇರ ಮಲ್ಪರೆ ಅಂಚನೇ ಬಸ್ ಸಂಚಾರ ಮಲ್ಪರೆ ಅವಕಾಶ ಕೊರ್ದು ಲಾಕ್ಡೌನ್ ಸಡಿಲಿಕೆ ಮಲ್ಪುವೆರ್ . ಈ ಬಗ್ಗೆ ಇತ್ತೇ ನಿರ್ಧಾರ ದೆತೊನ್ದೆರ್ ಇನಿ ಬೈಯ್ಯ ಅತ್ತುಂಡ ಗುರುವಾರ ಅಧಿಕೃತ ಆದೇಶ ಕೊರ್ಪಿನ ಸಾಧ್ಯತೆ ಉಂಡು.

M	T	W	T	F	S	S
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

ಉಳ್ಳಾಲ

ಕುಡ್ಲಡ್ ಇನಿರ್ದ್ ರಾತ್ರಿ 9 ಗಂಟೆ ಮುಟ ಬಸ್ ಸಂಚಾರ : ದಿಲ್ ರಾಜ್ ಆಳ್ವ

ಜೋಕ್ಲೆಗಾದ್ 13 ಕ್ವಾರಂಟೈನ್ ಕೇಂದ್ರ

ಬಡರೋಗಿಲೆನ ಚಿಕಿತ್ಸೆಗ್ “ಪಾಕೆಟ್ ಮನಿ “ಕೊಡುಗೆ

ಜುಲೈ 6 ಕ್ಕ್ ಕುಡ್ಲಗ್ ಡಿಕೆ. ಶಿವಕುಮಾರ್ ಭೇಟಿ

ಕುಡ್ಲಡ್ ನಾಲ್ ಬ್ಲಾಕ್ ಫಂಗಸ್ ಪತ್ತೆ

ಕುಡ್ಲಡ್ ಇನಿ ಬೈಯ್ಯರ್ದ್ ವೀಕೆಂಡ್ ಕರ್ಪ್ಯೂ ಜಾರಿ

ಜೋಕ್ಲೆನ ಆರೋಗ್ಯಗ್ ವಿಶೇಷ ಕಾಳಜಿ

ಇನಿರ್ದ್ ಬಸ್ ಸಂಚಾರ : ಟಿಕೆಟ್ ಗ್ ಜಾಸ್ತಿ

ಕಿಮ್ಸ್ ದ ಪ್ರಸೂತಿ ವಿಭಾಗಗ್ ರಾಷ್ಟ್ರ ಮಟ್ಟಡ್ ಮಾನಾದಿಗೆ

ಕುಡ್ಲಡ್ ಲಾಕ್ಡೌನ್ ಸಡಿಲಿಕೆ ಬಗ್ಗೆ ಎಲ್ಲೆ ಅಧಿಕೃತ ಆದೇಶ : ಸಚಿವ ಕೋಟ

You Missed

ಆ.02: ಹಳೆಯಂಗಡಿ ಬಿಲ್ಲವ ಸಂಘ, ಯುವವಾಹಿನಿ ಒಟ್ಟುಸೇರಿಗೆಡ್ “ಆಟಿದ ಗೇನ’ ಲೇಸ್

ಕೆಳೆಂಜಿರ್ದ್ ದಿಂಜಿದ್ ಪೊತ್ಂಡ್ ನೀರುಡೆ: ಕೋರಿ ಫಾರಂದ ಮಿತ್ತ್ ಬೆಚ್ಚ ಆಯಿನ ಗ್ರಾಮಸ್ಥೆರ್

ವಿಟ್ಲ ಸ್ವಸ್ತಿಕ್ ಫ್ರೆಂಡ್ಸ್ ಮೊಕ್ಲೆರ್ದ್ ಆಟಿಡೊಂಜಿ ಕೂಟ ಲೇಸ್

ಡಿ ಗ್ರೂಪು ಕೆಲಸಡ್ ಇಪ್ಪುನ ಪೊಂಜೋವುನ ಮಿತ್ತ್ ಲೈಂಗಿಕ ಕಿರುಕುಳ: ಎಪಿಎಂಸಿ ಜಂಟಿ ನಿರ್ದೇಶಕೆರ್ ಸಿ.ಎಚ್ ಮೋಹನ್ ಮಿತ್ತ್ ಕೇಸ್